പെ​രി​യാ​റി​ൽ മുങ്ങിത്താണ കുട്ടിയെ രക്ഷിക്കാൻ ശ്രമിച്ച യു​വാ​ക്ക​ളെ പോ​ലീ​സ് ആ​ദ​രിച്ചു
Monday, October 3, 2022 12:15 AM IST
നെ​ടു​മ്പാ​ശേ​രി: മ​ര​ണ​ത്തെ മു​ഖാ​മു​ഖം ക​ണ്ട ആ​റു വ​യ​സു​കാ​രി​യെ ര​ക്ഷി​ക്കാ​ൻ പെ​രി​യാ​റി​ൽ നീ​ന്തി​വ​ല​ഞ്ഞ യു​വാ​ക്ക​ളു​ടെ സാ​ഹ​സി​ക​ത മ​നു​ഷ്യ​ത്വ​ത്തി​ന്‍റെ സ​ന്ദേ​ശ​മാ​കു​ന്നു. ക​ഴി​ഞ്ഞ ദി​വ​സം ആ​ലു​വ​പ്പു​ഴ​യി​ൽ ചെ​ങ്ങ​മ​നാ​ട് പു​തു​വാ​ശേ​രി സ്വ​ദേ​ശി​യാ​യ യു​വാ​വ് മ​ക​ളോ​ടൊ​പ്പം ജീ​വ​നൊ​ടു​ക്കി​യ​പ്പോ​ൾ ര​ക്ഷാ​പ്ര​വ​ർ​ത്ത​ക​രാ​യെ​ത്തി​യ മൂ​ന്ന് യു​വാ​ക്ക​ളു​ടെ അ​തി​സാ​ഹ​സി​ക​ത​യാ​ണ് അ​ഭി​ന്ദ​നാ​ർ​ഹ​മാ​യ​ത്.
പ​ടി​ഞ്ഞാ​റെ വെ​ളി​യ​ത്തു​നാ​ട് അ​ടു​വാ​ത്തു​രു​ത്ത് സ്വ​ദേ​ശി​ക​ളാ​യ കി​ട​ങ്ങ​പ്പി​ള്ളി​പ്പ​റ​മ്പ് വീ​ട്ടി​ൽ മി​ഥു​ൻ രാ​ജീ​വ​ൻ(24), ചാ​ല​ത്ത​റ വീ​ട്ടി​ൽ ഹാ​റൂ​ൺ ഷം​സു​ദ്ദീ​ൻ (22), മ​ണ​ത്താ​ട്ടു​വീ​ട്ടി​ൽ അ​ൻ​സാ​ർ അ​ഷ​റ​ഫ് (29) എ​ന്നി​വ​രാ​ണ് യു​വ​ത​യു​ടെ അ​ഭി​മാ​ന​മാ​കു​ന്ന​ത്. പെ​ൺ​കു​ട്ടി​യെ ര​ക്ഷി​ക്കാ​ൻ മൂ​വ​രും ചേ​ർ​ന്ന് വ​ള​രെ സാ​ഹ​സി​ക​മാ​യി ശ്ര​മി​ച്ചു​വെ​ങ്കി​ലും ചു​ഴി​യി​ൽ​പ്പെ​ട്ട പെ​ൺ​കു​ട്ടി​യെ അ​വ​ർ​ക്ക് ര​ക്ഷി​ക്കാ​നാ​യി​രു​ന്നി​ല്ല.
പെ​ൺ​കു​ട്ടി​യെ സാ​ഹ​സി​ക​മാ​യി ര​ക്ഷി​ക്കാ​ൻ ശ്ര​മി​ച്ച​ത​റി​ഞ്ഞ് ചെ​ങ്ങ​മ​നാ​ട് പൊ​ലീ​സ് ആ​ദ​ര​വു​മാ​യി മി​ഥു​നി​നെ തേ​ടി സ്ഥാ​പ​ന​ത്തി​ലെ​ത്തി​യ​പ്പോ​ഴാ​ണ് ത​ന്നേ​ക്കാ​ൾ സാ​ഹ​സി​ക​ത കാ​ട്ടി​യ ഹാ​റൂ​ണി​നെ​ക്കു​റി​ച്ച് വെ​ളി​പ്പെ​ടു​ത്തി​യ​ത്. അ​തോ​ടെ സ്വ​കാ​ര്യ സ്ഥാ​പ​ന​ത്തി​ലെ ജീ​വ​ന​ക്കാ​ര​നാ​യ ഹാ​റൂ​ണി​നു​ള്ള ആ​ദ​ര​വു​മാ​യെ​ത്തി​യ​പ്പോ​ഴാ​ണ് സ്ഥാ​പ​ന​ത്തി​ലെ ഡ്രൈ​വ​റാ​യ അ​ൻ​സാ​റി​ന്‍റെ ക​നി​വി​ലാ​ണ് ഹാ​റൂ​ണി​ന് ജീ​വ​ൻ തി​രി​ച്ചു​കി​ട്ടി​യ​തെ​ന്നും പോ​ലീ​സ് അ​റി​യു​ന്ന​ത്.
അ​തോ​ടെ അ​ൻ​സാ​റി​നും പോ​ലീ​സ് ആ​ദ​ര​വ് ന​ൽ​കു​ക​യാ​യി​രു​ന്നു. യ​ഥാ​ർ​ഥ​ത്തി​ൽ മൂ​വ​രും സു​ഹൃ​ത്തു​ക്ക​ളും നാ​ട്ടു​കാ​രും ആ​യി​രു​ന്നു​വെ​ങ്കി​ലും ജീ​വ​ൻ​ര​ക്ഷാ​പ്ര​വ​ർ​ത്ത​ന​ത്തി​ന്‍റെ ഓ​ട്ട​ത്തി​നി​ട​യി​ൽ അ​തൊ​ന്നും ശ്ര​ദ്ധി​ച്ചി​രു​ന്നി​ല്ല. ഒ​ടു​വി​ലാ​ണ് മൂ​വ​രും ഇ​ക്കാ​ര്യം അ​റി​യു​ന്ന​ത്.
ചെ​റു​പ്പം മു​ത​ൽ ഗ്രാ​മ​ത്തി​ലെ പു​ഴ​യി​ൽ നീ​ന്തി​തു​ടി​ച്ച് വ​ള​രാ​ൻ ല​ഭി​ച്ച അ​വ​സ​ര​മാ​ണ് ജീ​വ​ൻ​ര​ക്ഷാ​പ്ര​വ​ർ​ത്ത​ന​ത്തി​ന് സാ​ഹ​സി​ക​മാ​യി ഇ​റ​ങ്ങാ​ൻ സ​ഹാ​യ​മാ​യ​തെ​ന്നും മൂ​വ​രും പ​റ​ഞ്ഞു.​സ്റ്റേ​ഷ​ൻ ഹൗ​സ് ഓ​ഫീ​സ​ർ വി.​എ​സ്. വി​പി​ൻ, എ​സ്ഐ ഷാ​ജി.​എ​സ്.​നാ​യ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് മൂ​വ​ർ​ക്കും ഉ​പ​ഹാ​ര​ങ്ങ​ൾ ന​ൽ​കി ആ​ദ​രി​ച്ച​ത്.

Copyright @ 2022 , Rashtra Deepika Ltd.