നീ​ലേ​ശ്വ​രം: നീ​ലേ​ശ്വ​രം താ​ലൂ​ക്ക് പ്ര​ഖ്യാ​പ​നം ഇ​ഴ​യു​ന്നു. നീ​ലേ​ശ്വ​രം ആ​സ്ഥാ​ന​മാ​യി താ​ലൂ​ക്ക് രൂ​പീ​ക​രി​ക്ക​ണ​മെ​ന്ന നീ​ണ്ട​കാ​ല​ത്തെ ആ​വ​ശ്യ​ത്തി​ന് പ്ര​തീ​ക്ഷ ന​ല്‍​കി, ജി​ല്ലാ ക​ള​ക്ട​റു​ടെ നി​ര്‍​ദേ​ശ​പ്ര​കാ​രം ഹൊ​സ്ദു​ര്‍​ഗ് താ​ലൂ​ക്ക് ത​ഹ​സി​ദാ​ര്‍ ബ​ന്ധ​പ്പെ​ട്ട രാ​ഷ്‌​ട്രീ​യ പാ​ര്‍​ട്ടി​ക​ളു​ടെ അ​ഭി​പ്രാ​യം തേ​ടു​ക​യും ഐ​ക്യ​ക​ണ്ടേ​ന നീ​ലേ​ശ്വ​രം താ​ലൂ​ക്ക് യാ​താ​ര്‍​ഥ്യ​മാ​ക്ക​ണ​മെ​ന്ന് സ​ര്‍​ക്കാ​രി​നോ​ട് അ​ഭ്യ​ര്‍​ഥി​ക്കു​ക​യും ചെ​യ്തി​രു​ന്നു.

നീ​ലേ​ശ്വ​രം താ​ലൂ​ക്ക് ഓ​ഫീ​സി​ന് ആ​വ​ശ്യ​മാ​യ കെ​ട്ടി​ടം ഉ​ള്‍​പ്പെ​ടെ എ​ല്ലാ സൗ​ക​ര്യ​വും ചെ​യ്തു ന​ല്‍​കാ​ന്‍ ത​യാ​റാ​ണെ​ന്ന് മു​ന്‍​സി​പ്പ​ല്‍ ചെ​യ​ര്‍​പേ​ഴ്സ​ണ്‍ ടി.​വി. ശാ​ന്ത​യും ക​ള​ക്ട​ര്‍ ഉ​ള്‍​പ്പെ​ടെ​യു​ള്ള ബ​ന്ധ​പ്പെ​ട്ട​വ​രെ അ​റി​യി​ച്ചി​രു​ന്നു. പ​തി​ന​ഞ്ചോ​ളം രാ​ഷ്‌​ട്രീ​യ പാ​ര്‍​ട്ടി പ്ര​തി​നി​ധി​ക​ള്‍ പ​ങ്കെ​ടു​ത്ത യോ​ഗം ക​ഴി​ഞ്ഞു മാ​സം ര​ണ്ടു ക​ഴി​ഞ്ഞെ​ങ്കി​ലും നീ​ലേ​ശ്വ​രം താ​ലൂ​ക്ക് പ്ര​ഖ്യാ​പ​നം ഇ​ഴ​യു​ക​യാ​ണ്.

പു​തി​യ സി​വി​ല്‍ സ്റ്റേ​ഷ​ന്‍ കെ​ട്ടി​ടം നി​ര്‍​മാ​ണം പൂ​ര്‍​ത്തി​യാ​കു​ന്ന​തു വ​രെ താ​ലൂ​ക്ക് ഓ​ഫീ​സി​നാ​യി പു​തി​യ ന​ഗ​ര​സ​ഭ ഓ​ഫീ​സോ പ​ഴ​യ ന​ഗ​ര​സ​ഭ ഓ​ഫീ​സോ താ​ത്കാ​ലി​ക​മാ​യി ഉ​പ​യോ​ഗി​ക്കാ​വു​ന്ന​താ​ണ്. രാ​ഷ്‌​ട്രീ​യ പാ​ര്‍​ട്ടി​ക​ളു​ടെ അ​ഭി​പ്രാ​യം തേ​ടി​യ ത​ഹ​സി​ദാ​ര്‍ നീ​ലേ​ശ്വ​രം താ​ലൂ​ക്കി​നാ​യി അ​നു​കൂ​ല റി​പ്പോ​ര്‍​ട്ട് സ​ര്‍​ക്കാ​റി​ന് ന​ല്‍​കി​യ​തോ​ടെ എ​പ്പോ​ള്‍ താ​ലൂ​ക്ക് പ്ര​ഖ്യാ​പി​ക്കു​മെ​ന്ന പ്ര​തീ​ക്ഷ​യി​ലാ​ണ് നീ​ലേ​ശ്വ​ര​ത്തു​കാ​ര്‍.

