അ​മ്പ​ല​പ്പു​ഴ: മു​ഞ്ഞ​ബാ​ധ​യും പി​ന്നാ​ലെ​യെ​ത്തി​യ ക​ന​ത്ത മ​ഴ​യും ക​ർ​ഷ​ക​ർ​ക്ക് വി​ന​യാ​യി. 150 ഓ​ളം ഏ​ക്ക​ർ നെ​ൽ​കൃ​ഷി ന​ശി​ച്ചു. ക​ർ​ഷ​ക​ർ​ക്ക് ല​ക്ഷ​ങ്ങ​ളു​ടെ ന​ഷ്ടം. പു​ന്ന​പ്ര തെ​ക്ക് പ​ഞ്ചാ​യ​ത്ത് പൊ​ന്നാ​ക​രി പാ​ട​ത്താ​ണ് നെ​ല്ല് വീ​ണ​ടി​ഞ്ഞ​ത്. 250 ഏ​ക്ക​റു​ള്ള ഇ​വി​ടെ 80 ല​ധി​കം ക​ർ​ഷ​ക​രാ​ണു​ള്ള​ത്. 11 മു​ത​ൽ ഇ​വി​ടെ ര​ണ്ടാം കൃ​ഷി​യു​ടെ കൊ​യ്ത്ത് ആ​രം​ഭി​ച്ചി​രു​ന്നു.

ഒ​രുമാ​സം മു​ൻ​പ് നെ​ൽ​ച്ചെ​ടി​ക​ൾ​ക്ക് മു​ഞ്ഞ​രോ​ഗം ബാ​ധി​ച്ചി​രു​ന്നു. പ​ല ത​വ​ണ ഇ​തി​നാ​യി മ​രു​ന്നു​ക​ൾ ചെ​യ്തെ​ങ്കി​ലും ഫ​ലം ക​ണ്ടി​ല്ല. വി​വ​രം കൃ​ഷി വ​കു​പ്പി​നെ അ​റി​യി​ച്ചെ​ങ്കി​ലും ഒ​രു ഉ​ദ്യോ​ഗ​സ്ഥ​ർ പോ​ലും ഇ​വി​ടേ​ക്ക് തി​രി​ഞ്ഞുനോ​ക്കി​യി​ട്ടി​ല്ലെ​ന്നും ക​ർ​ഷ​ക​ർ പ​റ​യു​ന്നു.

ഇ​തി​നെ​യൊ​ക്കെ അ​തി​ജീ​വി​ച്ച് ക​ർ​ഷ​ക​ർ ചെ​യ്ത അ​ധ്വാ​ന​മാ​ണ് ക​ന​ത്ത മ​ഴ​യി​ൽ മു​ങ്ങി​യ​ത്. ദി​വ​സ​ങ്ങ​ൾ​ക്കു മു​ൻ​പ് പെ​യ്ത ക​ന​ത്ത മ​ഴ​യി​ൽ 150 ഓ​ളം ഏ​ക്ക​റി​ലെ നെ​ല്ലാ​ണ് വീ​ണു ന​ശി​ച്ച​ത്. ഏ​ക്ക​റി​ന് 70,000 രൂ​പ മു​ട​ക്കി​യാ​ണ് ക​ർ​ഷ​ക​ർ കൃ​ഷിയിറക്കിയ​ത്. നെ​ല്ല് കൊ​യ്തെ​ടു​ക്കാ​ൻ യ​ന്ത്ര​ത്തി​ന് മ​ണി​ക്കൂ​റി​ന് 1900 രൂ​പ ന​ൽ​ക​ണം. സ്വ​ർ​ണം പ​ണ​യം വ​ച്ചും സ്വ​കാ​ര്യ ധ​ന​കാ​ര്യ സ്ഥാ​പ​ന​ങ്ങ​ളി​ൽനി​ന്ന് പ​ണം പ​ലി​ശ​യ്ക്കെ​ടു​ത്തും കൃ​ഷി​യി​റ​ക്കി​യ ക​ർ​ഷ​ക​ർ​ക്ക് മു​ഞ്ഞ​ബാ​ധ​യും പ്ര​തി​കൂ​ല കാ​ലാ​വ​സ്ഥ​യും ക​ന​ത്ത ന​ഷ്ട​മാ​ണ് വ​രു​ത്തി​വ​ച്ച​ത്.

സാ​ധാ​ര​ണ ഗ​തി​യി​ൽ ഒ​രേ​ക്ക​റി​ൽനി​ന്ന് മൂന്നു ക്വിന്‍റ​ൽ വ​രെ നെ​ല്ല് കി​ട്ടു​മാ​യി​രു​ന്നു. എ​ന്നാ​ൽ, നെ​ല്ല് വീ​ണുകി​ട​ക്കു​ന്ന​തി​നാ​ൽ ഒ​രേ​ക്ക​റി​ൽനി​ന്ന് ഒ​രു ക്വി​ന്‍റൽ നെ​ല്ല് പോ​ലും ല​ഭി​ക്കി​ല്ലെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. യ​ന്ത്ര​മു​പ​യോ​ഗി​ച്ച് കൊ​യ്താ​ൽ യ​ന്ത്രം താ​ഴ്ന്നു​പോ​കും. ഈ ​സാ​ഹ​ച​ര്യ​ത്തി​ൽ കൃ​ഷി നാ​ശ​ത്തി​നാ​യു​ള്ള ഇ​ൻ​ഷു​റ​ൻ​സ് തു​ക​യ്ക്കൊ​പ്പം ന​ഷ്ട​പ​രി​ഹാ​ര​വും ന​ൽ​കാ​ൻ സ​ർ​ക്കാ​ർ ത​യാ​റാ​ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം.