ഇതൊരു പച്ചയായ കബളിപ്പിക്കൽ : Deepika.com Letters

ഇതൊരു പച്ചയായ കബളിപ്പിക്കൽ

Friday, December 7, 2018 10:56 PM IST

ഓഖി ദുരന്തത്തിന്‍റെ ഒന്നാം വാർഷികാസ്മൃതി കടന്നുപോകുന്പോഴും ഓഖി ദുരന്തത്തിൽപ്പെട്ടവരുടെ ധനസഹായ വിതരണത്തിൽ കൈക്കൊണ്ട സർക്കാർ തന്ത്രം ഒരു ദുഃഖകഥയായി അവശേഷിക്കുന്നു. ഓഖി ചുഴലിക്കാറ്റിൽപ്പെട്ടു മരിച്ചവർക്ക് സർക്കാർ നൽകിയ ധനസഹായം അവരുടെ പേരിൽ ട്രഷറിയിൽ അഞ്ചുവർഷത്തേക്ക് സ്ഥിരനിക്ഷേപം ചെയ്തിരിക്കുകയാണ്. അതായത് ഈ ധനസഹായം അവരുടെ സ്വന്തം ആവശ്യത്തിന് ഉപയോഗിക്കാൻ ഇതുവരെ അവർക്ക് കഴിഞ്ഞിട്ടില്ല. സർക്കാരിന്‍റെ ആവശ്യത്തിലേക്ക് ഉപയോഗിച്ചുകൊണ്ടുമിരിക്കുന്നു.

ഓഖി ദുരന്തത്തിന് ഇരയായ എന്‍റെ അറിവിലുള്ള ഒരാളുടെ ഭാര്യ മകളുടെ വിവാഹാവശ്യത്തിന് വട്ടിപ്പലിശയ്ക്കു പണം കടമെടുത്തു. അതിന്‍റെ പലിശ കൊടുക്കാനും വീട്ടുചെലവുകൾക്കുമായി അവർ ഇപ്പോൾ ചന്തയിൽ മത്സ്യവിൽപ്പനയ്ക്കായി പോകുന്നു. പറഞ്ഞത് ഓഖി ദുരിതാശ്വാസ സഹായധനം കൈയിൽ കിട്ടിയിരുന്നെങ്കിൽ എല്ലാ ബാധ്യതകളും തീർത്ത് ആരോഗ്യമുള്ള കാലത്തോളം തൊഴിലെടുത്ത് സ്വസ്ഥമായി ജീവിക്കാമായിരുന്നു എന്നാണ്.

സർക്കാരിന്‍റെ തന്ത്രപരമായ നീക്കത്തിലൂടെ ഓഖി ദുരന്തഫണ്ടുകൊണ്ടു ട്രഷറിയെ സജീവമാക്കി നിർത്താൻ കഴിയുകയും സർക്കാർ പ്രഖ്യാപിച്ച ദുരിതാശ്വാസ ഫണ്ട് കൊടുത്തതായി വരുത്തിത്തീർക്കുകയും ചെയ്തിരിക്കുന്നു. ഇതിലൂടെ ഓഖി ദുരന്തത്തിലെ കുടുംബങ്ങൾ കടുത്ത സാന്പത്തിക ദുരിതം അനുഭവിച്ചുകൊണ്ടുമിരിക്കുന്നു. മാത്രമല്ല, ഈ അഞ്ചു വർഷം കഴിഞ്ഞുവരുന്ന സർക്കാരിന്‍റെ കാലത്ത് ഈ ഫിക്സഡ് ഡിപ്പോസിറ്റുകൾ മുഴുവൻ ഒരേ സമയം പിൻവലിക്കുകയും അപ്പോൾ ട്രഷറി സാന്പത്തിക പ്രതിസന്ധ‌ിയിലെത്തുന്ന അവസ്ഥയുമാണ് സംജാതമാകാൻ പോകുന്നത്.

എം. ജോൺസൺ റോച്ച്, അടിമലത്തുറ, ചൊവ്വര

എണ്ണയിൽ ഓടുന്ന സർക്കാർ

202324 വർഷത്തിൽ എണ്ണക്കന്പനികൾ ഉണ്ടാക്കിയ ലാഭം 90,000 കോടി രൂപ. എണ്ണക്കന്പനികളുടെ മേലാളന്മാർ ക

ബസുകളിലെ ഡോറുകൾ

ഏതെങ്കിലും അപകടമോ ദുരന്തമോ ഉണ്ടാകുന്പോൾ ഉടൻ അതുമായി ബന്ധപ്പെട്ട വകുപ്പുകൾ ഉണരുകയും വ്യാപക പരിശോധന നടത്തുകയും ച

കുഴികൾ എന്നു മൂടും?

ജൽജീവൻ പദ്ധതിയുടെ ഭാഗമായി പലേടത്തും റോഡുകൾ വെട്ടിപ്പൊളിച്ചത് മൂടാതെ കിടക്കുകയാണ്. ഇതുമൂലം പല റോഡുകളും കുണ്ടും കു

വക്കീൽമാർ മാത്രം കോട്ടൂരിയാൽ മതിയോ?

കനത്ത വേനൽച്ചൂടിനെത്തുടർന്ന് അഭിഭാഷകർക്ക് മേയ് 31 വരെ കോട്ട് ഒഴിവാക്കാൻ ഹൈക്കോടതി അനുവാദം നൽകിയ വാർത്ത വായിച്ചു. ഉ

മുഖപ്രസംഗം കാലോചിതം

ഉദ്യോഗസ്ഥരുടെയും മറ്റും അനാസ്ഥ മൂലം റോഡിലുണ്ടാകുന്ന അപകടങ്ങളെക്കുറിച്ചു ദീപിക കഴിഞ്ഞ ദിവസം എഴുതിയ മുഖപ്രസംഗം എന്ത

വിദ്യാർഥികൾക്കും തപാൽ വോട്ട് വേണം

തെരഞ്ഞെടുപ്പുമായി ബന്ധപ്പെട്ട ചുമതലകളുള്ള എല്ലാ ഉദ്യോഗസ്ഥർക്കും പോലീസുകാർക്കും തപാൽ വോട്ടിന് സൗകര്യമുണ്ട്. കൂടാ