കിഴക്കമ്പലം: സിൽവർ ലൈൻ പദ്ധതി പിൻവലിച്ച് ഉത്തരവിറക്കുക, ജനാധിപത്യപരമായി പ്രതിഷേധിച്ച സമരക്കാർക്കെതിരെയെടുത്ത എല്ലാ കേസുകളും പിൻവലിക്കുക എന്നീ ആവശ്യങ്ങൾ ഉന്നയിച്ച് കെ റെയിൽ സിൽവർ ലൈൻ വിരുദ്ധ ജനകീയ സമിതി സമരജാഥ നടത്തി. പഴങ്ങനാട് കപ്പേളപ്പടിയിൽ അൻവർ സാദത്ത് എംഎൽഎ ഫ്ലാഗ് ഓഫ് ചെയ്തു. കടമ്പ്രയാറിന്‍റെ കരയിൽ നടന്ന സമാപന സമ്മേളനം ഉമ തോമസ് എംഎൽഎ ഉദ്ഘാടനം ചെയ്തു. കെ റെയിൽ വിരുദ്ധ ജനകീയ സമിതി ആലുവ മേഖല ചെയർമാൻ എൻ.എ. രാജൻ അധ്യക്ഷത വഹിച്ചു.
മേഖല കൺവീനർ കെ.പി. സാൽവിൻ, സംസ്ഥാന വനിതാ കൺവീനർ ശരണ്യ രാജ്, സംസ്ഥാന സമിതിയംഗം എ.ഒ. പൗലോ, വി.പി. ജോർജ്, എം.പി. രാജൻ, ജേക്കബ് സി. മാത്യു, സജി പോൾ, എം.എ. കുഞ്ഞുമുഹമ്മദ്, എം.എ. ഹാരിസ്, എം.എ. മുനീർ, പി.എ. മുജീബ്, ജബ്ബാർ മേത്തർ, കരീം കല്ലുങ്കൽ, ലോറൻസ് പടനിലം, കെ.കെ. ശോഭ, കെ.എം. ബേബി എന്നിവർ പ്രസംഗിച്ചു.