മെ​ഡി​ക്ക​ല്‍​കോ​ള​ജ്: വ്യ​ക്തി​വി​രോ​ധം മൂ​ലം യു​വാ​വി​നെ കു​ത്തി​പ്പ​രി​ക്കേ​ല്‍​പ്പി​ച്ച​യാ​ള്‍ പി​ടി​യി​ല്‍. ത​മ്പാ​നൂ​ര്‍ രാ​ജാ​ജി ന​ഗ​ര്‍ സ്വ​ദേ​ശി റാ​ഫി (55) ആ​ണ് പി​ടി​യി​ലാ​യ​ത്.

കഴിഞ്ഞദിവസമായിരുന്നു കേസിന് ആസ്പദമായ സം​ഭ​വം നടന്നത്. രാ​ജാ​ജി ന​ഗ​ര്‍ ഫ്‌​ളാ​റ്റ് ന​മ്പ​ര്‍ 228ല്‍ ​താ​മ​സി​ക്കു​ന്ന ജെ. ​ജ​യ​ലാ​ല്‍ (34) ആ​ണ് ആ​ക്ര​മ​ണ​ത്തി​നി​ര​യാ​യ​ത്. മു​മ്പ് ജ​യ​ലാ​ലിന്‍റെ പി​താ​വും റാ​ഫി​യു​ടെ സു​ഹൃ​ത്തും ത​മ്മി​ല്‍ ത​ര്‍​ക്ക​വും സം​ഘ​ര്‍​ഷ​വും ഉ​ണ്ടാ​യി​രു​ന്നു. ഇ​തു ജ​യ​ലാ​ല്‍ പ​റ​ഞ്ഞു​വി​ല​ക്കി​യ​തി​ലു​ള്ള വി​രോ​ധ​മാ​ണ് ആ​ക്ര​മ​ണ​ത്തി​നു കാ​ര​ണ​മാ​യ​ത്.

സം​ഭ​വ​ദി​വ​സം വൈ​കു​ന്നേ​രം മൂ​ന്നു​മ​ണി​യോ​ടു​കൂ​ടി ഫ്‌​ളാ​റ്റി​നു സ​മീ​പ​ത്തു​കൂ​ടി പോ​കു​ക​യാ​യി​രു​ന്ന ജ​യ​ലാ​ലി​നെ റോ​ഡു​വ​ശ​ത്തു കി​ട​ന്ന കു​പ്പി​യെ​ടു​ത്ത് പൊ​ട്ടി​ച്ച​ശേ​ഷം കു​ത്താ​ന്‍ ശ്ര​മി​ച്ച റാ​ഫി തെ​ന്നി താ​ഴെ വീ​ഴു​ക​യും ജ​യ​ലാ​ലി​ന്‍റെ കാ​ലി​ല്‍ കു​ത്തു​ക​യു​മാ​യി​രു​ന്നു. ആ​ക്ര​മ​ണ​ത്തി​ല്‍ യു​വാ​വി​ന്‍റെ കാ​ല്‍​ഞ​ര​മ്പ് അ​റ്റു​പോ​യി. കൊ​ല​പാ​ത​ക​ശ്ര​മ​ത്തി​നാ​ണ് പോ​ലീ​സ് കേ​സെ​ടു​ത്ത​ത്. ക​ന്‍റോൺമെന്‍റ് സി.​ഐ​യു​ടെ നേ​തൃ​ത്വ​ത്തി​ലു​ള്ള സം​ഘം അ​റ​സ്റ്റു​ചെ​യ്ത പ്ര​തി​യെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍​ഡ് ചെ​യ്തു.