മാറാടി വിശുദ്ധ മർത്ത മറിയം പള്ളിയിൽ
മൂവാറ്റുപുഴ: മാറാടി വിശുദ്ധ മർത്ത മറിയം യാക്കോബായ പള്ളിയിൽ മായാൽത്തോ പെരുന്നാൾ ഒന്നിനും രണ്ടിനും ആഘോഷിക്കുമെന്ന് വികാരി ഫാ. ജോബി ഊർപ്പയിൽ അറിയിച്ചു. ഒന്നിന് വൈകുന്നേരം ഇടവക മെത്രപ്പോലീത്ത മാത്യൂസ് മാർ അന്തിമോസ് ശുശ്രുഷകൾക്ക് നേതൃത്വം നൽകും. രണ്ടിന് വിശുദ്ധ അഞ്ചിന്മേൽ കുർബാനയ്ക്ക് ശ്രേഷ്ഠ കാതോലിക്ക ബസലിയോസ് തോമസ് പ്രഥമൻ ബാവ നേതൃത്വം നൽകും. തുടർന്ന് നേർച്ച സദ്യയും ഉണ്ടായിരിക്കുമെന്ന് ട്രസ്റ്റിമാരായ ഏലിയാസ് പൂമറ്റം, ബെന്നി ഐക്കരകുടി എന്നിവർ അറിയിച്ചു.
കടവൂർ സെന്റ് ജോർജ് പള്ളിയിൽ
കടവൂർ: സെന്റ് ജോർജ് പള്ളിയിൽ ഇടവക മധ്യസ്ഥനായ വിശുദ്ധ ഗീവർഗീസിന്റെയും വിശുദ്ധ സെബസ്ത്യാനോസിന്റയും സംയുക്ത തിരുനാൾ നാലിനും അഞ്ചിനും ആഘോഷിക്കുമെന്ന് വികാരി ഫാ. സെബാസ്റ്റ്യൻ ആരോലിച്ചാലിൽ അറിയിച്ചു. ഇന്ന് മുതൽ മൂന്ന് വരെ ദിവസവും രാവിലെ 6.30ന് കുർബ്ബാന, നൊവേന, വൈകുന്നേരം അഞ്ചിന് കുർബാന, നൊവേന. നാലിന് രാവിലെ 6.30 ന് കൊടിയേറ്റ്, തിരുസ്വരൂപ പ്രതിഷ്ഠ, കുർബാന, നൊവേന, അന്പ് പ്രദക്ഷിണം വീടുകളിലേക്ക്, ഉച്ചകഴിഞ്ഞ് 3.30ന് അന്പ് പ്രദക്ഷിണം തിരികെ പള്ളിയിലേക്ക്, 4.30ന് നൊവേന, ആഘോഷമായ തിരുനാൾ പാട്ടുകുർബാന - ഫാ. ജോസ് വെട്ടിക്കുഴിച്ചാലിൽ, പ്രസംഗം - ഫാ. ജോണ്സണ് വെട്ടിക്കുഴിയിൽ, തുടർന്ന് പ്രദക്ഷിണം കടവൂർ കുരിശിങ്കലേക്ക്, മധ്യസ്ഥ പ്രാർഥന, 8.30ന് പ്രദക്ഷിണം തിരികെ പള്ളിയിലേക്ക്. അഞ്ചിന് രാവിലെ ഏഴിന് വിശുദ്ധ കുർബാന, നൊവേന, അന്പ് പ്രദക്ഷിണം വീടുകളിലേക്ക്, 10 ന് കുർബാന, നൊവേന, ഉച്ചകഴിഞ്ഞ് 3.30ന് അന്പ് പ്രദക്ഷിണം തിരികെ പള്ളിയിലേക്ക്, 4.30ന് നൊവേന, ആഘോഷമായ തിരുനാൾ പാട്ടുകുർബാന - ഫാ. പ്രിൻസ് പരത്തിനാൽ, പ്രസംഗം - ഫാ. മാത്യു കൊച്ചുമുണ്ടൻമലയിൽ, പ്രദക്ഷിണം, സമാപന പ്രാർഥന, പരിശുദ്ധ കുർബാന ആശീർവാദം, സ്നേഹവിരുന്ന്.
