കൊച്ചേട്ടന്‍റെ കത്ത്: ല​ഹ​രി - ഒ​റ്റു​കാ​രു​ടെ വി​റ്റു​വ​ര​വ്

സ്നേ​ഹ​മു​ള്ള ഡി​സി​എ​ൽ കു​ടും​ബാം​ഗങ്ങ​ളേ,

മ​റ്റൊ​രു​വ​നെ ഒ​റ്റി​ക്കൊ​ടു​ത്ത് അ​വ​ന്‍റെ ആ​യു​സി​ന്‍റെ വി​റ്റു​വ​ര​വു​കൊ​ണ്ട് അ​ർ​മ്മാ​ദ ന​ർ​ത്ത​നം ന​ട​ത്തു​ന്ന പി​ശാ​ചി​ന്‍റെ കൂ​ട്ടു​ക​ച്ച​വ​ട​ക്കാ​രാ​ണ് ല​ഹ​രി ഉ​ത്പ​ന്ന​ങ്ങ​ളു​ടെ വ്യാ​പാ​രി​ക​ൾ!

സ്വ​ന്തം കീ​ശ​വീ​ർ​പ്പി​ക്കാ​നാ​യി അ​യ​ൽ​ക്കാ​ര​ന്‍റെ ആ​ശ​ക​ൾ​ക്ക് വി​ല പ​റ​യു​ന്ന മ​നു​ഷ്യ​ത്വ​മി​ല്ലാ​യ്മ​യു​ടെ മ​ദ​നോ​ത്സ​വ​ങ്ങ​ൾ​ക്ക് അ​റു​തിവ​രു​ത്താ​ൻ മ​ന​സാ​ക്ഷി ന​ഷ്ട​പ്പെ​ടാ​ത്ത​വ​രു​ടെ ധീ​ര​പോ​രാ​ട്ട​മാ​ണ്, ല​ഹ​രി​വി​രു​ദ്ധ ദി​നാ​ച​ര​ണം.

കൂ​ട്ടു​കാ​രേ, ന​ന്മ​യു​ടെ ഭ​ര​ണം മ​നു​ഷ്യ സ​മൂ​ഹ​ത്തെ ന​യി​ക്കു​ന്പോ​ൾ, അ​ത് തി​ന്മ​ക​ൾ​ക്കെ​തി​രേ, നി​ര​ന്ത​രം പോ​രാ​ടി​ക്കൊ​ണ്ടു​ത​ന്നെ​യാ​ണ്. ലോ​കം ന​ന്മ​നി​റ​ഞ്ഞ​താ​ക്കാ​ൻ പ്ര​ചോ​ദി​ത​രാ​യി തി​ന്മ​ക​ൾ​ക്കെ​തി​രേ പോ​രാ​ടു​ന്ന​വ​രാ​രും എ​ന്നും വി​ജ​യി​ക്കാ​റു​മി​ല്ല!

ലോ​ക​ത്തി​ൽ​നി​ന്ന് ന​ന്മ​മൂ​ല്യ​ങ്ങ​ളേ​യും മ​നു​ഷ്യ​ന്‍റെ ന​ല്ല ശീ​ല​ങ്ങ​ളേ​യും ഇ​ല്ലാ​താ​ക്കാ​ൻ, തി​ന്മ​യു​ടെ വ്യാ​പാ​രി​ക​ൾ ചെ​യ്യു​ന്ന വി​ജ​യ​ത​ന്ത്ര​മു​ണ്ട്. എ​ല്ലാ തി​ന്മ​ക​ളേ​യും ന​ന്മ​ക​ളേ​ക്കാ​ൾ ആ​ക​ർ​ഷ​ക​മാ​യി അ​ല​ങ്ക​രി​ച്ച് അ​വ​ത​രി​പ്പി​ക്കുക.

