ഒ​ാ​ര്‍മ​പ്പെ​ടു​ത്ത​ലായി മാ​യാ​തെ പാ​ല​ത്തി​ന​ടി​യി​ലെ ചു​വ​രെ​ഴു​ത്ത് ...
Wednesday, April 17, 2024 6:30 AM IST
ക​ടു​ത്തു​രു​ത്തി: കേ​ര​ള രാ​ഷ്‌​ട്രീ​യ ച​രി​ത്ര​ത്തി​ന്‍റെ അ​ട​യാ​ള​മാ​യി പാ​ല​ത്തി​ന​ടി​യി​ലെ ചു​വ​രെ​ഴു​ത്ത് ഇ​ന്നും ഒ​രോ​ര്‍മ​പ്പെ​ടു​ത്ത​ല്‍ പോ​ലെ മാ​യാ​തെ നി​ല്‍ക്കു​ന്നു.

ക​ല്ല​റ - ക​ടു​ത്തു​രു​ത്തി റോ​ഡി​ലെ ക​ള​മ്പു​കാ​ട് പാ​ല​ത്തി​ന​ടി​യി​ല്‍ 59 വ​ര്‍ഷം മു​മ്പ് വൈ​ക്കം മ​ണ്ഡ​ല​ത്തി​ലെ കോ​ണ്‍ഗ്ര​സ് സ്ഥാ​നാ​ര്‍ഥി പി. ​പ​ര​മേ​ശ്വ​ര​നു​വേ​ണ്ടി അ​ന്ന​ത്തെ പ്ര​വ​ര്‍ത്ത​ക​ര്‍ എ​ഴു​തി​യ ചു​വരെ​ഴു​ത്താ​ണ് ഇ​ന്നും മാ​യാ​തെ നി​ല്‍ക്കു​ന്ന​ത്. ചു​ണ്ണാ​മ്പ്കൊ​ണ്ടെ​ഴു​തി​യ ചു​മ​രെ​ഴു​ത്താ​ണ് കാ​ലം മാ​യ്ക്കാ​ത്ത അ​വ​ശേ​ഷി​പ്പാ​യി നി​ല​നി​ല്‍ക്കു​ന്ന​ത്.

ക​ല്ല​റ - വൈ​ക്കം ക​നാ​ലി​ന്‍റെ (കെ​വി ക​നാ​ല്‍) കു​റു​കെ​യാ​ണ് ക​ള​മ്പു​കാ​ട് പാ​ലം. അ​ന്ന് റോ​ഡ് ഗ​താ​ഗ​തം കു​റ​വാ​യി​രു​ന്നു. കെ​വി ക​നാ​ലി​ലൂ​ടെ കെ​ട്ടു​വ​ള്ള​ത്തി​ലും ബോ​ട്ടി​ലും ചെ​റു​വ​ള്ള​ത്തി​ലു​മാ​യി​രു​ന്നു ജ​ന​ങ്ങ​ളു​ടെ യാ​ത്ര. ക​ല്ല​റ, പ്രാ​വ​ട്ടം, കു​റു​പ്പ​ന്ത​റ, നീ​ണ്ടൂ​ര്‍ എ​ന്നി​വി​ട​ങ്ങ​ളി​ലേ​ക്ക് വൈ​ക്ക​ത്തു​നി​ന്ന് പ​ല​ച​ര​ക്കും റേ​ഷ​ന്‍ സാ​ധ​ന​ങ്ങ​ളും എ​ത്തി​ച്ചി​രു​ന്ന​ത് കെ​ട്ടു​വ​ള്ള​ത്തി​ലാ​ണ്.