ക​ഴി​ഞ്ഞ ബ​ജ​റ്റി​ല്‍ താ​ലൂ​ക്ക് പ്ര​ഖ്യാ​പ​ന​മു​ണ്ടാ​കു​മെ​ന്ന പ്ര​തീ​ക്ഷ​യു​ണ്ടാ​യി​രു​ന്നെ​ങ്കി​ലും അ​തും ഉ​ണ്ടാ​യി​ല്ല. പ​തി​റ്റാ​ണ്ടു​ക​ള്‍ പ​ഴ​ക്ക​മു​ള്ള​താ​ണ് നീ​ലേ​ശ്വ​രം ആ​സ്ഥാ​ന​മാ​യി താ​ലൂ​ക്ക് വേ​ണ​മെ​ന്ന​വ​ശ്യം. കേ​ര​ള​ത്തി​ന്‍റെ പ്ര​ഥ​മ മു​ഖ്യ​മ​ന്ത്രി ഇ​എം​എ​സ് ന​മ്പൂ​തി​രി​പ്പാ​ട് മ​ത്സ​രി​ച്ചു ജ​യി​ച്ച നീ​ലേ​ശ്വ​രം മ​ണ്ഡ​ല​ത്തി​ന്‍റെ ഓ​ര്‍​മ നി​ല​നി​ര്‍​ത്താ​ന്‍ നീ​ലേ​ശ്വ​രം താ​ലൂ​ക്ക് രൂ​പീ​ക​രി​ക്ക​ണ​മെ​ന്ന് അ​ദ്ദേ​ഹം ആ​ഗ്ര​ഹി​ച്ചി​രു​ന്നു. ഇ​തി​നാ​യി താ​ലൂ​ക്ക് രൂ​പീ​ക​രി​ക്കു​ന്ന​തി​നെ കു​റി​ച്ച് പ​ഠി​ക്കാ​ന്‍ അ​ദ്ദേ​ഹം ക​മ്മീ​ഷ​നെ വ​ച്ചി​രു​ന്നു.

പി​ന്നീ​ട് കാ​സ​ര്‍​ഗോ​ഡ് ജി​ല്ല രൂ​പീ​ക​രി​ക്കു​മ്പോ​ള്‍ അ​ന്ന​ത്തെ മു​ഖ്യ​മ​ന്ത്രി കെ. ​ക​രു​ണാ​ക​ര​നും നീ​ലേ​ശ്വ​രം താ​ലൂ​ക്ക് രൂ​പീ​ക​രി​ക്കു​മെ​ന്ന് താ​ലൂ​ക്ക് ആ​ക്‌​ഷ​ന്‍ ക​മ്മി​റ്റി​ക്ക് വാ​ഗ്ദാ​നം ന​ല്‍​കു​ക​യു​ണ്ടാ​യി.

ജി​ല്ല രൂ​പീ​ക​രി​ക്കു​മ്പോ​ള്‍ കാ​സ​ര്‍​ഗോ​ട്, ഹൊ​സ്ദു​ര്‍​ഗ് എ​ന്നീ ര​ണ്ടു താ​ലൂ​ക്കു​ക​ള്‍ മാ​ത്ര​മാ​ണ് ഉ​ണ്ടാ​യി​രു​ന്ന​ത്. പി​ന്നീ​ട് വെ​ള്ള​രി​ക്കു​ണ്ടി​ലും മ​ഞ്ചേ​ശ്വ​ര​ത്തും താ​ലൂ​ക്ക് രൂ​പീ​ക​രി​ച്ച​പ്പോ​ഴും നീ​ലേ​ശ്വ​രം താ​ലൂ​ക്ക് എ​ന്ന ആ​വ​ശ്യം അ​വ​ഗ​ണി​ക്ക​പ്പെ​ടു​ക​യാ​യി​രു​ന്നു. നീ​ലേ​ശ്വ​രം ആ​സ്ഥാ​ന​മാ​യി താ​ലൂ​ക്ക് അ​നു​വ​ദി​ക്ക​ണ​മെ​ന്ന് നാ​ലു ക​മ്മി​ഷ​നു​ക​ള്‍ സ​ര്‍​ക്കാ​രി​ന് റി​പ്പോ​ര്‍​ട്ട് ന​ല്‍​കി​യെ​ങ്കി​ലും മാ​റി മാ​റി വ​ന്ന സ​ര്‍​ക്കാ​രു​ക​ള്‍ ഈ ​റി​പ്പോ​ര്‍​ട്ടി​നെ അ​വ​ഗ​ണി​ക്കു​ക​യാ​യി​രു​ന്നു.

ചെ​റു​വ​ത്തൂ​ര്‍, പ​ട​ന്ന, തൃ​ക്ക​രി​പ്പൂ​ര്‍, പി​ലി​ക്കോ​ട്, വ​ലി​യ​പ​റ​മ്പ, ക​യ്യൂ​ര്‍-​ചീ​മേ​നി, മ​ടി​ക്കൈ തു​ട​ങ്ങി​യ പ​ഞ്ചാ​യ​ത്തു​ക​ളും, നീ​ലേ​ശ്വ​രം ന​ഗ​ര​സ​ഭ​യും ഉ​ള്‍​പ്പെ​ടു​ത്തി​യാ​ണ് നീ​ലേ​ശ്വ​രം താ​ലൂ​ക്ക് രൂ​പീ​ക​രി​ക്കേ​ണ്ട​തെ​ന്നാ​ണ് ക​ള​ക്ട​ര്‍ സ​ര്‍​ക്കാ​രി​ന് ന​ല്‍​കി​യ റി​പ്പോ​ര്‍​ട്ട്.