അ​പ​ക​ട​ങ്ങ​ളൊഴി​യാ​തെ അ​ത്താ​ണി- ചെ​ങ്ങ​മ​നാ​ട് റോ​ഡ്
Thursday, March 23, 2023 12:38 AM IST
നെ​ടു​മ്പാ​ശേ​രി: അ​ത്താ​ണി-​ചെ​ങ്ങ​മ​നാ​ട് റോ​ഡി​ൽ അ​പ​ക​ട​ങ്ങ​ൾ ഒ​ഴി​യു​ന്നി​ല്ല. ചെ​ങ്ങ​മ​നാ​ട് ഇ​ന്ത്യ​ൻ ബാ​ങ്കി​ന് സ​മീ​പം സ്വ​കാ​ര്യ ബ​സി​ടി​ച്ച് ബൈ​ക്ക് യാ​ത്രി​ക​നാ​യ യു​വാ​വി​ന് ഇന്നലെ ഗുരുതര പ​രിക്കേ​റ്റു. ചെ​ങ്ങ​മ​നാ​ട് സിഎംഎ​സ് പ​വ​ർ​ഹൗ​സ് ജീ​വ​ന​ക്കാ​ര​നാ​യ കാ​ല​ടി കൈ​പ്പ​ട്ടൂ​ർ മ​റ്റൂ​ർ സ്വ​ദേ​ശി അ​ഭി​ഷേ​കി​നാ​ണ് (24) പ​രിക്കേ​റ്റ​ത്.
ഇന്നലെ രാ​വി​ലെ 9.10ഓ​ടെ​യാ​യി​രു​ന്നു അ​പ​ക​ടം. അ​ത്താ​ണി ഭാ​ഗ​ത്തുനി​ന്ന് ബൈ​ക്കി​ൽ വ​രു​ക​യാ​യി​രു​ന്ന അ​ഭി​ഷേ​ക് ബാ​റ്റ​റി ക​ട​യി​ലേ​ക്ക് തി​രി​യു​ന്ന​തി​നി​ടെ​യാ​ണ് ആ​ലു​വ-പു​ത്ത​ൻ​വേ​ലി​ക്ക​ര റൂ​ട്ടി​ൽ സ​ർ​വീ​സ് ന​ട​ത്തു​ന്ന പി​റ​കി​ൽ വ​ന്ന ബ​സ് ഇ​ടി​ച്ചു തെ​റി​പ്പി​ച്ച​ത്.
ഏ​താ​നും വ​ർ​ഷം മു​മ്പ് ഇ​തേ സ്ഥ​ല​ത്ത് ആ​ലു​വ കെഎ​സ്ആ​ർടിസി ഡി​പ്പോ ഡ്രൈ​വ​റാ​യി​രു​ന്ന കു​ന്നു​ക​ര സൗ​ത്ത് അ​ടു​വാ​ശേ​രി പു​തുശേ​രി വീ​ട്ടി​ൽ ബി​നോ​ജ് (49) അ​ത്താ​ണി​യി​ലേ​ക്ക് വ​രു​ന്ന​വ​ഴി എ​തി​ർ​ദി​ശ​യി​ൽ നി​ന്ന് വ​ന്ന ടോ​റ​സി​ൽ ഇ​ടി​ച്ച് ത​ത്ക്ഷ​ണം മ​രി​ച്ചിരുന്നു. അ​ത്താ​ണി- പ​റ​വൂ​ർ റോ​ഡി​ൽ പു​ത്ത​ൻ​തോ​ട് ഭാ​ഗ​ത്തെ കു​പ്പി​ക്ക​ഴു​ത്താ​കൃ​തി​യി​ലാ​യ വ​ള​വു​ക​ൾ നി​വ​ർ​ത്താ​ത്ത​തും റോ​ഡ് ന​വീ​ക​രി​ക്കാ​ത്ത​തു​മാ​ണ് അ​പ​ക​ട​ങ്ങ​ൾ പ​തി​വാ​കാ​ൻ കാ​ര​ണ​മെ​ന്നാ​ണ് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്ന​ത്.
കാ​ല​ങ്ങ​ളാ​യി ജീ​വ​ഹാ​നി​യും അ​പ​ക​ട​ങ്ങ​ളും മ​ണി​ക്കൂ​റു​ക​ൾ നീ​ളു​ന്ന ഗ​താ​ഗ​ത​ക്കു​രു​ക്കും പ​തി​വാ​യ റൂ​ട്ടി​ൽ പു​റ​മ്പോ​ക്ക് വീ​ണ്ടെ​ടു​ത്ത് റോ​ഡ് ന​വീ​ക​ര​ണ​ത്തി​ന് ഒ​രു വ​ർ​ഷം മു​മ്പ് സം​സ്ഥാ​ന ബ​ജ​റ്റി​ൽ ര​ണ്ട​ര കോ​ടി അ​നു​വ​ദി​ച്ചെ​ങ്കി​ലും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​ടെ അ​ലം​ഭാ​വം മൂ​ലം പ്രാ​രം​ഭ ന​ട​പ​ടി​ക​ൾ പോ​ലും പൂ​ർ​ത്തീ​ക​രി​ച്ചി​ട്ടി​ല്ലെ​ന്നാ​ണ് ആ​ക്ഷേ​പം. ഇ​തേ തു​ട​ർ​ന്ന് മേ​ഖ​ല​യി​ലെ റ​സി​ഡ​ന്‍റ്സ് അ​സോ​സി​യേ​ഷ​നു​ക​ളു​ടെ സം​യു​ക്ത​വേ​ദി തി​ങ്ക​ളാ​ഴ്ച ശ്ര​ദ്ധ​ക്ഷ​ണി​ക്ക​ൽ പ്ര​തി​ഷേ​ധം സം​ഘ​ടി​പ്പി​ക്കു​ക​യു​ണ്ടാ​യി.

Copyright @ 2022 , Rashtra Deepika Ltd.