വി​ഴി​ഞ്ഞം: മാ​ലി​ല്യം നി​ക്ഷേ​പി​ക്ക​രു​തെ​ന്ന അ​ധി​കൃ​ത​രു​ടെ മു​ന്ന​റി​യി​പ്പി​നും വി​ല​യി​ല്ല. കോ​വ​ളം കാ​രോ​ട് ബൈ​പാ​സി​ലെ ഓ​ട​ക​ൾ മാ​ലി​ന്യ നി​ക്ഷേ​പ​കേ​ന്ദ്ര​ങ്ങ​ളാ​കു​ന്നു. മ​ഴ വെ​ള്ള​ത്തി​ന്‍റെ ഒ​ഴു​ക്ക് പോ​ലും നി​ല​ക്കു​ന്ന ത​ര​ത്തി​ൽ മാ​ലി​ന്യ​ങ്ങ​ൾ കൂ​ടി​യ​തോ​ടെ നീ​ക്കം ചെ​യ്യാ​ൻ ക​ഴി​ഞ്ഞ ദി​വ​സം തൊ​ഴി​ലാ​ളി​ക​ൾ രം​ഗ​ത്തി​റ​ങ്ങി.

നേ​ര​ത്തെ സ​ർ​വീ​സ് റോ​ഡു​ക​ളു​ടെ വ​ശ​ങ്ങ​ളി​ൽ മാ​ത്ര​മു​ണ്ടാ​യി​രു​ന്ന മാ​ലി​ന്യ​നി​ക്ഷേ​പം ബൈ​റോ​ഡി​ലേ​ക്കും വ്യാ​പി​ച്ച​ത് അ​ധി​കൃ​ത​ർ​ക്ക് ത​ല​വേദ​ന​യാ​യി. ആ​ൾ​സ​ഞ്ചാ​രം കു​റ​ഞ്ഞ​തും നി​രീ​ക്ഷ​ണ കാ​മ​റ​ക​ൾ ഇ​ല്ലാ​ത്ത​തും തെ​രു​വു വി​ള​ക്കു​ക​ളു​ടെ അ​ഭാ​വ​വു​മാ​ണ് മാ​ലി​ന്യ​നി​ക്ഷേ​പ​ക​ർ​ക്ക് അ​നു​ഗ്ര​ഹ​മാ​യ​ത്. അ​ന്യ​സം​സ്ഥാ​ന​ങ്ങ​ളി​ൽ നി​ന്നു​ൾ​പ്പെ​ടെ ആ​യി​ര​ക്ക​ണ​ക്കി​നു വാ​ഹ​ന​ങ്ങ​ൾ ദി​നം​പ്ര​തി ക​ട​ന്നു​പോ​കു​ന്നു​ണ്ട്. ദീ​ർ​ഘ​ദൂ​ര യാ​ത്രാ​വാ​ഹ​ന​ങ്ങ​ളി​ൽ​നി​ന്നു വ​രെ പ്ലാ​സ്റ്റി​ക് ഉ​ൾ​പ്പെ​ടു​ന്ന മാ​ലി​ന്യ​ങ്ങ​ൾ ആ​ളു​ക​ൾ വ​ലി​ച്ചെ​റി​യു​ന്ന​താ​യി നാ​ട്ടു​കാ​ർ പ​റ​യു​ന്നു.

ഇ​വ നി​യ​ന്ത്രി​ക്കാ​ൻ യാ​തൊ​രു സം​വി​ധാ​ന​വും ഇ​വി​ടെ​യി​ല്ല. കാ​മ​റ​ക​ൾ ഇ​ല്ലെ​ങ്കി​ലും മാ​ലി​ന്യ നി​ക്ഷേ​പ​ക​രെ പി​ന്തി​രി​പ്പി​ക്കാ​ൻ ചി​ല​യി​ട​ങ്ങ​ളി​ൽ മു​ന്ന​റി​യി​പ്പ് ബോ​ർ​ഡു​ക​ൾ സ്ഥാ​പി​ച്ചെ​ങ്കി​ലും ആ​രും ക​ണ്ട​മ​ട്ടി​ല്ല. ചാ​ക്കു​കെ​ട്ടു​ക​ളി​ൽ കോ​ഴി​മാ​ലി​ന്യം​വ​രെ നി​ക്ഷേ​പി​ച്ചു സാ​മൂ​ഹ്യ വി​രു​ദ്ധ​ർ ജ​ന​ത്തെ ബു​ദ്ധി​മു​ട്ടി​ക്കു​ന്നു​ണ്ടെ​ങ്കി​ലും ത​ട​യാ​ൻ ഒ​രു ന​ട​പ​ടി​യും അ​ധി​കൃ​ത​ർ എ​ടു​ക്കു​ന്നി​ല്ലെ​ന്നും ആ​ക്ഷേ​പ​മു​ണ്ട്. ക​ഴി​ഞ്ഞ മ​ഴ​യി​ൽ ഓ​ട​ക​ൾ നി​റ​ഞ്ഞു ക​വി​ഞ്ഞു മ​ലി​ന​ജ​ലം റോ​ഡി​ലൂ​ടെ ഒ​ഴു​കി​യ​താ​യും നാ​ട്ടു​കാ​ർ പ​റ​യു​ന്നു.