അ​ങ്ങ​നെ​യാ​ണ് മ​ദ്യ​പാ​ന​വും പു​ക​വ​ലി​യും സൗ​ഹൃ​ദ​ത്തി​ന്‍റെ സ്റ്റാ​റ്റ​സ് സിം​ബ​ലാ​യി അ​വ​ത​രി​പ്പി​ക്ക​പ്പെ​ടു​ന്ന​ത്. രാ​ഷ്ട്രീ​യ​ത്തി​ലും ക​ച്ച​വ​ട​ത്തി​ലും ക​ലാ-​സാ​ഹി​ത്യ-​സാം​സ്കാ​രി​ക മ​ത മേ​ഖ​ല​ക​ളി​ലും ഇ​ന്ന് മ​ദ്യം അ​ല​ങ്കാ​ര​വ​സ്തു​വാ​യി അ​വ​ത​രി​പ്പി​ക്കാ​റു​ണ്ട്.

മ​ല​യാ​ളി​യെ മ​ദ്യം കു​ടി​പ്പി​ക്കേ​ണ്ട​തെ​ങ്ങ​നെ, എ​ന്ന് ഗ​വേ​ഷ​ണം ന​ട​ത്തി, ക​ണ്ണെ​ത്തും ദൂ​ര​ങ്ങ​ളി​ൽ മ​ദ്യ​ശാ​ല​ക​ൾ അ​നു​വ​ദി​ച്ച്, ബി​വ​റേ​ജ​സി​ലും അ​ബ്കാ​രി​ക​ളു​ടെ സം​ഭാ​വ​ന​ക​ളി​ലും അ​ഭ​യം​തേ​ടി തെ​റ്റി​നെ ശ​രി​യെ​ന്നു വി​ളി​ക്കു​ന്ന ഒ​രു ഭ​ര​ണ​കൂ​ട​മാ​ണ് കേ​ര​ളം ഭ​രി​ക്കു​ന്ന​ത്. ഒ​രു വ​ശ​ത്ത്, മ​ദ്യ​വി​ല്പ​ന, മ​റു​വ​ശ​ത്ത് ല​ഹ​രി​വി​രു​ദ്ധ പ്ര​തി​ജ്ഞ എ​ന്ന ‘നാ​ണ​മി​ല്ലാ​ നാ​ട​കം’ ന​ട​ത്തി നാ​ടു ഭ​രി​ക്കു​ന്ന​വ​രു​ടെ ഹി​ഡ​ൻ അ​ജ​ണ്ട​ക​ളി​ൽ ത​ക​ർ​ന്നു​വീ​ഴു​ന്ന​ത് സാ​ധാ​ര​ണ​ക്കാ​രാ​യ ജ​ന​ല​ക്ഷ​ങ്ങ​ളു​ടെ കു​ടും​ബ​ജീ​വി​ത സ്വാ​സ്ഥ്യ​മാ​ണ് എ​ന്ന് ല​ഹ​രി​വി​രു​ദ്ധ​ദി​നം വി​ളി​ച്ചു​പ​റ​യു​ന്നു​ണ്ട്.

ഇ​ന്ന് ജൂ​ൺ 26-ന് ​ലോ​കം മു​ഴു​വ​ൻ ല​ഹ​രി​വി​രു​ദ്ധ​ദി​നം ആ​ച​രി​ക്കു​ന്നു. എ​ന്തു​കൊ​ണ്ട്?