പെരിങ്ങഴ സെന്റ് ജോസഫ്സ് പള്ളിയിൽ
മൂവാറ്റുപുഴ: പെരിങ്ങഴ സെന്റ് ജോസഫ്സ് പള്ളിയിൽ ഇടവക മധ്യസ്ഥനായ വിശുദ്ധ യൗസേപ്പിതാവിന്റെയും രക്തസാക്ഷിയായ വിശുദ്ധ സെബസ്ത്യാനോസിന്റെയും തിരുനാൾ 31നും ഒന്നു മുതൽ മൂന്നുവരെ ആഘോഷിക്കുമെന്ന് വികാരി ഫാ. പോൾ കാരക്കൊന്പിൽ അറിയിച്ചു. 31ന് രാവിലെ 6.15ന് കുർബാന, നൊവേന, വൈകുന്നേരം അഞ്ചിന് കൊടിയേറ്റ്, തിരുസ്വരൂപ പ്രതിഷ്ഠ, 5.15ന് കുർബാന, സന്ദേശം - ഫാ. ജോർജ് പൊട്ടയ്ക്കൽ, 6.45ന് ദിവ്യകാരുണ്യ ആരാധന, പ്രദക്ഷിണം - ഫാ. ജോസഫ് നിരവത്ത്. ഒന്നിന് രാവിലെ 6.15ന് കുർബാന, നൊവേന, 10ന് പിതാപാത, കുർബാന, നൊവേന - ഫാ. ജോസഫ് കോയിത്താനത്ത്, വൈകുന്നേരം 5.15ന് തിരുനാൾ കുർബാന - ഫാ. തോമസ് പാണനാൽ, സന്ദേശം - ഫാ. സ്കറിയ പുന്നമറ്റത്തിൽ, രാത്രി ഏഴിന് പ്രദക്ഷിണം, എട്ടിന് സമാപന പ്രാർഥന, ആശീർവാദം, മേളതരംഗം. രണ്ടിന് രാവിലെ 6.15ന് കുർബാന, നൊവേന, 10ന് പിതാപാത, നൊവേന, തിരുനാൾ കുർബാന - ഫാ. ജോണ് ഇലഞ്ഞേടത്ത്, വൈകുന്നേരം അഞ്ചിന് ആഘോഷമായ തിരുനാൾ കുർബാന - ഫാ. മാർട്ടിൻ കൈപ്രൻപാടൻ, സന്ദേശം - ഫാ. ജെസ്റ്റിൻ കൈപ്രൻപാടൻ, രാത്രി ഏഴിന് പ്രദക്ഷിണം, എട്ടിന് പരിശുദ്ധ കുർബാന ആശീർവാദം, കലാസന്ധ്യ. മൂന്നിന് രാവിലെ 6.15ന് കുർബാന, മരിച്ചവരുടെ ഓർമ, സെമിത്തേരി സന്ദർശനം.
മുളവൂർ സെന്റ് മേരീസ് പള്ളിയിൽ
മൂവാറ്റുപുഴ: മുളവൂർ സെന്റ് മേരീസ് യാക്കോബായ പള്ളിയിൽ 90-ാമത് ശിലാസ്ഥാപന പെരുന്നാളും സുവിശേഷ യോഗവും ഒന്ന് മുതൽ അഞ്ച് വരെ നടക്കും. പെരുന്നാളിന് വികാരി ഫാ. ഏലിയാസ് വീണമാലിൽ കൊടിയേറ്റി. ട്രസ്റ്റിമാരായ പി.പി. ഡേവിഡ് പോഞ്ചാലിൽ, പി.വി. റോയി പള്ളിച്ചാൻകുടിയിൽ, സെക്രട്ടറി വി.എം. ജോയി വെള്ളത്തിനാനിയ്ക്കൽ എന്നിവർ പങ്കെടുത്തു. ഒന്നിന് വൈകുന്നേരം 6.15ന് പ്രാർഥന, 6.45ന് ഗാനശുശ്രൂഷ, 7.15ന് വചന ശുശ്രൂഷ- ഫാ. വർഗീസ് വാലയിൽ കോർ എപ്പിസ്കോപ്പ. രണ്ടിന് രാത്രി 7.15ന് വചന ശുശ്രൂഷ-ഫാ. ബാബു ജോണ് പാലക്കുന്നേൽ. മൂന്നിന് രാത്രി 7.15ന് വചന ശുശ്രൂഷ-ഫാ. ബേസിൽ ജേക്കബ് തെക്കിനാലിൽ. നാലിന് വൈകുന്നേരം 6.15ന് പ്രാർഥന, തുടർന്ന് സന്ദേശം -ഫാ. ജോർജ് മാന്തോട്ടം കോർ എപ്പിസ്കോപ്പ. രാത്രി 7.30ന് തെക്കെ കുരിശിങ്കലേക്ക് പ്രദക്ഷിണം, 9.45ന് ആശീർവാദം, 10ന് ഫ്യൂഷൻ ചെണ്ടമേളം എന്നിവ നടക്കും. അഞ്ചിന് രാവിലെ 7.15ന് പ്രാർഥന, 8.15ന് കുർബാന- സഖറിയാസ് മാർ പീലക്സിനോസ് മെത്രാപ്പോലിത്ത. 10.10ന് അവാർഡ് ദാനം, 10.15ന് പടിഞ്ഞാറെ കുരിശിങ്കലേക്ക് പ്രദക്ഷിണം, ഉച്ചയ്ക്ക് 12.15ന് ആശീർവാദം, 12.30ന് നേർച്ച സദ്യ, ഒന്നിന് കൊടിയിറക്കം.
