ADVERTISEMENT

ADVERTISEMENT

കൊട്ടാരക്കരയിൽ ആധുനികവത്ക്കരിച്ച പൊതുമരാമത്ത് വിശ്രമ കേന്ദ്രം തുറന്നു

കൊട്ടാരക്കര : ആധുനിക സൗകര്യങ്ങ ളോടെ നവീകരിച്ച പൊതുമരാമത്ത് വകുപ്പിന്‍റെ കീഴിലുള്ള കൊട്ടാരക്കര വിശ്രമ കേന്ദ്രം മന്ത്രി കെ .എൻ. ബാലഗോപാൽ ഉദ്ഘാടനം ചെയ്തു.

മുൻസിപ്പൽ ചെയർമാൻ കെ. ഉണ്ണികൃഷ്ണമേനോൻ അധ്യക്ഷനായി. വൈസ് ചെയർപേഴ്സൻ ബിജി ഷാജി, കൗൺസിലർ മാരായ എസ്.ആർ.രമേശ്, എ .ഷാജു, ഫൈസൽ ബഷീർ, ജി .സുഷമ്മ, അനിത ഗോപകുമാർ, വനജ രാജീവ്,സിപി എംഏരിയ സെക്രട്ടറി പി .കെ. ജോൺസൻ,

പി ഡബ്ല്യു ഡി കെട്ടിട വിഭാഗം അസിസ്റ്റന്‍റ് എക്സിക്യൂട്ടീവ് എൻജിനീയർ എൻ .ആർ. ശോഭ,അസിസ്റ്റന്‍റ് എൻജിനീയർ ഗോകുൽ കൃഷ്ണൻ എന്നിവർ പങ്കെടുത്തു. കൊട്ടാരക്കര എംഎൽഎ കൂടിയായ മന്ത്രി കെ എൻ ബാലഗോപാൽ അനുവദിച്ച 74.60 ലക്ഷം വിനിയോഗിച്ചാണ് നവീകരണം പൂർത്തീകരിച്ചത്.

രണ്ട് വി ഐ പി മുറികളും ഒരു പി ഡബ്ലു ഡി മുറിയും കോൺഫറൻസ് ഹാളും കാന്‍റീനും ഉൾപ്പെടുന്ന റെസ്റ്റ് ഹൗസിൽ പൊതുജ നങ്ങൾക്കായി ആറ് മുറികളും നിലവിലുണ്ട്.

ADVERTISEMENT

കലാസാഹിത്യമേഖല രാഷ്‌ട്രീയവത്കരണത്തിൽനിന്നും അകന്നു നിൽക്കണം: അഡ്വ. പി.എസ്. ശ്രീധരൻപിള്ള

തിരുവനന്തപുരം: കേരളത്തിലെ സാഹിത്യ അക്കാഡമിയുടെ പ്രവർത്തനങ്ങളിലും പ്രതിനിധി തെരഞ്ഞെടുപ്പിലും രാഷ്ട്രീയ സ്വാധീനം നിലനില്ക്കുന്നുണ്ടെന്ന് ഗോവ ഗവർണർ അഡ്വ. പി. എസ്. ശ്രീധരൻപിള്ള. കലാസാഹിത്യ മേഖലയെ എങ്കിലും രാഷ്ട്രീയ ഇടപെടലുകളിൽ നിന്നും ഒഴിവാക്കണം എന്നും പി. എസ്. ശ്രീധരൻ പിള്ള. കവി വിഷ്ണു നാരായണൻ നന്പൂതിരിയുടെ സ്മരണയ്ക്കായുള്ള വൈഷ്ണവം ട്രസ്റ്റിന്‍റെ സാഹിത്യപുരസ്കാരം കവി ശ്രീകുമാരൻതന്പിക്ക് സമ്മാനിച്ച് പ്രസംഗിക്കുകയായിരുന്നു ഗവർണർ. ഭാരത് ഭവനിലായിരുന്നു ചടങ്ങ്. രാഷ്ട്രീയ അതിപ്രസരം എല്ലാ മേഖലകളിലും പ്രകടമാണ്. സാഹിത്യ അക്കാഡമികൾ പ്രവർത്തിക്കേണ്ടത് സ്വതന്ത്രമായും കക്ഷി രാഷ്ട്രീയങ്ങൾക്കതീതമായും വേണം എന്നും പി. എസ്. ശ്രീധരൻപിള്ള ചൂണ്ടിക്കാട്ടി. പോസിറ്റിവിറ്റി കുറഞ്ഞുവരുന്ന കാലഘട്ടമാണിത്. സമൂഹത്തിൽ ക്രിയാത്മകമായ മാറ്റം വരുത്തുവാൻ വിഷ്ണുനാരായണൻ നന്പൂതിരിയെ പോലുള്ള കവികളുടെ കവിതകൾ പര്യാപ്തമാണ്. സമൂഹത്തോട് പ്രതിബദ്ധതയുള്ള കവിയായിരുന്നു വിഷ്ണു നാരായണൻ നന്പൂതിരി എന്നും ഗവർണർ വ്യക്തമാക്കി. ഏറ്റവും വലിയ കച്ചവട ഉത്പന്നമായി സിനിമ മാറുന്ന കാലഘട്ടമാണിത്. ശ്രീകുമാരൻ തന്പിക്ക് അർഹിക്കുന്ന അംഗീകാരം ലഭിച്ചിട്ടുണ്ടോ എന്നതിനുള്ള മറുപടി ഗവർണർ ആയതിനാൽ പറയുന്നില്ല എന്ന് പുഞ്ചിരിയോടെ പി. എസ്. ശ്രീധരൻപിള്ള പറഞ്ഞു. സ്വന്തം നേട്ടങ്ങൾക്കു വേണ്ടി തന്‍റെ ശൈലി മാറ്റുന്ന കവിയല്ല ശ്രീകുമാരൻ തന്പി. നേട്ടങ്ങൾ ലഭിക്കും എന്നതുകൊണ്ട് എഴുതാറുമില്ല, നഷ്ടം സംഭവിക്കുമെന്നതിനാൽ എഴുതാതെ ഇരിക്കുന്നുമില്ല. സ്വാത്വിക വിശുദ്ധിയുടെ പ്രതീകമാണ് വിഷ്ണു നാരായണൻ നന്പൂതിരി എന്ന് ചടങ്ങിൽ അധ്യക്ഷത വഹിച്ച ട്രസ്റ്റ് ചെയർമാൻ കൂടിയായ കവി പ്രഭാവർമ പറഞ്ഞു. പ്രതിസന്ധിഘട്ടത്തിൽ നമ്മെ കൈപിടിച്ച് നടത്തുന്ന കവിതകളാണ് വിഷ്ണു നാരായണൻ നന്പൂതിരിയുടേത്. ഒരു അവകാശവാദങ്ങളുമില്ലാതെ സാഹിത്യലോകത്ത് വ്യാപരിച്ച വിഷ്ണു നാരായണൻ നന്പൂതിരിയുടെ ജീവിതം വെണ്‍മയുടെ ജൈത്രയാത്രയായിരുന്നു. മാനുഷികമൂല്യം, ദാർശനികത, ശാസ്ത്രസത്യം എന്നിവ ശ്രീകുമാരൻ തന്പിയുടെ കവിതകളുടെ കരുത്താണ് എന്നും പ്രഭാവർമ അഭിപ്രായപ്പെട്ടു. കുട്ടിക്കാലത്ത് മുത്തച്ഛനിൽ നിന്നും വിഷ്ണു നാരായണൻ നന്പൂതിരി സ്വന്തമാക്കിയ ആധ്യാത്മിക അറിവ് കവിയുടെ ജീവിതത്തിലും കവിതയിലും പ്രകാശം പരത്തി എന്ന് മറുപടി പ്രസംഗത്തിൽ ശ്രീകുമാരൻ തന്പി പറഞ്ഞു. പഴമയെ മാത്രമല്ല പുതുമയെയും ആവാഹിച്ച കവിയുടെ രാഷ്ട്രീയ കവിതകൾ ഏറെ പ്രസക്തമാണ്. പ്രത്യേകിച്ചൊരു രാഷ്ട്രീയ പാർട്ടിയെയും ചേർത്തുപിടിക്കാതെ വിഷ്ണു നാരായണൻ നന്പൂതിരി രചിച്ച രാഷ്ട്രീയ കവിതകൾ പഠനവിഷയമാക്കണം. കേരളത്തിന്‍റെ രാഷ്ട്രീയ അവസ്ഥകളെ തന്‍റെ പല കവിതകളിലും കവി തുറന്നുകാട്ടി. വിഷ്ണു നാരായണൻ നന്പൂതിരിയുടെ തീപിടിച്ച പുര എന്ന കവിത വായിച്ചാണ് ശ്രീകുമാരൻ തന്പി മറുപടി പ്രസംഗം അവസാനിപ്പിച്ചത്. മുൻ ചീഫ് സെക്രട്ടറി ആർ. രാമചന്ദ്രൻ നായർ വിഷ്ണു നാരായണൻ നന്പൂതിരി അനുസ്മരണ പ്രഭാഷണം നടത്തി. മുതർന്ന ബിജെപി നേതാവ് കെ. രാമൻപിള്ള, ചരിത്രകാരൻ ഡോ. ടി. പി. ശങ്കരൻകുട്ടി നായർ എന്നിവർ ആദരം നേർന്ന് പ്രസംഗിച്ചു. ഡോ. ശ്രീവത്സൻ നന്പൂതിരി ആമുഖ പ്രസംഗം നടത്തി. ട്രസ്റ്റ് ജനറൽ സെക്രട്ടറി ഡോ. ആർ. അജയകുമാർ സ്വാഗതവും വിഷ്ണു നാരായണൻ നന്പൂതിരിയുടെ മകൾ ഡോ. എൻ. അദിതി നന്ദിയും പറഞ്ഞു. അപർണ രാജീവ് കവിത ചൊല്ലി.

നിഡ്സ് ആരോഗ്യ പരിപാലന മദ്യവർജന കമ്മീഷൻ പരിസ്ഥിതിദിനം ആഘോഷിച്ചു

നെയ്യാറ്റിൻകര: ഇന്‍റഗ്രൽ ഡവലപ്മെന്‍റ് സൊസൈറ്റി ആരോഗ്യ പരിപാലന മദ്യവർജന കമ്മീഷന്‍റെ നേതൃത്വത്തിൽ ലോഗോസ് പാസ്റ്ററൽ സെന്‍ററിൽ പരിസ്ഥിതി ദിനാചരണം സംഘടിപ്പിച്ചു. കമ്മീഷൻ സെക്രട്ടറി ഫാ. ഡെന്നിസ് മണ്ണൂർ അധ്യക്ഷത വഹിച്ച യോഗം നെയ്യാറ്റിൻകര രൂപത വികാരി ജനറാൾ മോൺ. വിൻസന്‍റ് കെ. പീറ്റർ ഉദ്ഘാടനം ചെയ്തു. രൂപത ശുശ്രൂഷ കോ- ഓഡിനേറ്റർ മോൺ. വി.പി. ജോസ്, കമ്മീഷൻ സെക്രട്ടറി ഫാ. ക്ലീറ്റസ്, വത്സല ബാബു, അൽഫോൻസ ആന്‍റിൽസ്, വാർഡ് കൗൺസിലർ അനിത, യൂണിറ്റ് സെക്രട്ടറി രൂപത പ്രതിനിധി ശശിധരൻ, ആനിമേറ്റർ ബീന കുമാരി, ഷീബ, അജിത എന്നിവർ പ്രസംഗിച്ചു. ഫലവൃക്ഷ തൈ നടുകയും വിതരണം ചെയ്യുകയും ചെയ്തു. "പ്ലാസ്റ്റിക് മലിനീകരണം അവസാനിപ്പിക്കുക' എന്ന വിഷയത്തെ ആസ്പദമാക്കി കമ്മീഷൻ സെക്രട്ടറി ഫാ.ഡെന്നിസ് മണ്ണൂർ ക്ലാസ് നയിച്ചു. ഫെറോന യൂണിറ്റ് തലങ്ങളിൽ കമ്മീഷന്‍റെ നേതൃത്വത്തിൽ പരിസ്ഥിതി ദിനാചരണം സംഘടിപ്പിച്ചു.

മാല മോഷ്‌ടിച്ച് രക്ഷപ്പെട്ട യുവതി പിടിയിൽ‍

പേരൂര്‍ക്കട: ആറ്റുകാല്‍ പൊങ്കാലയ്ക്കിടെ ഭക്തയുടെ മാല കവര്‍ന്ന സംഭവത്തില്‍ യുവതി പിടിയില്‍. തമിഴ്‌നാട് തിരുവള്ളൂര്‍ സ്വദേശിനി രതി (42) ആണ് പിടിയിലായത്. ഈവര്‍ഷം മാര്‍ച്ച് മാസം 13ന് ഉച്ചതിരിഞ്ഞ് 1.45ന് ആയുര്‍വ്വേദ കോളജ് ജംഗ്ഷനു സമീപമാണ് സംഭവം. പൊങ്കാല കഴിഞ്ഞ് മടങ്ങുകയായിരുന്ന ചിറയിന്‍കീഴ് സ്വദേശിനി ശോഭകുമാരിയുടെ 10 പവന്‍ മാലയാണ് രതി അപഹരിച്ചത്. കെഎസ്ആര്‍ടിസി ബസ് ആയുര്‍വേദകോളജ് ജംഗ്ഷനില്‍ പാര്‍ക്ക് ചെയ്ത സമയത്ത് രതി ബസ്സിനുള്ളില്‍ കയറുകയും ശോഭകുമാരിയുടെ മാല കവര്‍ന്ന് രക്ഷപ്പെടുകയുമായിരുന്നു. സംഭവവുമായി ബന്ധപ്പെട്ട് ഇവരുടെ ഭര്‍ത്താവ് ഇളയരാജ നേരത്തെ അറസ്റ്റിലായിരുന്നു. ദമ്പതികള്‍ ആറ്റുകാല്‍ പൊങ്കാലയ്ക്ക് മോഷണം നടത്തുക എന്ന ലക്ഷ്യത്തോടെ ഒരു കാര്‍ വാടകയ്‌ക്കെടുക്കുകയും ഇത് ഒരു ഹൈപ്പര്‍മാര്‍ക്കറ്റിലെ പാര്‍ക്കിംഗ് ഏരിയയില്‍ പാര്‍ക്ക് ചെയ്തശേഷം ഒരു ഓട്ടോറിക്ഷയില്‍ ആയുര്‍വ്വേദ കോളജ് ജംഗ്ഷനില്‍ ഇറങ്ങുകയുമായിരുന്നു. മാല മോഷണത്തിനുശേഷം ഇരുവരും മറ്റൊരു ഓട്ടോയില്‍ക്കയറി തിരികെ ഹൈപ്പര്‍ മാര്‍ക്കറ്റിലെത്തുകയും കാറെടുത്ത് രക്ഷപ്പെടുകയും ചെയ്തു. ഏറ്റവുമൊടുവില്‍ പാലക്കാടാണ് പ്രതികള്‍ താമസിച്ചുവന്നിരുന്നത്. സിസിടിവി ദൃശ്യങ്ങള്‍ പ്രതികളെ പിടികൂടാന്‍ പോലീസിനെ സഹായിച്ചു. പാലക്കാട് ഭാഗത്ത് ദമ്പതികള്‍ താമസിക്കുന്ന സ്ഥലത്തുനിന്നാണ് മോഷണമുതല്‍ പോലീസ് കണ്ടെത്തിയത്. വിവിധ സ്ഥലങ്ങളില്‍ മാറിമാറി താമസിച്ച് മോഷണം നടത്തുന്ന ഇവര്‍ക്കെതിരേ തമിഴ്‌നാട്ടിലും തിരുവനന്തപുരത്തെ വിവിധ സ്റ്റേഷനുകളിലും ക്രിമിനല്‍ക്കേസുകള്‍ നിലവിലുണ്ട്. ശംഖുംമുഖം എ.സി അനുരൂപിന്റെ നിര്‍ദ്ദേശപ്രകാരം വഞ്ചിയൂര്‍ സി.ഐ എച്ച്.എസ് ഷാനിഫ്, എസ്.ഐ അലക്‌സ്, എസ്.സി.പി.ഒ ബിനോയി, വനിത സി.പി.ഒമാരായ രജനി, സിംന എന്നിവരാണ് അന്വേഷണസംഘത്തില്‍ ഉണ്ടായിരുന്നത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.