1839-ലെ ​ജൂ​ൺ 25-ന്‍റെ മ​ധ്യാ​ഹ്ന​ത്തി​ൽ ചൈ​ന​യി​ലെ ഹൂ​മ​ൻ തെ​രു​വി​ന്‍റെ ആ​ര​വ​ങ്ങ​ളെ കീ​റി​മു​റി​ച്ച ഒ​രു ഒ​റ്റ​യാ​ൾ പോ​രാ​ളി​യു​ടെ പോ​ർ​വി​ളി ശ​ബ്ദ​മു​ണ്ട്. ക​റു​പ്പും ക​ഞ്ചാ​വും കൂ​ട്ടി​യി​ട്ടു ക​ത്തി​ച്ചു​കൊ​ണ്ട്, ല​ഹ​രി​ക്ക​ച്ച​വ​ട​ത്തി​ന്‍റെ രാ​ജ്യാ​ന്ത​ര മാ​ഫി​യ​യ്ക്കെ​തി​രേ അ​ല​റി​വി​ളി​ച്ച "ലി​ൻ​സെ​ക്യു' എ​ന്ന മ​നു​ഷ്യ​സ്നേ​ഹി​യു​ടെ ധീ​ര​പോ​രാ​ട്ട​ത്തി​ന്‍റെ ഓ​ർ​മ്മ​യി​ലാ​ണ് 1987 ജൂ​ൺ 26-ന് ​ഐ​ക്യ​രാ​ഷ്ട്ര​സ​ഭ ലോ​കം മു​ഴു​വ​നും ല​ഹ​രി​വി​രു​ദ്ധ ദി​നം പ്ര​ഖ്യാ​പി​ക്കു​ന്ന​ത്.

ലി​ൻ​സെ​ക്യു​വി​ന്‍റെ നേ​തൃ​ത്വ​ത്തി​ൽ 1839-1842 കാ​ല​ത്ത് ന​ട​ന്ന ഒ​രു "പ്ര​ഥ​മ ഓ​പി​യം വാ​ർ' (First Opium War) വീ​ണ്ടും ന​യി​ക്കാ​ൻ ഇ​ന്നു ന​മ്മു​ടെ​ക്ലാ​സ് മു​റി​ക​ളി​ൽ മു​ഴ​ങ്ങ​ട്ടെ പു​തി​യ ലി​ൻ​സെ​ക്യു​മാ​രു​ടെ ധീ​ര​സ്വ​ര​ഭേ​രി​ക​ൾ!

""മ​യ​ക്കു​മ​രു​ന്നി​ൽ മ​രു​ന്നി​ല്ല, മ​ര​ണ​മാ​ണ്'' എ​ന്ന ഡി​സി​എ​ൽ ല​ഹ​രി​വി​രു​ദ്ധ ശീ​ർ​ഷ​കം സു​ബോ​ധ​ത്തി​ൽ ജ്ഞാ​ന​വി​ള​ക്കാ​യി തെ​ളി​ച്ച് കൂ​ട്ടു​കാ​ർ ല​ഹ​രി​ക്കെ​തി​രേ സം​ഘ​ടി​ക്ക​ണം. വീ​ടു​മു​ത​ൽ സ്കൂ​ളു​വ​രെ​യു​ള്ള അ​ക്ഷ​ര​പാ​ത​യു​ടെ അ​തി​രു​ക​ളി​ൽ ആ​ർ​ത്തി​യു​ടെ ക​ച്ച​വ​ട​ക്കാ​ർ പ​തി​യി​രു​ന്നെ​റി​യു​ന്ന കെ​ണി​ക​ളി​ൽ കു​രു​ങ്ങി​വീ​ഴ​രു​ത് ഒ​രു ബാ​ല​ജീ​വി​ത​വും എ​ന്ന് പ്ര​തി​ജ്ഞ ചെ​യ്ത്, ന​മ്മു​ടെ ഉ​ള്ളും ന​മ്മു​ടെ ക്ലാ​സും സ്കൂ​ളും നാ​ടും ന​ഗ​ര​വും ല​ഹ​രി​വി​മു​ക്ത​മാ​കും​വ​രെ തു​ട​രാം, ന​മു​ക്കൊ​ന്നാ​യി, ന​ന്മ​യു​ടെ തേ​രി​ൽ, തി​ന്മ​യ്ക്കെ​തി​രേ​യു​ള്ള നി​ര​ന്ത​ര​പോ​രാ​ട്ടം.
വി​ജ​യാ​ശം​സ​ക​ളോ​ടെ,
സ്വ​ന്തം കൊ​ച്ചേ​ട്ട​ൻ


