ചേർപ്പ്: ദുർഗാഷ്ടമിയോടനുബന്ധിച്ച് ഉൗരകത്തമ്മ തിരുവടി ക്ഷേത്രത്തിൽ കുലവാഴ വിതാനം സുവർണ ശോഭയായി.
പടിഞ്ഞാറെ നടപ്പുരയിലാണു കുലവാഴ വിതാനം ഒരുക്കിയിട്ടുള്ളത്. പ്രദേശത്തെ വീടുകളിൽ നിന്ന് ശേഖരിച്ച് ക്ഷേത്ര അറയിൽ സൂക്ഷിച്ച കുലവാഴകൾ ഭക്തജനങ്ങളും ക്ഷേത്രം ജീവനക്കാരും ചേർന്നാണു നടപ്പുരയിൽ അലങ്കരിച്ചത്. നിരവധി ഭക്തജനങ്ങൾ കുലവാഴ വിതാനം കാണാൻ എത്തിയിരുന്നു.
അലങ്കരിച്ച കുലവാഴകൾ വിജയദശമി ദിവസമായ നാളെ ഉച്ചയോടെ ഭക്ത ജനങ്ങൾക്കു തിരിച്ചു പ്രസാദമായി നൽകും. ക്ഷേത്ര സരസ്വതി മണ്ഡ പത്തിൽ പൂജവയ്പും നടന്നു.
എൻസിപി പ്രാർഥനായോഗം നടത്തി
തൃശൂർ: "വർഗീയതയെ ചെറുക്കാൻ, സ്വാശ്രയത്വം കൈവരിക്കാൻ ഗാന്ധിജിയിലേക്കു മടങ്ങുക' എന്ന സന്ദേശവുമായി എൻസിപി ജില്ലാ കമ്മിറ്റി നടുവിലാൽ സ്ക്വയറിൽ പ്രാർത്ഥനാ യോഗം സംഘടിപ്പിച്ചു. എൻസിപി ജില്ലാ പ്രസിഡന്റ് മോളി ഫ്രാൻസിസ് അധ്യക്ഷത വഹിച്ചു. സംസ്ഥാന വൈസ് പ്രസിഡന്റ് പി.കെ. രാജൻ മാസ്റ്റർ, എ.വി. വല്ലഭൻ, രലു കെ. മാരാത്ത്, ഇ.എ. ദിനമണി, എം. പത്മിനി, കെ.വി. മോഹനകൃഷ്ണൻ, സി.ആർ. സജിത്ത്, സി.വി. ബേബി, സി.എൽ. ജോയ്, ടി.എ. മുഹമ്മദ് ഷാഫി, ടി.ജി. സുന്ദർലാൽ, എ.എൽ. ജേക്കബ്, ഇ.പി. സുരേഷ്, കെ.വി. പ്രവീണ്, യു.കെ. ഗോപാലൻ, സി.കെ. രാധാകൃഷ്ണൻ, ഇ.എസ്. ശശീധരൻ, വി.എം. നയന, കെ.എം. സൈനുദ്ധീൻ, സി.കെ. ബാലകൃഷ്ണർ എന്നിവർ പങ്കെടുത്തു.