ക​ല്ല​റ, നീ​ണ്ടൂ​ര്‍ പ​ഞ്ചാ​യ​ത്തി​ലെ ജ​ന​ങ്ങ​ള്‍ ക​ള​മ്പു​കാ​ട് എ​ത്തി​യാ​ണ് വ​ള്ള​ത്തി​ല്‍ വൈ​ക്ക​ത്തേ​ക്കും ആ​ല​പ്പു​ഴ​യി​ലേ​ക്കും ചേ​ര്‍ത്ത​ല​യി​ലേ​ക്കു​മൊ​ക്കെ പോ​യി​രു​ന്ന​ത്. ക​ള​മ്പു​കാ​ട് പ്ര​ദേ​ശം കാ​ള​ച്ച​ന്ത​യ​ട​ക്കം ജ​ന​ത്തി​ര​ക്കു​ള്ള സ്ഥ​ല​മാ​യി​രു​ന്നു. ജ​ന​ശ്ര​ദ്ധ കി​ട്ടാ​ന്‍ അ​ന്ന​ത്തെ​ക്കാ​ല​ത്ത് തെ​ര​ഞ്ഞെ​ടു​പ്പു​ക​ളി​ല്‍ പാ​ല​ത്തി​ന്‍റെ അ​ടി​യി​ലാ​ണ് ചു​മ​രെ​ഴു​തി​യി​രു​ന്ന​ത്. വൈ​ക്കം മ​ണ്ഡ​ത്തി​ലാ​യി​രു​ന്നു പ​ര​മേ​ശ്വ​ര​ന്‍ മ​ത്സ​രി​ച്ചി​രു​ന്ന​ത്.

ചി​ഹ്നം നു​കം വ​ച്ച കാ​ള​യാ​യി​രു​ന്നു. കേ​ര​ള കോ​ണ്‍ഗ്ര​സി​ലെ കെ.​എ​ന്‍. നാ​രാ​യ​ണ​ന്‍ നാ​യ​രും സി​പി​ഐ​യി​ലെ പി.​എ​സ്. ശ്രീ​നി​വാ​സ​നും ഉ​ള്‍പ്പെ​ടെ ഏ​റ്റു​മു​ട്ടി​യ അ​ന്ന​ത്തെ തെ​ര​ഞ്ഞെ​ടു​പ്പി​ല്‍ കോ​ണ്‍ഗ്ര​സ് സ്ഥാ​നാ​ര്‍ഥി​യാ​യ പി. ​പ​ര​മേ​ശ്വ​ര​ന്‍ വി​ജ​യി​ച്ച​ത് 88 വോ​ട്ടി​നാ​ണ്. എ​ന്നാ​ല്‍ നി​ര്‍ഭാ​ഗ്യ​വ​ശാ​ല്‍ അ​ദേ​ഹ​ത്തി​ന് നി​യ​മ​സ​ഭ​യി​ല്‍ എ​ത്താ​നാ​യി​ല്ല. ഒ​രു ക​ക്ഷി​ക്കും ഭൂ​രി​പ​ക്ഷ​മി​ല്ലാ​തി​രു​ന്ന​തി​നാ​ല്‍ സ​ത്യ​പ്ര​തി​ജ്ഞ​യ്ക്കു മു​മ്പു സ​ഭ പി​രി​ച്ചു​വി​ടു​ക​യാ​യി​രു​ന്നു.

അ​ന്ന് കോ​ട്ട​യം ജി​ല്ല​യി​ല്‍നി​ന്നു വി​ജ​യി​ച്ച ഏ​ക കോ​ണ്‍ഗ്ര​സ് സ്ഥാ​നാ​ര്‍ഥി​യാ​യി​രു​ന്നു പ​ര​മേ​ശ്വ​ര​ന്‍. വൈ​ക്ക​മെ​ന്ന ക​മ്യൂ​ണി​സ്റ്റ് കോ​ട്ട​യി​ല്‍നി​ന്നാ​ണ് വെ​ന്നി​ക്കൊ​ടി പാ​റി​ച്ച​ത്. പ​ര​മേ​ശ്വ​ര​ന്‍ അ​ന്ത​രി​ച്ചി​ട്ട് 21 വ​ര്‍ഷം ക​ഴി​ഞ്ഞി​ട്ടും ച​രി​ത്ര​ത്തി​ന്‍റെ ഓ​ര്‍മ​പ്പെ​ടു​ത്ത​ലാ​യി ചു​മ​രെ​ഴു​ത്ത് ഇ​ന്നും മാ​യാ​തെ​ത​ന്നെ നി​ല്‍ക്കു​ന്നു.

Copyright @ 2022 , Rashtra Deepika Ltd.