മാള സെന്‍റ് സ്റ്റനിസ്ലാവോസ്
ഫൊറോന
മാള: സെന്‍റ് സ്റ്റനിസ്ലാവോസ് ഫൊറോന പള്ളിയിൽ പരിശുദ്ധ കന്യകാമറിയത്തിന്‍റെ വിവാഹ തിരുനാളിനും വിശുദ്ധ സെബസ്ത്യാനോസിന്റെ അന്പു തിരുനാളിനും ഇന്നു കൊടിയേറും. ഇന്നു വൈകീട്ട് അഞ്ചിന് ലദീഞ്ഞ്, ദിവ്യബലി, നൊവേന, കൊടികയറ്റം എന്നിവക്ക് വികാരി ഫാ. ജോർജ് പാറമേൻ മുഖ്യകാർമികത്വം വഹിക്കും.
നാളെ വൈകീട്ട് അഞ്ചിനുള്ള തിരുക്കർമങ്ങൾക്ക് അസി.വികാരി ഫാ. ക്രിസ്റ്റി ചിറ്റക്കര കാർമികത്വം വഹിക്കും. വെള്ളിയാഴ്ച വൈകീട്ട് അഞ്ചിന് അസി.വികാരി ഫാ. ബിനീഷ് കോട്ടയ്ക്കൽ കാർമികനാകും. തുടർന്ന് 2024 വർഷത്തെ തിരുനാൾ പ്രസുദേന്തിക്ക് സ്വീകരണം, ദർശന സഭാ ഭാരവാഹികളുടെ വാഴ്ച, അനുമോദന യോഗം എന്നിവ നടക്കും. രാത്രി ഏഴിന് ദീപാലങ്കാരങ്ങളുടെ സ്വിച്ച് ഓണ്‍ മാള പോലീസ് എസ്എച്ച്ഒ സജിൻ ശശി നിർവഹിക്കും.
ശനിയാഴ്ചയാണ് വിശുദ്ധ സെബസ്ത്യാനോസിന്റെ അന്പ് തിരുനാൾ. അന്ന് രാവിലെ ഏഴിന് തിരുക്കർമങ്ങൾക്ക് ഫാ. മാർട്ടിൻ മാളിയേക്കൽ കൂനൻ മുഖ്യകാർമികത്വം വഹിക്കും. തുടർന്ന് രൂപം പന്തലിലേക്ക് എഴുന്നള്ളിക്കും. രാവിലെ എട്ടിനു വീടുകളിലേക്ക് അന്പ് എഴുന്നുള്ളിപ്പ് ആരംഭിക്കും. രാത്രി ഏഴു മുതൽ 10 വരെ കുടുംബ യൂണിറ്റു കളിൽ നിന്നുള്ള അന്പ് എഴുന്നള്ളിപ്പ് പള്ളിയിൽ എത്തിച്ചേരും. സ്റ്റേജിൽ വാദ്യമേള മത്സരം നടത്തപ്പെടും.
തിരുനാൾ ദിനമായ ഞായറാഴ്ച രാവിലെ ആറ്, 7.30, 10, വൈകീട്ട് 3.45 എന്നീ സമയങ്ങളിൽ ദിവ്യബലികൾ. 10 നു നടക്കുന്ന ആഘോഷമായ തിരുനാൾ ദിവ്യബലിക്ക് തൃശൂർ അതിരൂപത വികാരി ജനറാൾ മോണ്. ജോസ് കോനിക്കര മുഖ്യകാർമികത്വം വഹിക്കും. ഫാ. സനു പുതുശേരി സന്ദേശം നല്കും. 3.45 ന്‍റെ ദിവ്യബലിക്കുശേഷം വാദ്യമേളങ്ങളുടേയും പട്ടുക്കുടകളുടേയും പൊൻകുരിശുകളുടേയും അകന്പടിയോടെ തിരുനാൾ പ്രദക്ഷിണം. വൈകീട്ട് 6.45 ന് സമാപന ആശീർവാദ ശേഷം വർണമഴയും, തുടർന്ന് വിധു പ്രതാപ് നയിക്കുന്ന ഗാനമേളയും.
തിങ്കളാഴ്ച രാവിലെ 6.30 ന് പരേതർക്കുവേണ്ടി ദിവ്യബലി. 9.30ന് ടൗണ്‍ അന്പ് പള്ളിയിൽ നിന്നും ആരംഭിക്കും. രാത്രി ഏഴിന് ടൗണ്‍ അന്പ് ആരംഭിച്ച് 10ന് പള്ളിയിൽ സമാപിക്കും. തുടർന്ന് വർണമഴ. കളപറന്പത്ത് പോൾ ഡേവിസ് ആണ് ഈ വർഷത്തെ തിരുനാൾ പ്രസുദേന്തി.
