കൊ​ളം​ബൊ: ഏഷ്യ ക​പ്പ് ക്രി​ക്ക​റ്റ് സൂ​പ്പ​ർ ഫോ​റി​ലെ നി​ർ​ണാ​യ​ക മ​ത്സ​ര​ത്തി​ൽ പാ​ക്കി​സ്ഥാ​നെ​തി​രേ ല​ങ്ക​ൻ പോ​രാ​ട്ടം. 42 ഓ​വ​റാ​യി കു​റ​ച്ച മ​ത്സ​ര​ത്തി​ൽ പാ​ക്കി​സ്ഥാ​ൻ ഏ​ഴ് വി​ക്ക​റ്റ് ന​ഷ്ട​ത്തി​ൽ 252 റ​ൺ​സ് നേ​ടി. മ​റു​പ​ടി​ക്കി​റ​ങ്ങി​യ ശ്രീ​ല​ങ്ക 19 ഓ​വ​ർ പൂ​ർ​ത്തി​യാ​യ​പ്പോ​ൾ ര​ണ്ട് വി​ക്ക​റ്റ് ന​ഷ്ട​ത്തി​ൽ 116 റ​ൺ​സ് എ​ടു​ത്തു.

മ​ഴ​യെ​ത്തു​ട​ർ​ന്ന് മ​ത്സ​രം വൈ​കി​യ​തോ​ടെ 45 ഓ​വ​റാ​യും പി​ന്നീ​ട് 42 ഓ​വ​റാ​യും വെ​ട്ടി​ച്ചു​രു​ക്കി. ടോ​സ് നേ​ടി​യ പാ​ക്കി​സ്ഥാ​ൻ ബാ​റ്റിം​ഗ് തെ​ര​ഞ്ഞെ​ടു​ത്തു. ഓ​പ്പ​ണ​ർ റോ​ളി​ലെ​ത്തി​യ അ​ബ്ദു​ള്ള ഷ​ഫീ​ഖ് (52) അ​ർ​ധ​സെ​ഞ്ചു​റി നേ​ടി. ബാ​ബ​ർ അ​സം (29) ചെ​റി​യ ഇ​ന്നിം​ഗ്സി​നു​ശേ​ഷം മ​ട​ങ്ങി. നാ​ലാം ന​ന്പ​റാ​യെ​ത്തി​യ വി​ക്ക​റ്റ് കീ​പ്പ​ർ ബാ​റ്റ​റാ​യ മു​ഹ​മ്മ​ദ് റി​സ്വാ​നും (86 നോ​ട്ടൗ​ട്ട്) അ​ർ​ധ​സെ​ഞ്ചു​റി സ്വ​ന്ത​മാ​ക്കി. ഇ​ഫ്തി​ക്ക​ർ അ​ഹ​മ്മ​ദും (47) പാ​ക്കി​സ്ഥാ​നു​വേ​ണ്ടി ഭേ​ദ​പ്പെ​ട്ട പ്ര​ക​ട​നം കാ​ഴ്ച​വ​ച്ചു. 73 പ​ന്തി​ൽ ര​ണ്ട് സി​ക്സും ആ​റ് ഫോ​റും അ​ട​ക്ക​മാ​യി​രു​ന്നു റി​സ്വാ​ൻ 86 റ​ൺ​സു​മാ​യി പു​റ​ത്താ​കാ​തെ​നി​ന്ന​ത്.