വാ​ഷിം​ഗ്ട​ൺ ഡി​സി: ​ബാ​ല​പീ​ഡ​ക​ൻ ജ​ഫ്രി എ​പ്സ്റ്റെ​യി​നു​മാ​യി ബ​ന്ധ​പ്പെ​ട്ട കേ​സ് രേ​ഖ​ക​ളി​ൽ യു​എസ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​ന്‍റെ പേ​രു​മു​ണ്ടെ​ന്ന് വാ​ൾ സ്ട്രീ​റ്റ് ജേ​ർ​ണ​ൽ പ​ത്രം റി​പ്പോ​ർ​ട്ട് ചെ​യ്തു.

നി​യ​മ​വ​കു​പ്പ് മേ​ധാ​വി പാം ​ബോ​ണ്ടി ഇ​ക്കാ​ര്യം മേ​യി​ൽ ട്രം​പി​നെ അ​റി​യി​ച്ചി​രു​ന്നു.
അ​തേ​സ​മ​യം, രേ​ഖ​ക​ളി​ൽ പേ​രു​ണ്ടെ​ന്നു​വ​ച്ച് ട്രം​പ് എ​ന്തെ​ങ്കി​ലും കു​റ്റം ചെ​യ്തു​വെ​ന്ന അ​ർ​ഥ​മി​ല്ലെ​ന്നും പ​ത്ര​ത്തി​ന്‍റെ റി​പ്പോ​ർ​ട്ടി​ൽ പ​റ​യു​ന്നു. റി​പ്പോ​ർ​ട്ട് വ്യാ​ജ​മാ​ണെ​ന്ന് വൈ​റ്റ്ഹൗ​സ് പ്ര​തി​ക​രി​ച്ചു.

2019ൽ ​ജ​യി​ലി​ൽ ആ​ത്മ​ഹ​ത്യ ചെ​യ്തു​വെ​ന്നു പ​റ​യു​ന്ന എ​പ്സ്റ്റെ​യി​നു​മാ​യു​ള്ള ബ​ന്ധം 2004ൽ ​അ​വ​സാ​നി​പ്പി​ച്ചു​വെ​ന്നാ​ണ് ട്രം​പ് അ​വ​കാ​ശ​പ്പെ​ടു​ന്ന​ത്.

അ​മേ​രി​ക്ക​യി​ലെ ഒ​ട്ട​ന​വ​ധി ഉ​ന്ന​ത​ർ എ​പ്സ്റ്റെ​യി​ന്‍റെ ഇ​ട​പാ​ടു​കാ​രാ​യി​രു​ന്നു എ​ന്നാ​ണ് അ​ഭ്യൂ​ഹം.

എ​പ്സ്റ്റെ​യി​ൻ കേ​സ് രേ​ഖ​ക​ൾ പ്ര​സി​ദ്ധീ​ക​രി​ക്കു​മെ​ന്ന​ത് ട്രം​പി​ന്‍റെ തെ​ര​ഞ്ഞെ​ടു​പ്പു വാ​ഗ്ദാ​ന​മാ​യി​രു​ന്നു. എ​ന്നാ​ൽ, അ​ധി​കാ​ര​മേ​റ്റ​ശേ​ഷം കേ​സ് കൈ​കാ​ര്യം ചെ​യ്ത രീ​തി​യി​ൽ ട്രം​പി​ന്‍റെ അ​നു​യാ​യി​ക​ളി​ൽ ഒ​രു വി​ഭാ​ഗം അ​തൃ​പ്ത​രാ​ണ്.

എ​പ്സ്റ്റെയിന്‍റെ വി​ചാ​ര​ണാ രേ​ഖ​ക​ൾ പ്ര​സി​ദ്ധീ​ക​രി​ക്കാ​ൻ ട്രം​പ് ഭ​ര​ണ​കൂ​ടം അ​നു​മ​തി തേ​ടി​യെ​ങ്കി​ലും കോ​ട​തി ബു​ധ​നാ​ഴ്ച നി​ഷേ​ധി​ക്കുകയു​ണ്ടാ​യി.

ട്രം​പ് 2003ൽ ​എപ്സ്റ്റെ​യി​ന് അ​ശ്ലീ​ല​ച്ചു​വ​യു​ള്ള ജ​ന്മ​ദി​നസ​ന്ദേ​ശം അ​യ​ച്ചു​വെ​ന്ന് വാ​ൾ സ്ട്രീ​റ്റ് ജേ​ർ​ണ​ൽ ക​ഴി​ഞ്ഞ​യാ​ഴ്ച റി​പ്പോ​ർ​ട്ട് ചെ​യ്തി​രു​ന്നു. ഇ​തി​ന്‍റെ പേ​രി​ൽ പ​ത്ര​ത്തി​നും അ​തി​ന്‍റെ​ ഉട​മ റൂ​പ്പ​ർ​ട്ട് മ​ർ​ഡോ​ക്കി​നും എ​തി​രേ ട്രം​പ് ആ​യി​രം കോ​ടി ഡോ​ള​റി​ന്‍റെ മാ​ന​ന​ഷ്ട​ക്കേ​സ് ഫ​യ​ൽ ചെ​യ്തി​രി​ക്കു​ക​യാ​ണ്. പേരും? നിഷേധിച്ച് വൈറ്റ് ഹൗസ്