ഒ​റ്റ​പ്പാ​ലം: ഈ​സ്റ്റ് ഒ​റ്റ​പ്പാ​ലം പാ​ലം​നി​ർ​മാ​ണം തു​ട​രാ​നാ​വി​ല്ലെ​ന്നു സൂ​ച​ന. പാ​ല​ക്കാ​ട്- കു​ള​പ്പു​ള്ളി പാ​ത​യി​ലെ പു​തി​യ​പാ​ല​ത്തി​ന്‍റെ നി​ർ​മാ​ണ​മാ​ണ് പ്ര​തി​സ​ന്ധി​യി​ലാ​വു​ന്ന​ത്. ക​ന​ത്ത മ​ഴ​യി​ൽ തോ​ട്ടി​ൽ ഒ​ഴു​ക്ക് വ​ർ​ധി​ച്ച​തോ​ടെ​യാ​ണ് ഒ​റ്റ​പ്പാ​ലം കി​ഴ​ക്കേ​തോ​ടി​ന് കു​റു​കെ​യു​ള്ള പു​തി​യ​പാ​ല​ത്തി​ന്‍റെ നി​ർ​മാ​ണം പ്ര​തി​സ​ന്ധി​യി​ലാ​യ​ത്.

തൂ​ണു​ക​ൾ പ​ണി​യാ​ൻ ക​ഴി​യാ​തെ​വ​ന്ന​തോ​ടെ ക​രാ​റു​കാ​ര​ൻ പ​ണി​ക്കാ​യെ​ത്തി​ച്ച യ​ന്ത്ര​സാ​മ​ഗ്രി​ക​ൾ തോ​ട്ടി​ൽ​നി​ന്ന് പു​റ​ത്തെ​ത്തി​ച്ചു. പാ​ല​ത്തി​നു​സ​മീ​പം മ​ണ്ണി​ടി​ച്ചി​ലു​മു​ണ്ടാ​യി.

ഒ​രു​പ​തി​റ്റാ​ണ്ടി​ലേ​റെ​യാ​യി ഈ​സ്റ്റ് ഒ​റ്റ​പ്പാ​ല​ത്ത് പു​തി​യ​പാ​ല​മെ​ന്ന പ്ര​ഖ്യാ​പ​നം വ​ന്നി​ട്ട്. ഈ​സ്റ്റ് ഒ​റ്റ​പ്പാ​ല​ത്ത് പാ​ല​ത്തി​ന് ഇ​രു​വ​ശ​ത്തു​മാ​യി ര​ണ്ട് സാം​സ്‌​കാ​രി​ക കേ​ന്ദ്ര​ങ്ങ​ളു​ണ്ടാ​യി​രു​ന്ന​താ​ണ് നി​ർ​മാ​ണം വൈ​കി​ച്ച​ത്.

പി​ന്നീ​ട് ഈ ​കേ​ന്ദ്ര​ങ്ങ​ൾ പൊ​ളി​ക്കാ​തെ നി​ല​വി​ലെ പാ​ല​ത്തോ​ട് ചേ​ർ​ന്ന് പു​തി​യ​പാ​ലം നി​ർ​മി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു. ക​ഴി​ഞ്ഞ ജ​നു​വ​രി​യി​ലാ​ണ് പാ​ല​ത്തി​ന്‍റെ നി​ർ​മാ​ണം തു​ട​ങ്ങി​യ​ത്. എ​ന്നാ​ൽ, പി​ന്നെ​യും പ​ണി നീ​ങ്ങി​യ​ത് ഇ​ഴ​ഞ്ഞി​ഴ​ഞ്ഞാ​യി​രു​ന്നു. സെ​പ്റ്റം​ബ​റോ​ടെ പൂ​ർ​ത്തി​യാ​ക്കാ​മെ​ന്നാ​യി​രു​ന്നു പ്ര​ഖ്യാ​പ​നം. എ​ന്നാ​ൽ, നാ​ലു​മാ​സം ക​ഴി​ഞ്ഞി​ട്ടും കോ​ൺ​ക്രീ​റ്റ് തൂ​ണു​ക​ളു​ടെ നി​ർ​മാ​ണം​പോ​ലും പൂ​ർ​ത്തി​യാ​യി​ട്ടി​ല്ല.