വി​ദേ​ശ​ത്ത് മ​രി​ച്ച യു​വാ​വി​ന്‍റെ മൃ​ത​ദേ​ഹം ഇ​ന്ന് വീ​ണ്ടും പോ​സ്റ്റ്മോ​ർ​ട്ടം ചെ​യ്യും
Friday, September 30, 2022 10:22 PM IST
പി​റ​വം: വി​ദേ​ശ​ത്ത് ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച യു​വാ​വി​ന്‍റെ മൃ​ത​ദേ​ഹം നാ​ട്ടി​ലെ​ത്തി​ച്ച​പ്പോ​ൾ മാ​താ​പി​താ​ക്ക​ൾ​ക്ക് സം​ശ​യം തോ​ന്നി​യ​തി​നെ​ത്തു​ട​ർ​ന്ന് വീ​ണ്ടും പോ​സ്റ്റ്മോ​ർ​ട്ട​ത്തി​നാ​യി മാ​റ്റി. മൃ​ത​ദേ​ഹ​ത്തി​നൊ​പ്പ​മെ​ത്തി​യ ബ​ന്ധു​വാ​യ യു​വാ​വ് പോ​ലീ​സ് നി​രീ​ക്ഷ​ണ​ത്തി​ലാ​ണ്.

പി​റ​വം തേ​ക്കും​മൂ​ട്ടി​ൽ​പ​ടി​ക്ക് സ​മീ​പം വെ​ട്ടു​പാ​റ​യ്ക്ക​ൽ മ​ണി ആ​ചാ​രി- ക​മ​ല ദ​ന്പ​തി​ക​ളു​ടെ ഏ​ക മ​ക​ൻ മ​നു (26) ആ​ണ് ക​ഴി​ഞ്ഞ 24ന് ​അ​ബു​ദാ​ബി​യി​ൽ തൂ​ങ്ങി മ​രി​ച്ച​നി​ല​യി​ൽ കാ​ണ​പ്പെ​ട്ട​ത്. ക​ഴി​ഞ്ഞ മൂ​ന്നു വ​ർ​ഷ​മാ​യി ഗ്രാ​ഫി​ക് ഡി​സൈ​ന​റാ​യി ജോ​ലി ചെ​യ്തു​വ​രി​ക​യാ​യി​രു​ന്നു. അ​വി​ടെ അ​ടു​ത്ത ബ​ന്ധു​വാ​യ യു​വാ​വി​നൊ​പ്പ​മാ​യി​രു​ന്നു താ​മ​സം. ക​ഴി​ഞ്ഞ 24 മു​ത​ൽ മ​നു​വി​നെ ഫോ​ണി​ൽ വി​ളി​ച്ചി​ട്ട് മാ​താ​പി​താ​ക്ക​ൾ​ക്ക് കി​ട്ടി​യി​രു​ന്നി​ല്ല. ഒ​പ്പം താ​മ​സി​ച്ചി​രു​ന്ന നി​രീ​ക്ഷ​ണ​ത്തി​ലു​ള്ള ബ​ന്ധു​വി​നെ വി​ളി​ച്ചെ​ങ്കി​ലും വ്യ​ക്ത​മാ​യി ഒ​ന്നും പ​റ​യു​ന്നു​ണ്ടാ​യി​രു​ന്നി​ല്ല. പി​ന്നീ​ട് സു​ഹൃ​ത്തു​ക്ക​ളെ വി​ളി​ച്ച് അ​ന്വേ​ഷി​ച്ച​പ്പോ​ഴാ​ണ് മ​ര​ണ വി​വ​രം വീ​ട്ടു​കാ​ർ അ​റി​യു​ന്ന​ത്.

ഇ​ന്ന​ലെ രാ​വി​ലെ ഒ​ന്പ​തോ​ടെ മൃ​ത​ദേ​ഹം പി​റ​വ​ത്ത് എ​ത്തി​ച്ചി​രു​ന്നു. ഉ​ച്ച​യ്ക്കു ശേ​ഷം ക​ണ്ണീ​റ്റു​മ​ല പൊ​തു​ശ്മ​ശാ​ന​ത്തി​ൽ സം​സ്ക​രി​ക്കാ​നും തീ​രു​മാ​നി​ച്ചി​രു​ന്നു. ഇ​തി​നു ശേ​ഷ​മാ​ണ് മൃ​ത​ദേ​ഹ​ത്തി​ന് ഒ​പ്പ​മെ​ത്തി​യ ബ​ന്ധു​വാ​യ യു​വാ​വി​ന്‍റെ ദേ​ഹ​ത്തെ പ​രി​ക്കു​ക​ളും മ​റ്റും ശ്ര​ദ്ധ​യി​ൽ​പ്പെ​ട്ട​തും മ​ര​ണ​കാ​ര​ണം അ​ന്വേ​ഷി​ച്ച​പ്പോ​ൾ പ​ര​സ്പ​ര വി​രു​ദ്ധ​മാ​യി സം​സാ​രി​ക്കു​ന്ന​തും ശ്ര​ദ്ധ​യി​ൽ​പ്പെ​ട്ട​ത്. തു​ട​ർ​ന്ന് പി​താ​വ് മ​ണി ആ​ചാ​രി പോ​ലീ​സ് സ്റ്റേ​ഷ​നി​ലെ​ത്തി പ​രാ​തി ന​ൽ​കു​ക​യാ​യി​രു​ന്നു.

മൃ​ത​ദേ​ഹം സം​സ്ക​രി​ക്കാ​തെ പി​റ​വ​ത്തെ ജെ​എം​പി​ആ​ശു​പ​ത്രി​യി​ലെ​ത്തി​ച്ച് പോ​ലീ​സ് പ്രാ​ഥ​മി​ക ന​ട​പ​ടി​ക​ൾ പൂ​ർ​ത്തി​യാ​ക്കി ക​ള​മ​ശേ​രി മെ​ഡി​ക്ക​ൽ കോ​ള​ജി​ലേ​ക്ക് പോ​സ്റ്റ്മോ​ർ​ട്ട​ത്തി​നാ​യി മാ​റ്റി. ഇ​ന്ന് പോ​ലീ​സ് സ​ർ​ജ​ന്‍റെ നേ​തൃ​ത്വ​ത്തി​ൽ പോ​സ്റ്റ് മോ​ർ​ട്ടം ന​ട​ത്തി ഉ​ച്ച​യ്ക്കു ശേ​ഷം മൃ​ത​ദേ​ഹം സം​സ്ക​രി​ക്കും.

Copyright @ 2022 , Rashtra Deepika Ltd.