ബംഗ്ലാദേശിൽ ഹിന്ദുക്കളുടെ വീടുകൾ തകർത്തു
Wednesday, July 30, 2025 2:29 AM IST
ധാക്ക: വടക്കുപടിഞ്ഞാറൻ ബംഗ്ലാദേശിൽ ഹിന്ദു ന്യൂനപക്ഷ വിഭാഗക്കാരുടെ 12 വീടുകൾ അക്രമികൾ തകർത്തു. കഴിഞ്ഞ ശനിയാഴ്ച രംഗപുരിലെ ഗംഗാചരയിലായിരുന്നു സംഭവം.
അക്രമികൾ തകർത്ത വീടുകളുടെ അറ്റകുറ്റപ്പണി നടത്താൻ ബംഗ്ലാദേശ് സർക്കാരിന്‍റെ മുഖ്യ ഉപദേഷ്ടാവ് മുഹമ്മദ് യൂനസ് ഉത്തരവിട്ടു. ഇന്നലെ വീടുകളുടെ അറ്റകുറ്റപ്പണി ആരംഭിച്ചു.
ഹിന്ദുവായ പതിനേഴുകാരൻ സമൂഹമാധ്യമത്തി ൽപ്രവാചകനെതിരേ അപകീർത്തികരമായ പരാമർശം നടത്തിയെന്നതിന്‍റെ പേരിലായിരുന്നു ജനക്കൂട്ടത്തിന്‍റെ അതിക്രമം.