സർക്കാർ വാക്കുപാലിച്ചില്ല; സമരത്തിനൊരുങ്ങി സനൽകുമാറിന്‍റെ ഭാര്യ
Friday, December 7, 2018 1:55 PM IST
തിരുവനന്തപുരം: നഷ്ടപരിഹാരവും ജോലിയും വാഗ്ദാനം ചെയ്തു സർക്കാർ വഞ്ചിച്ചുവെന്ന് ആരോപിച്ച് നെയ്യാറ്റിൻകരയിൽ ഡിവൈഎസ്പി വാഹനത്തിന് മുന്നിലേക്ക് തള്ളിയിട്ട് കൊലപ്പെടുത്തിയ സനൽകുമാറിന്‍റെ ഭാര്യ വിജി സമരത്തിനൊരുങ്ങുന്നു. സർക്കാർ വാഗ്ദാനങ്ങൾ പാലിക്കണമെന്ന് ആവശ്യപ്പെട്ട് സെക്രട്ടറിയേറ്റിന് മുന്നിലാണ് വിജി സമരം തുടങ്ങുന്നത്.

ജോലിയും നഷ്ടപരിഹാരവും കിട്ടുന്നത് വരെ സമരം നടത്താനാണ് വിജിയുടെയും കുടുംബത്തിന്‍റെയും തീരുമാനം. സർക്കാർ സഹായിക്കുമെന്ന പ്രതീക്ഷ നഷ്ടപ്പെട്ടുവെന്നും വിജി പ്രതികരിച്ചു.

സനൽകുമാറിനെ കൊലപ്പെടുത്തിയ കേസിലെ പ്രതിയായ ഡിവൈഎസ്പി ഹരികുമാർ പിന്നീട് ജീവനൊടുക്കിയിരുന്നു. സംഭവത്തിന് ശേഷം ദിവസങ്ങളോളം ഒളിവിലായിരുന്ന ഇയാളെ അറസ്റ്റ് ചെയ്യണമെന്ന് ആവശ്യപ്പെട്ട് വിജി സമരം തുടങ്ങിയ ദിവസം തന്നെയാണ് വീടിനുള്ളിൽ ഹരികുമാർ ജീവനൊടുക്കിയത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.