വിഴിഞ്ഞം-നാവായിക്കുളം ഔട്ടര്‍ റിംഗ് റോഡ്: അടുത്തമാസം ഉത്തരവിറങ്ങും

തിരുവനന്തപുരം: വിഴിഞ്ഞം-നാവായിക്കുളം ഔട്ടര്‍ റിംഗ് റോഡ് നിര്‍മാണത്തിന് അടുത്തമാസം ഉത്തരവിറങ്ങും. ഇതോടെ പാതയ്ക്ക് ഭൂമി വിട്ടുകൊടുത്ത് നഷ്ടപരിഹാരത്തിനു കാത്തിരിക്കുന്ന ആയിരക്കണക്കിന് ഭൂവുടമകള്‍ക്ക് ആശ്വാസമാകും. വിഴിഞ്ഞം-തേക്കട(33.9 കിലോമീറ്റര്‍), തേക്കട-നാവായിക്കുളം(28.08 കിലോമീറ്റര്‍) എന്നീ രണ്ടു ഘട്ടങ്ങളിലായാണ് നിര്‍മാണം പൂര്‍ത്തിയാക്കുക. 24 വില്ലേജുകളിലാണ് ഇതിനായി ഭൂമി ഏറ്റെടുക്കുന്നത്. 1000.873 ഹെക്ടര്‍ ഭൂമി ഏറ്റെടുക്കുന്നതിനു വിജ്ഞാപനം ഇറക്കിയിട്ടുണ്ട്. എന്‍എച്ച് 66-ലേക്ക് തുറക്കുന്ന രണ്ടു പ്രധാന ജംഗ്ഷനുകള്‍ക്കു സമീപവും ടോള്‍ ഗേറ്റുകള്‍ സ്ഥാപിക്കും. 45 മീറ്റര്‍ വീതിയുള്ള റോഡില്‍ 30 മീറ്ററില്‍ നാലു വരിയായി പ്രധാന പാതയും ഇരുവശത്തുമായി 14 മീറ്റര്‍ സര്‍വീസ് റോഡുമാണ് നിര്‍മക്കുക. അതേസമയം പാതയുടെ നാവായിക്കുളം തേക്കട ഭാഗത്തിനു പരിസ്ഥിതി അനുമതി നല്‍കേണ്ട സംസ്ഥാന പരിസ്ഥിതി ആഘാത നിര്‍ണയ അതോറിറ്റി കാലാവധി കഴിഞ്ഞശേഷം പുനഃസ്ഥാപിച്ചിട്ടില്ല. ഇതിനു മൂന്നുമാസമെങ്കിലും എടുക്കുമെന്നാണ് വിവരം. ഔട്ടര്‍ റിംഗ് റോഡ് പദ്ധതി നിലവില്‍ കേന്ദ്രസര്‍ക്കാരിനു കീഴിലെ പബ്ലിക് പ്രൈവറ്റ് പാര്‍ട്ണര്‍ഷിപ്പ് അപ്രൈസല്‍ കമ്മറ്റിയുടെ(പിപിപിഎസി) പരിഗണനയിലാണ്. ഇത് അംഗീകരിച്ച് കേന്ദ്ര മന്ത്രിസഭയ്ക്ക് കൈമാറും. കേന്ദ്ര മന്ത്രിസഭയുടെ അനുമതി ലഭിച്ച ശേഷമാകും പദ്ധതി അംഗീകരിച്ച് ഉത്തരവ് ഇറങ്ങുക. ജൂലൈ അവസാനത്തോടെ ഈ നടപടികള്‍ പൂര്‍ത്തിയാക്കും എന്നാണ് മുഖ്യമന്ത്രി പിണറായി വിജയനും കേന്ദ്രമന്ത്രി നിധിന്‍ ഖഡ്കരിയും തമ്മില്‍ നടന്ന ചര്‍ച്ചയില്‍ ലഭിച്ച ഉറപ്പ്. ഉത്തരവ് ഇറങ്ങിയ ശേഷമേ ഭൂവുടമകളുടെ നഷ്ടപരിഹാര വിതരണത്തിലേക്ക് കടക്കൂ. പിപിപിഎസിയുടെ അംഗീകാരം ലഭിക്കാന്‍ പരിസ്ഥിതി അനുമതി നിര്‍ബന്ധമില്ല. എന്നാല്‍ ടെന്‍ഡര്‍ നടപടികള്‍ പൂര്‍ത്തിയാക്കി കരാര്‍ ഒപ്പുവയ്ക്കുന്നതിന് മുമ്പ് അനുമതി ലഭിക്കണം. സര്‍വീസ് റോഡ് നിര്‍മിക്കാനുള്ള ചെലവ് സംസ്ഥാനം വഹിക്കണമെന്നായിരുന്നു പദ്ധതി ദേശീയപാത അതോറിറ്റി എറ്റെടുക്കുമ്പോള്‍ ഉണ്ടായിരുന്ന ധാരണ.

പൊതുവിപണിയില്‍ സംയുക്തപരിശോധന; ആറു കേസ് രജിസ്റ്റർ ചെയ്തു

കൊല്ലം: പൂഴ്ത്തിവയ്പ്പ്, കരിഞ്ചന്ത, അമിതവില ഈടാക്കല്‍ എന്നിവ കണ്ടെത്തുന്നതിന് ജില്ലാ കളക്‌ടർ എൻ. ദേവിദാസ് നിര്‍ദേശാനുസരണം ജില്ലാ സപ്ലൈ ഓഫീസറുടെ നേതൃത്വത്തില്‍ കൊല്ലം താലൂക്കിലെ വിവിധ പ്രദേശങ്ങളിലായി പൊതുവിപണിയില്‍ സംയുക്ത പരിശോധന നടത്തി. വിലവിവര പട്ടികയുടെ പ്രദര്‍ശിപ്പിച്ചിട്ടുണ്ടോ, ബില്ലുകള്‍ കൃത്യമായി നല്‍കുന്നത്, മൊത്ത-ചില്ലറ വ്യാപാരികളുടെ പര്‍ച്ചേസ് ബില്ലുകള്‍ തുടങ്ങിയവ സിവില്‍ സപ്ലൈസ് വകുപ്പ് പരിശോധിച്ചു. ത്രാസുകള്‍ നിയമപ്രകാരം പതിച്ചതുസംബന്ധിച്ചും പായ്ക്കിംഗ് ലേബലുകള്‍, തൂക്കത്തില്‍ കുറവ് എന്നിവ ലീഗല്‍ മെട്രോളജി വകുപ്പാണ് വിലയിരുത്തിയത്. ഹോട്ടലുകള്‍, റസ്റ്ററന്‍റ ുകള്‍, പഴം-പച്ചക്കറി വ്യാപാര സ്ഥാപനങ്ങളിലെ ശുചിത്വം എന്നിവയാണ് ഭക്ഷ്യസുരക്ഷാ വകുപ്പ് തിട്ടപ്പെടുത്തിയത്. വിലവിവരപ്പട്ടിക പ്രദര്‍ശിപ്പിക്കാത്തതടക്കമുള്ള അഞ്ച് കേസുകളും,എഫ് എസ് എസ് എ ഐ ലൈസന്‍സ് പുതുക്കാത്തതിന് ഒരു കേസും രജിസ്റ്റര്‍ ചെയ്തിട്ടുണ്ട്. അളവ്-തൂക്ക ഉപകരണങ്ങള്‍ യഥാസമയം സീല്‍ചെയ്ത് സൂക്ഷിക്കാത്തതിന് ലീഗല്‍ മെട്രോളജി വകുപ്പ് 2000 രൂപ പിഴ ഈടാക്കി. ജില്ലാ സപ്ലൈ ഓഫീസര്‍ എസ്.ഒ .ബിന്ദു, താലൂക്ക് സപ്ലൈ ഓഫീസര്‍ വൈ.സാറാമ്മ, ഭക്ഷ്യസുരക്ഷാ ഓഫീസര്‍ ആതിര സതീഷ്, ലീഗല്‍ മെട്രോളജി ഇന്‍സ്‌പെക്ടര്‍ സജീവ് കുമാര്‍, ഇന്‍സ്‌പെക്ടിംഗ് അസിസ്റ്റന്‍റ് ഉണ്ണിപ്പിള്ള, അസിസ്റ്റന്‍റ് ഡയറക്ടര്‍ അഗ്രിക്കള്‍ച്ചര്‍ ശ്രീവല്‍സ ശ്രീനിവാസ്, കൊല്ലം താലൂക്ക് സപ്ലൈ ഓഫീസിലെ റേഷനിംഗ് ഇന്‍സ്‌പെക്ടര്‍മാരായ കെ. ഐ. അനില, എസ്.ശ്രീലത, എ.ഷാനവാസ് എന്നിവര്‍ പങ്കെടുത്തു. ക്രമക്കേടുകളില്‍ തുടര്‍ നടപടികള്‍ സ്വീകരിക്കുന്നതിന് ജില്ലാ കളക്ടര്‍ക്ക് റിപ്പോര്‍ട്ട് സമര്‍പ്പിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു.

ഇൻഡസ്ട്രിയൽ അക്കാഡമിയ കോൺക്ലേവ് ഒമ്പതിന്

കൊല്ലം: ബിഷപ് ജെറോം ഇൻസ്റ്റിറ്റ്യൂട്ടിൽ കംപ്യൂട്ടർ സയൻസ് ആൻഡ് എൻജിനിയറിംഗ് വിഭാഗം ഒമ്പതിന് 'ഇൻഡസ്ട്രി-അക്കാഡമിയ കോൺക്ലേവ് 2025' സംഘടിപ്പിക്കും. കോൺക്ലേവിൽ ആർട്ടിഫിഷ്യൽ ഇന്‍റലിജൻസ് സാങ്കേതിക വിദ്യയുടെ മുന്നേറ്റം, വ്യാവസായിക, വിദ്യാഭ്യാസ മേഖലയിൽ ഉണ്ടാകുന്ന വിപ്ലവകരമായ മാറ്റങ്ങൾ എന്നിവ ചർച്ച ചെയ്യും. വ്യവസായത്തിന് ആവശ്യമായ രീതിയിൽ കുട്ടികളുടെ അറിവ്, ആശയങ്ങൾ എന്നിവ മെച്ചപ്പെടുത്താൻ ആവശ്യമായ ബോധവൽക്കരണം നൽകി, നൂതന സാങ്കേതിക വിദ്യയിൽ കുട്ടികളുടെ പ്രാഗത്ഭ്യം വർധിപ്പിക്കുക എന്നതാണ് ഇതി െ ന്‍റ ലക്ഷ്യം. ആർട്ടിഫിഷ്യൽ ഇന്‍റലിജൻസ്, ക്ലൗഡ് കംപ്യൂട്ടിംഗ്, സൈബർ സെക്യൂരിറ്റി, മെഷീൻ ലേണിംഗ്, ഡേറ്റാ സയൻസ് എന്നീ വിഷയങ്ങൾ കോൺക്ലേവിൽ ചർച്ച ചെയ്യും. വിവിധ കമ്പനികളിലെ പ്രമുഖർ, അധ്യാപകർ, വിദ്യാർഥികൾ, വ്യവസായ രംഗത്തെ വിദഗ്ധർ എന്നിവർ പങ്കെടുക്കും. പഠന പരിപാടികളുടെ നവീകരണം, സാങ്കേതിക മുന്നേറ്റങ്ങൾ, വ്യവസായത്തെ ബാധിക്കുന്ന പുതിയ പരിണാമങ്ങൾ, കമ്പ്യൂട്ടർ രംഗത്തെ പുതിയ പ്രവണതകൾ എന്നിവയാണ് ചർച്ചാ വിഷയങ്ങൾ. അധ്യാപകർക്കും വിദ്യാർഥികൾക്കും നൂതന ഗവേഷണത്തിന് പ്രാധാന്യം കൊടുക്കുന്ന വ്യവസായ മേഖലയുമായി ബന്ധപ്പെടാനും അതുവഴി എൻജിനീയറിംഗിനും, വിദ്യയും വികസിക്കാനാവശ്യമായ വഴികൾ തുറന്നു കൊടുക്കാനും ഉപകരിക്കുന്നതാണ് കോൺക്ലേവ്. ദേശീയതലത്തിൽ ശാസ്ത്ര സാങ്കേതികവിദ്യ, മാനവശേഷി എന്നിവയുടെ വികസനം, വികസന നയങ്ങളുടെ പ്രശ്‌നങ്ങൾ, പുതിയ വിദ്യാഭ്യാസ നയം ഇവയെക്കുറിച്ച് ചർച്ച ചെയ്യാനുള്ള വേദിയാകും കോൺക്ലേവ്. ഇതിനു പുറമെ നൂതന ശാസ്ത്ര ശാഖകകളിലെ ഗവേഷണ-തൊഴിൽ അവസരങ്ങളെക്കുറിച്ചു വിദ്യാർഥികളിൽ അവബോധം സൃഷ്‌ടിക്കാനും കോൺക്ലേവ് ലക്ഷ്യമിടുന്നു. കോഴിക്കോട് ടാറ്റാ എൽ എക്‌സിയിലെ റിസർച്ച് എൻജിനിയർ ഡോ.എൻ.കെ.രാഗേഷ് രാവിലെ 10ന് കോൺക്ലേവ് ഉദ്ഘാടനം ചെയ്യും. കാസർഗോഡ് സെൻട്രൽ യൂണിവേഴ്‌സിറ്റിയിലെ കംപ്യൂട്ടർ സയൻസ് എൻജിനിയറിംഗ് വിഭാഗം പ്രഫ. ഡോ.ആർ.രാജേഷ്, തിരുവനന്തപുരം കോളജ് ഓഫ് എൻജിനിയറിംഗിലെ, ഇലക്‌ട്രോണിക്‌സ് വിഭാഗം അസോ.പ്രഫ. ഡോ. ക്രിസ്റ്റി ജെയിംസ് ജോസ്, ഓഗ്സെൻസ് ലാബ് റിസർച്ച് എൻജിനിയർ ഡോ. ദിവ്യ എസ്. വിദ്യാധരൻ, ബാർട്ടൺ ഹിൽ എൻജിനിയറിംഗ് കോളജിലെ ഇലക്‌ട്രോണിക്‌സ് എൻജിനിയറിംഗ് വിഭാഗം അസോ.പ്രഫ. ഡോ. ആർ.എസ്.ജീന, കോളേജ് ഓഫ് എൻജിനിയറിംഗ് പുന്നപ്രയിലെ കംപ്യൂട്ടർ സയൻസ് ആൻഡ് എൻജിനിയറിംഗ് വിഭാഗം മേധാവി ഡോ. എൻ.സുരേഷ് കുമാർ, എന്നിവർ കോൺക്ലേവിൽ പങ്കെടുക്കും. പത്രസമ്മേളനത്തിൽ കോളജ് മാനേജർ ഫാ.ബെഞ്ചമിൻ പള്ളിയാടിയിൽ, പ്രിൻസിപ്പൽ ഡോ. എ.ആർ.അനിൽ, കംപ്യൂട്ടർ സയൻസ് വിഭാഗം മേധാവി ദീപാ രാജൻ, പിആർഒ ബിബി ഫിലിപ്പ് തുടങ്ങിയവർ പങ്കെടുത്തു.

മൃതദേഹം തിരിച്ചറിഞ്ഞില്ല; സംസ്കാരം മാറ്റി

കുണ്ടറ: മൃതദേഹം തിരിച്ചറിയാത്തതിനെ തുടർന്ന് സംസ്കാരം മാറ്റി. കഴിഞ്ഞ മൂന്നിന് അഞ്ചാലുംമൂട് ഭാഗത്ത് അഷ്ടമുടി കായലിൽ അഴുകിയ നിലയിൽ ഒരു മൃതദേഹം കണ്ടെത്തിയിരുന്നു. കാണാതായ കല്ലട ചിറ്റുമല രണ്ട് റോഡിൽ കോൺഗ്രസ് വാർഡ് പ്രസിഡന്‍റും ചിറ്റുമല സ്റ്റാൻഡിലെ ഓട്ടോ ഡ്രൈവറുമായ ഷാജി അലക്സിന്‍റെ ആണ് മൃതദേഹമെന്ന ഷാജിയുടെ വീട്ടുകാരുടെ നിഗമനത്തെ തുടർന്ന് കരുനാഗപ്പള്ളി താലൂക്ക് ഹോസ്പിറ്റലിൽ പോസ്റ്റുമോർട്ടത്തിനു ശേഷം കഴിഞ്ഞദിവസം വൈകുന്നേരം നാലിന് വീട്ടിൽ എത്തിച്ച്‌ അഞ്ചിന് പള്ളി സെമിത്തേരിയിൽ സംസ്കരിക്കാനുള്ള ഒരുക്കങ്ങളും പൂർത്തിയായി. എന്നാൽ അവസാന നിമിഷം ബന്ധുക്കൾക്ക് തോന്നിയ സംശയത്താൽ സംസ്കാരം നടപടികൾ നിർത്തിവച്ചു. പൂർണമായും തിരിച്ചറിയാൻ കഴിയാത്തതിനാൽ മൃതശരീരം അജ്ഞാത മൃതദേഹങ്ങളുടെ പട്ടികയിൽ ചേർത്ത് തിരുവനന്തപുരം മെഡിക്കൽ കോളജ് ആശുപത്രിയിലേക്കു മാറ്റി. രണ്ടുദിവസത്തിനുശേഷം ഡിഎൻഎ , കെമിക്കൽ ടെസ്റ്റുകളുടെയും അടിസ്ഥാനത്തിൽ ബന്ധുക്കളുടെ സമ്മതത്തോടെ മാത്രമേ ഇനി ബോഡി കൈമാറ്റം കഴിയാൻ സാധിക്കൂ എന്ന നിലപാടിലാണ് പോലീസ്.

ട്രെയിനിൽ കടത്തികൊണ്ടുവന്ന 10 കിലോ കഞ്ചാവ് പിടികൂടി

കൊല്ലം: കരുനാഗപ്പള്ളി റെയിൽവേ സ്റ്റേഷനിൽ ട്രെയിനിൽ കടത്തി കൊണ്ടുവന്ന 10 കിലോഗ്രാമിലധികം വരുന്ന കഞ്ചാവ് പിടികൂടി. കുന്നത്തൂർ ശൂരനാട് തെക്ക് സ്വദേശി ദീപു (26)വിനെ കരുനാഗപ്പള്ളി പോലീസ് രഹസ്യ വിവരത്തി െ ന്‍റ അടിസ്ഥാനത്തിൽ കസ്റ്റഡിയിലെടുത്തു. തിരുവനന്തപുരം ഭാഗത്തേക്ക് പോകുന്ന ട്രെയിനിലാണ് ബാഗിൽ നിറച്ച പൊതികളിലായി ഇയാൾ കഞ്ചാവ് കടത്തി കൊണ്ടുവന്നത്. ഒറീസയിൽ നിന്നും വാങ്ങി ടെയിൻ മാർഗം കൊണ്ടുവരികയായിരുന്നു. സ്കൂൾ തുറന്നതോടെ വിദ്യാർഥികൾക്ക് വിതരണം ചെയ്യാൻ വേണ്ടി കൊണ്ടുവന്നതാണിത്. പോലീസിനെ കണ്ടതോടെ ദീപുവിനൊപ്പം ഉണ്ടായിരുന്ന യുവാവ് ഓടി രക്ഷപ്പെട്ടു. കരുനാഗപ്പള്ളി എഎസ്പി അഞ്ജലി ഭാവന, എസ്എച്ച്ഒ ബിജു എന്നിവരുടെ നേതൃത്വത്തിലാണ് പരിശോധന നടന്നത്. കൂട്ടുപ്രതിക്ക് വേണ്ടിയുള്ള അന്വേഷണം ആരംഭിച്ചിട്ടുണ്ട്. ഇയാളെ ഉടൻ പിടികൂടുമെന്ന് പോലീസ് അറിയിച്ചു.

