| | Back to Home | |
| സഹകരണ വകുപ്പിലെ ജീവനക്കാരുടെ ആശങ്കകൾ പരിഹരിക്കണം |
കേരളത്തിലെ വളർച്ചയ്ക്കു വളരെയേറെ ഗുണപരമായ സംഭാവനകൾ നൽകിയ ഒരു പ്രസ്ഥാനമാണല്ലോ സഹകരണ പ്രസ്ഥാനം. കേരളത്തിലെ ഗ്രാമീണ പ്രദേശങ്ങളിലും പട്ടണപ്രദേശങ്ങളിലും ജനങ്ങളുടെ സാന്പത്തിക പ്രശ്നങ്ങൾക്ക് ഒരു പരിധിവരെ പരിഹാരം നേടുന്നതിനു സഹകരണ പ്രസ്ഥാനത്തിനു കഴിയുന്നുണ്ട്.
കേരളത്തിലെ സഹകരണ മേഖല ഇന്ത്യയിലെ മറ്റു സംസ്ഥാനങ്ങൾക്കു മാതൃകയായി വളർന്നുകൊണ്ടിരിക്കുന്നു. വട്ടിപ്പലിശക്കാരുടെയും പുത്തൻ തലമുറ ധനകാര്യ സ്ഥാപനങ്ങളുടെയും ചൂഷണത്തിൽനിന്നു രക്ഷപ്പെടുന്നതിനു കേരളത്തിലെ സഹകരണവകുപ്പ് ഒട്ടനവധി പദ്ധതികൾ നടപ്പിലാക്കിവരുന്നുണ്ട്.
കേരളത്തിലെ സഹകരണ പ്രസ്ഥാനത്തിന്‍റെ ഫലപ്രദമായ പ്രവർത്തനങ്ങൾക്കു ചുക്കാൻ പിടിക്കുന്നത് കേരള സഹകരണ വകുപ്പിലെ ജീവനക്കാരാണ്. കേരളത്തിലെ ഹ്രസ്വ മധ്യകാല വായ്പാ രംഗത്ത് നിലവിലുള്ള ത്രിതല സംവിധാനം മാറ്റി പകരം ദ്വിതല സംവിധാനം നടപ്പിലാക്കണമെന്ന ശ്രീറാം കമ്മിറ്റിയുടെ ശിപാർശയുടെ അടിസ്ഥാനത്തിൽ കേരളത്തിലെ ജില്ലാ ബാങ്കുകളെ ലയിപ്പിച്ച് കേരള ബാങ്ക് രൂപീകരണവുമായി സർക്കാർ മുന്പോട്ടുപോകുകയാണ്.
ഇതിന്‍റെ ഭാഗമായി സംസ്ഥാന സഹകരണ ബാങ്കിലും 14 ജില്ലാ സഹകരണ ബാങ്കുകളിലും കണക്കുകൾ ഓഡിറ്റ് ചെയ്യുന്ന 15 ജോയിന്റ് ഡയറക്ടർമാർ ഉൾപ്പെടെയുളള 46 ഓഡിറ്റർമാരുടെയും വായ്പ കുടിശിക പിരിച്ചെടുക്കുന്നതിനായി നിയോഗിക്കപ്പെട്ടിട്ടുള്ള ഒരു ജോയിന്റ് രജിസ്ട്രാർ, ഏഴു ഡെപ്യൂട്ടി രജിസ്ട്രാർ, 15 അസിസ്റ്റന്‍റ് രജിസ്ട്രാർ ഉൾപ്പെടെയുള്ള 43 ഓഫീസർമാർ ഉൾപ്പെടെ ആകെ 79 തസ്തികകൾ കേരള ബാങ്ക് രൂപീകൃത മാകുന്പോൾ വകുപ്പിന് നഷ്ടപ്പെടുമെന്നാണ് ആശങ്ക.