ഡി​സി​എ​ൽ സം​സ്ഥാ​ന പ്ര​വ​ർ​ത്ത​നോ​ദ്ഘാ​ട​നം ഇ​ര​ട്ട​യാ​ർ സെ​ന്‍റ് തോ​മ​സ് സ്കൂളിൽ 30-ന്

ക​ട്ട​പ്പ​ന: ദീ​പി​ക ബാ​ല​സ​ഖ്യ​ത്തി​ന്‍റെ​യും ഡി​സി​എ​ൽ ആ​ന്‍റി ഡ്ര​ഗ് ബ്രി​ഗേ​ഡി​ന്‍റെ​യും സം​സ്ഥാ​ന​ത​ല പ്ര​വ​ർ​ത്ത​നോ​ദ്ഘാ​ട​നം ജൂ​ൺ 30-ന് ​ഇ​ര​ട്ട​യാ​ർ സെ​ന്‍റ് തോ​മ​സ് ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ന​ട​ക്കും. ഉ​ച്ച​ക​ഴി​ഞ്ഞ് ര​ണ്ടി​ന് ദീ​പി​ക മാ​നേ​ജിം​ഗ് ഡ​യ​റ​ക്ട​ർ ഫാ. ​മൈ​ക്കി​ൾ വെ​ട്ടി​ക്കാ​ട്ടി​ന്‍റെ അ​ധ്യ​ക്ഷ​ത​യി​ൽ ചേ​രു​ന്ന സ​മ്മേ​ള​ന​ത്തി​ൽ കേ​ര​ള ജ​ല​വി​ഭ​വ വ​കു​പ്പു​മ​ന്ത്രി റോ​ഷി അ​ഗ​സ്റ്റി​ൻ ഈ ​വ​ർ​ഷ​ത്തെ പ്ര​വ​ർ​ത്ത​ന​ങ്ങ​ളു​ടെ ഉ​ദ്ഘാ​ട​നം നി​ർ​വ​ഹി​ക്കും. കൊ​ച്ചേ​ട്ട​ൻ ഫാ. ​റോ​യി ക​ണ്ണ​ൻ​ചി​റ സി​എം​ഐ ആ​മു​ഖ പ്ര​ഭാ​ഷ​ണം ന​ട​ത്തും.


ഇ​ടു​ക്കി രൂ​പ​താ മു​ഖ്യ​വി​കാ​രി ജ​ന​റാ​ൾ മോ​ൺ. ജോ​സ് ക​രി​വേ​ലി​ക്ക​ൽ, രൂ​പ​ത വി​ദ്യാ​ഭ്യാ​സ സെ​ക്ര​ട്ട​റി റ​വ.​ഡോ. ജോ​ർ​ജ് ത​കി​ടി​യേ​ൽ, സ്കൂ​ൾ ലോ​ക്ക​ൽ മാ​നേ​ജ​ർ ഫാ. ​സ​ഖ​റി​യാസ് കു​മ്മ​ണ്ണൂ​പ​റ​ന്പി​ൽ, ഡി​സി​എ​ൽ നാ​ഷ​ണ​ൽ കോ-​ഓ​ർ​ഡി​നേ​റ്റ​ർ വ​ർ​ഗീ​സ് കൊ​ച്ചു​കു​ന്നേ​ൽ, പ്ര​വി​ശ്യാ കോ-​ഓ​ർ​ഡി​നേ​റ്റ​ർ എം.​വി. ജോ​ർ​ജു​കു​ട്ടി, തു​ട​ങ്ങി​യ​വ​ർ പ്ര​സം​ഗി​ക്കും.