ഒമ്പതിന് അര്‍ധരാത്രി മുതല്‍ ട്രോളിംഗ് നിരോധനം

കൊല്ലം: ഈ വര്‍ഷത്തെ ട്രോളിംഗ് നിരോധനം ഒമ്പത് അര്‍ധരാത്രി മുതല്‍ ജില്ലാ കളക്‌ടർ എൻ. ദേവിദാസ് പ്രഖ്യാപിച്ചു. ജൂലൈ 31 വരെ നീളുന്ന 52 ദിവസമാണ് നിരോധനകാലയളവ്. മത്സ്യസമ്പത്ത് നിലനിര്‍ത്തുന്നതിന് നടപ്പിലാക്കുന്ന നിരോധനത്തോട് ബന്ധപ്പെട്ട എല്ലാവരും പൂര്‍ണമായി സഹകരിക്കണമെന്ന് കളക്‌ടർ നിർദേശിച്ചിട്ടുണ്ട്. നീണ്ടകര പാലത്തിന് പടിഞ്ഞാറ് വശം, തങ്കശേരി, അഴീക്കല്‍ തുറമുഖങ്ങളാണ് അടച്ചിടുന്നത്. നിരോധനമേഖലയില്‍ ഉള്‍പ്പെടുന്ന നീണ്ടകര, ശക്തികുളങ്ങര, തങ്കശേരി, അഴീക്കല്‍ അഴിമുഖങ്ങളിലും നിരോധനം ബാധകം. നീണ്ടകര തുറമുഖത്ത് ഇന്‍ബോര്‍ഡ് എൻജിന്‍ ഘടിപ്പിച്ചിട്ടുള്ളവ ഒഴികെയുള്ള പരമ്പരാഗത യാനങ്ങള്‍ക്ക് പ്രവര്‍ത്തിക്കാം. മത്സ്യബന്ധനത്തിലേര്‍പ്പെടുന്ന യാനങ്ങള്‍ക്ക് അഷ്‌ട മുടി കായലി െ ന്‍റ കിഴക്ക് തീരങ്ങളിലുള്ള സ്വകാര്യ ബോട്ട്ജെട്ടികളില്‍, വാര്‍ഫുകളില്‍ ലാന്‍ഡിംഗ് അനുമതി ഉടമകള്‍ നല്‍കാന്‍ പാടില്ല. നീണ്ടകര, ശക്തികുളങ്ങര, ആലപ്പാട്, അഴീക്കല്‍ തീരമേഖലകളിലെ ഡീസല്‍ പമ്പുകളെല്ലാം ജൂലൈ 28 വരെ അടച്ചിടണം. മത്സ്യഫെഡിന്റെ നീണ്ടകര, ശക്തികുളങ്ങര, അഴീക്കല്‍ തീരമേഖലകളിലെ നിശ്ചിത പമ്പുകള്‍ക്കും അഴീക്കലിലെ ആലപ്പാടന്‍, ജെം, കുഴിത്തുറ മറൈന്‍ ഡിസല്‍, ആയിരംതെങ്ങ് നടയില്‍ കിഴക്കതില്‍ എന്നീ സ്വകാര്യ പമ്പുകള്‍ക്കും പ്രവര്‍ത്തനാനുമതിയുണ്ട്. മെഷീന്‍ ബോട്ടുകള്‍, മത്സ്യബന്ധനയാനങ്ങള്‍ എന്നിവയ്ക്ക് ഇക്കാലയളവില്‍ അനധികൃതമായി പെട്രോള്‍ വില്‍ക്കുകയോ വിതരണം ചെയ്യാനോ അനുമതിയില്ല. ജില്ലയിലെ ഇന്ധനപമ്പുകളില്‍ നിന്ന് ജില്ലാ കളക്‌ടറുടെ അനുമതിയില്ലാതെ കാനുകളിലോ കുപ്പികളിലോ ഇന്ധനം നല്‍കാനും പാടില്ല. ജില്ലയില്‍ പ്രവര്‍ത്തിക്കുന്ന ഇതരസംസ്ഥാന മത്സ്യബന്ധനയാനങ്ങളെല്ലാം ട്രോളിംഗ് നിരോധനത്തിന് മുന്നോടിയായി തീരം വിട്ടുപോകണം. നിരോധനകാലയളവിലെ ക്രമസമാധാനപാലനം ഉള്‍പ്പെടെ നിയന്ത്രണങ്ങള്‍ നിര്‍വഹിക്കുന്നതിന് സബ് കളക്‌ടറെ നിയോഗിച്ചു. നിരോധനകാലയളവാകെ ക്രമസമാധാനം സംബന്ധിച്ച പ്രതിദിന റിപോര്‍ട്ട് ജില്ലാ കളക്‌ടര്‍ക്ക് സമര്‍പ്പിക്കണം. കൊല്ലം - കരുനാഗപ്പള്ളി തഹസില്‍ദാര്‍മാര്‍ എക്‌സിക്യൂട്ടീവ് മജിസ്ട്രേറ്റുമാരുടെ ചുമതല നിര്‍വഹിക്കണം. തീരമേഖലയില്‍ അടിയന്തര സാഹചര്യങ്ങളുണ്ടെങ്കില്‍ പോലീസ് അസി. കമ്മീഷണര്‍മാര്‍, ഫിഷറീസ് ഡെപ്യൂട്ടി ഡയറക്‌ടര്‍ എന്നിവര്‍ സബ്കളക്‌ടര്‍ക്ക് വിവരം കൈമാറി തുടര്‍നടപടി കൈക്കൊള്ളണം. നിരോധനം കൃത്യതയോടെ നടപ്പിലാക്കാന്‍ കോസ്റ്റല്‍ പോലീസിനെ ചുമതലപ്പെടുത്തിയിട്ടുണ്ടെന്നും പത്രക്കുറിപ്പിൽ അറിയിച്ചിട്ടുണ്ട്.

മുടിവെട്ടാത്ത കുട്ടികളെ പുറത്ത് നിർത്തിയ സംഭവം: കൊല്ലം ആര്‍ഡിഡി അന്വേഷിക്കും

കൊല്ലം : കൊട്ടിയം മൈലാപ്പൂരില്‍ മുടി നീട്ടി വളര്‍ത്തി എന്ന പേരില്‍ 14 പ്ലസ് ടു വിദ്യാർഥികളെ ക്ലാസിൽ നിന്ന് ഇറക്കി വിട്ടു എന്ന് ആരോപിക്കപ്പെട്ട സംഭവത്തിൽ കൊല്ലം ആര്‍ഡിഡി അന്വേഷണം നടത്തും. റിപ്പോര്‍ട്ടി െ ന്‍റ അടിസ്ഥാനത്തില്‍ പൊതു വിദ്യാഭ്യാസ ഡയറക്ടര്‍ നടപടി സ്വീകരിക്കും. ഇത്തരം സംഭവങ്ങള്‍ ആവര്‍ത്തിക്കില്ലെന്ന് സ്‌കൂളുകള്‍ ഉറപ്പുവരുത്തണമെന്നു വിദ്യാഭ്യാസ മന്ത്രി പറഞ്ഞിട്ടുണ്ട്. കൊല്ലം ഉമയനല്ലൂര്‍ മൈലാപ്പൂര്‍ എകെഎം എച്ച്എസ്എസിലെ വിദ്യാര്‍ഥികളെയാണ് കഴിഞ്ഞ ദിവസം മുടി വെട്ടിയില്ല എന്ന കാരണത്താൽ അധ്യാപകര്‍ ഗേറ്റിന് വെളിയില്‍ നിർത്തിയത് വിവാദസങ്ങൾക്ക് ഇടയാക്കിയിരുന്നു.

‘നക്ഷത്രങ്ങളുടെ പള്ളിക്കൂടം’ പുസ്തക വിതരണം നടത്തി

പരവൂർ : എസ്എൻവിജി എച്ച്എസിലെ വിദ്യാർഥികൾ എഴുതിയ കവിതകളും കുട്ടികൾ വരച്ച ചിത്രങ്ങളും ഉൾപ്പെടുത്തി വിദ്യാരംഗം കലാസാഹിത്യ വേദിയുടെയും പിടിഎയുടെയും സഹകരണത്തോടെ നക്ഷത്രങ്ങളുടെ പള്ളിക്കൂടം എന്ന പേരിൽ പ്രസിദ്ധീകരിച്ച പുസ്തകത്തി െ ന്‍റ കോപ്പികൾ പ്രവേശനോത്സവ ചടങ്ങിൽ വിതരണം ചെയ്തു. കുട്ടികളുടെ വായനാശീലവും സർഗാത്മകതയും പ്രോത്സാഹിപ്പിക്കുന്നതിന് വേണ്ടിയാണ് നവാഗതരായ 50 കുട്ടികൾക്ക് പൂർവ വിദ്യാർഥികളുടെയും പൂർവാധ്യാപകരുടെയും സഹായത്തോടെ സൗജന്യമായി വിതരണം ചെയ്തത്. പിടിഎ പ്രസിഡന്‍റ് സി.അശോക് കുമാർ ഉദ്ഘാടനം നിർവഹിച്ചു.

ദുരിതമൊഴിയാതെ മത്സ്യത്തൊഴിലാളികള്‍

കൊല്ലം: അറബിക്കടലില്‍ കപ്പല്‍ മറിഞ്ഞതിന് പിന്നാലെ തുടങ്ങിയ കൊല്ലത്തെ മത്സ്യത്തൊഴിലാളികളുടെ ദുരിതം അവസാനമില്ലാതെ തുടരുന്നു. കപ്പലിലുണ്ടായിരുന്ന കണ്ടെയ്‌നറുകളിലെ തിരിച്ചറിയാൻ പോലും കഴിയാത്ത വിവിധ സാധനങ്ങളും ഒഴുകിനടക്കുന്ന കണ്ടെയ്‌നറുകളുമാണ് മത്സ്യത്തൊഴിലാളികള്‍ക്ക് ദുരിതം വിതയ്ക്കുന്നത്. കഴിഞ്ഞ ദിവസം കരുനാഗപ്പള്ളി അഴീക്കല്‍ ഹാര്‍ബറില്‍ നിന്ന് മത്സ്യബന്ധനത്തിന് പോയവര്‍ക്ക് മത്സ്യത്തിനൊപ്പം കശുവണ്ടിയും (തോട്ടണ്ടി) ലഭിച്ചു. കണ്ടെയ്‌നറുകളുടെ അവശിഷ്‌ട ങ്ങളും വലയില്‍ കയറുന്നുണ്ട്. കൂടാതെ കടലില്‍ വിവിധ ഇടങ്ങളിലായി കിടക്കുന്ന കണ്ടെയ്‌നറുകളിലും, മറ്റ് അവശിഷ്ടങ്ങളിലും ഉടക്കി ബോട്ടുകളുടെ വല, റോപ്പ്, ബോര്‍ഡ് എന്നിവ നശിക്കുകയും ചെയ്തു. ചിലത് ഉപയോഗശൂന്യമായ അവസ്ഥിയിലാണ്. അഴീക്കലിന്‍ നിന്നും മത്സ്യബന്ധനത്തിന് പോയ 17 ബോട്ടുകളുടെ ഉപകരണളാണ് ഇത്തരത്തിൽ നശിച്ചത്. ഇതുമൂലം രണ്ടു മുതല്‍ മൂന്നു ലക്ഷം രൂപ വരെ നഷ്ടം സംഭവിച്ചതായി ബോട്ടുടമകള്‍ പറയുന്നു. അപകടത്തെ തുടര്‍ന്ന് അവശിഷ്ടങ്ങള്‍ ചിതറി കിടക്കുന്നതിനാല്‍ ബോട്ടുകളിൽ പോകുന്ന മത്സ്യത്തൊഴിലാളികൾ ആശങ്കയിലാണ്. ട്രോളിംഗ് നിരോധനത്തിന് ഏതാനും ദിവസങ്ങള്‍ മാത്രമേ അവശേഷിക്കുന്നുള്ളൂ. അതിന് മുമ്പ് ഉള്ള മത്സ്യ ബന്ധനം തടസപ്പെടുന്ന സാഹചര്യമാണ് നിലനില്‍ക്കുന്നതെന്ന് മത്സ്യത്തൊഴിലാളികള്‍ പറയുന്നു.

‘മണ്ണിന്‍റെ മനം അറിഞ്ഞ് ’