നെച്ചൂർ സെന്റ് തോമസ് പള്ളിയിൽ
പിറവം: മണീട് നെച്ചൂർ സെന്റ് തോമസ് യാക്കോബായ സിറിയൻ ക്രിസ്ത്യൻ കോൺഗ്രിഗേഷൻ സെന്ററിൽ മൂന്നുനോമ്പ് പെരുന്നാളിന് അമേരിക്കൻ ആർച്ച് ഡയോസിസ് മെത്രാപ്പോലീത്ത യൽദോ മാർ തീത്തോസ് കൊടിയേറ്റി. വികാരി ഫാ. ഏലിയാസ് കാപ്പുംകുഴിയിൽ, സഹവികാരി. ഫാ.സന്തോഷ് തെറ്റാലിൽ, പെരുന്നാൾ കമ്മറ്റി കൺവീനർ കെ.പി. ജോൺ കാക്കരേത്ത് പുത്തൻപുര, സെക്രട്ടറി സാജു കെ.ജെ. കുപ്പക്കാട്ടിൽ, ട്രസ്റ്റിമാരായ ബെന്നി കെ.സൈമൺ കാരിയത്ത്, എൽദോ പീറ്റർ മൂലാമറ്റത്തിൽ, സെക്രട്ടറി രാജു വാരുകുന്നേൽ, ജോയിന്റ് സെക്രട്ടറി കെ.പി. ഷാജൻ കാക്കരേത്ത് പുത്തൻപുരയിൽ എന്നിവർ പങ്കെടുത്തു.
തുടർന്ന് യൂത്ത് അസോസിയേഷന്റെ നേതൃത്വത്തിൽ നേത്ര പരിശോധന ക്യാമ്പ് നടത്തി. പെരുന്നാൾ ചടങ്ങുകൾ ഒന്നിന് സമാപിക്കും. ഇടവക മെത്രാപ്പോലീത്ത മാത്യൂസ് മാർ ഈവാനിയോസ് മുഖ്യ കാർമികത്വം വഹിക്കും. ഇന്ന് ഉച്ചയ്ക്ക് 12ന് നമസ്കാരം, വൈകിട്ട് 6.30 ന് പ്രാർഥന 7.30 ന് വചന ശുശ്രൂഷ-റവ.ഫാ. വർഗീസ് പനച്ചിയിൽ. തുടർന്ന് ആശീർവാദം സ്നേഹവിരുന്ന് എന്നിവ നടക്കും.
നാളെ ഉച്ചയ്ക്ക് 12ന് നമസ്കാരം, വൈകിട്ട് 3.30 ന് പ്രദക്ഷിണം. തുടർന്ന് ഏഴിന് പ്രാർഥന ഒൻപതിന് ആശീർവാദം നേർച്ചസദ്യ. സമാപന ദിവസമായ ബുധനാഴ്ച രാവിലെ എട്ടിന് പ്രാർഥന, ഒമ്പതിന് അഞ്ചിന്മേൽ കുർബാന- ഇടവക മെത്രാപ്പോലീത്ത മാത്യൂസ് മാർ ഈവാനിയോസ് പ്രധാന കാർമികത്വം വഹിക്കും. 11 ന് കക്കാടിലേക്ക് പ്രദക്ഷിണം, 11.30 ന് നേർച്ചസദ്യ, ഉച്ചകഴിഞ്ഞ് ഒന്നിന് ലേലം, 1.30ന് കറി നേർച്ച, പെരുന്നാൾ സമാപനം, കൊടിയിറക്ക്.