തിരുനാളിന്‍റെ ഒരുക്കങ്ങൾ പൂർത്തിയായതായി വികാരി ഫാ. ജോർജ് പാറമേൻ, കൈക്കാരൻമാരായ പോൾ അന്പൂക്കൻ, പീറ്റർ പാറേക്കാട്ട്, ലിന്‍റിഷ് ആന്‍റോ, പ്രസുദേന്തി പോൾ ഡേവിസ് എന്നിവർ പത്രസമ്മേളനത്തിൽ അറിയിച്ചു.
മൂന്നുമുറി സെന്‍റ് ജോണ്
ദി ബാപ്റ്റിസ്റ്റ്
കൊടകര: മൂന്നുമുറി സെന്‍റ് ജോണ് ദി ബാപ്റ്റിസ്റ്റ് പള്ളിയിലെ വിശുദ്ധ സെബസ്ത്യാനോസിന്റെ അന്പ് തിരുനാൾ നാളെയും മറ്റന്നാളുമായി ആഘോഷിക്കുമെന്നു ഭാരവാഹികൾ വാർത്താസമ്മേളനത്തിൽ അറിയിച്ചു. അന്പെഴുന്നള്ളിപ്പ് ദിനമായ നാളെ രാവിലെ ആറിന് പ്രസുദേന്തി വാഴ്ച, ലദീഞ്ഞ്, നൊവേന, യൂണിറ്റുകളിലേക്ക് അന്പെഴുന്നള്ളിപ്പ്, രാത്രി 12 ന് അന്പ് പ്രദക്ഷിണം പള്ളിയിൽ സമാപനം.
തിരുനാൾ ദിനമായ വെള്ളിയാഴ്ച രാവിലെ 6.30 ന് വിശുദ്ധ കുർബാന, 10 ന് ആഘോഷമായ തിരുനാൾ പാട്ടുകുർബാന, 2.30 ന് കുർബാന, തിരുനാൾ പ്രദക്ഷിണം, രാത്രി ഏഴിന് തിരുനാൾ പ്രദക്ഷിണം സമാപനം, ആകാശക്കാഴ്ച എന്നിവ ഉണ്ടാവും.
വികാരി ഫാ. ജോർജ് വേഴപ്പറന്പിൽ, അസി. വികാരി ഫാ. അഗസ്റ്റിൻ കൂന്തിലി, ജനറൽ കണ്‍വീനർ ബിജു പീണിക്കപറന്പൻ, മീഡിയ കണ്‍വീനർ ജെസ്റ്റിൻ മാങ്കുഴി, കൈക്കാരൻ റപ്പായി ചക്കാലക്കൽ എന്നിവർ വാർത്താസമ്മേളനത്തിൽ പങ്കെടുത്തു.
കാരൂർ സെന്‍റ് മേരീസ് റോസറി
കാരൂർ: സെന്‍റ് മേരീസ് റോസറി ദേവാലയത്തിൽ വിശുദ്ധ സെബസ്ത്യാനോസിന്റെ അന്പുതിരുനാളിന് വികാരി ഫാ. ഫ്രാൻസിസ് കൊടിയൻ കൊടിയേറ്റി. ഇന്നു രാവിലെ 6.30 ന് വിശുദ്ധ കുർബാന, ലദീഞ്ഞ്, നോവേന, രൂപം എഴുന്നള്ളിച്ചുവയ്ക്കൽ. വീടുകളിലേക്ക് അന്പ് എഴുന്നള്ളിപ്പ്, രാത്രി 11.30 ന് യൂണിറ്റുകളിൽ നിന്നുള്ള അന്പു പ്രദക്ഷിണങ്ങൾ പള്ളിയിൽ സമാപിക്കും. തുടർന്ന് വർണ മഴ.
നാളെ രാവിലെ 10.30 ന് ആഘോഷമായ തിരുനാൾ പാട്ടുകുർബാനയ്ക്ക് ഫാ. ഫ്രാൻസൻ തന്നാടൻ കാർമികത്വം വഹിക്കും. ഫാ. ആഷിൻ കൈതാരൻ സന്ദേശം നൽകും. വൈകീട്ട് നാലിന് വിശുദ്ധ കുർബാന, പ്രദക്ഷിണം. രാത്രി ഏഴിന് പ്രദക്ഷിണം പള്ളിയിൽ സമാപിക്കും. തുടർന്ന് ലൈറ്റ് ഷോ, കലാസന്ധ്യ.