കൊല്ലം: ലോക പരിസ്ഥിതി ദിനം ജില്ലയിൽ വൃക്ഷതൈകൾ നട്ട് നാടെങ്ങും ആചരിച്ചു. മലങ്കര കാത്തലിക് അസോസിയേഷൻ ആയൂർ വൈദിക ജില്ലയുടെ ആഭിമുഖ്യത്തിൽ ലോക പരിസ്ഥിതി ദിനാചരണം നടത്തി. ആയൂർ ചെറുപുഷ്പ സെട്രൽ സ്കൂളിൽ നടന്ന ചടങ്ങിൽ ജില്ലാ പ്രസിഡന്‍റ് ജേക്കബ് കളപ്പുരയ്ക്കൽ അധ്യക്ഷത വഹിച്ചു. ഇടമുളയ്ക്കൽ പഞ്ചായത്ത് പ്രസിഡന്‍റ് ആര്യ ലാൽ ഫലവൃക്ഷത്തൈ നട്ട് ഉദ്ഘടനം ചെയ്തു.ഫാ. അരുൺ ഏറത്ത്, ഫാ. ക്ലിസ്റ്റി പാലവിള എന്നിവർ പരിസ്ഥിതിദിന സന്ദേശം നൽകി. ജില്ലാ സെക്രട്ടറി രാജീവ് കോശി, ഐസക്ക് ഇളമാട്, പോൾ രാജ് പുയ്യപ്പള്ളി, മിനി സെബാസ്റ്റ്യൻ, അലക്സാണ്ടർ, ജോർജ് ലൂക്കോസ്, റിനകോരുത്, ലാലുവർഗീസ്, ലാലു ശങ്കര വേലിൽ, എന്നിവർ പ്രസംഗിച്ചു. ഉളിയക്കോവിൽ സെന്‍റ് മേരീസ് പബ്ലിക് സ്‌കൂളിൽ പരിസ്ഥിതിദിനാഘോഷം ചെയർമാൻ ഡോ. ഡി.പൊന്നച്ചൻ ഉദ്ഘാടനം ചെയ്‌തു. ചടങ്ങിൽ കോർപറേഷൻ കൗൺസിലർ അമ്പിളി വൃക്ഷത്തൈകൾ കുട്ടികൾക്ക് വിതരണം ചെയ്തു. പരിസ്ഥിതി ദിനത്തിന്‍റെ പ്രാധാന്യത്തെക്കുറിച്ച് കുട്ടികളുമായി സംവദിച്ചു. പ്രിൻസിപ്പൽ മഞ്ജു രാജീ വ്, അധ്യാപകരായ എൽ.ആർ.ശാലിനി, റൈമാ ബിന്ദുജി, ബിഷൻ ക്രിസ്റ്റോ എന്നിവർ പ്രസംഗിച്ചു. ബൻസിഗർ ആശുപത്രി പരിസരത്ത് പരിസ്ഥിതി ദിനാചരണത്തി െ ന്‍റ ഭാഗമായി വിവിധ ഫലവൃക്ഷ തൈകൾ നട്ടു. ആശുപത്രി ഡയറക്‌ടർ ഫാ. ജോൺ ബ്രിട്ടോ, അഡ്മിനിസ്ട്രേറ്റർ സിസ്റ്റർ ജീന മേരി, നഴ്‌സിംഗ് സുപ്രീണ്ടന്‍റ് സിസ്റ്റർ സിർള മേരി, അസോസിയേറ്റ് ഡയറക്‌ടർ ടി. ജെയിംസ്, മെഡിക്കൽ സൂപ്രണ്ട് ഡോ. ജി. മോഹൻ, അസി.മെഡിക്കൽ സൂപ്രണ്ട് ഡോ. ബെനി ക്ലീറ്റസ് എന്നിവർ വൃക്ഷത്തൈ നട്ടു. പ്രകൃതിയെ സംരക്ഷിക്കേണ്ടത് ഓരോരുത്തരുടെയും കടമയാണ് എന്ന സന്ദേശത്തോടെ, പ്ലാസ്റ്റിക് രഹിത ആശുപത്രിയിലേക്കുള്ള ആദ്യ ചുവടു വെയ്പ്പ് കൂടിയാണ് ഇതെന്ന് ആശുപത്രി അധികൃതർ അറിയിച്ചു. വിമലഹൃദയ സ്കൂളിൽ കൊല്ലം മേയർ ഹണി ബെഞ്ചമിൻ പരിസ്ഥിതിദിനം ഉദ്ഘാടനം ചെയ്തു. പ്രിൻസിപ്പൽ സിസ്റ്റർ ഹേമ മേരി, വൈസ് പ്രിൻസിപ്പൽ സിസ്റ്റർ നിമാ മേരി, സ്റ്റാഫ് സെക്രട്ടറി അസുന്ത എന്നിവർ നേതൃത്വം നൽകി. അധ്യാപകരും സ്കൂളിലെ വിദ്യാർഥികളും വൃക്ഷത്തൈ നട്ട ശേഷം പരിസ്ഥിതി സംരക്ഷണ പ്രതിജ്ഞ ചൊല്ലി. ഒമ്പതാം ക്ലാസ് വിദ്യാർഥിനികളായ ജസീക്കാ പരിസ്ഥിതി ദിനത്തെ കുറിച്ചുള്ള പ്രഭാഷണവും അൽഫോൻസാ പരിസ്ഥിതി സംരക്ഷണത്തെ കുറിച്ചുള്ള കവിതയും അവതരിപ്പിച്ചു. പരിസ്ഥിതി സംരക്ഷണ ബോധവത്കരണത്തെ കുറിച്ചുള്ള പ്ലക്കാർഡുകൾ വഹിച്ച വിദ്യാർഥികൾ ആഘോഷത്തിന് മിഴിവേകി. കൊട്ടിയം നിത്യസഹായ മാതാ ഗേൾസ് ഹൈസ്കൂളിൽ പരിസ്ഥിതി ദിനാഘോഷം നടത്തി. കൃഷി വകുപ്പിൽ നിന്നും ലഭിച്ച തൈകൾ കുട്ടികൾക്ക് വിതരണം ചെയ്തു. സംസ്ഥാന തലത്തിൽ സ്റ്റുഡന്‍റ്പോലീസ് കേഡറ്റിന്‍റെ നേതൃത്വത്തിൽ നടത്തുന്ന മധുരവനം പദ്ധതിയുടെ സ്കൂൾ തല ഉദ്ഘാടനം ആദിച്ചനല്ലൂർ പഞ്ചായത്ത് പ്രസിഡന്‍റ് രേഖ എസ്. ചന്ദ്രൻ നിർവഹിച്ചു. മരങ്ങൾ നട്ടുപിടിപ്പിക്കുന്നതി െ ന്‍റ ആവശ്യകതയെക്കുറിച്ചും പ്ലാസ്റ്റിക് മാലിന്യങ്ങൾ ഒഴിവാക്കി സ്കൂളിനെ പ്ലാസ്റ്റിക് വിമുക്ത മേഖലയായി പ്രഖ്യാപിക്കുന്നതി െ ന്‍റ ആവശ്യകതയെ കുറിച്ചും കുട്ടികൾക്ക് ബോധവത്കരണം നടത്തി. പ്രഥമ അധ്യാപിക വൈ. ജൂഢിത്‌ ലത അധ്യക്ഷത വഹിച്ചു. ഡി എച്ച് ക്യു സബ് ഇൻസ്പെക്ടർ വൈ. സാബു, ആദിച്ചനല്ലൂർ കൃഷി ഓഫീസർ ജി.മീനു, അസിസ്റ്റന്‍റ് ഓഫീസർ ലക്ഷ്മി, ജെ ആർ സി കോഡിനേറ്റർ സോണിയ, സ്റ്റാഫ് സെക്രട്ടറി ജോയൽ, കമ്യൂണിറ്റി പോലീസ് ഓഫീസർമാരായ എയ്ഞ്ചൽ, അനില, ഡി.ഐ.രമ്യ, അധ്യാപകരായ റാണി, അജിത, ലീന, എന്നിവർ പങ്കെടുത്തു. തുടർന്ന് എസ്പി സി കേഡറ്റുകളുടെയും ജെആർ സി കുട്ടികളുടെയും പരിസ്ഥിതിയുമായി ബന്ധപ്പെട്ട വിവിധ ഇനം കലാപരിപാടികളും നടന്നു. ഗവ. ടിടി ഐയിലെ കുരുന്നുകൾ ലോക പരിസ്ഥിതി ദിനത്തിൽ ‘എ െ ന്‍റ വിദ്യാലയം, എ െ ന്‍റ പൂന്തോട്ടം' പദ്ധതിക്ക് തുടക്കം കുറിച്ച്. ലോക പരിസ്ഥിതി ദിനത്തി െന്‍റെ 51-ാംവാർഷികത്തിൽ അമ്പത്തിയൊന്ന് പൂച്ചെടികൾ നട്ടു കൊണ്ടാണ് സ്കൂളിൽ അവർ പൂന്തോട്ടമൊരുക്കിയത്. തങ്ങൾനട്ട കുഞ്ഞു ചെടിയെ ഓമനപേരിട്ടു വിളിക്കാനും പരിപാലിക്കാനും കുരുന്നുകൾ തീരുമാനിച്ചിരിക്കുകയാണ്. പൂച്ചെടി നടീലിെ ന്‍റ ഉദ്ഘാടനം പ്രിൻസിപ്പൽ ഇ.ടി.സജി നിർവഹിച്ചു. പ്ലാസ്റ്റിക് മാലിന്യത്തിനെതിരേയും ലഹരിക്കെതിരേയും പരിസ്ഥിതി സംരക്ഷണത്തെ കുറിച്ചുമുള്ള പ്രതിജ്ഞ ചൊല്ലി. സീനിയൻ അധ്യാപകൻ ഇ.എം.അൻസർ പരിസ്ഥിതി ദിന സന്ദേശം നൽകി. കവിതാലാപനം, സെമിനാർ, ഡോക്യുമെന്‍ററി പ്രദർശനം എന്നിവയും നടന്നു. അധ്യാപകരായ പി.കെ.ഷാജി, ജോൺ, രജിൻചന്ദ്രൻ, മായ അഭിലാഷ് എന്നിവർ പരിപാടികൾക്ക് നേതൃത്വം നൽകി. മുണ്ടക്കൽ റസിഡന്‍റ്സ് അസോസിയേഷനും നന്മ മരം ഗ്ലോബൽ ഫൗണ്ടേഷനും സംയുക്തമായി പരിസ്ഥിതി ദിനാചരണം നടത്തി. മുണ്ടക്കൽ നഗറിൽ പരിസ്ഥിതി ദിനാചരണം ഫലവൃക്ഷത്തൈ നട്ട് മേയർ ഹണി ബെഞ്ചമിൻ ഉദ്ഘാടനം ചെയ്തു.മുണ്ടക്കൽ റസിഡന്‍റ്സ് അസോസിയേഷൻ പ്രസിഡന്‍റ് ചാപ്റ്റർ മോഹനൻ അധ്യക്ഷത വഹിച്ചു. നന്മ മരം ഗ്ലോബൽ ഫൗണ്ടേഷൻ സംസ്ഥാന ചീഫ് കോഡിനേറ്റർ ജേക്കബ് എസ്. മുണ്ടപ്പുളം പരിസ്ഥിതിയെക്കുറിച്ച് പ്രഭാഷണം നടത്തി. മുണ്ടക്കൽ നഗർ സെക്രട്ടറി പി.പ്രമോദ്, നിക്സൺ ജോർജ് എന്നിവർ പ്രസംഗിച്ചു. സെന്‍റ് മേരീസ് ഹൈസ്കൂളിൽ ലോക പരിസ്ഥിതി ദിനം ഫലവൃക്ഷത്തൈകൾ നട്ട് ആചരിച്ചു. സമ്മേളനത്തിൽ സ്കൂൾ മാനേജർ ഫാ. ഫിലിപ്പ് തയ്യിൽ അധ്യക്ഷത വഹിച്ചു. ആര്യങ്കാവ് ഫോറസ്റ്റ് റെയ്ഞ്ച് ഓഫീസർ സനോജ് പരിസ്ഥിതി സന്ദേശം നൽകി. ഹെഡ്മാസ്റ്റർ ഷാനിൽ ജോസഫ് , അധ്യാപകരായ സിസ്റ്റർ റീബ എലിസബത്ത് ജോസഫ്, ജിഷ ജോർജ്, വിദ്യാർഥികളായ അമന്‍റ് ഷിബു, അരുന്ധതി ഷാജു, വിസ്മയ അനീഷ്, ഏയ്ഞ്ചൽ ഗ്രേസ് ക്ലീറ്റസ്, ലയോണ വർഗീസ് തുടങ്ങിയവർ പ്രസംഗിച്ചു. പരിസ്ഥിതി ദിന പോസ്റ്റർ നിർമാണ മത്സരവും ക്വിസ് മത്സരവും ചിത്രരചനാ മത്സരവും നടത്തി വിജയികളായവർക്ക് സമ്മാനങ്ങൾ നൽകി. കൊല്ലം: പരിസ്ഥിതിക്ക് ഭീഷണിയാകുന്ന പ്രവര്‍ത്തനങ്ങള്‍ പുതുതലമുറ ചെറുക്കണമെന്നും നശിപ്പിക്കപ്പെടുന്ന മരങ്ങള്‍ക്ക് പകരം പുതിയ വൃക്ഷത്തൈകള്‍ നട്ടുപിടിപ്പിച്ച് മാതൃകയാകണമെന്നും ജില്ലാ കളക്‌ടർ എന്‍. ദേവിദാസ്. ലോക പരിസ്ഥിതി ദിനാഘോഷത്തിന്‍റെ ജില്ലാതല ഉദ്ഘാടനം നിര്‍വഹിക്കുകയായിരുന്നു അദ്ദേഹം. കളക്‌ട്രേറ്റ് വളപ്പില്‍ ഫലവൃക്ഷത്തൈ നട്ടുപിടിപ്പിച്ചാണ് വൃക്ഷവത്കരണത്തിന് പ്രോത്സാഹാനം നല്‍കിയത്. ‘പോരാടാം പ്ലാസ്റ്റിക് മലിനീകരണത്തിനെതിരേ’ എന്ന സന്ദേശത്തോടെ നടത്തിയപരിസ്ഥിതി ദിനാഘോഷത്തില്‍ പ്രിന്‍സിപ്പല്‍ കൃഷി ഓഫീസര്‍ എസ്. രാജേഷ് കുമാര്‍ അധ്യക്ഷനായി. കെഎംഎംഎല്ലില്‍ പരിസ്ഥിതി ദിനാചരണം സംഘടിപ്പിച്ചു . ദിനാചരണത്തിനോടനുബന്ധിച്ച് ഫലവൃക്ഷ തൈകള്‍ നട്ടു. കായംകുളം യുഐടി പ്രിന്‍സിപ്പൽ‍ ഡോ. എസ്. ഗിരിജാകുമാരി പരിസ്ഥിതി ദിന സമ്മേളനം ഉദ്ഘാടനം ചെയ്തു. പ്ലാസ്റ്റിക്കി െ ന്‍റ ഉപയോഗം കുറയ്ക്കുന്നതിനും പരിസ്ഥിതി സംരക്ഷണത്തിനായി എല്ലാവരും ഒന്നിച്ച് ഇറങ്ങണമെന്നും ഡോ.എസ്. ഗിരിജാകുമാരി പറഞ്ഞു. കെഎംഎംഎല്‍ എച്ച് ഒയു (എംഎസ്, എച്ച്ആര്‍, ഇഡിപി) എം.യു.വിജയകുമാര്‍ അധ്യക്ഷനായി. കമ്പനി ജീവനക്കാര്‍ക്ക് നല്‍കുന്ന വൃക്ഷ തൈകളു െ ട വിതണോദ്ഘാടനവും നടന്നു. ബി ജി എം ഗവണ്‍മെന്‍റ് കോളേജ് പ്രിന്‍സിപ്പാള്‍ ഡോ. ആർ. ജോളി ബോസ് , കെഎംഎംഎല്‍ റോബി ഇടിക്കുള, മനോജ്, ടി.സി.രമേശന്‍,അരുണ്‍ ജി. നാഥ്,പരിസ്ഥിതി ദിനാഘോഷ കമ്മിറ്റി ചെയര്‍മാന്‍ എം.സഹില്‍,വി.സി. രതീഷ്‌കുമാര്‍, ആര്‍. ശ്രീജിത്ത്, എ.നഹാസ്, ജെ. മനോജ്മോന്‍ തുടങ്ങിയവര്‍ പ്രസംഗിച്ചു. ബിജെഎം ഗവ.കോളജിൽ പരിസ്ഥിതി ദിനം ആചരിച്ചു. കോ ളജിലെ നാഷണൽ സർവീസ് സ്കീം, ഭൂമിത്രസേന എന്നിവ സോഷ്യൽ ഫോറസ്ട്രി വിഭാഗവുമായി ചേർന്നാണ് പരിപാടി സംഘടിപ്പിച്ചത്. വൃക്ഷ തൈ നടീലും വിതരണവും പ്രിൻസിപ്പൽ ഡോ.ആർ.ജോളി ബോസ് നിർവഹിച്ചു. തുടർന്ന് പ്ലാസ്റ്റിക്ക് ഉപയോഗം തടയുക എന്ന വിഷയത്തിൽ കെമിസ്ട്രി വിഭാഗം അധ്യാപകൻ പ്രൊഫ. ജി ഗോപകുമാർ ക്ലാസെടുത്തു. എൻ എസ് എസ് പ്രോഗ്രാം ഓഫീസർ ഡോ. ജി.ഗോപകുമാർ , ഡോ.ടി.തുഷാദ്, ഫോറസ്റ്റ് സെക്ഷൻ ഓഫീസർ മുഹമ്മദ് കുഞ്ഞ്, പ്രഫ. ആർ.സുനിൽകുമാർ, ലീഡർമാരായ ആദിത്യൻ എസ്. കുമാർ, ആർ.അഭിജിത്ത് എന്നിവർ നേതൃത്വം നൽകി. ശങ്കരമംഗലം ഗവ. ബോയ്സ് ഹയർ സെക്കൻഡറി സ്കൂളിൽ എസ്പിസി കേഡറ്റുകളുടെ നേതൃത്വത്തിൽ റോഡ് സുരക്ഷാ ബോധവത്കരണവും, പരിസ്ഥിതി ദിനാഘോഷവും സംഘടിപ്പിച്ചു. പരിസ്ഥിതി സംരക്ഷണവും അവബോധവും കുട്ടികളിൽ എത്തിക്കുന്നതിനായി ചവറ സർക്കിൾ ഇൻസ്പെക്‌ടർ എം. ഷാജഹാൻ സ്കൂളിലെ പ്രഥമ അധ്യാപിക എലിസബത്ത് ഉമ്മന് വൃക്ഷത്തൈ നൽകി കൊണ്ട് പരിപാടി ഉദ്ഘാടനം നിർവഹിച്ചു. അധ്യാപകരായ സിൽവി ചാക്കോ, ആനന്ദ് ജോത്സ്യല, എസ് സബിത, ജി എസ് സരിത, ഐ ജിജി, പരിസ്ഥിതി ക്ലബ് കൺവീനർ ടി. കെ. ജി. തരകൻ, തുടങ്ങിയവർ ചടങ്ങിൽ പങ്കെടുത്തു. കിഴക്കനേല കിഴക്ക് ശ്രീമഹാദേവാ എൻഎസ്എസ് കരയോഗത്തി െ ന്‍റയും ശ്രീ മഹാദേവ വനിതാ സമാജത്തിന്‍റെയും അഭിമുഖ്യത്തിൽ ലോക പരിസ്ഥിതി ദിനാചരണം നടത്തി. പരിസ്ഥിതി ദിനാചരണം എൻഎസ്എസ് ചാത്തന്നൂർ താലൂക്ക് യൂണിയൻ വനിതാ സമാജം ട്രഷറർ എസ്. ജലജകുമാരി ഉദ്ഘാടനം ചെയ്തു. കരയോഗം പ്രസിഡന്‍റ് പാരിപ്പള്ളി വിനോദ് തൈ വിതരണം നിർവഹിച്ചു. വനിതാ സമാജം പ്രസിഡന്‍റ് മിനി കൃഷ്ണൻ അധ്യക്ഷത വഹിച്ചു. സെക്രട്ടറി ആർ. വൃന്ദ, പുഷ്പവല്ലി, ദീപിക ഓമനക്കുട്ടൻ, ഷീല ശശിധരൻ, വിലാസിനി അമ്മ, എന്നിവർ പ്രസംഗിച്ചു. കരയോഗ അംഗങ്ങൾക്ക് അഞ്ച് ഇനം തൈകൾ വീതം വിതരണം ചെയ്തു. തേവലക്കര ഈസ്റ്റ് ഗവ.എൽ പി സ്‌കൂളിൽ ലോക പരിസ്ഥിതി ദിനം ആഘോഷിച്ചു. അധ്യാപക പരിശീലകൻ ജി.പ്രദീപ്‌കുമാർ വൃക്ഷതൈ നട്ട് ഉദ്ഘാടനം നിർവഹിച്ചു. പോസ്റ്റർ രചനമത്സരം,ഷോർട്ട് ഫിലിം പ്രദർശനം, ക്വിസ് മത്സരം തുടങ്ങിയവ വിദ്യാർഥികൾക്കായി സംഘടിപ്പിച്ചു. പിടിഎ പ്രസിഡൻ്റ് സരോജാക്ഷൻ അധ്യക്ഷത വഹിച്ചു. പ്രധാനാധ്യാപിക വി.വിജയലക്ഷ്മി,രാജ്ലാൽ തോട്ടുവാൽ,ജഗദീശൻ,ജ്യോതിഷ് കണ്ണൻ, ബിനിതാ ബിനു, ഷിബി എന്നിവർ പ്രസംഗിച്ചു. താഴംതെക്ക് വിളപ്പുറം ആനന്ദവിലാസം ഗ്രന്ഥശാലയിൽ പരിസ്ഥിതി ദിനാചരണത്തിന് തുടക്കമായി. ഗ്രന്ഥശാലാ അങ്കണത്തിൽ കോഴിക്കോട് ഫിസിക്കൽ എഡ്യൂക്കേഷൻ കോളജ് റിട്ട. പ്രിൻസിപ്പൽ ഡോ. ആർ. ബിനോയ് വൃക്ഷത്തൈ നട്ടുകൊണ്ട് ഉദ്ഘാടനം ചെയ്തു. ഗ്രന്ഥശാലാ പ്രസിഡന്‍റ് ഡി. സുധീന്ദ്രബാബു അധ്യക്ഷത വഹിച്ചു. സെക്രട്ടറി ബി. ഹരിലാൽ, ജി. പത്മപാദൻ, എസ്. അച്ചു, എസ്. അഖിൽ, ബി. ശ്യാംകുമാർ എന്നിവർ പങ്കെടുത്തു. മണ്ണൂർ ഇൻഫന്‍റ് ജീസസ് ഇംഗ്ലീഷ് മീഡിയം സ്കൂളിൽ ലോക പരിസ്ഥിതി ദിനം ആചരിച്ചു. പ്രിൻസിപ്പൽ റാണി ഉമ്മൻ പരിപാടി ഉദ്ഘാടനം ചെയ്തു. ബർസാർ ഫാ. ക്രിസ്റ്റി ചരുവിളയുടെ നേതൃത്വത്തിൽ വൃക്ഷത്തൈ നട്ടു. ഭൂമിയെ നമ്മുടെ ഭാവി തലമുറയ്ക്കായി സംരക്ഷിക്കാൻ ഓരോ കുട്ടിയും ഒരു പരിസ്ഥിതി ദൂതനാകണം എന്ന സന്ദേശം ഫാ. ക്രിസ്റ്റി ചരുവിള കുട്ടികൾക്ക് നൽകി. വൈസ് പ്രിൻസിപ്പൽ സിജി ആശംസകൾ നേർന്നു. വിദ്യാർഥികൾ പരിസ്ഥിതി സംരക്ഷണ സന്ദേശങ്ങളോടു കൂടിയ പ്ലക്കാർഡുകളും മുദ്രാവാക്യങ്ങളും ഉയർത്തി പരിപാടികളിൽ അണിചേർന്നു. കുളത്തൂപ്പുഴയുടെ വിവിധ പ്രദേശങ്ങളിൽ ലോക പരിസ്ഥിതി ദിനത്തോട് അനുബന്ധിച്ച് വൃക്ഷത്തൈകൾ നട്ടു.കേരളാ കോൺഗ്രസ് (എം) സംസ്കാര വേദി കേരളത്തിലുടനീളം ഫല വൃക്ഷ തൈകൾ നടുന്നതിന്‍റെ ഭാഗമായി കുളത്തൂപ്പുഴ മണ്ഡലം കമ്മറ്റിയുടെ ആഭിമുഖ്യത്തിൽ പ്രസിഡന്‍റ് ബോബൻ ജോർജി െ ന്‍റ നേതൃത്വത്തിൽ ഫലവൃക്ഷ തൈകൾ നട്ടു. ജില്ലാ സ്റ്റിയറിംഗ് കമ്മറ്റി അംഗം കുളത്തൂപ്പുഴ ഷാജഹാൻ, ആനി ടോം, മുഹമ്മദ് ഇല്യാസ്, ആലീസ് ബോബൻ തുടങ്ങിയവർ നേതൃത്വം നൽകി. പട്ടികവർഗ വികസന വകുപ്പി െ ന്‍റ നിയന്ത്രണത്തിൽ അരിപ്പയിൽ പ്രവർത്തിക്കുന്ന കുളത്തൂപ്പുഴ ഗവ.മോഡൽ റസിഡൻഷ്യൽ സ്കൂളിൽ ലോക പരിസ്ഥിതി ദിനം ആചരിച്ചു. സ്കൂൾ സീനിയർ സൂപ്രണ്ട് വി. സുരേഷ് കുമാർ അധ്യക്ഷത വഹിച്ചു. ചടങ്ങിൽ പരിസ്ഥിതിദിനവും അതിനോടുനുബന്ധിച്ച് നടന്ന മാംഗോ ഫെസ്റ്റും വാർഡ് മെമ്പർ പി.ഉദയകുമാർ ഉദ്ഘാടനം ചെയ്തു. ദിനാചരണത്തി െ ന്‍റ ഭാഗമായി മുഖ്യാതിഥിയായി എത്തിയ ഭാസ്കരൻ ഇടപ്പണയെ സ്കൂൾ പ്രഥമാധ്യാപിക സി. ഗിരിജയുടെ നേതൃത്വത്തിൽ ആദരിച്ചു. പരിസ്ഥിതിദിന പ്രതിജ്ഞ വിദ്യാർഥി ടി.വിഘ്നേഷ് ചൊല്ലി കൊടുത്തു. സ്കൂളിലെ എൻ എസ് എസ് യൂണിറ്റിന്റെ 'കൽപ്പകം -2025' ന്‍റെ ഭാഗമായി തെങ്ങിൻ തൈകളും സ്കൂളിലെ എസ്പിസി യൂണിറ്റിന്‍റെ നേതൃത്വത്തിൽ പ്ലാവിൻ തൈകളും നട്ടു. തുടർന്ന് വിദ്യാർഥികൾ സുഗതകുമാരിയുടെ ഒരു തൈ നടാം കവിതയുടെ ദൃശ്യാവിഷ്കാരവും പരിസ്ഥിതി ഗാനവും അവതരിപ്പിച്ചു. സീനിയർ അസി.എസ്.ബിനുകുമാർ, അധ്യാപിക എസ്. സന്ധ്യാ മോൾ, എൻഎസ്എസ് പ്രോഗ്രാം ഓഫീസർ ഉണ്ണികൃഷ്ണൻ. എസ്.നായർ, എസ്പിസി സ്കൂൾ യൂണിറ്റ് സിപിഒ ആർ.സന്തോഷ്,സിപിഒ സ്റ്റാലിൻ അധ്യാപകൻ എച്ച്. ഹസൈൻ, വിദ്യാർഥികളായ അഗ്നേഷ്, സിദ്ധാർഥ് എന്നിവർ പ്രസംഗിച്ചു.

