അരിരാറ്റുകുന്ന്: സുൽത്താൻ ബത്തേരിയിലെ ജനങ്ങൾ പരസ്പരം സ്നേഹത്തോടെയും സഹവർത്തിത്തത്തോടെയും ജീവിക്കുന്നത് കാണുന്പോൾ ചില വർഗീയ ശക്തികൾക്ക് സഹിക്കാൻ കഴിയുന്നില്ലെന്നും അതിനാലാണ് ബിജെപി സംസ്ഥാന പ്രസിഡന്‍റും വയനാട് ലോക്സഭാ മണ്ഡലം ബിജെപി സ്ഥാനാർഥിയുമായ കെ. സുരേന്ദ്രന്‍റെ ഗണപതിവട്ടം പ്രസ്താവനയെന്നും ഇടതു മുന്നണി സ്ഥാനാർത്ഥി ആനി രാജ.
സ്ഥാനാർഥിയുടെ രണ്ടാം ഘട്ട പര്യടനത്തിന്‍റെ ഭാഗമായി ബത്തേരി മണ്ഡലത്തിലെ ജനങ്ങളോട് സംസാരിക്കുകയായിരുന്നു ആനി രാജ. ഇന്നലെ രാവിലെ അതിരാറ്റ്കുന്നിൽ നിന്നാണ് പര്യടനം ആരംഭിച്ചത്.
പാർലമെന്‍റ് മണ്ഡലം കമ്മിറ്റി ചെയർമാൻ സി.കെ. ശശീന്ദ്രൻ ഉദ്ഘാടനം ചെയ്തു. അപ്പാട്, അത്തിനിലം, മീനങ്ങാടി, പുറ്റാട്, തൊവരിമല, മലവയൽ, മാടക്കര, തവനി, കാക്കമല, തേലന്പറ്റ, കരിപ്പൂര്, കുപ്പാടി, കൈപ്പഞ്ചേരി, മണിച്ചിറ, പാപ്ലശേരി, മണൽവയൽ, ഭൂദാനം, മീനംകൊല്ലി, അമരക്കുനി, സീതാമൗണ്ട് എന്നിവിടങ്ങളിലെ പര്യടനത്തിന് ശേഷം ഉദയക്കവലയിൽ പര്യടനം സമാപിച്ചു.
ശശി, ടി.ജെ. ചാക്കോച്ചൻ, ബെന്നി കുറുന്പാലകോട്ട, എ.വി. ജയൻ, പനമുട ജോസ്, പി.വി. ബേബി, ജയപ്രകാശ്, സജി വർഗീസ്, ബീന വിജയൻ, കെ.സി. റോസക്കുട്ടി, ടി.സി. ഗോപാലൻ, സ്കറിയ, പി.കെ. ബാബു, വിരേന്ദ്രകുമാർ, പി.എം. ജോയ് എന്നിവർ സ്ഥാനാർഥിയെ അനുഗമിച്ചു.