ഈ നിലയ്ക്കാണ് അർബൻ ബാങ്കുകളിൽ സഹകരണ വകുപ്പിനുളള നിയന്ത്രണം എടുത്തുകളഞ്ഞ് റിസർവ് ബാങ്ക് ഓഫ് ഇന്ത്യയുടെ മാത്രം നിയന്ത്രണത്തിലാക്കുന്നതിനുളള നടപടിയുമായി റിസർവ് ബാങ്കും മുന്നോട്ടുപോകുന്നത്.
കേരളത്തിലെ അർബൻ ബാങ്കുകളിൽ അസിസ്റ്റന്‍റ് ഡയറക്ടർമാർ തുടങ്ങി 100 ൽപരം സഹകരണ വകുപ്പ് ഉദ്യോഗസ്ഥർ ഓഡിറ്റർമാരായ സെയിൽ ഓഫീസർമാരായും ജോലി ചെയ്തുവരുന്നു. റിസർവ് ബാങ്കിന്‍റെ പൂർണ നിയന്ത്രണത്തിൽ അർബൻ ബാങ്കുകൾ വരുന്നതോടുകൂടി സഹകരണവകുപ്പിലെ മേൽത്തരം തസ്തികകൾകൂടി നഷ്ടപ്പെടുന്ന സാഹചര്യമാണ് ഉണ്ടാകുന്നത്. ഇതിനു പുറമെയാണ് കേരള സബ് ഓർഡിനേറ്റ് സർവീസ് റൂൾ പ്രകാരം 33% ഗസറ്റഡ് തസ്തികകളും വകുപ്പിലെ ജീവനക്കാർക്ക് നഷ്ടപ്പെടാൻ പോകുന്നത്.
സഹകരണ പ്രസ്ഥാനം അടിക്കടി വളർച്ച പ്രാപിച്ചുകൊണ്ടിരിക്കുന്ന ഈ കാലഘട്ടത്തിൽ സംഘങ്ങളുടെ സാന്പത്തിക ഇടപാടുകളുടെ സുതാര്യതയും ഭരണപരമായ കാര്യങ്ങളും ഉറപ്പാക്കേണ്ട വകുപ്പ് ജീവനക്കാരുടെ എണ്ണം കുറഞ്ഞുവരുന്നത് സഹകരണ പ്രസ്ഥാനത്തിന്‍റെ വളർച്ചയെ പിന്നോട്ടടിക്കും എന്നുളളതിൽ ഒരു സംശയവും വേണ്ട. സർക്കാർ അടിയന്തരമായി ഈ കാര്യത്തിൽ ഇടപെട്ട് നഷ്ടപ്പെടാൻ സാധ്യതയുള്ള തസ്തികകൾ പുനഃക്രമീകരിച്ച് വകുപ്പ് പുനഃസംഘടനയും ഓഡിറ്റ് കേഡറൈസേഷനും നടപ്പിലാക്കി ജീവനക്കാരുടെ ആശങ്ക മാറ്റുന്നതിനുളള നടപടി സ്വീകരിക്കുന്നത് വകുപ്പിന്‍റെ കെട്ടുറപ്പിനു വളരെ ഗുണകരമായിരിക്കും.
ബേബി തോമസ് എൽദോ മുൻ സംസ്ഥാന പ്രസിഡന്‍റ്,കേരളാ കോഓപ്പറേറ്റീവ് ഇൻസ്പെക്ടേഴ്സ് & ഓഡിറ്റേഴ്സ് അസോസിയേഷൻ.