ലോക പരിസ്ഥിതി ദിനാചരണത്തിന് മുന്നോടിയായി ബോധവത്കരണ ക്ലാസ് നടത്തി കെഎംഎംഎല്‍

ചവറ: ലോക പരിസ്ഥിതി ദിനാചരണത്തിന്‍റെ ഭാഗമായി കേരള വനം വന്യജീവി വകുപ്പിന്‍റെ സാമൂഹ്യ വനവത്കരണ വിഭാഗവുമായി ചേര്‍ന്ന് പാമ്പുകളെ പറ്റിയുള്ള അവബോധവും പാരിസ്ഥിതിക പ്രാധാന്യവും എന്ന വിഷയത്തില്‍ ബോധവത്കരണ ക്ലാസ് സംഘടിപ്പിച്ച് കെ എം എം എല്‍. പരിപാടിയുടെ ഉദ്ഘാടനം ഫാക്ടറി മാനേജറും യൂണിറ്റ് ഹെഡുമായ പി.കെ. മണിക്കുട്ടന്‍ നിര്‍വഹിച്ചു. സര്‍പ്പ സംസ്ഥാന നോഡല്‍ ഓഫീസറും തിരുവനന്തപുരം ബയോഡൈവേഴ്‌സിറ്റി സെല്‍ അസിസ്റ്റന്‍റ് ഫോറസ്റ്റ് കണ്‍സര്‍വേറ്ററുമായ മുഹമ്മദ് അന്‍വര്‍ ബോധവത്കരണ ക്ലാസ് നയിച്ചു. വിവിധയിനം പാമ്പുകളെ കുറിച്ചും പാമ്പുകളുടെ സംരക്ഷണം ആവാസ വ്യവസ്ഥയെ നിലനിര്‍ത്തുന്നതിനെ കുറിച്ചുള്ള പ്രാധാന്യത്തെ കുറിച്ചും പാമ്പ് കടിയേറ്റാല്‍ ചെയ്യേണ്ട കാര്യങ്ങളെ കുറിച്ചും വിവരിച്ച മുഹമ്മദ് അന്‍വര്‍ സര്‍പ്പ എന്ന പേരിലുള്ള വകുപ്പിന്‍റെ അപ്ലിക്കേഷനെ പരിചയപ്പെടുത്തുകയും ഉണ്ടായി. തുടർന്ന് കമ്പനിയിലെ ഫയര്‍ റസ്‌ക്യൂ വിഭാഗത്തിലെ ജീവനക്കാര്‍ക്ക് സുരക്ഷിതമായി പാമ്പുകളെ റസ്‌ക്യൂ ചെയ്യുന്നതിനുളള പരിശീലനവും നല്‍കി. വിവിധ ഡിപ്പാര്‍ട്ട്മെന്‍റു കളിലെ ജീവനക്കാരും ഉദ്യോഗസ്ഥരും യൂണിയന്‍ നേതാക്കളും പങ്കെടുത്തു. സ്‌കൂള്‍ വിദ്യാര്‍ഥികള്‍ക്കായി പരിസ്ഥിതി ദിന ക്വിസ് പ്രോഗ്രാം ഉള്‍പ്പടെ പരിസ്ഥിതി ദിനാചരണ ഭാഗമായി വ്യത്യസ്ഥ പരിപാടികളാണ് കെ എം എം എല്‍ സംഘടിപ്പിച്ചത്.

എംഎൽഎയുടെ ശ്രമം പാഴായില്ല; ഓട്ടിസം ബാധിച്ച കുട്ടിയുടെ കുടുംബത്തിന്‍റെ ജപ്തി ഒഴിവായി

കുണ്ടറ: ഓട്ടിസം ബാധിച്ച കുട്ടിയുടെ കുടുംബത്തിന്‍റെ ജപ്തി ഒഴിവാക്കി എംഎൽഎ. പഞ്ചായത്തിലെ പതിമൂന്നാം വാർഡ് ചാലുവിള വീട്ടിൽ ബിജുവിന്‍റെയും കുടുംബത്തിന്‍റെയും ജപ്തി ഭീഷണിയിലായിരുന്ന വസ്തുവിന്‍റെ പ്രമാണം ജപ്തി ഒഴിവാക്കി പി.സി. വിഷ്ണുനാഥ് എംഎൽഎ കുടുംബത്തിന് കൈമാറി. ബാങ്കിലെ ബാധ്യത തീർത്ത് പ്രമാണം എടുത്ത് നൽകിയത് കോൺഗ്രസ് മുൻ മണ്ഡലം കമ്മിറ്റി ഭാരവാഹിയും, അമേരിക്കയിൽ ബിസിനസ് പ്രമുഖനും, സൗത്ത് ഇന്ത്യൻ യുഎസ് ചേമ്പർ ഓഫ് കോമേഴ്സ് മുൻപ്രസിഡന്‍റും ഡയറക്ടർ ബോർഡ് അംഗവുമായ ഫിലിപ്പ് കൊച്ചുമ്മനും സംഘടനയും ചേർന്നാണ്. ഫിലിപ്പ് കൊച്ചുമ്മന്‍റെ പ്രവർത്തി ബിജുവിന്‍റെ കുടുംബത്തെ പൂർണമായും സംരക്ഷിച്ചിരിക്കുകയാണെന്നും ഇത് അങ്ങേയറ്റം പ്രശംസാർഹവും, മറ്റുള്ളവർക്ക് മാതൃകയുമാണെന്നും എംഎൽഎ പറഞ്ഞു. ബിജുവിന്‍റെകുടുംബത്തിന്‍റെ ദുരിതാവസ്ഥ വളരെ വൈകി എം എൽ എ വഴി ആണ് താൻ അറിഞ്ഞതെന്നും ഉടൻ തന്നെ പൂർണ മനസോടെ പ്രമാണം എടുക്കുന്നതിനുള്ള നടപടി സ്വീകരിച്ചുവെന്നും ഫിലിപ്പ് കൊച്ചുമ്മൻ പറഞ്ഞു.

പ്രയാർ ഗോപാലകൃഷ്ണൻ അനുസ്മരണസമ്മേളനം

കൊല്ലം :ജനങ്ങൾ അംഗീകരിച്ച ദീർഘ വീക്ഷണമുള്ള പൊതു പ്രവർത്തകനായിരുന്നു പ്രയാർ ഗോപാലകൃഷ്ണനെന്ന് ഡിസിസി പ്രസിഡന്‍റ് പി.രാജേന്ദ്രപ്രസാദ്. അന്തരിച്ച കോൺഗ്രസ്‌ നേതാവും ചടയമംഗലം മുൻ എംഎൽഎയുമായിരുന്ന പ്രയാർ ഗോപാലകൃഷ്ണന്‍റെ മൂന്നാമത് അനുസ്മരണ യോഗം "പ്രയാർ ഗോപാല കൃഷ്ണൻ ചാരിറ്റബിൾ ട്രസ്റ്റിന്‍റെ നേതൃത്വത്തിൽ കോട്ടുക്കൽഎൻഎസ്എസ് ഹാളിൽ ഉദ്ഘാടനംചെയ്തു പ്രസംഗിക്കുകയായിരുന്നു അദ്ദേഹം. ട്രസ്റ്റ്‌ ചെയർമാൻ അഡ്വ. ശ്രീകുമാറിന്‍റെ അധ്യക്ഷതയിൽ ചേർന്ന യോഗത്തിൽ കെപിസിസി സെക്രട്ടറി സൈമൺ അലക്സ്‌, ഡിസിസി ജനറൽ സെക്രട്ടറിമാരായ എം.ഇല്യാസ് റാവുത്തർ, ഡി.ചന്ദ്രബോസ്, ചിതറ മുരളി, വി.ടി .സിബി, കെ.ജി സാബു, മുഹമ്മദ്‌ കുഞ്ഞ്, അഡ്വ. നിയാസ് ചിതറ, രാമചന്ദ്രൻ പിള്ള, ഹരിലാൽ, സിറാജ് തുടങ്ങി നിരവധി നേതാക്കൾ പ്രസംഗിച്ചു.

മാലിന്യം തോന്നുംപോലെ വലിച്ചെറിയുന്നവർക്ക് പെരിനാട് പഞ്ചായത്തിൽ പണികിട്ടും

കൊല്ലം: പെരിനാട് ഗ്രാമപഞ്ചായത്തില്‍ മാലിന്യം വലിച്ചെറിഞ്ഞാല്‍ പിന്നാലെയെത്തും നിയമനടപടി. കാമറകെണിയൊരുക്കി കാത്തിരിപ്പിലാണ് പഞ്ചായത്ത് ഭരണസമിതി. പല തവണ പറഞ്ഞിട്ടും കേൾക്കാതെ മാലിന്യം തോന്നും പോലെ വലിച്ചെറിയുന്നവർക്ക് പൂട്ടിടാനുള്ള തീരുമാനത്തിലാണ് പെരിനാട് ഗ്രാമപഞ്ചായത്ത്. ഇതിനായി പഞ്ചായത്തിന്‍റെ മുക്കിലും മൂലയിലും കാമറക്കണ്ണുകള്‍ തുറന്നു വെച്ചിരിക്കുകയാണ്.മാലിന്യരഹിത പരിസരമെന്ന വലിയ ലക്ഷ്യത്തിന് നാട്ടിലെല്ലാവരുടേയും സഹകരണം കിട്ടുന്നില്ലെന്ന് കണ്ടതോടെയാണ് തെളിവുകള്‍ സഹിതമുള്ള നിയമവഴിയിലേക്ക് ഭരണ സമിതി തിരിഞ്ഞത്. മാലിന്യ നിര്‍മാര്‍ജന പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കുന്നതിന്‍റെ ഭാഗമായി 14 സ്ഥലങ്ങളിലായി 31കാമറകളാണ് പഞ്ചായത്തിൽ ഇതിനകം സ്ഥാപിച്ചത്. ഈ സാമ്പത്തികവര്‍ഷത്തെ പദ്ധതിയില്‍ ഉള്‍പ്പെടുത്തി 1,75,0000 രൂപയാണ് മാലിന്യകാവലിന് പഞ്ചായത്ത് വിനിയോഗിച്ചത്.സമ്പൂര്‍ണ മാലിന്യമുക്ത പ്രഖ്യാപനം നടത്തിയെങ്കിലും മാലിന്യം പൊതുയിടങ്ങളില്‍ നിരന്തരം വലിച്ചെറിയുന്ന പ്രവണതയ്ക്ക് അവസാനമാകാത്തത് വെല്ലുവിളി ഉയർത്തുകയാണ്. ഇരുട്ടിന്‍റെ മറവില്‍ മാത്രമല്ല പട്ടാപകലും മാലിന്യം തള്ളാന്‍ പലരും മത്സരിക്കുന്നു. ഇതോടെ രാപകല്‍ പ്രവര്‍ത്തിക്കുന്ന നൈറ്റ് വിഷന്‍ കാമറയാണ് എല്ലായിടത്തും സ്ഥാപിച്ചിട്ടുള്ളത്. വാഹനങ്ങളില്‍ കൊണ്ട് വന്നു മാലിന്യം തള്ളുന്നവരെ പിടികൂടാന്‍ വാഹനങ്ങളുടെ നമ്പര്‍ പ്ലേറ്റ് സഹിതം തിരിച്ചറിയാന്‍ ക്ഷമതയുള്ള അത്യാധുനിക കാമറകളാണിവ. കെല്‍ട്രോണ്‍ ആണ് കാമറകള്‍ സ്ഥാപിച്ചത്. അറ്റകുറ്റപ്പണിയും മേല്‍നോട്ടവും ഉള്‍പ്പെടെ ഒരു വര്‍ഷത്തേക്ക് കരാര്‍ നല്‍കിയിട്ടുണ്ട്. ഗ്രാമപഞ്ചായത്ത് സെക്രട്ടറിയുടെ ഓഫീസിലാണ് കാമറകളുടെ നിയന്ത്രണം.പഞ്ചായത്ത് പരിധിയില്‍ ഉള്‍പ്പെടുന്ന സ്ഥിരം മാലിന്യം തള്ളുന്ന ചന്ദനത്തോപ്പ് ഐ ടി ഐ ജംഗ്ഷൻ, കൈതാകോടി, കേരളപുരം ബസ് സ്റ്റോപ്പ്, റെയില്‍വേ അടിപ്പാത, കൈതാകോടി അങ്കണവാടി, മാമ്പഴക്കടവ്, ബഡ്‌സ് റിഹാബിലിറ്റേഷന്‍ സെന്‍റര്‍, മിനി എം സി എഫ്, വയലില്‍ ഭാഗം, ഇളമ്പള്ളൂര്‍ റോഡ്, ഉഴുന്നുവിളമുക്ക്, ഇടവട്ടം എ വാര്‍ഡ്, ചന്ദനത്തോപ്പ് ഐ ടി ഐ, എം സി എഫ് പെരിനാട് എന്നിവിടങ്ങളില്‍ 24 മണിക്കൂറും കാമറ നിരീക്ഷണം ഉറപ്പാക്കിയിട്ടുണ്ട്. മറ്റിടങ്ങളിലേക്കും പുതിയ കാമറകള്‍ പ്രവര്‍ത്തിപ്പിക്കുന്നതിനുള്ള നടപടികള്‍ പുരോഗമിക്കുകയാണ്. പൊതുയിടങ്ങളെ വിവിധഭാഗങ്ങളായി തിരിച്ച് ഒരിടത്ത് തന്നെ രണ്ട് കാമറകളുടെ നിരീക്ഷണം ഉറപ്പാക്കിയുള്ള പദ്ധതിയാണ് ആവിഷ്‌കരിച്ചിരിക്കുന്നത്. പഞ്ചായത്ത് കെട്ടിടവും പൂര്‍ണമായും കാമറ നിരീക്ഷണത്തിലാണ്. പഞ്ചായത്ത് സെക്രട്ടറി ജി. ജ്യോതിഷ് കുമാറിന്‍റെ നേതൃത്വത്തിലുള്ള ടീമിനാണ് നിരീക്ഷണ ചുമതല. കാമറകള്‍ തത്സമയം നിരീക്ഷിച്ച് മാലിന്യം നിക്ഷേപിക്കുന്നവര്‍ക്കെതിരെ അതിവേഗം നടപടി സ്വീകരിക്കും.കൈതാകോടിയിലുള്ള കാമറ പൂര്‍ണമായും സൗരോര്‍ജത്തിലാണ് പ്രവര്‍ത്തിക്കുന്നതെന്ന് പ്രസിഡന്‍റ് ദിവ്യ ജയകുമാര്‍ പറഞ്ഞു. കാമറകള്‍ സ്ഥാപിച്ചതോടെ മാലിന്യം വലിച്ചെറിയുന്ന രീതിക്ക് മാറ്റംവന്നു തുടങ്ങിയെന്നും അവർ വ്യക്തമാക്കി.

