പാ​ല​ക്കാ​ട്: ജി​ല്ല​യി​ലെ എ​ല​പ്പു​ള്ളി​യി​ൽ ഒ​യാ​സി​സ് ക​ന്പ​നി​ക്കു ഡി​സ്റ്റി​ല​റി നി​ർ​മാ​ണ യൂ​ണി​റ്റ് തു​ട​ങ്ങാ​ൻ സം​സ്ഥാ​ന സ​ർ​ക്കാ​ർ ന​ൽ​കി​യ പ്രാ​ഥ​മി​ക അ​നു​മ​തി റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് എ​ല​പ്പു​ള്ളി സ്വ​ദേ​ശി എ​സ്. ശ്രീ​ജി​ത്ത് കേ​ര​ള ഹൈ​ക്കോ​ട​തി​യി​ൽ സ​മ​ർ​പ്പി​ച്ച പൊ​തു​താ​ത്പ​ര്യ ഹ​ർ​ജി​യി​ൽ ക്രൈ​സ്ത​വ​സ​ഭ​ക​ളു​ടെ കൂ​ട്ടാ​യ്മ​യാ​യ ആ​ക്ട്സി​നു വേ​ണ്ടി ജ​ന​റ​ൽസെ​ക്ര​ട്ട​റി ജോ​ർ​ജ് സെ​ബാ​സ്റ്റ്യ​ൻ ക​ക്ഷിചേ​രാ​ൻ അ​നു​വാ​ദം ആ​വ​ശ്യ​പ്പെ​ട്ട് പെ​റ്റീ​ഷ​ൻ സ​മ​ർ​പ്പി​ച്ചു.

സം​സ്ഥാ​ന സ​ർ​ക്കാ​ർ ഒ​യാ​സി​സ് ക​ന്പ​നി​ക്ക് ഡി​സ്റ്റി​ല​റി തു​ട​ങ്ങു​വാ​ൻ പ്രാ​ഥ​മി​ക അ​നു​മ​തി ന​ൽ​കി​യ​ത് പു​തു​ശേ​രി പ​ഞ്ചാ​യ​ത്തി​ലെ ക​ഞ്ചി​ക്കോ​ട്ടാ​ണ്. എ​ന്നാ​ൽ ഡി​സ്റ്റി​ല​റി​ക്കാ​യി ക​ന്പ​നി 24 ഏ​ക്ക​ർ സ്ഥ​ലം സ്വ​ന്ത​മാ​ക്കി​യ​ത് എ​ല​പ്പു​ള്ളി പ​ഞ്ചാ​യ​ത്ത് അ​തി​ർ​ത്തി​ക്കു​ള്ളി​ലാ​ണ്. രൂ​ക്ഷ​മാ​യ ജ​ല​ക്ഷാ​മം നേ​രി​ടു​ന്ന എ​ല​പ്പു​ള്ളി പ​ഞ്ചാ​യ​ത്തി​ൽ ഇ​തി​നോ​ട​കം ത​ന്നെ 2800 ല​ധി​കം കു​ഴ​ൽ​കി​ണ​റു​ക​ൾ ഉ​ണ്ട്. ഈ ​സാ​ഹ​ച​ര്യ​ത്തി​ൽ ഭൂ​ഗ​ർ​ഭ​ജ​ലം ധാ​രാ​ളം ആ​വ​ശ്യ​മു​ള്ള ഡി​സ്റ്റി​ല​റി​യു​ടെ പ്ര​വ​ർ​ത്ത​നം ജ​ന​ങ്ങ​ളു​ടെ ശു​ദ്ധ​ജ​ല ആ​വ​ശ്യ​ങ്ങ​ൾ​ക്ക് ത​ട​സ​സ​മാ​കു​മെ​ന്നും ഒ​ട്ട​ന​വ​ധി പ​രി​സ്ഥി​തി പ്ര​ശ്ന​ങ്ങ​ൾ​ക്ക് കാ​ര​ണ​മാ​കു​മെ​ന്നും ചൂ​ണ്ടി​ക്കാ​ട്ടി​യാ​ണ് കേ​സി​ൽ ക​ക്ഷി​ചേ​രാ​ൻ അ​ഭി​ഭാ​ഷ​ക​രാ​യ അ​ഡ്വ. സോ​ണു അ​ഗ​സ്റ്റി​ൻ, അ​ഡ്വ. തോ​മ​സ് ജേ​ക്ക​ബ് എ​ന്നി​വ​ർ മു​ഖേ​ന അ​നു​മ​തി തേ​ടി​യി​രി​ക്കു​ന്ന​ത്. കേ​സ് 26 ന് ​കോ​ട​തി പ​രി​ഗ​ണി​ക്കും.