കല്ലൂർക്കാട്: പഞ്ചായത്ത് ഓഫീസ് കെട്ടിട സമുച്ചയ ശിലാസ്ഥാപനം ഡീൻ കുര്യാക്കോസ് എംപി നിർവഹിച്ചു. മാത്യു കുഴൽനാടൻ എംഎൽഎ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് മുഖ്യപ്രഭാഷണം നടത്തി. പഞ്ചായത്ത് പ്രസിഡന്റ് ജോർജ് ഫ്രാൻസിസ് തെക്കേക്കര, ബ്ലോക്ക് പഞ്ചായത്ത് പ്രസിഡന്റ് ജോസ് അഗസ്റ്റിൻ, ജില്ലാ പഞ്ചായത്ത് സ്ഥിരം സമിതി അധ്യക്ഷ റാണിക്കുട്ടി ജോർജ്, പഞ്ചായത്ത് വൈസ് പ്രസിഡന്റ് ഷൈനി ജെയിംസ്, സണ്ണി സെബാസ്റ്റ്യൻ, ഡെൽസി ലൂക്കാച്ചൻ, സുമിത സാബു, സുജിത്ത് ബേബി, ജാൻസി ജോമി, സീമോൾ ബൈജു, ടിന്റു വർഗീസ്, ബൈജി ആത്രശേരി, സജി ചാക്കോ, കെ. അനീഷ് കുമാർ, ശുഭ, കെ.ടി. മാത്യു എന്നിവർ പ്രസംഗിച്ചു. ആദ്യ ഘട്ടത്തിൽ താഴത്തെ നില നിർമിക്കുന്നതിന് 87.5 ലക്ഷവും തുടർന്ന് ഒന്നാംനില പണിയുന്നതിന് 60 ലക്ഷവുമാണ് അനുവദിച്ചിട്ടുള്ളത്.