പനത്തടി: പഞ്ചായത്ത് കുടുംബശ്രീ 25-ാം വാര്ഷികാഘോഷങ്ങളുടെ ഭാഗമായി പാണത്തൂര് സെന്റ് മേരീസ് ചര്ച്ച് പരിസരം മുതല് പഞ്ചായത്ത് ഓഫീസ് വരെ വിളംബര ഘോഷയാത്ര സംഘടിപ്പിച്ചു.
പഞ്ചായത്ത് സ്ഥിരം സമിതി അധ്യക്ഷ സുപ്രിയ ശിവദാസ് ഉദ്ഘാടനം ചെയ്തു. സിഡിഎസ് ചെയര്പേഴ്സണ് ആര്.സി.രജനി ദേവി അധ്യക്ഷതവഹിച്ചു. ബ്ലോക്ക് പഞ്ചായത്ത് സ്ഥിരംസമിതി അധ്യക്ഷ എം.പത്മകുമാരി, പഞ്ചായത്തംഗങ്ങളായ വി.വി.മഞ്ജുഷ, കെ.എസ്.പ്രീതി, പി.കെ.സൗമ്യമോള്, സജിനിമോള്, കെ.ജെ.ജയിംസ്, എന്.വിന്സെന്റ്, കെ.കെ.വേണുഗോപാല് എന്നിവര് സംബന്ധിച്ചു.
വാര്ഷികാഘോഷങ്ങളുടെ ഭാഗമായി ഓരോ അയല്ക്കൂട്ടവും 25 വീതം ഫലവൃക്ഷ തൈകള് നടും. 25 കുടുംബശ്രീ അംഗങ്ങള്ക്ക് വിമാനയാത്ര, 200 കുടുംബശ്രീ അംഗങ്ങള് ചേര്ന്ന് റാണിപുരം ഹില്ടോപ്പില് ബലൂണ് പറത്തല്, നക്ഷത്ര നിര്മാണം, മുഖപേജ് നിര്മാണം, ഫുട്ബോള് മത്സരങ്ങള്, സിനിമ നിര്മാണം, തടയണ നിര്മാണം, കുടുംബസംഗമം, ക്യു ആര് കോഡ് ലഭ്യമാക്കല് തുടങ്ങിയ പരിപാടികളും സംഘടിപ്പിക്കും.