വ​ര​ൾ​ച്ച, കു​ടി​വെ​ള്ള ക്ഷാ​മം: മ​ന്ത്രി​മാ​ർ​ക്കും ക​ള​ക്ട​ർ​ക്കും ക​ത്ത് ന​ൽ​കി
Saturday, April 13, 2024 5:48 AM IST
പു​ൽ​പ്പ​ള്ളി: വ​ര​ൾ​ച്ച​യും കു​ടി​വെ​ള്ള​ക്ഷാ​മ​വും രൂ​ക്ഷ​മാ​യ പ​ശ്ചാ​ത്ത​ല​ത്തി​ൽ മു​ള്ള​ൻ​കൊ​ല്ലി പ​ഞ്ചാ​യ​ത്ത് പ്ര​സി​ഡ​ന്‍റ് പി.​കെ. വി​ജ​യ​ൻ കൃ​ഷി, ജ​ല വി​ഭ​വ മ​ന്ത്രി​മാ​ർ​ക്കും ജി​ല്ലാ ക​ള​ക്ട​ർ​ക്കും ക​ത്ത് ന​ൽ​കി. പ്ര​ദേ​ശം സ​ന്ദ​ർ​ശി​ക്ക​ണ​മെ​ന്നും പ​ഞ്ചാ​യ​ത്തി​നെ വ​ര​ൾ​ച്ച ബാ​ധി​ത​മാ​യി പ്ര​ഖ്യാ​പി​ച്ച് അ​ടി​യ​ന്ത​ര സ​ഹാ​യം എ​ത്തി​ക്ക​ണ​മെ​ന്നു​മാ​ണ് ക​ത്തി​ലെ ആ​വ​ശ്യം.

സം​സ്ഥാ​ന​ത്ത് മ​ഴ​ക്കു​റ​വി​ന്‍റെ തി​ക്ത​ഫ​ല​ങ്ങ​ൾ ഏ​റ്റ​വും കൂ​ടു​ത​ൽ അ​നു​ഭ​വ​പ്പെ​ടു​ന്ന പ​ഞ്ചാ​യ​ത്താ​ണ് ക​ർ​ണാ​ട​ക​യു​മാ​യി അ​തി​ര് പ​ങ്കി​ടു​ന്ന മു​ള്ള​ൻ​കൊ​ല്ലി. പ​ഞ്ചാ​യ​ത്തി​ലെ എ​ല്ലാ പ്ര​ദേ​ശ​ങ്ങ​ളും മാ​ർ​ച്ച് മു​ത​ൽ വ​ര​ൾ​ച്ച​യു​ടെ പി​ടി​യി​ലാ​ണ്.

പ​ഞ്ചാ​യ​ത്തി​ന്‍റെ അ​തി​രി​ലൂ​ടെ ഒ​ഴു​കു​ന്ന ക​ബ​നി ന​ദി​യും മ​റ്റു ജ​ല സ്രോ​ത​സു​ക​ളും വ​റ്റി. വി​ത​ര​ണ​ത്തി​ന് ആ​വ​ശ്യ​മാ​യ കു​ടി​വെ​ള്ളം ക​ബ​നി ന​ദി​യി​ൽ​നി​ന്നു പ​ന്പ് ചെ​യ്യാ​ൻ ക​ഴി​യാ​ത്ത സ്ഥ​തി​യാ​ണ്. കൃ​ഷി​ക​ൾ ഉ​ണ​ങ്ങി ന​ശി​ക്കു​ക​യാ​ണ്. വ​ര​ൾ​ച്ച ക്ഷീ​ര​മേ​ഖ​ല​യേ​യും ബാ​ധി​ച്ചു. വ​ലി​യ പ്ര​യാ​സ​ത്തി​ലാ​ണ് ക്ഷീ​ര ക​ർ​ഷ​ക​ർ.

മു​ൻ​കാ​ല​ങ്ങ​ളി​ൽ ജ​ല​സേ​ച​നം മു​ൻ​നി​ർ​ത്തി ക​ബ​നി ന​ദി​യി​ൽ ത​ട​യ​ണ​ക​ൾ നി​ർ​മി​ച്ചി​രു​ന്നു. നി​ല​വി​ൽ ന​ദി​യി​ൽ ഒ​ഴു​ക്ക് നി​ല​ച്ച​തി​നാ​ൽ ത​ട​യ​ണ നി​ർ​മി​ക്കാ​ൻ ക​ഴി​യു​ന്നി​ല്ല. ഈ ​സാ​ഹ​ച​ര്യം മ​റി​ക​ട​ക്കു​ന്ന​തി​ന് ബാ​ണാ​സു​ര സാ​ഗ​ർ, കാ​രാ​പ്പു​ഴ അ​ണ​ക്കെ​ട്ടു​ക​ളി​ൽ​നി​ന്നു ക​ബ​നി ന​ദി​യി​ലേ​ക്ക് വെ​ള്ളം തു​റ​ന്നു​വി​ട​ണ​മെ​ന്നും ക​ത്തി​ൽ ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.