കൊച്ചി: ജില്ലയില് 23 തദ്ദേശസ്വയംഭരണ സ്ഥാപനങ്ങളുടെ 2023-24 വാര്ഷിക പദ്ധതിക്ക് കൂടി ജില്ലാ ആസൂത്രണ സമിതി യോഗം അംഗീകാരം നല്കി. യോഗത്തിൽ സമിതി ചെയര്മാനായ ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് അധ്യക്ഷത വഹിച്ചു.
കോതമംഗലം ബ്ലോക്ക് പഞ്ചായത്ത്, തൃപ്പൂണിത്തുറ, കളമശേരി മുനിസിപ്പാലിറ്റികള്, ആരക്കുഴ, ആവോലി, കടമക്കുടി, കറുകുറ്റി, കുട്ടമ്പുഴ, കോട്ടപ്പടി, പൈങ്ങോട്ടൂര്, പല്ലാരിമംഗലം, പിണ്ടിമന, പോത്താനിക്കാട്, പുത്തന്വേലിക്കര, രാമമംഗലം, തിരുമാറാടി, തിരുവാണിയൂര്, മഴുവന്നൂര്, പൂതൃക്ക, വരാപ്പുഴ, വടക്കേക്കര, ഒക്കല് വെങ്ങോല എന്നീ ഗ്രാമപഞ്ചായത്തുകളുടെയും വാര്ഷിക പദ്ധതിക്കാണ് അംഗീകാരം നല്കിയത്.
കഴിഞ്ഞ 28ന് ചേര്ന്ന യോഗത്തില് 13 ബ്ലോക്ക് പഞ്ചായത്തുകള്, 11 നഗരസഭകള്, 63 ഗ്രാമപഞ്ചായത്തുകള് ഉള്പ്പെടെ 87 സ്ഥാപനങ്ങളുടെ വാര്ഷിക പദ്ധതിക്ക് ആസൂത്രണ സമിതി യോഗത്തില് അംഗീകാരം നല്കിയിരുന്നു.
നൂറ് ശതമാനം ഫിലമെന്റ് രഹിത കേരളം പദ്ധതി ജില്ലയില് നടപ്പാക്കുന്നതിന്റെ ഭാഗമായി നിലവില് തദ്ദേശ സ്വയംഭരണ സ്ഥാപനങ്ങള് വഴി നടപ്പാക്കുന്ന നിലാവ് പദ്ധതിയില് ബന്ധപ്പെടുത്തി റിപ്പോര്ട്ട് സമര്പ്പിക്കുന്നതിനും യോഗത്തില് തീരുമാനമായി. നോര്ത്ത് പറവൂര് മുനിസിപ്പാലിറ്റിയുടെ 2023-24 വര്ഷത്തെ അയ്യങ്കാളി നഗര തൊഴിലുറപ്പ് പദ്ധതിക്കും യോഗത്തില് അംഗീകാരം നല്കി.