നെ​ന്മാ​റ: നെ​ന്മാ​റ സാ​മൂ​ഹി​കാ​രോ​ഗ്യ​കേ​ന്ദ്ര​ത്തി​ൽ ആ​വ​ശ്യ​ത്തി​നു ഡോ​ക്ട​ർ​മാ​രി​ല്ലാ​ത്തതി​നാ​ൽ രോ​ഗി​ക​ൾ വ​ല​യു​ന്നു. മ​ല​യോ​ര​മേ​ഖ​ല​യി​ലു​ള്ള​വ​ർ​പോ​ലും എ​ത്തു​ന്ന ആ​ശു​പ​ത്രി​യി​ലാ​ണ് ചി​കി​ത്സ തേ​ടി​യെ​ത്തു​ന്ന​വ​ർ മ​ണി​ക്കൂ​റു​ക​ളോ​ളം കാ​ത്തി​രി​ക്കേ​ണ്ട സ്ഥി​തി. ഇ​തോ​ടെ പ​ല​ർ​ക്കും സ്വ​കാ​ര്യ ആ​ശു​പ​ത്രി​ക​ളെ ആ​ശ്ര​യി​ക്കേ​ണ്ട സ്ഥി​തി​യാ​ണ്. നെ​ന്മാ​റ ബ്ലോ​ക്ക് പ​ഞ്ചാ​യ​ത്തി​ലെ പ്രാ​ഥ​മി​ക ആ​രോ​ഗ്യ കേ​ന്ദ്ര​ങ്ങ​ളു​ടെ റ​ഫ​റ​ൽ ആ​ശു​പ​ത്രി കൂ​ടി​യാ​യ സാ​മൂ​ഹി​ക ആ​രോ​ഗ്യകേ​ന്ദ്ര​ത്തി​ലാ​ണ് ഡോ​ക്ട​ർ​മാ​രു​ടെ കു​റ​വു​ള്ള​ത്.

കേ​ന്ദ്ര​ത്തി​ൽ സൂ​പ്ര​ണ്ടു​ൾ​പ്പെ​ടെ 10 ഡോ​ക്ട​ർ​മാ​രു​ടെ ത​സ്തി​ക​യാ​ണു​ള്ള​ത്. മൂ​ന്നു​മാ​സ​മാ​യി ര​ണ്ട് അ​സി. സ​ർ​ജ​ൻ​മാ​രി​ല്ല. ഉ​ന്ന​തപ​ഠ​ന​ത്തി​നാ​യി ര​ണ്ടു ഡോ​ക്ട​ർ​മാ​ർ​കൂ​ടി അ​ടു​ത്തി​ടെ അ​വ​ധി​യെ​ടു​ത്തു. നി​ല​വി​ലു​ണ്ടാ​യി​രു​ന്ന ഒ​രു ഡോ​ക്ട​റെ നെ​ല്ലി​യാ​മ്പ​തി പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തി​ലേ​ക്ക് മാ​റ്റു​ക​യും ചെ​യ്തു. ഇ​തോ​ടെയാണ് അ​ഞ്ചു ഡോ​ക്ട​ർ​മാ​രു​ടെ കു​റ​വു​ണ്ടാ​യ​ത്. നി​ല​വി​ലു​ള്ള അ​ഞ്ച് ഡോ​ക്ട​ർ​മാ​രു​ടെ നേ​തൃ​ത്വ​ത്തി​ലാ​ണ് 24 മ​ണി​ക്കൂ​റു​മു​ള്ള അ​ത്യാ​ഹി​ത​വി​ഭാ​ഗ​ത്തി​ലും ഒ​പി യി​ലും പ​രി​ശോ​ധ​ന ന​ട​ത്തു​ന്ന​ത്.

