മൂവാറ്റുപുഴ: കേരള കോണ്ഗ്രസ്-എം നേതാക്കളും പ്രവർത്തകരും കാരുണ്യത്തിന്‍റെ പതാകവാഹകരാകണമെന്ന് പാർട്ടി സംസ്ഥാന സ്റ്റിയറിംഗ് കമ്മിറ്റിയംഗം ജോയി നടുക്കുടി. പാർട്ടി ചെയർമാനും മുൻ ധനകാര്യ മന്ത്രിയുമായിരുന്ന കെ.എം. മാണിയുടെ 90-ാം ജന്മദിനം കാരുണ്യദിനമായി ആചരിക്കുന്നതിന്‍റെ ഭാഗമായി മൂവാറ്റുപുഴ നിയോജക മണ്ഡലം കമ്മിറ്റിയുടെ നേതൃത്വത്തിൽ നടത്തിയ കാരുണ്യ ദിനാചരണം ഉദ്ഘാടനം ചെയ്യുകയായിരുന്നു അദ്ദേഹം. സ്നേഹവീട് അഗതി മന്ദിരത്തിലെ അന്തേവാസികളോടൊപ്പമായിരുന്നു ദിനാചരണം നടത്തിയത്.
നിയോജക മണ്ഡലം പ്രസിഡന്‍റ് ഷൈൻ ജേക്കബ് അധ്യക്ഷത വഹിച്ചു. സംസ്ഥാന കമ്മിറ്റി അംഗങ്ങളായ സണ്ണി കാഞ്ഞിരത്തിങ്കൽ, തോമസ് പാറയ്ക്കൽ, ബാബു മനയ്ക്കപറന്പൻ, ചിന്നമ്മ ഷൈൻ എന്നിവർ നേതൃത്വം നൽകി. തോമസ് പിണക്കാട്ട്, സാബു ഞൊടിയപ്പിള്ളി, മാനുവൽ കല്ലുങ്കൽ, ജയിംസ് കല്ലുങ്കൽ, സജി കളപ്പുരയ്ക്കൽ, സി.എ. ബാബു, രാജേഷ് പൊന്നുംപുരയിടം, ജോമോൻ തൂമുള്ളിൽ, ജോബി ജോസ്, ഷിജി ജേക്കബ്, അഖിൽ തങ്കച്ചൻ, ഡൊമിനിക് അയ്യംകോലിൽ, ടിന്‍റോ തിരുനാളി, ബാബു മാതേയ്ക്കൽ, ജോണ് കുന്പാട്ട്, ദീപു ജോണ് തുടങ്ങിയവർ പങ്കെടുത്തു.