അലയമണ്‍ പഞ്ചായത്ത് പ്രവേശനോത്സവം ന്യൂ എല്‍പിസ്കൂളില്‍ നടന്നു

അഞ്ചല്‍ : അലയമണ്‍ ഗ്രാമപഞ്ചായത്ത്തല പ്രവേശനോത്സവം ന്യൂ എല്‍പി സ്കൂളില്‍ സംഘടിപ്പിച്ചു. ഗ്രാമപഞ്ചായത്ത് പ്രസിഡന്‍റ് എം. ജയശ്രീ ഉദ്ഘാടനം ചെയ്തു. പൊതു വിദ്യാലയങ്ങള്‍ മികവിന്‍റെ കേന്ദ്രങ്ങളായി മാറിയിരിക്കുന്നു. അച്ചടക്കവും പൊതുബോധവുമുള്ള യുവതലമുറയെ വാര്‍ത്തെടുക്കുന്ന കാര്യത്തില്‍ പൊതുവിദ്യാലയങ്ങള്‍ വഹിക്കുന്നു പങ്ക് വലുതാണെന്നും എം. ജയശ്രീ പറഞ്ഞു. വൈസ് പ്രസിഡന്‍റ് ജി. പ്രമോദ് പാഠപുസ്തകങ്ങളുടെയും യൂണിഫോമുകളുടെയും വിതരണം നിര്‍വഹിച്ചു. തുടര്‍ന്നു പുത്തന്‍ കുരുന്നുകളെ തൊപ്പിയും ബലൂണും മധുരവും സമ്മാനങ്ങളും നല്‍കി സ്വീകരിച്ചു. പിടിഎ പ്രസിഡന്‍റ് പി. സനില്‍കുമാര്‍ അധ്യക്ഷത വഹിച്ചു. എച്ച്എം ബി.എസ്. സീമ, ബിആര്‍സി കോഡിനേറ്റര്‍ ദിവ്യ, സീനിയര്‍ അസിസ്റ്റന്‍റ് ഗീതാകുമാരി, വിദ്യാര്‍ഥി പ്രതിനിധി പ്രണവ് എന്നിവര്‍ പ്രസംഗിച്ചു.

തൃശൂര്‍ പൂരം നടന്ന ദിവസം രാത്രി ഉറങ്ങിപ്പോയെന്ന എഡിജിപിയുടെ വാദം പൂരം കലക്കിയെന്നതിന് തെളിവ്: കെ. മുരളീധരന്‍

കൊല്ലം: തൃശൂര്‍ പൂരം കലക്കല്‍ ആരോപണം നടന്ന ദിവസം രാത്രി താന്‍ ഉറങ്ങിപ്പോയെന്ന എഡിജിപി എം.ആര്‍ അജിത്കുമാറിന്‍റെവിശദീകരണം പൂരം കലക്കിയതാണെന്നതിന്‍റെ ഏറ്റവും വലിയ തെളിവാണെന്ന് കോൺഗ്രസ് നേതാവ് കെ. മുരളീധരന്‍. വളരെ പ്രധാനപ്പെട്ട പൂരം നടക്കുമ്പോള്‍ ഇത്ര ഉറക്കം വരികയാണെങ്കില്‍ അതിന്‍റെഅര്‍ഥം കലക്കിയതാണ് എന്നാണ് മനസിലാക്കേണ്ടത്. മന്ത്രിസഭയിലെ സഹപ്രവര്‍ത്തനായിരുന്ന വി.എസ്. സുനില്‍കുമാറിനെ ചതിച്ചത് മുഖ്യമന്ത്രി പിണറായി വിജയന്‍ തന്നെയാണ്. സുനില്‍ കുമാറിന് കിട്ടേണ്ട വോട്ടുകളാണ് ബിജെപിക്ക് പോയത്. വോട്ട് ബിജെപിക്ക് മറിച്ച് കൊടുത്തത് മുഖ്യമന്ത്രിയാണ്. സിപിഎമ്മിന്‍റെ വോട്ടുകള്‍ ബിജെപിക്ക് പോയി. കോണ്‍ഗ്രസിന്‍റെ ചില വോട്ടുകള്‍ എല്‍ഡിഎഫിലേക്കും പോയെന്നും അദ്ദേഹം പറഞ്ഞു. നിലമ്പൂരില്‍ മത്സരം യുഡിഎഫും എല്‍ഡിഎഫും തമ്മിലാണ്. തെരഞ്ഞെടുപ്പില്‍ യുഡിഎഫ് ജയിക്കും. അന്‍വര്‍ മത്സരിക്കുന്നത് അദ്ദേഹത്തിന്‍റെ ഇഷ്ടത്തിലാണെന്നും മുരളീധരന്‍ മാധ്യമങ്ങളോട് പ്രതികരിച്ചു.

ലഹരിക്കെതിരേ കുടുംബകൂട്ടായ്മ കാമ്പയിൻ എട്ടു മുതൽ

കൊല്ലം: ലഹരിക്കെതിരെ കുടുംബങ്ങളുടെ ജാഗ്രതയും പ്രതിരോധവും ശക്തമാക്കുക എന്ന സന്ദേശവുമായി കെസിബിസി മദ്യവിരുദ്ധ സമിതിയുടെ നേതൃത്വത്തിൽ നടത്തുന്ന ലഹരി വിരുദ്ധ കുടുംബ കൂട്ടായ്മാ കാമ്പയിൻ -ഫാമിലിയ നോവ 2025 " എട്ടു മുതൽ ആരംഭിക്കും. ലഹരി ആസക്തി മൂലം ശിഥിലമാക്കപ്പെട്ട കുടുംബങ്ങളുടെയും തകർക്കപ്പെട്ട തലമുറകളുടെയും വിമോചനം ലക്ഷ്യമാക്കിയാണ് രൂപതാ മദ്യവിരുദ്ധ പ്രസ്ഥാനം ഈ പദ്ധതി ആസൂത്രണം ചെയ്തിരിക്കുന്നത്. ലഹരിക്കെതിരെ ബോധ്യങ്ങളും ആത്മീയ ശക്തിയും ധാർമിക പിൻതുണയും നൽകി കുടുംബങ്ങളെ ലഹരി വിമുക്ത പാതയിലേക്ക് നയിക്കാനുള്ള മുന്നേറ്റമാണ് ഫാമിലിയ നോവ 2025. രൂപതയിലെ കുടുംബങ്ങളിലും കൂട്ടായ്മകളിലും പെന്തക്കോസ്താ തിരുനാളായ ജൂൺ 8 ന് ആരംഭിച്ച് തിരുക്കുടുംബ തിരുനാൾ ദിനമായ ഡിസംബർ 28ന് സമാപിക്കത്തവിധത്തിലാണ് പരിപാടി. പരിപാടിയുടെ രൂപതാതല ഉദ്ഘാടനംഎട്ടിന് വൈകുന്നേരം അഞ്ചിന് തോപ്പ് ഇടവകയിലെ കായിക്കര സെന്‍റ് ആന്‍റണീസ് കുരിശടിയിൽ വികാർ ജനറൽ മോൺ.ഡോ. ബൈജു ജൂലിയാൻ നിർവഹിക്കും. സമിതി ഡയറക്ടർ ഫാ. മിൽട്ടൺ ജോർജ് ലഹരിവിരുദ്ധ സന്ദേശം നൽകും. ഇടവകവികാരിഫാ.വർഗീസ് പൈനാടത്ത് പ്രാർഥനാ ശുശ്രൂഷകൾക്ക് നേതൃത്വം നൽകും.രൂപതയിലാകമാനം കുടുംബ നവീകരണ പ്രബോധന പരിപാടികൾ, ലഹരിവിരുദ്ധ പ്രതിജ്ഞ, ലഹരി വിമോചന ദീപം തെളിക്കൽ, കൗൺസിലിംഗ് ക്ലാസുകൾ , തുടങ്ങി വിവിധ ബോധവൽക്കരണ കലാപരിപാടികൾ സംഘടിപ്പിച്ചിട്ടുണ്ടെന്ന് സമിതി പ്രസിഡന്‍റ് യോഹന്നാൻ ആന്‍റണിയും ജനറൽ സെക്രട്ടറി എ. ജെ .ഡിക്രൂസും അറിയിച്ചു.

പഠനോത്സവം സമാപിച്ചു

അഞ്ചല്‍ : ഒരുമാസമായി കടമാന്‍കോട് കുഴവിയോട് സാമൂഹിക പഠനമുറിയില്‍ സംഘടിപ്പിച്ചു വന്ന പഠനോത്സവം സമാപിച്ചു. അഞ്ചല്‍ ബ്ലോക്ക് പഞ്ചായത്ത് പ്രസിഡന്‍റ് ഓമനാമുരളി സമാപന സമ്മേളനം ഉദ്ഘാടനം ചെയ്തു. ഊരുമൂപ്പന്‍ അപ്പുക്കുട്ടന്‍ കാണി അധ്യക്ഷത വഹിച്ചു. വാര്‍ഡ് അംഗം പി.ആര്‍. സന്തോഷ്കുമാര്‍, കടമാന്‍കോട് ഊരുമൂപ്പന്‍ എസ്. രതീഷ്, ടി. രാജശേഖരന്‍കാണി, ടി.പുഷ്പാംഗതന്‍ കാണി, സദാശിവന്‍ കാണി, ഓമന, രമണി, സുധീഷ്, അനില, വിജിത, ശരത്, ലേപുമോള്‍, ആദിത്യന്‍ എന്നിവര്‍ പ്രസംഗിച്ചു.

സത്യം തമസ്കരിക്കപ്പെടുന്ന കാലഘട്ടത്തിലാണ് നാം ജീവിക്കുന്നത്: എന്‍.കെ.പ്രേമചന്ദ്രന്‍ എംപി

അഞ്ചല്‍ : ചരിത്രത്തെ മറന്നുകൊണ്ടു സത്യത്തെ തമസ്കരിക്കപ്പെടുന്ന കാലഘട്ടത്തിലാണ് നാം ജീവിക്കുന്നതെന്ന് എന്‍.കെ.പ്രേമചന്ദ്രന്‍ എംപി. സമൂഹമാധ്യമങ്ങളില്‍ വരുന്ന ശരിയും തെറ്റും മനസിലാക്കി പ്രവര്‍ത്തിക്കാന്‍ യുവ തലമുറ തയാറാകണമെന്നും പ്രേമചന്ദ്രന്‍ പറഞ്ഞു. അലയമണ്‍ കോണ്‍ഗ്രസ് മണ്ഡലം കമ്മിറ്റിയുടെ കീഴിലെ 5,11,12 വാര്‍ഡ് കമ്മിറ്റികളുടെ ആഭിമുഖ്യത്തില്‍ കരുകോണില്‍ സംഘടിപ്പിച്ച പ്രതിഭാസംഗമവും അനുമോദന ചടങ്ങും ഉദ്ഘാടനം ചെയ്തു പ്രസംഗിക്കുകയായിരുന്നു എംപി. എസ്എസ്എല്‍സി, പ്ലസ്ടു പരീക്ഷകളില്‍ വിജയിച്ച കുട്ടികളെ ചടങ്ങില്‍ അനുമോദിച്ചു. ദീര്‍ഘകാലം അലയമണ്‍ പഞ്ചായത്ത് പ്രസിഡന്‍റ് സ്ഥാനം വഹിച്ച സാം പനംകുന്നേലിനെ എംപി ആദരിച്ചു. വാര്‍ഡ് പ്രസിഡന്‍റ് അനില്‍ പൊയ്കവിള അധ്യക്ഷത വഹിച്ചു. ചടങ്ങില്‍ ഡിസിസി ജനറല്‍ സെക്രട്ടറി ഏരൂര്‍ സുഭാഷ്, ബ്ലോക്ക് കോണ്‍ഗ്രസ് കമ്മിറ്റി പ്രസിഡന്‍റ് എ. ശ്രീകുമാര്‍ ,നേതാക്കളായ എം.എം .സാദിഖ്, എച്ച്. സുനില്‍ ദത്ത്, കെ.ജി. സാബു‍ തുടങ്ങിയവർ പ്രസംഗിച്ചു. വിദ്യാര്‍ഥികള്‍ക്കുള്ള പഠനോപകാരണങ്ങളും ചടങ്ങില്‍ വിതരണം ചെയ്തു .

കാറും സ്കൂട്ടറുകളും കൂട്ടിയിടിച്ചു

കുണ്ടറ : കാറും സ്കൂട്ടറുകളും കൂട്ടിയിടിച്ചു. ആശുപത്രിമുക്ക് ബിഎസ്എൻഎല്ലിന് സമീപം ഇന്നലെ ഉച്ചയോടെ ആയിരുന്നു അപകടം. കുണ്ടറ ഭാഗത്തുനിന്നും വന്ന കാർ എതിരെ വന്ന സ്കൂട്ടറിൽ ഇടിച്ചതിന് ശേഷം മറ്റൊരു സ്കൂട്ടറിൽ ഇടിച്ചിട്ട്‌ നിർത്താതെ പോയി. ഉടൻ തന്നെ സാമൂഹ്യ മാധ്യമങ്ങളിൽ ഫോട്ടോ വന്നതിന് പിന്നാലെ കാർ ഉടമസ്ഥർ പോലീസ് സ്റ്റേഷനിൽ ഹാജരായി പരിക്കുപറ്റിയ സ്കൂട്ടർ യാത്രികരെ കുണ്ടറയിലെ സ്വകാര്യ ആശുപത്രിയിൽ പ്രവേശിപ്പിച്ചു.

കള്ളനോട്ട് കേസ് പ്രതിയുടെ ജാമ്യം റദ്ദാക്കി

കൊല്ലം: കള്ളനോട്ട് കേസില്‍ ശിക്ഷിക്കപ്പെട്ട് ജാമ്യത്തില്‍ കഴിയവെ വീണ്ടും കള്ളനോട്ടുമായി പിടിയിലായ പ്രതിയുടെ ജാമ്യം റദ്ദാക്കി. നിരവധി കള്ളനോട്ട് കേസുകളിലെ പ്രതിയായ പത്തനാപുരം പാതിരിക്കല്‍ ആനക്കുഴി പുത്തന്‍ വീട്ടില്‍ അബ്‌ദുൾ‍ മജീദിന് (59) ഹൈക്കോടതി അനുവദിച്ച ജാമ്യമാണ് കൊല്ലം ഫസ്റ്റ് അഡീഷണല്‍ ജില്ലാ സെഷന്‍സ് ജഡ്ജ് പി.എന്‍.വിനോദ് റദ്ദ് ചെയ്ത് ഉത്തരവിട്ടത്. 2013 ജൂണില്‍ അഞ്ചാലുംമൂട്, തൃക്കടവൂര്‍ പ്രദേശങ്ങളില്‍ 500 രൂപയുടെ കള്ളനോട്ട് വിനിമയം ചെയ്തതിന് ഇയാളുടെ പേരില്‍ അഞ്ചാലുംമൂട് പോലീസ് കേസ് രജിസ്റ്റര്‍ ചെയ്തിരുന്നു. ജില്ലാ ക്രൈം ബ്രാഞ്ച് അന്വേഷിച്ച കേസില്‍ 2018 ഡിസംബര്‍ 12ന് ജില്ലാ കോടതി 15 വര്‍ഷം കഠിന തടവിന് പ്രതിയെ ശിക്ഷിക്കുകയും ചെയ്തു. തുടർന്ന് ഹൈക്കോടതിയില്‍ നിന്നുള്ള അപ്പീല്‍ ജാമ്യത്തില്‍ കഴിയുകയായിരുന്നു. ജാമ്യത്തില്‍ കഴിഞ്ഞിരുന്ന പ്രതിയെ വീണ്ടും 2022 ഏപ്രിലില്‍ കള്ളനോട്ടുമായി ചടയമംഗലം പോലീസ് അറസ്റ്റ് ചെയ്തിരുന്നു. ഈ കേസില്‍ ആറ്റിങ്ങല്‍ മജിസ്‌ട്രേറ്റ് കോടതി റിമാന്‍ഡ് ചെയ്യുകയും ചെയ്തു. ജൂലൈയില്‍ ഹൈക്കോടതിയില്‍ നിന്നും ഇയാൾ ജാമ്യം നേടി. ജാമ്യത്തില്‍ ഇറങ്ങിയ ശേഷം പ്രതി 2023 നവംബര്‍ 15ന് വീണ്ടും കള്ളനോട്ടുകേസില്‍ കിളിമാനൂര്‍ പോലിസിന്‍റെ പിടിയിയായിരുന്നു. പ്രതിയിൽ നിന്ന് 500 രൂപയുടെ 18 വ്യാജ നോട്ടുകള്‍ കണ്ടെടുക്കയും ചെയ്തു. പ്രതിയെ ആറ്റിങ്ങല്‍ കോടതി റിമാൻഡ് ചെയ്തു. 2022-ല്‍ ചടയമംഗലംപോലീസ് രജിസ്റ്റര്‍ ചെയ്ത കേസ് അന്വേഷിക്കുന്ന കൊല്ലം റൂറല്‍ ഡിസിആര്‍ബി ഡിവൈഎസ്പി റെജി ഏബ്രഹാം പ്രതിക്ക് ഹൈക്കോടതിയില്‍ നിന്ന് ലഭിച്ച ജാമ്യം റദ്ദാക്കാനായി പ്രോസിക്യൂഷന്‍ മുഖേന ജില്ലാ കോടതിയില്‍ ഹർജി നല്‍കുകയായിരുന്നു. ഹർജിയില്‍ വിശദമായ വാദം കേട്ട കോടതി പ്രതിയുടെ ജാമ്യം റദ്ദാക്കുകയായിരുന്നു. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടര്‍ സിസിന്‍ ജി. മുണ്ടയ്ക്കല്‍ ഹാജരായി.