ഡി​സി​എ​ൽ കാ​ഞ്ഞി​ര​പ്പ​ള്ളി മേ​ഖ​ലാ പ്ര​വ​ർ​ത്ത​ന​ങ്ങ​ൾ​ക്ക് ഉ​ജ്വ​ല തു​ട​ക്കം


കാ​ഞ്ഞി​ര​പ്പ​ള്ളി: ദീ​പി​ക ബാ​ല​സ​ഖ്യം കാ​ഞ്ഞി​ര​പ്പ​ള്ളി മേ​ഖ​ലാ പ്ര​വ​ർ​ത്ത​ന​ങ്ങ​ളു​ടെ ഉ​ദ്ഘാ​ട​നം കാ​ഞ്ഞി​ര​പ്പ​ള്ളി രൂ​പ​താ ബി​ഷ​പ് മാ​ർ ജോ​സ് പു​ളി​ക്ക​ൽ നി​ർ​വ​ഹി​ച്ചു. കു​ട്ടി​ക​ൾ​ക്കും സ​മൂ​ഹ​ത്തി​നും ദി​ശാ​ബോ​ധ​വും മാ​ർ​ഗ​നി​ർ​ദേ​ശ​വും ന​ൽ​കു​ന്ന​തി​ന് ദീ​പി​ക​യും ദീ​പി​ക ബാ​ല​സ​ഖ്യ​വും വ​ഹി​ക്കു​ന്ന പ​ങ്ക് പ്ര​ശം​സ​നീ​യ​മാ​ണെ​ന്ന് അ​ഭി​വ​ന്ദ്യ​പി​താ​വ് ത​ന്‍റെ സ​ന്ദേ​ശ​ത്തി​ൽ പ​റ​ഞ്ഞു.

വ​രും​ത​ല​മു​റ​യു​ടെ ഭാ​വി ത​ക​ർ​ക്കു​ന്ന​തി​നാ​യി കാ​ത്തി​രി​ക്കു​ന്ന മ​യ​ക്കു​മ​രു​ന്നു മാ​ഫി​യ​യു​ടെ കെ​ണി​ക​ളി​ൽ ന​മ്മു​ടെ കു​ട്ടി​ക​ൾ വീ​ഴാ​തി​രി​ക്കു​ന്ന​തി​ന് മാ​താ​പി​താ​ക്ക​ളും അ​ധ്യാ​പ​ക​രും പൊ​തു​സ​മൂ​ഹ​വും കാ​വ​ലാ​ളാ​യി നി​ല​കൊ​ള്ള​ണ​മെ​ന്ന് അ​ദ്ദേ​ഹം ഓ​ർ​മ്മി​പ്പി​ച്ചു.

ദീ​പി​ക ഫ്ര​ണ്ട്സ് ക്ല​ബ് രൂ​പ​ത ഡ​യ​റ​ക്ട​ർ ഫാ. ​ജ​സ്റ്റി​ൻ മ​തി​യ​ത്ത് അ​ധ്യ​ക്ഷ​ത വ​ഹി​ച്ച സ​മ്മേ​ള​ന​ത്തി​ൽ രാ​ഷ്ട്ര​ദീ​പി​ക ലി​മി​റ്റ​ഡ് ഡ​യ​റ​ക്ട​ർ ബോ​ർ​ഡം​ഗം ഷെ​വ. അ​ഡ്വ. വി.​സി. സെ​ബാ​സ്റ്റ്യ​ൻ മു​ഖ്യ​പ്ര​ഭാ​ഷ​ണ​വും ഡി​സി​എ​ൽ നാ​ഷ​ണ​ൽ കോ-​ഓ​ർ​ഡി​നേ​റ്റ​ർ വ​ർ​ഗീ​സ് കൊ​ച്ചു​കു​ന്നേ​ൽ ആ​മു​ഖ​പ്ര​ഭാ​ഷ​ണ​വും ന​ട​ത്തി. പ്രി​ൻ​സി​പ്പ​ൽ ഫി​ൽ​സി സി​എം​സി, സ്വാ​ഗ​ത​വും ഗ്രീ​ഷ്മ മോ​ൾ വ​ർ​ഗീ​സ് ന​ന്ദി​യും​പ​റ​ഞ്ഞു. ബി​ജു തോ​മ​സ്, സി​ജു ജോ​ർ​ജ്, ഡി​സി​എ​ൽ ശാ​ഖാ ഡ​യ​റ​ക്ട​ർ​മാ​രാ​യ ജി​ഷാ ജോ​സ്, റാ​ണി കെ. ​ഡൊ​മി​നി​ക്, അ​ഞ്ജു മ​രി​യ ജോ​സ് തു​ട​ങ്ങി​യ​വ​ർ നേ​തൃ​ത്വം ന​ൽ​കി.

