മഴയില് വീട് തകർന്നു
1428546
Tuesday, June 11, 2024 6:10 AM IST
ചാത്തന്നൂർ: ശക്തമായ മഴയിൽ ചാത്തന്നൂർ പഞ്ചായത്തിലെ മൂന്നാം വാർഡായ മാമ്പള്ളിക്കുന്നം കാവിൽ രഞ്ജിഷ് ഭവനിൽ രഞ്ജിഷിന്റെ വീടിന്റെ ഒരു ഭാഗമാണ് പൂർണമായും ഇടിഞ്ഞു വീണത്. ഇന്നലെ വൈകുന്നേരം 6.30 യോടെയായിരുന്നു സംഭവം.
രഞ്ജിഷിന്റെ ഭാര്യ അമ്പിളിയും മകളും വീട്ടിന് പുറത്ത് നിൽക്കുമ്പോൾ വലിയ ശബ്ദം കേട്ടു ചെന്നപ്പോഴാണ് വീടിന്റെ ഒരു ഭാഗം പൂർണമായും ഇടിഞ്ഞു വീണത് കണ്ടത്. എല്ലാവരും വീടിനു വെളിയിൽ ആയിരുന്നതിനാൽ വൻ അപകടം ഒഴിവായി. വാർഡ് മെമ്പർ റ്റി. ദിജുവിന്റെ നേതൃത്വതിൽ അവരെ ബന്ധു വീട്ടിലേക്കു മാറ്റി പാർപ്പിച്ചു.