പ്രവേശനോത്സവം

ആര്യങ്കാവ് : പഞ്ചായത്തിലെ അങ്കണവാടികളുടെ പഞ്ചായത്തുതല പ്രവേശനോത്സവം ഗിരിജൻ നഗറിലെ 10-ാം നമ്പർ അങ്കണവാടിയിൽ നടന്നു. വാർഡ് മെമ്പർ വി.എസ് .വിഷ്ണുവിന്‍റെ അധ്യക്ഷതയിൽ കൂടിയ യോഗം പഞ്ചായത്ത് പ്രസിഡന്‍റ് സുജാ തോമസ് ഉദ്ഘാടനം ചെയ്തു. അങ്കണവാടി ടീച്ചർ ശാന്തി, ഐസിഡിഎസ് സൂപ്പർവൈസർ അശ്വതി , ഉഷാമണി ,രേവമ്മ എന്നിവർ പ്രസംഗിച്ചു. അങ്കണവാടിയിൽ എത്തിയ കുട്ടികളെ സ്വീകരിക്കുകയും അങ്കണവാടിയിൽ നിന്നും സ്കൂളിലേക്ക് പോകുന്ന കുട്ടികൾക്ക് സർട്ടിഫിക്കറ്റ് വിതരണവും നടത്തി. ചാത്തന്നൂർ: ഉപജില്ലാതല പ്രവേശനോത്സവം, ചാത്തന്നൂർ പഞ്ചായത്തുതല പ്രവേശനോത്സവം എന്നിവ സെന്‍റ്ജോർജ് യുപി സ്കൂ‌ളിൽ ജി.എസ്.ജയലാൽ എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് എസ്.കെ.ചന്ദ്രകുമാർ അധ്യ ക്ഷതവഹിച്ചു. ചടങ്ങിൽ എംഡി സ്കൂൾസ് മാനേജർ ഡോ. ഗബിയേൽ മാർ ഗ്രിഗോറിയോസ് മെത്രാപ്പോലീത്ത മുഖ്യസന്ദേശം നൽകി. പഞ്ചായത്ത് വൈസ് പ്രസിഡന്‍റ് ഒ.മഹേശ്വരി, സ്ഥിരം സമിതി അധ്യക്ഷ സജീന നജിം, പഞ്ചായത്ത് അംഗം ഷീബ മധു, ബിആർസി, ബിപിസി സജി റാണി, എഇഒ റോസമ്മ രാജൻ, പിടിഎ പ്രസിഡന്‍റ് എ.സിദ്ദിഖ് മൗലവി, എച്ച്എം ബെനിൽ മാത്യു തുടങ്ങിയവർ പ്രസംഗിച്ചു. ആര്യങ്കാവ്: ആര്യങ്കാവ് സെന്‍റ് മേരീസ് ഹൈസ്കൂളിൽ വായന പുസ്തകങ്ങൾ നൽകി പ്രവേശനോത്സവം നടത്തി.വായന ലഹരി എന്ന സന്ദേശം ഉയർത്തിയാണ് നവാഗതരായ കുട്ടികൾക്കെല്ലാം പ്രശസ്ത എഴുത്തുകാരുടെ പുസ്തകങ്ങളും പേനയും നൽകിയത്. നവാഗതരായ കുട്ടികളെ സ്കൂൾ അങ്കണത്തിൽ നിന്ന് വാദ്യമേളങ്ങളോടെ സ്വീകരിച്ച് ആനയിച്ചു. തുടർന്നു നടന്ന പ്രവേശ നോത്സവ സമ്മേളനത്തിൽ സ്കൂൾ മാനേജറും ആര്യങ്കാവ് സെന്‍റ് മേരീസ് ഇടവക വികാരിയുമായ ഫാ. ഫിലിപ്പ് തയ്യിൽ അധ്യക്ഷത വഹിച്ചു. ആര്യങ്കാവ് പഞ്ചായത്ത് പ്രസിഡന്‍റ് സുജ തോമസ് സമ്മേളനം ഉദ്ഘാടനം ചെയ്തു. അഞ്ചൽ ബ്ലോക്ക് പഞ്ചായത്ത് അംഗം ലേഖ ഗോപാലകൃഷ്ണൻ , പിടിഎ പ്രസിഡന്‍റ് ഷിബു മാത്യു, സ്കൂൾ വൈസ് ചെയർപേഴ്സൺ അമന്‍റാ ഷിബു, ഹെഡ്മാസ്റ്റർ ഷാനിൽ ജോസഫ്, സീനിയർ അസിസ്റ്റന്‍റ് വി.കെ. റോയ് എന്നിവർ പ്രസംഗിച്ചു. കിഴക്കേ കല്ലട :ചിറ്റുമല എൽഎംഎസ് എൽപിഎസിലെ പ്രവേശനോത്സവം പഞ്ചായത്ത് വൈസ് പ്രസിഡന്‍റ് രാജു ലോറൻസ് ഉദ്ഘാടനം ചെയ്തു. ചിറ്റുമല സിഎസ്ഐ പള്ളി വികാരി ഫാ.റ്റൈറ്റസ് അധ്യക്ഷത വഹിച്ചു. രൂപതാ കോർപറേറ്റ് മാനേജർ പ്രതിനിധി റവ. കെ. ജെയിംസൺ മുഖ്യസന്ദേശം നൽകി. പഞ്ചായത്ത് അംഗം പ്രദീപ് കുമാർ, പിടിഎ പ്രസിഡന്‍റ് ഷിബു, സ്കൂൾ എച്ച്എം വിജയ ,സിജു എന്നിവർ പ്രസംഗിച്ചു. കിഴക്കേ കല്ലട ഫാമിലി അസോസിയേഷന്‍റെ നേതൃത്വത്തിൽ പഠനോപകരണ വിതരണവും നടന്നു. ചാത്തന്നൂർ : ചാത്തന്നൂർ ഗവ. വൊക്കേഷണൽ ആൻഡ് ഹയർ സെക്കൻഡറി സ്കൂൾ പ്രവേശനോത്സവം ജില്ലാ പഞ്ചായത്ത്‌ വൈസ് പ്രസിഡന്‍റ് ശ്രീജ ഹരീഷ് ഉദ്ഘാടനം ചെയ്തു. പി ടി എ പ്രസിഡന്‍റ് ജി. ബിജു അധ്യക്ഷതവഹിച്ചു. കൊല്ലം : പള്ളിത്തോട്ടം ഇൻഫന്‍റ് ജീസസ് എൽ പി സ്കൂളിൽ വർണാഭമായ ചടങ്ങുകളോടെ പ്രവേശനോത്സവം നടന്നു. ലോക്കൽ മാനേജർ ഫാ. ബെഞ്ചമിൻ, വാർഡ് കൗൺസിലർ ടോമി , പി ടിഎ പ്രസിഡന്‍റ് ബോസ്കോ ,ഹെഡ്മാസ്റ്റർ ബെന്നി എന്നിവർ പ്രസംഗിച്ചു. പിടിഎ കമ്മിറ്റി കുട്ടികൾക്കു പഠനോപകരണങ്ങൾ നൽകി. ഒറ്റ പ്രസവത്തിലെ നാല് കുട്ടികളായ ജോബ്,ജോഷ്വാ ,ജൂവാൻ, ജെനിഫർ എന്നിവർ ഒരുമിച്ചു അക്ഷര ദീപം കൊളുത്തി . പ്രവേശനോത്സവ ഗാനത്തിന്‍റെ ദൃശ്യആവിഷ്കാരം നാലാം ക്ലാസിലെ കുട്ടികൾ അവതരിപ്പിച്ചു. കൊല്ലം: ഇടമുളയ്ക്കൽ എംഎസ്്സി എൽപി സ്കൂളിൽ പ്രവേശനോത്സവം സംഘടിപ്പിച്ചു. സ്കൂൾ ലോക്കൽ മാനേജർ ഫാ. തോമസ് മരോട്ടിമൂട്ടിൽ ഉദ്ഘാടനം ചെയ്തു. പിടിഎ പ്രസിഡന്‍റ് മനോജ് ചടങ്ങിൽ അധ്യക്ഷനായി. പുതിയതായി പ്രവേശനം നേടിയ കുട്ടികൾ അക്ഷരദീപം തെളിയിച്ചു. റിട്ട.ഹെഡ്മാസ്റ്ററും കവിയുമായ ബാലകൃഷ്ണൻ പഠനോപകരണങ്ങളുടെ വിതരണോദ്ഘാടനം നിർവഹിച്ചു. വാർഡ് മെമ്പർ ഷീജ ദിലീപ് പാഠപുസ്തക വിതരണം നടത്തി. മാതൃസമിതി പ്രസിഡന്‍റ് ഷെഫീന ബീവി യൂണിഫോം വിതരണം നടത്തി. സോണി ശുചിത്വ പ്രതിജ്ഞ ചൊല്ലിക്കൊടുത്തു. സ്വരാജ് പുരുഷസ്വയം സഹായ സംഘത്തിന്‍റെ നേതൃത്വത്തിൽ കുട്ടികൾക്കുള്ള പഠനോപകരണങ്ങൾ വിതരണം ചെയ്തു. അഞ്ചല്‍ : ഏരൂര്‍ പഞ്ചായത്ത്തല പ്രവേശനോത്സവം ഏരൂര്‍ സര്‍ക്കാര്‍ എല്‍പി സ്കൂളില്‍ സംഘടിപ്പിച്ചു. പഞ്ചായത്ത് പ്രസിഡന്‍റ് ജി. അജിത്ത് പ്രവേശനോത്സവം ഉദ്ഘാടനം ചെയ്തു. പിടിഎ പ്രസിഡന്‍റ് സന്ധ്യ അധ്യക്ഷത വഹിച്ചു. യോഗത്തില്‍ മാധ്യമ പ്രവര്‍ത്തകന്‍ സുജിത് സുരേന്ദ്രന്‍ മുഖ്യാതിഥിയായി.

കുളത്തൂപ്പുഴ കെഎൽഡി ബോർഡിൽ റിസർച്ച് സെന്‍റർ സ്ഥാപിക്കാൻ അനുമതി ലഭിച്ചു: മന്ത്രി ജെ.ചിഞ്ചുറാണി

കുളത്തൂപ്പുഴ: കേന്ദ്രസർക്കാരിന്‍റെ രാഷ്‌ട്രീയ ഗോകുൽ മിഷൻ പദ്ധതിയുടെ ഭാഗമായി സംസ്ഥാനത്തിന് അനുവദിച്ച സെന്‍റർ ഓഫ് എക്സലൻസ് കാലി സമ്പത്ത് സംയോജിക്കുന്നതിനുള്ള റിസർച്ച് സെന്‍റർ കുളത്തൂപ്പുഴയിൽ സ്ഥാപിക്കുന്നതിന് അനുമതിയായെന്ന് മന്ത്രി ജെ. ചിഞ്ചുറാണി. കുളത്തൂപ്പുഴ കെഎൽഡി ബോർഡ് സന്ദർശനത്തിനെത്തിയ മന്ത്രി ജെ.ചിഞ്ചു റാണി പദ്ധതിയെക്കുറിച്ച് വിശദീകരിച്ചു. പാൽ ഉത്പാദനത്തിലും കന്നുകാലി പരിപാലനത്തിനും ലക്ഷ്യമിട്ട് കേന്ദ്രസർക്കാരിന് സംസ്ഥാന സർക്കാർ സമർപ്പിച്ച 80 കോടി രൂപയുടെ പദ്ധതിയിൽ ആദ്യഘട്ടമായി 15 കോടി രൂപയുടെ പദ്ധതിക്ക് അനുമതി ലഭിക്കുകയും അതിന്‍റെ ഭാഗമായി 7.5 കോടി രൂപ ലഭിക്കുകയും ചെയ്തതിനെ തുടർന്നാണ് കുളത്തൂപ്പുഴ കേന്ദ്രീകരിച്ച് ക്ഷീര കർഷകർക്ക് ഏറെ പ്രയോജനംലഭിക്കുന്ന പദ്ധതി ആരംഭിക്കുന്നതിന് സംസ്ഥാന സർക്കാർ തീരുമാനിച്ചതെന്നും ചിഞ്ചുറാണി പറഞ്ഞു. ഒന്നരമാസത്തിനുള്ളിൽ 100 പശുക്കളെ സംരക്ഷിച്ച് പരിപാലിക്കുന്നതിന് ആവശ്യമായ എല്ലാവിധ ആധുനിക സംവിധാനങ്ങളോടും കൂടിയ കെട്ടിടത്തിന്‍റെയും റിസർച്ച് സെന്‍ററിന്‍റെയും നിർമാണ പ്രവർത്തനങ്ങൾ ആരംഭിക്കുമെന്നും മന്ത്രി കുളത്തൂപ്പുഴ കെഎൽഡി ബോർഡ് സന്ദർശന വേളയിൽ അറിയിച്ചു. പി.എസ്. സുപാൽ എംഎൽഎ, പഞ്ചായത്ത് പ്രസിഡന്‍റ് പി. ലൈലാബീവി, വൈസ് പ്രസിഡന്‍റ് ടി. തുഷാര, കെഎൽഡി ബോർഡ് മാനേജിംഗ് ഡയറക്‌ടർ ഡോ.രാജീവ്, ജില്ലാ കൗൺസിൽ അംഗം ലിജു ജമാൽ, സിപിഐ മണ്ഡലം സെക്രട്ടറി എ.സന്തോഷ്, പി.ജെ. രാജു, എസ്. മോഹനൻ പിള്ള, അജിമോൻ ,വകുപ്പ് ഉദ്യോഗസ്ഥർ എന്നിവരുടെ ആഭിമുഖ്യത്തിൽ ആയിരുന്നു മന്ത്രിയുടെ കുളത്തൂപ്പുഴ കെഎൽഡി ബോർഡ് സന്ദർശനം.

കണ്ടെയ്നറുകൾ പൂർണമായും മാറ്റാനാകാതെ അധികൃതർ

കൊല്ലം: കൊച്ചി തീരത്തിന് സമീപം അറബിക്കടലില്‍ മുങ്ങിത്താണ കപ്പലില്‍ നിന്ന് കടലില്‍ വീണ കണ്ടെയ്‌നറുകളിൽ കൊല്ലത്ത് എത്തിയവയിൽ എല്ലാം മാറ്റാൻ സാധിക്കാതെ അധികൃതർ. ഔദ്യോഗിക കണക്കുകൾ അനുസരിച്ച് 43 കണ്ടെയ്‌നറുകളാണ് ജില്ലയില്‍ വിവിധ സ്ഥലങ്ങളിലായി തീരത്തടിഞ്ഞത്. ഇതില്‍ ഇനി 21 കണ്ടെയ്‌നറുകള്‍ കൂടി തീരത്ത് നിന്ന് മാറ്റാനുണ്ട്. വാഹനങ്ങള്‍ എത്തിപ്പെടാന്‍ കഴിയാത്തയിടങ്ങില്‍ അടിഞ്ഞ കണ്ടെയ്‌നറുകളാണ് ഇവ. വാഹനസൗകര്യമില്ലാതെ ഈ കണ്ടെയ്‌നറുകള്‍ എങ്ങനെ മാറ്റുമെന്നതിൽ ഇപ്പോഴും അവ്യക്തത തുടരുകയാണ്. തീരത്തിനടുത്തേക്ക് വാഹന സൗകര്യമില്ലാത്ത തിരുമുല്ലവാരം പോലുള്ള സ്ഥലങ്ങളിലടിഞ്ഞ കണ്ടെയ്നറുകള്‍ എങ്ങനെ നീക്കുമെന്ന കാര്യത്തില്‍ ഇതുവരെയും അന്തിമ തീരുമാനമായിട്ടില്ല. അതേസമയം, വൈകാതെ തന്നെ കണ്ടെയ്‌നറുകള്‍ നീക്കം ചെയ്യുമെന്നാണ് ജില്ലാ കളക്ടര്‍ എൻ. ദേവിദാസ് ഉള്‍പ്പെടെയുള്ളവര്‍ പറയുന്നത്. ആലപ്പാട്, അഴീക്കല്‍, നീണ്ടകര, ശക്തികുളങ്ങര, തിരുമുല്ലവാരം എന്നിവിടങ്ങളിലാണ് ഏറ്റവും കൂടുതല്‍ കണ്ടെയ്നറുകള്‍ അടിഞ്ഞത്. ശക്തികുളങ്ങരയില്‍ നിന്നാണ് കണ്ടെയ്നറുകള്‍ നീക്കുന്ന പ്രവൃത്തി ആദ്യം തുടങ്ങിയത്. തീരത്തു നിന്നും വലിയ ക്രെയിന്‍ ഉപയോഗിച്ച് കരയിലേക്ക് വലിച്ചു കയറ്റി മുറിച്ച് ശേഷം റോഡ് മാര്‍ഗമാണ് കണ്ടെയ്‌നറുകള്‍ കൊല്ലം പോര്‍ട്ടില്‍ എത്തിച്ചത്. ചില കണ്ടെയ്നറുകളിലുണ്ടായിരുന്ന പ്ലാസ്റ്റിക്, തുണി എന്നിവ കപ്പല്‍ കമ്പനിക്കു തന്നെ കൈമാറാനാണ് അധികൃതരുടെ തീരുമാനം.

ഗ്രാമ ചൈതന്യത്തിന് കരുത്തേകി ‘ആഘോഷരാവ് ’

കൊട്ടിയം: ഒരു വാർഡിലെ വിവിധ തലങ്ങളിലെ ആബാലവൃദ്ധജനങ്ങളെയും ചേർത്ത് നിർത്തി ആദരിക്കുന്നതിലൂടെ സാമൂഹിക നന്മയുടെയും കൂട്ടായ്മയുടെയും പുതിയ മാർഗം രൂപപ്പെട്ടു വരുമെന്ന് എൻ.കെ.പ്രേമചന്ദ്രൻഎംപി. ആദിച്ചനല്ലുർ പഞ്ചായത്തിലെ 16-ാം വാർഡിലെ എസ്എസ്എൽസി ,പ്ലസ് ടു പരീക്ഷയിൽ മികവ് പുലർത്തിയവർ, തൊഴിലുറപ്പ് തൊഴിലാളികൾ, കുടുംബശ്രീ പ്രവർത്തകർ, ആശാവർക്കർമാർ ,അങ്കണവാടി പ്രവർത്തകർ ഉൾപ്പെടെ സമൂഹത്തിന്‍റെ വിവിധ മേഖലകളിലുള്ളവരെ ആദരിക്കുന്ന ചടങ്ങ് ‘ആഘോഷരാവ് ’ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. പഞ്ചായത്ത് അംഗം പ്ലാക്കാട് ടിങ്കു അധ്യക്ഷത വഹിച്ചു. ഡെപ്യൂട്ടി കളക്‌ടർ ജി.നിർമൽ കുമാർ, എക്സൈസ് ഡെപ്യൂട്ടി കമ്മീഷണർ വി.എ. പ്രദീപ്, പഞ്ചായത്ത് പ്രസിഡന്‍റ് രേഖ എസ്.ചന്ദ്രൻ, ജുമാ മസ്ജിദ് ചീഫ് ഇമാം ഷാനവാസ് മന്നാനി, മൈലക്കാട് സെന്‍റ് ജോർജ് പള്ളി വികാരി സനു ഫ്രാൻസിസ്, വിഷ്ണു പ്രസാദ് നമ്പൂതിരി, കൊട്ടിയം ട്രാൻസിറ്റ് ഹോം എസ്ഐ സുജിത്ത് ജി.നായർ, ബ്ലോക്ക് പഞ്ചായത്ത് അംഗം ബിന്ദു ഷിബു, മുൻ പഞ്ചായത്ത് പ്രസിഡന്‍റ് ഷീലാ ബിനു, അഭിഭാഷകൻ കൈപ്പുഴ റാം മോഹൻ, സിഡിഎസ് മെമ്പർ ആർ. കലജാദേവി, സേതുലക്ഷ്മി, പ്രതിഭ ബിജു എന്നിവർ പ്രസംഗിച്ചു. തുടർന്ന് വാർഡിലെ 50ഓളം വരുന്ന കലാപ്രതിഭകൾ പങ്കെടുത്ത മെഗാ ഷോയും ഉണ്ടായിരുന്നു.

