മാ​ർ​ക്ക്ദാനം വ്യ​ക്ത​മാ​യ ഗൂ​ഢാ​ലോ​ച​ന​യു​ടെ അ​ടി​സ്ഥാ​ന​ത്തി​ൽ; മ​ന്ത്രി​ക്ക് ത​ല​യൂ​രാ​ൻ പ​റ്റി​ല്ലെ​ന്ന് ചെ​ന്നി​ത്ത​ല
Wednesday, October 16, 2019 1:30 PM IST
തി​രു​വ​ന​ന്ത​പു​രം: മാ​ർ​ക്ക്ദാ​ന വി​വാ​ദ​ത്തി​ൽ വി​സി​യാ​ണ് തെ​റ്റു​കാ​ര​നെ​ങ്കി​ൽ അ​ദ്ദേ​ഹ​ത്തെ മാ​റ്റാ​ൻ ത​യാ​റാ​കു​മോയെന്ന് മ​ന്ത്രി കെ.​ടി.​ജ​ലീ​ലി​നോ​ട് പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല. വി​ഷ​യ​ത്തി​ൽ നി​ഷ്പ​ക്ഷ അ​ന്വേ​ഷ​ണം ആ​വ​ശ്യ​പ്പെ​ട്ട് ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​നെ ക​ണ്ട ശേ​ഷം പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം. ഇ​തു​സം​ബ​ന്ധി​ച്ച് ഏ​ഴു ചോ​ദ്യ​വും മ​ന്ത്രി​യോ​ട് ചെ​ന്നി​ത്ത​ല ചോ​ദി​ച്ചു.

സ​ര്‍​വ​ക​ലാ​ശാ​ല​ക​ളു​ടെ സ്വ​യം​ഭ​ര​ണാ​വ​കാ​ശം അ​ട്ടി​മ​റി​ച്ചു​കൊ​ണ്ട് മ​ന്ത്രി​യും ഓ​ഫീ​സും മാ​ര്‍​ക്ക് ദാ​നം ന​ട​ത്തു​ക​യാ​ണ്. മാ​ർ​ക്ക് ദാ​നം ചെ​യ്യാ​ൻ സ​ർ​ക്കാ​രി​ന് അ​ധി​കാ​ര​മി​ല്ല. സ​ർ​വ​ക​ലാ​ശാ​ല​യാ​ണ് ഇ​ക്കാ​ര്യ​ത്തി​ൽ തീ​രു​മാ​ന​മെ​ടു​ക്കേ​ണ്ട​ത്. സി​ൻ​ഡി​ക്കേ​റ്റി​ന്‍റെ ത​ല​യി​ൽ കെ​ട്ടി​വ​ച്ച് മ​ന്ത്രി​ക്ക് ത​ല​യൂ​രാ​ൻ പ​റ്റി​ല്ലെ​ന്നും ചെ​ന്നി​ത്ത​ല പ​റ​ഞ്ഞു.

മ​ര്യാ​ദ​യ്ക്ക് പ​ഠി​ച്ച് വി​ജ​യി​ക്കു​ന്ന വി​ദ്യാ​ര്‍​ഥി​ക​ളെ കൊ​ഞ്ഞ​ണം കു​ത്തു​ന്ന​താ​ണ് മ​ന്ത്രി​യു​ടെ നി​ല​പാ​ട്. വ്യ​ക്ത​മാ​യ ഗൂ​ഢാ​ലോ​ച​ന​യു​ടെ അ​ടി​സ്ഥാ​ന​ത്തി​ലാ​ണ് മാ​ർ​ക്ക് കൂ​ട്ടി​യ​ത്. വി​സി​യാ​ണ് തെ​റ്റു​കാ​ര​നെ​ങ്കി​ൽ അ​ന്വേ​ഷ​ണം ന​ട​ത്തി പു​റ​ത്താ​ക്കാ​ൻ ശു​പാ​ര്‍​ശ ചെ​യ്യു​മോ​യെ​ന്നും ചെ​ന്നി​ത്ത​ല മ​ന്ത്രി​യെ വെ​ല്ലു​വി​ളി​ച്ചു.

എം​ജി സ​ർ​വ​ക​ലാ​ശാ​ല​യി​ലും എ​ഞ്ചി​നീ​യ​റിം​ഗ് പ​രീ​ക്ഷ​യി​ൽ മാ​ർ​ക്ക് ദാ​നം ന​ട​ത്താ​ൻ മ​ന്ത്രി ഇ​ട​പെ​ട്ടെ​ന്നാ​ണ് പ്ര​തി​പ​ക്ഷ​ത്തി​ന്‍റെ ആ​രോ​പ​ണം. എ​ന്നാ​ൽ തെ​ളി​വു​ണ്ടെ​ങ്കി​ൽ പു​റ​ത്തു​വി​ടാ​ൻ മ​ന്ത്രി പ്ര​തി​പ​ക്ഷ​നേ​താ​വി​നെ വെ​ല്ലു​വി​ളി​ച്ചി​രു​ന്നു. ഇ​തി​ന് പി​ന്നാ​ലെ​യാ​ണ് അ​ന്വേ​ഷ​ണ​മാ​വ​ശ്യ​പ്പെ​ട്ട് ചെ​ന്നി​ത്ത​ല ഗ​വ​ർ​ണ​റെ ക​ണ്ട​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.