നെ​ന്മാ​റ: സ്കൂ​ളു​ക​ൾ തു​റ​ക്കാ​ൻ ദിവസങ്ങൾ മാ​ത്രം ബാ​ക്കി​യു​ള്ള​പ്പോ​ൾ വ്യാ​പാ​ര സ്ഥാ​പ​ന​ങ്ങ​ളി​ൽ സ്കൂ​ൾ സീ​സ​ൺ ക​ച്ച​വ​ടം ത​കൃ​തി. വ്യാ​പാ​ര​സ്ഥാ​പ​ന​ങ്ങ​ൾ സ്കൂ​ൾവി​പ​ണി ല​ക്ഷ്യ​മാ​ക്കി നോ​ട്ടു​ബു​ക്കു​ക​ൾ, പെ​ൻ​സി​ൽ ബോ​ക്സ്, ബാ​ഗ്, വാ​ട്ട​ർ​ബോ​ട്ടി​ൽ, കു​ട, പേ​ന, പെ​ൻ​സി​ൽ തു​ട​ങ്ങി വൈ​വി​ധ്യ​മാ​ർ​ന്ന ഉ​ത്പ​ന്ന​ങ്ങ​ൾ പ​ല വ​ർ​ണ​ത്തി​ലും വ​ലി​പ്പ​ത്തി​ലും ഒ​രു​ക്കി പ്ര​ദ​ർ​ശി​പ്പി​ച്ച് വ്യാ​പാ​ര​ത്തി​ന് ഒ​രു​ങ്ങി​യി​രി​ക്കു​ക​യാ​ണ്.

മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് ​ക​ച്ച​വ​ടം കാ​ര്യ​മാ​യി ന​ട​ക്കു​ന്നി​ല്ലെ​ന്ന് വ്യാ​പാ​രി​ക​ൾ പ​റ​യു​ന്നു. പ്ര​ധാ​ന വ്യാ​പാ​രം ന​ട​ക്കു​ന്ന നോ​ട്ടു​ബു​ക്കു​ക​ൾ തു​ട​ങ്ങി​യ​വ സ്കൂ​ൾ അ​ധി​കൃ​ത​ർ നി​ർ​ബ​ന്ധി​ച്ചു വി​ല്പ​ന ന​ട​ത്തു​ന്ന​തി​നാ​ലും പു​സ്ത​ക​ങ്ങ​ൾ പൊ​തി​യു​ന്ന​തി​ന് ഒ​രേ നി​റ​ത്തി​ലു​ള്ള ച​ട്ട​ക​ട​ലാ​സു​ക​ൾവ​രെ സ്കൂ​ൾ അ​ധി​കൃ​ത​ർ അ​നു​ബ​ന്ധ സ്ഥാ​പ​ന​ങ്ങ​ളാ​യി വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ ത​ന്നെ വി​ല്പ​ന ന​ട​ത്തു​ന്നു.

യൂ​ണി​ഫോം തു​ണി​ക​ൾ ചി​ല സ്ഥാ​പ​ന​ങ്ങ​ൾ ത​യ്ച്ചു ന​ൽ​കു​ക​യും ചി​ല സ്ഥാ​പ​ന​ങ്ങ​ൾ അ​വ​ർ നി​ശ്ച​യി​ച്ച സ്ഥാ​പ​ന​ങ്ങ​ളി​ൽ നി​ന്നു​ത​ന്നെ വാ​ങ്ങ​ണം എ​ന്ന് നി​ർ​ബ​ന്ധി​ക്കു​ന്ന​തും വ​സ്ത്ര വ്യാ​പാ​ര​സ്ഥാ​പ​ന​ങ്ങ​ളെ​യും പ്ര​തി​സ​ന്ധി​യി​ലാ​ക്കു​ന്നു​ണ്ട്. ജി​എ​സ്ടി യും ​പ​ഞ്ചാ​യ​ത്ത് തു​ട​ങ്ങി​യ നി​കു​തി​യും ഹ​രി​ത​ക​ർ​മ​സേ​ന​യു​ടെ യൂ​സ​ർ ഫീ​യും ന​ൽ​കി വാ​യ്പ​യെ​ടു​ത്തു ക​ച്ച​വ​ടം ന​ട​ത്തു​ന്ന​വ​ർ​ക്ക് ഇ​ത്ത​രം പ്ര​തി​കൂ​ല സാ​ഹ​ച​ര്യ​ങ്ങ​ൾ സാ​മ്പ​ത്തി​ക ബാ​ധ്യ​ത ഉ​ണ്ടാ​ക്കു​ന്ന​താ​യി പ​റ​യു​ന്നു.

സീ​സ​ണി​ൽ മാ​ത്രം ല​ഭി​ക്കു​ന്ന സ്കൂ​ൾ ഉ​ത്പ​ന്ന​ങ്ങ​ളു​ടെ വി​ല്പ​ന പ്ര​തീ​ക്ഷ​ക​ൾ ത​ക​ർ​ത്തു​കൊ​ണ്ട് വി​ദ്യാ​ഭ്യാ​സ സ്ഥാ​പ​ന​ങ്ങ​ളും ക​ച്ച​വ​ട​ത്തി​ന് ഇ​റ​ങ്ങി​യ​തി​ൽ വ്യാ​പാ​രി​ക​ളും ക​ടു​ത്ത അ​മ​ർ​ഷ​ത്തി​ലാ​ണ്. സ്കൂ​ൾ ബ​സാ​ർ എ​ന്ന പേ​രി​ൽ പ്രാ​ദേ​ശി​ക സ​ഹ​ക​ര​ണസം​ഘ​ങ്ങ​ളും സ്കൂ​ൾ ഉ​ത്പ​ന്ന​ങ്ങ​ൾ പ്ര​ദ​ർ​ശി​പ്പി​ച്ച് വി​ല്പ​ന ന​ട​ത്തു​ന്നു​ണ്ട്.

