പൂമംഗലം: ഗ്രാമപഞ്ചായത്ത് കുടുംബാരോഗ്യ കേന്ദ്രത്തിന് 2021-22 വർഷത്തെ മികച്ച ആരോഗ്യ പ്രവർത്തനങ്ങൾക്കുള്ള കായകൽപ്പ്, എൻക്യൂഎഎസ്, കഐഎസ്എച്ച് എന്നീ അവാർഡുകൾ ലഭിച്ചു. ലോക ക്ഷയരോഗ ദിനത്തോടനുബന്ധിച്ച്് തിരുവനന്തപുരം നിശാഗന്ധി ഓഡിറ്റോറിയത്തിൽ വെച്ച് നടന്ന ചടങ്ങിൽ പൂമംഗലം ഗ്രാമപഞ്ചായത്ത് പ്രസിഡന്റ് കെ.എസ്. തന്പി, വൈസ് പ്രസിഡന്റ് കവിത സുരേഷ്, ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ഹൃദ്യ അജീഷ്, മെഡിക്കൽ ഓഫീസർ എൽ. ദേവി, കുടുംബാരോഗ്യ ഉദ്യോഗസ്ഥർ എന്നിവർ ചേർന്ന് ആരോഗ്യ വകുപ്പ് മന്ത്രി വീണ ജോർജിൽ നിന്നും അവാർഡുകൾ ഏറ്റുവാങ്ങി. മികച്ച ആശ വർക്കർക്കുള്ള അവാർഡും പൂമംഗലം കുടുംബാരോഗ്യ കേന്ദ്രത്തിലെ ആശവർക്കർ വി.എ. ചാന്ദിനി കരസ്ഥമാക്കി.
സൗജന്യ നേത്ര പരിശോധന ക്യാന്പ്
ഇരിങ്ങാലക്കുട: കൊന്പടിഞ്ഞാമാക്കൽ ലയണ്സ് ക്ലബിന്റെയും, ഇരിങ്ങാലക്കുട സേവാഭാരതിയുടെയും, ഐ ഫൗണ്ടേഷൻ ആശുപത്രിയും സംയുക്തമായി ഇരിങ്ങാലക്കുട സേവാഭാരതി സേവനകേന്ദ്രത്തിൽ സൗജന്യ നേത്ര പരിശോധന ക്യാന്പ് സംഘടിപ്പിച്ചു. മെഡിക്കൽ ക്യാന്പ് കോർഡിനേറ്റർ ജോണ്സണ് കോലങ്കണ്ണി ഉദ്ഘാടനം ചെയ്തു. സേവാഭാരതി പ്രസിഡന്റ് നളിൻ ബാബു അധ്യക്ഷത വഹിച്ചു. ജനറൽ സെക്രട്ടറി പി.കെ. ഉണ്ണികൃഷ്ണൻ, ട്രഷറർ കെ.ആർ. സുബ്രഹ്മണ്യൻ, മെഡിസെൽ കണ്വീനർ ഒ.എൻ. സുരേഷ്, കവിത ലീലാധരൻ, സൗമ്യ, മിനി സുരേഷ്, ഹരികുമാർ തളിയകാട്ടിൽ, ജഗദീഷ് പണിക്കവീട്ടിൽ, ഉണ്ണി പേടിക്കാട്ടിൽ, അനിൽകുമാർ, ശിവൻ എന്നിവർ പങ്കെടുത്തു.