|
| പുകവലി നിരോധനത്തിന് കാൽ നൂറ്റാണ്ട് | | കേരളത്തിൽ പൊതുസ്ഥലങ്ങളിലും പൊതു യാത്രാവാഹനങ്ങളിലും പുകവലി നിരോധിച്ചിട്ട് 25 വർഷമായി. 1995 ജൂലൈയിലാണ് ആർസിസി സ്ഥാപകൻ ഡോ. എം. കൃഷ്ണൻ നായരുടെ നിർദേശപ്രകാ | |
| പൊതുഗതാഗതം ആളകലം പാലിച്ചുകൊണ്ടാകണം | | കോവിഡ് വ്യാപനം ദിനംപ്രതി വർധിച്ചുവരുന്ന അവസ്ഥയിൽ പൊതുഗതാഗത സംവിധാനങ്ങളിൽ ആളകലം പാലിച്ചുകൊണ്ടുള്ള യാത്രകൾ മാത്രമേ അനുവദിക്കാവൂ. കോവിഡിനോടൊപ്പം ജീവിക്കാ | |
| സമരങ്ങൾ സമാധാനപരമാകണം | | പ്രതിഷേധ സമരങ്ങൾക്കു നിയന്ത്രണമെർപ്പെടുത്തുന്ന കോടതി വിധി സ്വാഗതാർഹമാണ്. പൗരൻമാർക്കു സമരം ചെയ്യാനുള്ള അവകാശം നിയന്ത്രണങ്ങളോടുകൂടിയാണ് ഭരണഘടന അനു | |
| എന്നു കഴിയും റീസർവേ? | | എല്ലാ കാര്യങ്ങളിലും വേഗത രീതിയായ കാലത്തും നമ്മുടെ നാട്ടിലെ റീസർവേ നടപടികൾ എങ്ങുമെത്തിയിട്ടില്ല. സ്വാതന്ത്ര്യലബ്ദിക്കുശേഷം ഇതുവരെ റീസർവേ നടത്താത്ത വില്ലേജു | |
| അധികാരമുഷ്കിനുള്ള തിരിച്ചടി | | നിയമസഭയിൽ നടന്ന കൈയാങ്കളിയിലൂടെ എംഎൽഎമാർ രണ്ട് ലക്ഷം രൂപയുടെ നഷ്ടം ഉണ്ടാക്കിയിട്ടുണ്ടെന്നും ആ കേസ് പിൻവലിക്കേണ്ട ആവശ്യമില്ലെന്നുമുള്ള കോടതിയുടെ ഉത്തരവ | |
| പൊതുമുതൽ നശിപ്പിച്ചാൽ നഷ്ടം ഈടാക്കണം | | നമ്മുടെ എല്ലാവരുടെയും സ്വത്താണ് പൊതുമുതൽ. സമരത്തിന് ആധാരമായ വിഷയം എന്തുമാകട്ടെ അവിടെ നശീകരണ സ്വഭാവം ഉണ്ടാകാൻ പാടില്ല. ഇവിടെയാണ് ഗാന്ധിയൻ ദർശനങ്ങൾ പ് | |
| കാർഷികമേഖല തകരും | | രാജ്യത്തെ കർഷക ജനങ്ങൾ നേരിടുന്ന ദുരന്തങ്ങൾക്ക് ആക്കം കൂട്ടുന്നതാണു പുതിയ കാർഷിക ബില്ലുകളെന്നു പല വിദഗ്ധരും ചൂണ്ടിക്കാണിക്കുന്നു. ഈ ബില്ലുകൾ കൊണ്ടു രാജ്യ | |
| ജനാധിപത്യാവകാശങ്ങൾ അടിച്ചമർത്തുന്നുവോ? | | കേരളത്തിന്‍റെ തെരുവുകളിൽ കഴിഞ്ഞയാഴ്ചകളിൽ നടന്ന കണ്ണിൽച്ചോരയില്ലാത്ത സംഭവങ്ങളാണ് ഈ കത്ത് എഴുതാനുള്ള കാരണം. ജനാധിപത്യ രാജ്യത്ത് പ്രതിഷേധിക്കാൻ ജനങ്ങൾക | |
| സാമ്പത്തിക സംവരണം | | ദീപികയിൽ ഇന്നലെ പ്രസിദ്ധീകരിച്ച ‘സാമ്പത്തിക സംവരണം നടപ്പാക്കുമ്പോൾ’ എന്ന ലേഖനത്തിൽ സർക്കാർ നിബന്ധന 2. ൽ കുടുംബം എന്ന നിർവചനത്തിൽ കുടുംബത്തെ ആശ്രയിച്ചു | |
|
|
|
|