സ്കൂ​ൾ വി​പ​ണി​യി​ൽ മ​ത്സ​രം കൊ​ഴു​പ്പി​ക്കാ​ൻ നോ​ട്ട് ബു​ക്കു​ക​ൾ ഉ​ൾ​പ്പെ​ടെ​യു​ള്ള​വ പ​ല​രീ​തി​യി​ൽ അ​ടു​ക്കി ഭം​ഗി​യാ​ർ​ന്ന പു​റം​ച​ട്ട പ്ര​ദ​ർ​ശി​പ്പി​ച്ചാ​ണ് സൂ​പ്പ​ർ​മാ​ർ​ക്ക​റ്റു​ക​ൾ ഉ​ൾ​പ്പെ​ടെ​യു​ള്ള​വ​ർ പ്ര​ത്യേ​ക കൗ​ണ്ട​റു​ക​ൾ ഒ​രു​ക്കി പ്ര​ദ​ർ​ശി​പ്പി​ച്ച് വി​ല്പ​ന​യ്ക്ക് ഒ​രു​ങ്ങി​യി​ട്ടു​ള്ള​ത്.

പേ​ന, പെ​ൻ​സി​ൽ, റ​ബ​ർ, ഇ​ൻ​സ്ട്രു​മെ​ന്‍റ് ബോ​ക്സ്, പെ​ൻ​സി​ൽ ബോ​ക്സ് തു​ട​ങ്ങി​യ​വ​യു​ടെ വി​ല്പ​ന​യും ത​കൃ​തി​യാ​ണ്. പേ​ന, പെ​ൻ​സി​ൽ എ​ന്നി​വ പ്ലാ​സ്റ്റി​ക് പെ​ട്ടി​ക​ളി​ലും ടി​ന്നു​ക​ളി​ലും ആ​ക്കി 10 ഉം 20 ​എ​ണ്ണം അ​ട​ങ്ങി​യ​വ ഒ​ന്നി​ച്ചു വി​ല്പ​ന​യും സ​ജീ​വ​മാ​യി ന​ട​ക്കു​ന്നു. കാ​ർ​ട്ടൂ​ൺ ക​ഥാ​പാ​ത്ര​ങ്ങ​ൾ ഉ​ൾ​ക്കൊ​ള്ളു​ന്ന ബാ​ഗു​ക​ൾ​ക്കാ​ണ് ആ​വ​ശ്യ​ക്കാ​ർ ഏ​റെ ഉ​ള്ള​തെ​ങ്കി​ലും വി​ല 1500 വ​രെ ഉ​യ​രു​ന്നു​ണ്ട്. പ്ലാ​സ്റ്റി​ക് വെ​ള്ള​കു​പ്പി​ക​ൾ​ക്ക് ചി​ല വി​ദ്യാ​ഭ്യാ​സ സ്ഥാ​പ​ന​ങ്ങ​ൾ നി​രോ​ധ​നം ഏ​ർ​പ്പെ​ടു​ത്തി​യ​തി​നാ​ൽ സ്റ്റീ​ൽ വെ​ള്ള​കു​പ്പി​ക​ൾ​ക്ക് ആ​വ​ശ്യ​ക്കാ​ർ വ​രു​ന്നു​ണ്ട്.

പു​സ്ത​ക​ങ്ങ​ൾ വ​യ്ക്കു​ന്ന ബാ​ഗി​ന് പു​റ​മെ വെ​ള്ള​വും ഭ​ക്ഷ​ണ​വും കൊ​ണ്ടു​പോ​കാ​നു​ള്ള പ്ര​ത്യേ​ക ബാ​ഗും വി​ല്പ​ന​ക്ക് എ​ത്തി​യി​ട്ടു​ണ്ട്. കു​ട്ടി​ക​ളെ ആ​ക​ർ​ഷി​ക്കാ​ൻ വൈ​വി​ധ്യ​മാ​ർ​ന്ന നി​റ​ങ്ങ​ളി​ലും കാ​ർ​ട്ടൂ​ൺ ക​ഥാ​പാ​ത്ര​ങ്ങ​ളു​ടെ ചി​ത്രം ആ​ലേ​ഖ​നം ചെ​യ്ത കു​ട​ക​ളും ക​ട​ക​ളി​ൽ പ്ര​ത്യ​ക്ഷ​പ്പെ​ട്ടി​ട്ടു​ണ്ട്. കു​ട​ക​ളി​ൽ പ്ര​മു​ഖ ബ്രാ​ൻ​ഡു​ക​ൾ​ക്കാ​ണ് ആ​വ​ശ്യ​ക്കാ​ർ ഏ​റെ​യു​ള്ള​ത്.
നോ​ട്ടു​പു​സ്ത​ക​ത്തി​ന്‍റെ നീ​ള​വും വീ​തി​യും പേ​ജു​ക​ളു​ടെ എ​ണ്ണ​വും കു​റ​ച്ച് വി​ല​ക്കു​റ​വ് എ​ന്ന പേ​രി​ലു​ള്ള വി​ല്പ​ന​യും സ​ജീ​വ​മാ​ണ്.

ജോ​ജി തോ​മ​സ്