വാ​ഷിംഗ്ടൺ ഡി​സി : യു​എ​സ് വി​ദ്യാ​ഭ്യാ​സ വ​കു​പ്പ് വ​രു​മാ​ന​ത്തെ അ​ടി​സ്ഥാ​ന​മാ​ക്കി​യു​ള്ള വി​ദ്യാ​ർ​ഥി വാ​യ്പാ തി​രി​ച്ച​ട​വ് പ​ദ്ധ​തി​ക്കാ​യി ല​ഭി​ച്ച ഏ​ക​ദേ​ശം 460,000 അ​പേ​ക്ഷ​ക​ൾ നി​ര​സി​ക്കാ​ൻ ഒ​രു​ങ്ങു​ന്നു.

ബൈ​ഡ​ൻ ഭ​ര​ണ​കൂ​ടം അ​വ​ത​രി​പ്പി​ച്ച ’സേ​വ് പ്ലാ​ൻ’ എ​ന്ന പ്ര​തി​മാ​സ തി​രി​ച്ച​ട​വ് മാ​ർ​ഗം നി​യ​മ​പ​ര​മ​ല്ലാ​ത്ത​താ​ണ് ഈ ​കൂ​ട്ട നി​രാ​ക​ര​ണ​ത്തി​ന് കാ​ര​ണം. വ​രു​മാ​ന​ത്തെ അ​ടി​സ്ഥാ​ന​മാ​ക്കി​യു​ള്ള തി​രി​ച്ച​ട​വ് പ​ദ്ധ​തി​ക്കാ​യി ല​ഭി​ച്ച 1.5 ദ​ശ​ല​ക്ഷം അ​പേ​ക്ഷ​ക​ളി​ൽ ഏ​ക​ദേ​ശം 31 ശ​ത​മാ​ന​ത്തോ​ളം വ​രും ഈ ​നി​ര​സി​ക്ക​പ്പെ​ട്ട അ​പേ​ക്ഷ​ക​ൾ.

വാ​യ്പ തി​രി​ച്ച​ട​യ്ക്കാ​ൻ ബു​ദ്ധി​മു​ട്ടു​ന്ന വി​ദ്യാ​ർ​ഥി​ക​ൾ​ക്ക് സാ​ധാ​ര​ണ​യാ​യി ല​ഭ്യ​മാ​കു​ന്ന നി​ര​വ​ധി ഓ​പ്ഷ​നു​ക​ളി​ൽ ഒ​ന്നാ​യി​രു​ന്നു ’സേ​വ് പ്ലാ​ൻ’. ബി​രു​ദ വാ​യ്പ​ക​ൾ​ക്ക് വ​രു​മാ​ന​ത്തിന്‍റെ​ 5 ശ​ത​മാ​ന​മാ​യും ബി​രു​ദാ​ന​ന്ത​ര വാ​യ്പ​ക​ൾ​ക്ക് 10 ശ​ത​മാ​ന​മാ​യും പേ​യ്മെ​ന്‍റു​ക​ൾ പ​രി​മി​ത​പ്പെ​ടു​ത്തു​ന്ന ഈ ​പ​ദ്ധ​തി 2024 ജൂ​ൺ മു​ത​ൽ കോ​ട​തി​ക​ൾ ത​ട​ഞ്ഞി​രു​ന്നു.


പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​ന്‍റെ പു​തി​യ നി​യ​മ​നി​ർ​മാ​ണ​ത്തി​ന്‍റെ ഭാ​ഗ​മാ​യി, ര​ണ്ട് പു​തി​യ പേ​യ്മെ​ന്‍റ് പ്ലാ​നു​ക​ൾ അ​വ​ത​രി​പ്പി​ക്കാ​നും നി​ല​വി​ലു​ള്ള ഓ​പ്ഷ​നു​ക​ൾ ഘ​ട്ടം ഘ​ട്ട​മാ​യി നി​ർ​ത്ത​ലാ​ക്കാ​നും വി​ദ്യാ​ഭ്യാ​സ വ​കു​പ്പ് ഒ​രു​ങ്ങു​ക​യാ​ണ്. ’സേ​വ് പ്ലാ​ൻ’ നി​കു​തി​ദാ​യ​ക​ർ​ക്ക് ഭാ​ര​മാ​ണെ​ന്ന് ട്രം​പ് ഭ​ര​ണ​കൂ​ടം വി​മ​ർ​ശി​ക്കു​ക​യും വി​ദ്യാ​ർ​ഥിക​ൾ വാ​യ്പ​യെ​ടു​ക്കു​ന്ന​തും തി​രി​ച്ച​ട​യ്ക്കു​ന്ന​തും ല​ളി​ത​മാ​ക്ക​ണ​മെ​ന്ന് ആ​വ​ശ്യ​പ്പെ​ടു​ക​യും ചെ​യ്തി​രു​ന്നു.

നി​ല​വി​ൽ, സേ​വ് പ്ലാ​നി​ൽ ചേ​ർ​ന്ന വാ​യ്പ​ക്കാ​ർ കോ​ട​തി​ക​ളു​ടെ തീ​രു​മാ​നം വ​രു​ന്ന​തു​വ​രെ കാ​ത്തി​രി​ക്കു​ക​യാ​ണ്. ഈ ​വാ​യ്പ​ക്കാ​രെ മ​റ്റ് പ​ദ്ധ​തി​ക​ളി​ലേ​ക്ക് മാ​റ്റാ​ൻ വ​കു​പ്പ് ആ​സൂ​ത്ര​ണം ചെ​യ്യു​ന്നു​ണ്ടെ​ന്നും, മ​റ്റ് തി​രി​ച്ച​ട​വ് ഓ​പ്ഷ​നു​ക​ൾ പ​രി​ഗ​ണി​ക്കാ​നും അ​വ​രെ പ്രോ​ത്സാ​ഹി​പ്പി​ക്കു​ന്നു​ണ്ടെ​ന്നും മു​ൻ​പ് അ​റി​യി​ച്ചി​രു​ന്നു.