മ​ഹാ​രാ​ഷ്ട്ര​യി​ൽ പൊ​തു​കു​ള​ത്തി​ൽ കു​ളി​ച്ച ദ​ളി​ത് കു​ട്ടി​ക​ളെ ത​ല്ലി​ച്ച​ത​ച്ച് ന​ഗ്ന​രാ​യി ന​ട​ത്തി
Thursday, June 14, 2018 9:47 PM IST
ജ​ൽ​ഗാ​വ്: രാ​ജ്യ​ത്ത് ദ​ളി​ത​ർ​ക്കു നേ​രെ​യു​ള്ള അ​ക്ര​മ​ങ്ങ​ൾ തു​ട​രു​ന്നു. മ​ഹാ​രാ​ഷ്ട്ര​യി​ൽ‌ ഗ്രാ​മ​ത്തി​ലെ പൊ​തു​കു​ള​ത്തി​ൽ കു​ളി​ച്ച ദ​ളി​ത് കു​ട്ടി​ക​ളെ ത​ല്ലി​ച്ച​ത​ച്ച് ന​ഗ്ന​രാ​യി പൊ​തു​നി​ര​ത്തി​ലൂ​ടെ ന​ട​ത്തി. ജ​ൽ​ഗാ​വി​ലെ വ​കാ​ഡി​യി​ൽ‌ ക​ഴി​ഞ്ഞ ഞാ​യ​റാ​ഴ്ച​യാ​യി​രു​ന്നു സം​ഭ​വം. കു​ട്ടി​ക​ളെ ന​ഗ്ന​രാ​യി ന​ട​ത്തു​ന്ന​തി​ന്‍റെ ദൃ​ശ്യം സാ​മൂ​ഹി​ക മാ​ധ്യ​മ​ങ്ങ​ളി​ലൂ​ടെ പ്ര​ച​രി​ച്ച​തോ​ടെ​യാ​ണ് സം​ഭ​വം പു​റ​ലോ​കം അ​റി​യു​ന്ന​ത്.

പ​ന്ത്ര​ണ്ടും പ​തി​നാ​ലും വ​യ​സു​ള്ള കു​ട്ടി​ക​ളാ​ണ് കു​ള​ത്തി​ൽ കു​ളി​ക്കാ​നി​റ​ങ്ങി​യ​ത്. സം​ഭ​വം അ​റി​ഞ്ഞ​തോ​ടെ മേ​ൽ​ജാ​തി​ക്കാ​രെ​ന്നു പ​റ​യ​പ്പെ​ടു​ന്ന​വ​ർ സം​ഘ​ടി​ച്ചെ​ത്തി കു​ട്ടി​ക​ളെ കു​ള​ത്തി​ൽ​നി​ന്നും വ​ലി​ച്ചി​റ​ക്കി മ​ർ​ദി​ക്കു​ക​യാ​യി​രു​ന്നു. അ​സ​ഭ്യം പ​റ​യു​ക​യും കു​ട്ടി​ക​ളു​ടെ വ​സ്ത്രം ഉ​രി​ഞ്ഞ ശേ​ഷം പൊ​തു​നി​ര​ത്തി​ലൂ​ടെ ന​ട​ത്തിക്കുകയും ചെയ്തു.

അ​ക്ര​മി​ക​ളും കു​ട്ടി​ക​ളു​ടെ പി​ന്നാ​ലെ ന​ട​ക്കു​ക​യും വ​ലി​യ വ​ടി​കൊ​ണ്ടും തു​ക​ൽ ബെ​ൽ​റ്റ് ഉ​പ​യോ​ഗി​ച്ചും അ​ടി​ക്കു​ക​യും ചെ​യ്തു. മൃ​ഗ​ങ്ങ​ളെ ത​ല്ലു​ന്ന​തു​പോ​ലെ പി​ന്നി​ൽ​നി​ന്നാ​ണ് അ​ടി​ക്കു​ന്ന​ത്. സം​ഭ​വു​മാ​യി ബ​ന്ധ​പ്പെ​ട്ട് ര​ണ്ടു പേ​രെ അ​റ​സ്റ്റ് ചെ​യ്ത​താ​യി സാ​മൂ​ഹ്യ​നീ​തി വ​കു​പ്പ് മ​ന്ത്രി ദി​ലീ​പ് കാം​ബ്ലെ പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Loading...