ചാലക്കുടി: കേരള വാട്ടർ അതോറിറ്റി ചാലക്കുടി സബ്ഡിവിഷന്റെ കീഴിലുളള പഞ്ചായത്തുകളിൽ ജൽ ജീവൻ മിഷൻ പദ്ധതിയുടെ 19,818 കണക്ഷനുകൾ നൽകി. 24,983 കണക്ഷനുകൾ കൂടി നൽകാനുണ്ട്. ഇതിനാവശ്യമായ പ്രവർത്തനങ്ങൾ അതാത് പഞ്ചായത്തുകളിൽ പുരോഗമിച്ചു വരുന്നു.
പരിയാരം, മേലൂർ, കാടുകുറ്റി, മറ്റത്തൂർ, അളഗപ്പനഗർ, പുതുക്കാട്, തൃക്കൂർ, വരന്തരപ്പിളളി, നെന്മണിക്കര, എന്നീ പഞ്ചായത്തുകളിൽ എത്രയും പെട്ടെന്ന് ഗാർഹിക കണക്ഷനുകൾ ലഭ്യമാക്കുന്നതിനായി ക്യു ആർ കോഡ് വഴി രജിസ്റ്റർ ചെയ്യാവുന്നതാണ്. ക്യുആർ കോഡ് സ്കാൻ ചെയ്ത് ഉപഭോക്താവിന്റെ പേര്, ഫോണ് നന്പർ, അഡ്രസ്, ഗ്രാമപഞ്ചായത്തിന്റെ പേര്, വാർഡ് നന്പർ എന്നിവ നല്കി സമർപ്പിക്കുക. ബിപിഎൽ റേഷൻ കാർഡ് ഉടമകൾക്ക് 30000 ലിറ്റർ വരെ (രണ്ട് മാസത്തക്ക്) വെളളക്കരം സൗജന്യമാണ്. ഉപഭോക്താക്കൾക്ക് ഗ്രാമപഞ്ചായ ത്തിലോവാട്ടർ അഥോറിറ്റി ഓഫീസിലോ അപേക്ഷ നേരിട്ട് സമർപ്പിക്കാവുന്നതുമാണ്. ഗാർഹികേതര കണക്ഷൻ ആവശ്യമുളളവർക്ക് കേരള വാട്ടർ അഥോറിറ്റി ഓണ്ലൈൻ സംവിധാനം ഉപയോഗിക്കേണ്ടതാണ്.