ദീപിക - ദീപിക ബാലസഖ്യം കിക്ക് ഔട്ട്

“മയക്കുമരുന്നിൽ മരുന്നില്ല; മരണമാണ്’’

ലഹരിവിരുദ്ധ പ്രതിജ്ഞ

സ​മൂ​ഹ ജീ​വി​ത​ത്തി​ന് / വെ​ല്ലു​വി​ളി​യു​യ​ർ​ത്തി / ത​ല​മു​റ​ക​ളെ/ സ​ർ​വ​നാ​ശ​ത്തി​ലേ​ക്ക് / ത​ള്ളി​വി​ടു​ന്ന / മ​ദ്യം, മ​യ​ക്കു​മ​രു​ന്ന് / ഉ​ൾ​പ്പെ​ടെ​യു​ള്ള / ല​ഹ​രി​ക്കെ​തി​രേ ഞാ​ൻ പോ​രാ​ടും./ ല​ഹ​രി​വി​മു​ക്ത​വി​ദ്യാ​ല​യ​ങ്ങ​ൾ / ല​ക്ഷ്യ​മു​റ​ച്ച വി​ദ്യാ​ർ​ഥി​ക​ൾ / സസു​ഭ​ദ്ര ഭാ​ര​തം / എ​ന്നീ ല​ക്ഷ്യ​ങ്ങ​ൾ​ക്കാ​യു​ള്ള / ദീ​പി​ക ബാ​ല​സ​ഖ്യ​ത്തി​ന്‍റെ / പോ​രാ​ട്ട​ങ്ങ​ളി​ൽ / ഞാ​ൻ പ​ങ്കു​ചേ​രു​ന്നു. / “മ​യ​ക്കു​മ​രു​ന്നി​ൽ മ​രു​ന്നി​ല്ല; / മ​ര​ണ​മാ​ണ്’’ / എ​ന്ന സ​ത്യം / ഞാ​ൻ തി​രി​ച്ച​റി​യു​ന്നു. കു​ടും​ബ​ ബന്ധങ്ങ​ളെ ത​ക​ർ​ക്കു​ന്ന / എ​ന്‍റെ ഭാ​വി​യും / പ്ര​തീ​ക്ഷ​ക​ളും ക​വ​ർ​ന്നെ​ടു​ക്കു​ന്ന / ല​ഹ​രി ഉ​ത്പ​ന്ന​ങ്ങ​ൾ / ഞാൻ ഒ​രി​ക്ക​ലും ഉ​പ​യോ​ഗി​ക്കി​ല്ല. ല​ഹ​രി​ക്കെ​തി​രേ​യുള്ള / എല്ലാ പ്ര​വ​ർ​ത്ത​ന​ങ്ങ​ളി​ലും / സ​ജീ​വ​മാ​യി അ​ണി​ചേ​രു​മെ​ന്നു / ഞാ​ൻ പ്ര​തി​ജ്ഞ ചെ​യ്യു​ന്നു.

