ഒ​റ്റ​പ്പാ​ലം: കു​ടി​വെ​ള്ളം ല​ഭി​ച്ചി​ല്ലെ​ങ്കി​ലും ബി​ൽ​തു​ക ഭീ​ക​രം. വാ​ണി​യം​കു​ളം പ​ഞ്ചാ​യ​ത്തി​ൽ മ​നി​ശീ​രി ഭാ​ഗ​ത്താ​ണ് ഉ​പ​ഭോ​ക്താ​ക്ക​ൾ​ക്ക് കു​ടി​വെ​ള്ള​ത്തി​ന് വ​ൻ​തു​ക​യു​ടെ ബി​ല്ല് ല​ഭി​ച്ച​ത്. കു​ടി​വെ​ള്ളം ഉ​പ​യോ​ഗി​ച്ച​വ​രും ഉ​പ​യോ​ഗി​ക്കാ​ത്ത​വ​രു​മെ​ല്ലാം ബി​ല്ലി​ലെ തു​ക ക​ണ്ടു ഞെ​ട്ടി​യ സ്ഥി​തി​യാ​ണ്.

വാ​ണി​യം​കു​ളം പ​ഞ്ചാ​യ​ത്തി​ൽ ജ​ൽ ജീ​വ​ൻ മി​ഷ​ന്‍റെ ഭാ​ഗ​മാ​യി പൈ​പ്പി​ട​ൽ പൂ​ർ​ത്തീ​ക​രി​ച്ച ചി​ല ഭാ​ഗ​ങ്ങ​ളി​ൽ ഇ​പ്പോ​ഴും കു​ടി​വെ​ള്ളം എ​ത്തി​യി​ട്ടി​ല്ല. കു​ടി​വെ​ള്ളം ല​ഭി​ക്കാ​ത്ത പ​ല​ർ​ക്കും ഇ​ത്ത​വ​ണ ജ​ല അ​ഥോ​റി​റ്റി ബി​ല്ലു ന​ൽ​കി​യി​രി​ക്കു​ക​യാ​ണ്. ര​ണ്ടു​മാ​സ​ത്തെ കു​റ​ഞ്ഞ തു​ക​യാ​യ 148 രൂ​പ​യു​ടെ ബി​ല്ലാ​ണ് പ​ല​ർ​ക്കും ന​ൽ​കി​യ​ത്. ചെ​റു​കാ​ട്ടു​പു​ലം, മാ​ന്ന​നൂ​ർ ഭാ​ഗ​ങ്ങ​ളി​ൽ വെ​ള്ളം എ​ത്തി​യി​ട്ടു​ണ്ടെ​ങ്കി​ലും തു​ക പ​തി​നാ​യി​ര​ത്തി​നും മു​ക​ളി​ലാ​ണ്. മാ​ന്ന​നൂ​ർ ക​ള​ത്തും​പ​ടി​ക്ക​ൽ സ്മി​ത​യ്ക്ക് ര​ണ്ടു​മാ​സ​ത്തെ ബി​ല്ല് വ​ന്നി​രി​ക്കു​ന്ന​ത് 67,289 രൂ​പ​യാ​ണ്. മേ​യ് ഒ​ൻ​പ​തി​ന് ന​ൽ​കി​യ ബി​ല്ലി​ലാ​ണ് ര​ണ്ടു​മാ​സ​ത്തെ തു​ക​യാ​യി 50,516 രൂ​പ​യും അ​ധി​ക തു​ക​യാ​യി 16,773 രൂ​പ​യും ചേ​ർ​ത്തു​ന​ൽ​കി​യ​ത്. ചെ​റു​കാ​ട്ടു​പു​ലം പ​ണ്ടാ​ര​ത്തി​ൽ പ​ദ്മി​നി​ക്ക് വ​ന്ന​ത് 20,362 രൂ​പ​യു​ടെ ബി​ല്ലാ​ണ്.

ബി​പി​എ​ൽ വി​ഭാ​ഗ​ത്തി​ലാ​ണ് ഇ​വ​ർ. ഒ​റ്റ​യ്ക്ക്‌ താ​മ​സി​ക്കു​ന്ന ഇ​വ​രു​ടെ വീ​ട്ടി​ൽ കി​ണ​ർ സൗ​ക​ര്യ​മു​ണ്ട്. അ​തി​നാ​ൽ കു​ടി​വെ​ള്ള​ത്തി​നാ​യി പൈ​പ്പി​നെ ആ​ശ്ര​യി​ച്ചി​ട്ടി​ല്ലെ​ന്നു പ​ദ്മി​നി പ​റ​യു​ന്നു. ജ​ല അ​ഥോ​റി​റ്റി​യി​ൽ പ​രാ​തി പ​റ​ഞ്ഞെ​ങ്കി​ലും തു​ക അ​ട​ക്കാ​ൻ നി​ർ​ബ​ന്ധി​ച്ച​താ​യി പ​ദ്മി​നി പ​റ​യു​ന്നു. ജ​ൽ ജീ​വ​ൻ മി​ഷ​ന്‍റെ ഒ​ന്നാം​ഘ​ട്ട പൈ​പ്പി​ട​ൽ പൂ​ർ​ത്തി​യാ​യ ചി​ല ഭാ​ഗ​ങ്ങ​ളി​ൽ​പോ​ലും ഇ​പ്പോ​ഴും കു​ടി​വെ​ള്ളം എ​ത്താ​ത്ത സ്ഥി​തി​യു​ണ്ട്.

ഇ​തി​നു പു​റ​മെ പൈ​പ്പു​ക​ൾപൊ​ട്ടി വെ​ള്ളം പാ​ഴാ​യി​പോ​കു​ന്നു​ണ്ട്. കു​ടി​വെ​ള്ള​വി​ത​ര​ണം ന​ട​ക്കു​ന്ന ഭാ​ഗ​ങ്ങ​ളി​ൽ കൃ​ത്യ​മാ​യി ബി​ല്ലു​ക​ൾ എ​ത്തു​ന്നി​ല്ലെ​ന്നും പി​ന്നീ​ട് വ​രു​ന്ന ബി​ല്ലു​ക​ളി​ൽ വ​ലി​യ തു​ക​യാ​യി വ​രി​ക​യാ​ണെ​ന്നും നാ​ട്ടു​കാ​ർ പ​റ​ഞ്ഞു. അ​തേ​സ​മ​യം കു​ടി​വെ​ള്ളം വ​രാ​ത്ത​വ​ർ​ക്കു ബി​ല്ല് വ​ന്ന​തും വ​ലി​യ തു​ക​ക​ൾ വ​ന്ന​തും പ​രി​ശോ​ധി​ച്ചു ന​ട​പ​ടി സ്വീ​ക​രി​ക്കു​മെ​ന്നാ​ണ് ജ​ല അ​ഥോ​റി​റ്റി അ​ധി​കൃ​ത​ർ പ​റ​യു​ന്ന​ത്.