ആരക്കുഴ: കോണ്ഗ്രസ് ആരക്കുഴ മണ്ഡലം കമ്മിറ്റിയുടെ നേതൃത്വത്തിൽ പദയാത്ര നടത്തി. പെരുന്പല്ലൂർ പോസ്റ്റ് ഓഫീസ് കവലയിൽ മാത്യു കുഴൽനാടൻ എംഎൽഎ പദയാത്ര ഉദ്ഘാടനം ചെയ്തു. മുൻ പഞ്ചായത്ത് പ്രസിഡന്‍റ് ഓമന മോഹനൻ യോഗത്തിൽ അധ്യക്ഷത വഹിച്ചു. കോണ്ഗ്രസ് മഞ്ഞള്ളൂർ ബ്ലോക്ക് പ്രസിഡന്‍റ് ജോസ് പെരുന്പിള്ളിക്കുന്നേൽ മുഖ്യ പ്രഭാഷണം നടത്തി. സാബു പൊതൂർ, സമീർ കോണിക്കൽ, മേരി പീറ്റർ തുടങ്ങിയവർ പ്രസംഗിച്ചു. കണ്ണങ്ങാടി, മൂഴി, ആരക്കുഴ, മാളിക പീടിക എന്നിവിടങ്ങളിലൂടെ പദയാത്ര മീങ്കുന്നം ആറൂർ ടോപ്പിൽ സമാപിച്ചു.
യൂത്ത് കോണ്ഗ്രസ് സംസ്ഥാന വൈസ് പ്രസിഡന്‍റ് കെ.എസ്. ശബരീനാഥൻ സമാപന സമ്മേളനം ഉദ്ഘാടനം ചെയ്തു. പദയാത്രയ്ക്ക് നേതൃത്വം നൽകിയ കോണ്ഗ്രസ് ആരക്കുഴ മണ്ഡലം പ്രസിഡന്‍റ് പോൾ ലൂയിസ് പാലമൂട്ടിൽ സമ്മേളനത്തിൽ അധ്യക്ഷത വഹിച്ചു. ഡീൻ കുര്യാക്കോസ് എംപി മുഖ്യപ്രഭാഷണം നടത്തി.
ജില്ലാ പഞ്ചായത്ത് പ്രസിഡന്‍റ് ഉല്ലാസ് തോമസ്, ജോസഫ് വാഴയ്ക്കൻ, എ. മുഹമ്മദ് ബഷീർ, കെ.എം സലിം, കെ.ജി. രാധാകൃഷ്ണൻ, സിബി പി. ജോർജ്, ജാൻസി മാത്യു, മുഹമ്മദ് റഫീഖ്, ഷാൻ മുഹമ്മദ്, ജെറിൻ ജേക്കബ് പോൾ, ജോർജ് മാത്യു ഓരത്തിങ്കൽ, ഷാജി പുളിക്കത്തടം, മറിയാമ്മ ഐപ്പ്, അമൽജിത്ത് അനിൽ തുടങ്ങിയവർ പങ്കെടുത്തു.
രാഹുൽ ഗാന്ധി നയിച്ച ‘ഹാഥ് സേ ഹാഥ്’ ജോഡോ യാത്രയുടെ സന്ദേശം എല്ലായിടത്തും എത്തിക്കാനും കേന്ദ്ര-സംസ്ഥാന സർക്കാരുകളുടെ വിദ്വേഷ രാഷ്ട്രീയത്തിനും ജനദ്രോഹ ഭരണത്തിനും എതിരായി പ്രതികരിക്കുന്നതിനുമാണ് പദയാത്ര നടത്തിയതെന്ന് ഭാരവാഹികൾ അറിയിച്ചു.