ജ​യ് ജ​യ് ഡി​സി​എ​ൽ

ജ​യ് ജ​യ് “നാം ​ഒ​രു കു​ടും​ബം”

ഭാ​ര​തം ജ​യി​ക്ക​ട്ടെ


ച​ങ്ങ​നാ​ശേ​രി മേ​ഖ​ല പ്ര​വ​ർ​ത്ത​നോ​ദ്ഘാ​ട​ന​വും ല​ഹ​രി​വി​രു​ദ്ധ ദി​നാ​ച​ര​ണ​വും ഇന്ന്

ച​ങ്ങ​നാ​ശേ​രി : ദീ​പി​ക ബാ​ല​സ​ഖ്യം ച​ങ്ങ​നാ​ശേ​രി മേ​ഖ​ല​യും റേ​ഡി​യോ മീ​ഡി​യാ വി​ല്ലേ​ജും സം​യു​ക്ത​മാ​യി സം​ഘ​ടി​പ്പി​ക്കു​ന്ന ല​ഹ​രി വി​രു​ദ്ധ ദി​നാ​ച​ര​ണ​വും ആ​ന്‍റി ഡ്ര​ഗ്സ് ബ്രി​ഗേ​ഡ് പ്ര​വ​ർ​ത്ത​ന വ​ർ​ഷ ഉ​ദ്ഘാ​ട​ന​വും ഇ​ന്നു രാ​വി​ലെ 11.30 ന് ​ച​ങ്ങ​നാ​ശേ​രി കു​രി​ശു​മൂ​ട് മീ​ഡി​യാ വി​ല്ലേ​ജി​ൽ ന​ട​ക്കും. കോ​ട്ട​യം ജി​ല്ലാ പോ​ലീ​സ് മേ​ധാ​വി ഷാ​ഹു​ൽ ഹ​മീ​ദ് ഐ​പി​എ​സ് പ്ര​വ​ർ​ത്ത​ന​ങ്ങ​ളു​ടെ ഉ​ദ്ഘാ​ട​നം നി​ർ​വ​ഹി​ക്കും.

ച​ങ്ങ​നാ​ശേ​രി അ​തി​രൂ​പ​ത വി​കാ​രി ജ​ന​റാ​ൾ മോ​ൺ. ആ​ന്‍റ​ണി എ​ത്ത​ക്കാ​ട് അ​ദ്ധ്യ​ക്ഷ​ത വ​ഹി​ക്കു​ന്ന സ​മ്മേ​ള​ന​ത്തി​ൽ ഡി​സി​എ​ൽ നാ​ഷ​ണ​ൽ കോ- ​ഓ​ർ​ഡി​നേ​റ്റ​ർ വ​ർ​ഗീ​സ് കൊ​ച്ചു കു​ന്നേ​ൽ ല​ഹ​രി വി​രു​ദ്ധ പ്ര​തി​ജ്ഞ ചൊ​ല്ലി​ക്കൊ​ടു​ക്കും .

മീ​ഡി​യാ വി​ല്ലേ​ജ് എ​ക്സി​ക്യു​ട്ടീ​വ് ഡ​യ​റ​ക്ട​ർ ഫാ. ​ജോ​ഫി പു​തു​പ്പ​റ​മ്പ്, ഡി ​സി എ​ൽ കേ​ന്ദ്ര​സ​മി​തി​യം​ഗം ആ​ൻ​സി മേ​രി ജോ​ൺ, ഡി.​സി.​എ​ൽ ച​ങ്ങ​നാ​ശേ​രി മേ​ഖ​ല ഓ​ർ​ഗൈ​ന​സ​ർ ജോ​ഷി കൊ​ല്ലാ​പു​രം, റേ​ഡി​യോ മീ​ഡി​യാ വി​ല്ലേ​ജ് പ്രോ​ഗ്രാം കോ- ​ഓ​ർ​ഡി​നേ​റ്റ​ർ കെ. ​വി​പി​ൻ രാ​ജ് എ​ന്നി​വ​ർ പ്ര​സം​ഗി​ക്കും.