പ്ര​തി​ദി​നം 700-ല​ധി​കം പേ​ർ ചി​കി​ത്സ തേ​ടി​യെ​ത്തു​ന്നു​ണ്ട്.
നി​ല​വി​ലു​ള്ള ഡോ​ക്ട​ർ​മാ​രെ​ക്കൊ​ണ്ട് മു​ഴു​വ​ൻ സ​മ​യം പ്ര​വ​ർ​ത്തി​ക്കാ​ൻ ക​ഴി​യാ​ത്ത സ്ഥി​തി​യാ​യ​തോ​ടെ രാ​ത്രി​കാ​ല പ​രി​ശോ​ധ​ന നി​ർ​ത്തേ​ണ്ടി​വ​രു​മെ​ന്നാ​ണ് ആ​ശു​പ​ത്രി അ​ധി​കൃ​ത​ർ പ​റ​യു​ന്ന​ത്. ശേ​ഷി​ക്കു​ന്ന അ​ഞ്ചു ഡോ​ക്ട​ർ​മാ​രി​ൽ ഒ​രാ​ൾ രാ​ത്രി ഡ്യൂ​ട്ടി എ​ടു​ത്താ​ൽ പ​ക​ൽ നാ​ലു​പേ​രു​ടെ സേ​വ​ന​മേ പ​ല​പ്പോ​ഴും ല​ഭി​ക്കു​ക​യു​ള്ളൂ. കൂ​ടാ​തെ ശേ​ഷി​ക്കു​ന്ന​വ​രി​ൽ ആ​രെ​ങ്കി​ലും ലീ​വ് എ​ടു​ക്കു​ക​യോ ഔ​ദ്യോ​ഗി​ക മീ​റ്റി​ംഗുക​ൾ​ക്കാ​യി പോ​കേ​ണ്ടിവ​രി​ക​യോ ചെ​യ്താ​ൽ പ​ല​പ്പോ​ഴും ര​ണ്ടോ മൂ​ന്നോ ഡോ​ക്ട​ർ​മാ​രു​ടെ സേ​വ​ന​മാ​യി ചു​രു​ങ്ങു​ന്നു.

ഇ​തു​മൂ​ലം പ​ക​ൽ​സ​മ​യം ഒ​പി യി​ൽ രോ​ഗി​ക​ൾ മ​ണി​ക്കൂ​റു​ക​ളോ​ളം കാ​ത്തി​രി​ക്കേ​ണ്ട സ്ഥി​തി​യും ഉ​ണ്ടാ​കു​ന്ന​തു​മൂ​ലം പ​ല​പ്പോ​ഴും വാ​ക്കുത​ർ​ക്ക​ങ്ങ​ൾ​ക്കും ബ​ഹ​ള​ങ്ങ​ൾ​ക്കും വ​ഴി​വ​ക്കു​ന്നു. ഒ​പി യി​ൽ ഉ​ള്ള ഡോ​ക്ട​ർ​മാ​ർ ത​ന്നെ അ​ത്യാ​ഹി​ത വി​ഭാ​ഗ​ത്തി​ൽ എ​ത്തു​ന്ന രോ​ഗി​ക​ളെ​യും നോ​ക്കേ​ണ്ട​തി​നാ​ൽ പ​ല​പ്പോ​ഴും ഒപി​യി​ലു​ള്ള​വ​രു​ടെ ക്ഷ​മ പ​രി​ശോ​ധി​ക്കു​ന്ന നി​ല​യി​ലേ​ക്ക് കാ​ര്യ​ങ്ങ​ൾ നീ​ങ്ങു​ന്നു. ഉ​ച്ച​ഭ​ക്ഷ​ണസ​മ​യം ക​ഴി​ഞ്ഞി​ട്ടും പ​ല​ർ​ക്കും ഡോ​ക്ട​റെ കാ​ണാ​ൻ ക​ഴി​യാ​ത്ത​തും ജീ​വ​ന​ക്കാ​രും രോ​ഗി​ക​ളും ത​മ്മി​ൽ സം​ഘ​ർ​ഷ​ത്തി​നും വ​ഴി​വ​യ്ക്കു​ന്നു.

സാ​മൂ​ഹി​ക ആ​രോ​ഗ്യകേ​ന്ദ്ര​ത്തി​ലെ ഡോ​ക്ട​ർ​മാ​രു​ടെ കു​റ​വ് പ​രി​ഹ​രി​ക്കാ​ൻ ആ​ശു​പ​ത്രി വി​ക​സ​ന സ​മി​തി യോ​ഗം ചേ​ർ​ന്ന് ഡോ​ക്ട​ർ​മാ​രു​ടെ ഒ​ഴി​വു​ക​ൾ നി​ക​ത്തു​ന്ന​തി​ന് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് ജി​ല്ലാ മെ​ഡി​ക്ക​ൽ ഓ​ഫീ​സ​റോ​ട് ആ​വ​ശ്യ​പ്പെ​ട്ടി​ട്ടു​ണ്ടെ​ന്ന് നെ​ന്മാ​റ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് സി. ​ലീ​ലാ​മ​ണി പ​റ​ഞ്ഞു.