ഒ​ട്ടാ​വ: കാ​ന​ഡ​യി​ൽ ഇ​ന്ത്യ​ൻ വി​ദ്യാ​ർ​ഥി​നി​യെ വെ​ടി​വ​ച്ച് കൊ​ല​പ്പെ​ടു​ത്തി​യ​യാ​ളെ അ​റ​സ്റ്റ് ചെ​യ്ത് കൊ​ല​പാ​ത​ക കു​റ്റം ചു​മ​ത്തി. മൊ​ഹാ​ക്ക് കോ​ള​ജി​ലെ ര​ണ്ടാം വ​ർ​ഷ ഫി​സി​യോ​തെ​റാ​പ്പി വി​ദ്യാ​ർ​ഥി​നി​യാ​യ ഹ​ർ​സി​മ്ര​ത് ര​ൺ​ധാ​വ(21) കൊ​ല്ല​പ്പെ​ട്ട കേ​സി​ലാ​ണ് അ​റ​സ്റ്റ്.

ഒ​ന്‍റാ​റി​യോ​യി​ലെ ന​യാ​ഗ്ര വെ​ള്ള​ച്ചാ​ട്ട​ത്തി​നു സ​മീ​പ​ത്തു​നി​ന്നാ​ണ് പ്ര​തി​യാ​യ ജെ​ർ​ഡൈ​ൻ ഫോ​സ്റ്റ​റി​നെ(32) ഹാ​മി​ൽ​ട്ട​ൺ പോ​ലീ​സ് അ​റ​സ്റ്റ് ചെ​യ്ത​ത്. കേ​സി​ൽ മ​റ്റ് ആ​രെ​യും അ​റ​സ്റ്റ് ചെ​യ്തി​ട്ടി​ല്ല.

ഏ​പ്രി​ൽ 17ന് ​അ​പ്പ​ർ ജെ​യിം​സ് സ്ട്രീ​റ്റി​ന്‍റെ​യും സൗ​ത്ത് ബെ​ൻ​ഡ് റോ​ഡി​ന്‍റെ​യും ക​വ​ല​യി​ലെ ബ​സ് സ്റ്റോ​പ്പി​ന് സ​മീ​പ​മാ​യി​രു​ന്നു സം​ഭ​വം ന​ട​ന്ന​ത്. നാ​ല് കാ​റു​ക​ളി​ലാ​യി ഇ​വി​ടെ​യെ​ത്തി​യ ഏ​ഴോ​ളം പേ​ർ ത​മ്മി​ൽ ന​ട​ന്ന ത​ർ​ക്ക​ത്തേ​ത്തു​ട​ർ​ന്നു​ണ്ടാ​യ വെ​ടി​വ​യ്‌​പി​ലാ​ണ് ഇ​ന്ത്യ​ൻ വി​ദ്യാ​ർ​ഥി​നി​ക്ക് വെ​ടി​യേ​റ്റ​ത്.


ബ​സി​ൽ നി​ന്ന് ഇ​റ​ങ്ങി റോ​ഡ് മു​റി​ച്ചു​ക​ട​ക്കാ​ൻ കാ​ത്തു​നി​ൽ​ക്കു​മ്പോ​ൾ ഹ​ർ​സി​മ്ര​തി​ന് വെ​ടി​യേ​ൽ​ക്കു​ക​യാ​യി​രു​ന്നു. പ​രി​ക്കേ​റ്റ വി​ദ്യാ​ർ​ഥി​നി​യെ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​രി​ക്കു​ക​യാ​യി​രു​ന്നു. നി​ര​പ​രാ​ധി​യാ​യ കാ​ഴ്ച​ക്കാ​രി​യാ​യി​രു​ന്ന ഹ​ർ​സി​മ്ര​ത് ജി​മ്മി​ൽ നി​ന്ന് വീ​ട്ടി​ലേ​ക്ക് മ​ട​ങ്ങു​ന്ന​തി​നി​ടെ​യാ​യി​രു​ന്നു സം​ഭ​വം.