മാധവിക്കുട്ടി സാഹിത്യ പുരസ്കാരം സമ്മാനിച്ചു

കൊട്ടാരക്കര : സാഹിത്യകാരി മാധവിക്കുട്ടിയുടെ 16-ാമത് ചരമ വാർഷിക ദിനാചരണം വിവിധ പരിപാടികളോടെ കിരീടം ബുക്സിന്‍റെ ആഭിമുഖ്യത്തിൽ വാളകം ഗാന്ധിഭവൻ മേഴ്സി ഹോമിൽ നടന്നു. നോവലിസ്റ്റ് ബാബു തടത്തിൽ ഉദ്ഘാടനം ചെയ്തു. മാധ്യമപ്രവർത്തകൻ അഞ്ചൽ ദേവരാജൻ അധ്യക്ഷതവഹിച്ചു. ഈ വർഷത്തെ മാധവിക്കുട്ടി പുരസ്കാരം ഡോ. തേവന്നൂർ മണിരാജിന് വേണ്ടി മകൾ രശ്മി രാജ് ഏറ്റുവാങ്ങി. റെയ്ന വിനു രചിച്ച ഹോപ്പ് എന്ന ഇംഗ്ലീഷ് പുസ്തകത്തിന്‍റെ പ്രകാശനം റിട്ട. ജില്ലാ കളക്‌ടർ പി. അർജുനൻ നിർവഹിച്ചു. വെട്ടിക്കവല ബ്ലോക്ക് പഞ്ചായത്തംഗങ്ങളായ കെ.എം.റജി, ബെൻസി റജി എന്നിവർ മുൻ അധ്യാപകരെ ആദരിച്ചു. മാധ്യമപ്രവർത്തകൻ ജോൺ പി. തോമസ് എഴുത്തുകാർക്കുള്ള സ്നേഹസമ്മാനം വിതരണം ചെയ്തു. തലവടി ടിഎംടി ഹൈസ്കൂൾ ഹെഡ്മാസ്റ്റർ ജേക്കബ് അറയ്ക്കൽ എസ്എസ്എൽസി ,പ്ലസ് ടു വിദ്യാർഥി പ്രതിഭകളെ അനുമോദിച്ചു. ഗാന്ധിഭവൻ പ്രതിനിധി ഡോ. വിൻസെന്‍റ് ഡാനിയൽ, എൻ.കെ. ബാലചന്ദ്രൻ എന്നിവർ പ്രസംഗിച്ചു.

പ്രഫഷണല്‍ നാടക മത്സരം : മുച്ചീട്ട് കളിക്കാരന്‍റെ മകളെ ഒഴിവാക്കിയത് അക്കാദമി സെക്രട്ടറി ഇടപെട്ടെന്ന് ആരോപണം

കൊല്ലം: സംസ്ഥാനതല പ്രഫഷണല്‍ നാടക മത്സരത്തില്‍ തിരുവനന്തപുരം സാഹിതി തീയറ്റേഴ്‌സിന്‍റെ മുച്ചീട്ട് കളിക്കാരന്‍റെ മകള്‍ എന്ന നാടകത്തെ അവഗണിച്ചതായി അണിയറ പ്രവര്‍ത്തകര്‍. മത്സര നാടകങ്ങളില്‍ എട്ടാമതായി അവതരിപ്പിക്കപ്പെട്ട മുച്ചീട്ട് കളിക്കാരന്‍റെ മകള്‍ നാടകത്തെ ഹര്‍ഷാരവങ്ങളോടെയാണ് തൃശൂരിലെ പ്രേക്ഷകര്‍ ഏറ്റെടുത്തത്. അവാര്‍ഡ് പ്രഖ്യാപനം വന്നപ്പോള്‍ ഈ നാടകത്തെ പൂര്‍ണമായും ഒഴിവാക്കിയതില്‍ വ്യാപകമായ പ്രതിഷേധം നാടക പ്രേക്ഷകര്‍ക്കിടയില്‍ നിന്നും കലാകാര സമൂഹത്തില്‍ നിന്നും ഉയര്‍ന്നുവരുന്നുണ്ടെന്ന് സി.ആര്‍ .മഹേഷ് എംഎല്‍എ പത്രസമ്മേളനത്തില്‍ ആരോപിച്ചു. സംഗീത നാടക അക്കാദമി സെക്രട്ടറി കരിവള്ളൂര്‍ മുരളി, ഡോ. ഷിബു എസ്. കൊട്ടാരം, വെങ്കുളം ജയകുമാര്‍, എല്‍സി എന്നീ നാലുപേര്‍ അടങ്ങുന്ന ജൂറിയാണ് നാടകങ്ങളെ വിലയിരുത്തിയത്. സര്‍ക്കാരിന്‍റെ നോമിനിയായ കരിവള്ളൂര്‍ മുരളി മുന്‍കാലങ്ങളില്‍ പ്രവര്‍ത്തിച്ച അക്കാദമി സെക്രട്ടറിമാരില്‍ നിന്നും വിഭിന്നമായി നിക്ഷിപ്ത താത്പര്യങ്ങളോടെയും ഏകാധിപത്യ പ്രവണതയോടെയും പ്രവര്‍ത്തിക്കുന്നുവെന്ന ആക്ഷേപം നാടക പ്രവര്‍ത്തകര്‍ക്കിടയില്‍ നിന്നും മുമ്പും ഉയര്‍ന്നു വന്നിട്ടുണ്ട്. ഇത്തരത്തില്‍ കളങ്കിതനെന്ന് ന്യായമായും സംശയിക്കുന്ന സെക്രട്ടറി കഴിഞ്ഞ നാടക മത്സരത്തില്‍ തിരുവനന്തപുരം സാഹിതിയുടെ മുച്ചീട്ടു കളിക്കാരന്‍റെ മകള്‍ എന്ന നാടകത്തെ അദ്ദേഹത്തിന്‍റെനിർദേശപ്രകാരം പൂര്‍ണമായും തള്ളി ക്കള ഞ്ഞെന്ന് എംഎൽഎ ആരോപിച്ചു. മുച്ചീട്ടുകളിക്കാരന്‍ എന്ന ജനകീയ നാടകത്തെ ഒരു പുരസ്‌കാരവും നല്‍കാതെ അവഹേളിച്ച സെക്രട്ടറി തല്‍സ്ഥാനത്തിരുന്നാല്‍ സാഹിതിയും അനുഭാവമുള്ള പല സമിതികളും നാടകം മത്സരത്തിനയക്കില്ലെന്ന് അദ്ദേഹം പറഞ്ഞു. അനഭിമതനായ സംഗീത നാടക അക്കാദമി സെക്രട്ടറി കരിവള്ളൂര്‍ മുരളി രാജിവച്ചില്ലെങ്കില്‍ സര്‍ക്കാര്‍ അദ്ദേഹത്തെ പുറത്താക്കണമെന്ന് മഹേഷ് ആവശ്യപ്പെട്ടു. പത്രസമ്മേളനത്തില്‍ എംഎല്‍എക്ക് പുറമെ അവാര്‍ഡ് ജേതാക്കളായ രചയിതാവ് ഹേമന്ദ് കുമാര്‍,സംവിധായകന്‍ രാജേഷ് ഇരുളം എന്നിവരും പങ്കെടുത്തു.

മരം വീണ് വീടിന്‍റെ മേൽക്കൂര തകർന്നു

കുണ്ടറ : പടപ്പക്കര റീത്ത ഓയിൽ മില്ലിന് സമീപത്തെ മേരി പുഷ്പത്തിന്‍റെ വീടിന്‍റെ മുകളിൽ മരം വീണ് മേൽക്കൂര തകർന്നു. കഴിഞ്ഞ ദിവസങ്ങളിൽ ഉണ്ടായ ശക്തമായ കാറ്റിലും മഴയിലും തൊട്ടടുത്ത പുരയിടത്തിൽ നിന്ന കൂറ്റൻ മരമാണ് വീണത്. മാസങ്ങൾക്കു മുന്പ് മറ്റൊരു മരവും കടപുഴകി വീണിരുന്നു. അന്നുമുതലേ പുരയിട ഉടമയോട് നിരവധി തവണ ഈ മരം മുറിച്ചു മാറ്റണമെന്ന് ആവശ്യപ്പെട്ടിട്ടും അവർ കൂട്ടാക്കിയില്ല. പേരയം പഞ്ചായത്തിൽ പരാതിയും നൽകിയിട്ടും നടപടി ഉണ്ടായില്ല. മരം കടപുഴകി വീണതിന് പിന്നാലെ വസ്തുവിന്‍റെ ഉടമസ്ഥരെ വിളിച്ചിട്ട് ഫോൺ എടുക്കുന്നില്ലെന്ന് തകർന്ന വീടിന്‍റെ ഉടമസ്ഥ പറഞ്ഞു. എന്ത്‌ ചെയ്യണമെന്ന് അറിയാതെ ബുദ്ധിമുട്ടുകയാണീ കുടുംബം.

പഠനത്തോടൊപ്പം വരുമാനവും; വിദ്യാർഥികൾ സ്റ്റാർട്ട്‌ അപ്പ് ആരംഭിച്ചു

കൊല്ലം: ഫാത്തിമ മാതാ നാഷണൽ കോളജിലെ ബോട്ടണി വിഭാഗത്തിന്‍റെ നേതൃത്വത്തിൽ വിദ്യാർഥികളുടെ മേൽനോട്ടത്തിൽ ‘ബയോമെർക്കാറ്റസ് ' എന്ന പേരിലുള്ള സ്റ്റാർട്ട്‌ അപ്പ്‌ ആരംഭിച്ചു. ഭക്ഷണത്തിന് ഉപയോഗിക്കുന്ന വിവിധ പ്രോഡക്റ്റുകളായ വിത്ത് മുളപ്പിച്ചുണ്ടാക്കിയ മൈക്രോഗ്രീൻസ്, വാഴയുടെ തണ്ടിൽ നിന്നും ഉത്പാദിപ്പിക്കുന്ന പ്ലാന്‍റുറ പൗഡർ, ജൈവവളമായ ന്യൂട്രാഗ്രീൻ, ജൈവമിത്ര കമ്പോസ്റ്റ്, വിവിധ ടിഷ്യൂക്കൾച്ചർ തൈകൾ, അലങ്കാര ഔഷധ സസ്യങ്ങൾ എന്നിവയുടെ ഉത്പാദനവും വിതരണവും ‘ബയോമെർക്കാറ്റസ്’ എന്ന പേരിലുള്ള സ്റ്റാർട്ട്‌അപ്പ് പ്രോഗ്രാം വഴി നടത്തുന്നു. വിദ്യാർഥികൾക്ക് പഠനത്തോടൊപ്പം വരുമാനവും നേടാനുള്ള പദ്ധതിയുടെ ഉദ്ഘാടനം കൊല്ലം ബിഷപ് ഡോ.പോൾ ആന്‍റണി മുല്ലശേരി നിർവഹിച്ചു. മാനേജർ ഫാ.ഡോ.അഭിലാഷ് ഗ്രിഗറി അനുഗ്രഹ പ്രഭാഷണം നടത്തി. കോളജ് വൈസ് പ്രിൻസിപ്പൽ ഡോ.എം.ആർ.ഷെല്ലി അധ്യക്ഷത വഹിച്ചു. ബോട്ടണി വിഭാഗം മേധാവി ഡോ.ഷൈജു, ഡോ.സിസ്റ്റർ സോഫിയ, ഗവേഷക വിദ്യാർഥികളായ രേഷ്മ ബെൻസൺ, അലൻ അച്ചൻകുഞ്ഞ് എന്നിവർ പ്രസംഗിച്ചു.

പത്തനാപുരം ഇഎംഎസ് സഹകരണ ആശുപത്രിക്ക് പുതിയ സ്പെഷാലിറ്റി ബ്ലോക്ക്‌

കൊല്ലം: മികച്ച സൗകര്യങ്ങളും പരിചയസമ്പന്നരായ ഡോക്ടർമാരുമുള്ള ആശുപത്രികൾ വിവിധ പ്രദേശങ്ങളിലേക്ക് വരികയാണെന്ന് മന്ത്രി കെ.എൻ. ബാലഗോപാൽ. പത്തനാപുരം ഇഎംഎസ് സഹകരണ ആശുപത്രിയുടെ പുതിയ സ്പെഷാലിറ്റി ബ്ലോക്കിന്‍റെ ഉദ്ഘാടനം നിർവഹിക്കുകയായിരുന്നു അദ്ദേഹം. ഇപ്പോൾ 100 കിടക്കകൾ ആശുപത്രിയിലുണ്ട്. അനുബന്ധമായി നഴ്സിംഗ് കോളജും കൂടുതൽ സൗകര്യങ്ങളും ഏർപ്പെടുത്തും. കിടത്തി ചികിത്സ സൗകര്യമുള്ള ആശുപത്രികൾ അനിവാര്യമാണെന്നും പ്രഗത്ഭരായ പല ഡോക്ടർമാരുടെയും സാന്നിധ്യം ആശുപത്രിയുടെ സ്വീകാര്യത വർധിപ്പിച്ചുവെന്നും എമർജൻസി വിഭാഗം ഉദ്ഘാടനം ചെയ്ത മന്ത്രി കെ.ബി. ഗണേഷ് കുമാർ പറഞ്ഞു. ഇഎംഎസ് സഹകരണ ആശുപത്രി പ്രസിഡന്‍റ് ദസ്തകീർ സാഹിബ് അധ്യക്ഷനായി. പത്തനാപുരം ബ്ലോക്ക്‌ പഞ്ചായത്ത്‌ പ്രസിഡന്‍റ് എ .ആനന്ദവല്ലി, ഹോർട്ടികോർപ് ചെയർമാൻ അഡ്വ.എസ്.വേണുഗോപാൽ തുടങ്ങിയവർ പങ്കെടുത്തു.

ജാതി പറഞ്ഞ് അധിക്ഷേപം : ഒരു മാസത്തിനകം അന്വേഷണം പൂർത്തിയാക്കണം: മനുഷ്യാവകാശ കമ്മീഷൻ

കൊല്ലം : ഭിന്നശേഷിക്കാരനായ വയോധികനെ ജാതി പറഞ്ഞ് അധിക്ഷേപിക്കുകയും ചായക്കട അടിച്ചുതകർക്കുമെന്ന് ഭീഷണിപ്പെടുത്തുകയും ചെയ്തെന്ന പരാതിയിൽ ഒരു മാസത്തിനകം അന്വേഷണം പൂർത്തിയാക്കണമെന്ന് മനുഷ്യാവകാശ കമ്മീഷൻ അംഗം വി.ഗീത ശാസ്താംകോട്ട ഡിവൈഎസ്പി ക്ക് നിർദേശം നൽകി. കാലതാമസം കൂടാതെ അന്വേഷണം പൂർത്തിയാക്കി കോടതിയിൽ കുറ്റപത്രം സമർപ്പിക്കണമെന്നും കമ്മീഷൻ നിർദേശിച്ചു. പെരുമ്പുഴ കോവിൽമുക്ക് സ്വദേശി സുകേശൻ സമർപ്പിച്ച പരാതിയിലാണ് നടപടി. പരാതിക്കാരൻ കൊട്ടാരക്കര എസ് സിഎസ് റ്റി കോടതിയിൽ സമർപ്പിച്ച പരാതിയിലെ ഉത്തരവുപ്രകാരം മൊഴി രേഖപ്പെടുത്തി കുണ്ടറ പോലീസ് ക്രൈം 1133/22 നമ്പറായി കേസ് രജിസ്റ്റർ ചെയ്തതായി കുണ്ടറ എസ്എച്ച് ഒ കമ്മീഷനെ അറിയിച്ചു.

ജിം സന്തോഷ് വധക്കേസിലെ കൈക്കൂലി ആരോപണം : രണ്ടുപേർക്കെതിരെ കേസ്

കൊല്ലം: കരുനാഗപ്പള്ളി ജിം സന്തോഷ് വധക്കേസില്‍ പോലീസ് ഉദ്യോഗസ്ഥര്‍ക്ക് നല്‍കാനെന്ന പേരില്‍ പ്രതിയുടെ മാതാവില്‍ നിന്ന് പണം വാങ്ങിയെന്ന പരാതിയില്‍ രണ്ടുപേര്‍ക്കെതിരെ കേസ്. ആര്‍വൈഎഫ് അഖിലേന്ത്യാ ജോയിന്‍റ് സെക്രട്ടറി പുലത്തറ നൗഷാദ്, ആദിനാട് സ്വദേശി മറിയം ബീവി എന്നിവര്‍ക്കെതിരെയാണ് കരുനാഗപ്പള്ളി പോലീസ് കേസെടുത്തത്. കേസിലെ ഏഴാം പ്രതി സാമുവലിന്‍റെ മാതാവില്‍ നിന്ന് പണം വാങ്ങിയതെന്നാണ് ആരോപണം. 2,65000 രൂപ ഇവര്‍ വാങ്ങിയെന്നാണ് പരാതി. മകനെ തിരക്കി പോലീസ് ഇനി വരില്ലെന്നും, ഇതിനായി സിഐയ്ക്കും പോലീസ് ഉദ്യോഗസ്ഥര്‍ക്കും, വാദിഭാഗം അഭിഭാഷകനും നല്‍കാനെന്ന പേരിലാണ് പണം വാങ്ങിയതെന്നും സാമുവലിന്‍റെ മാതാവ് ലളിത പറയുന്നു. ഇയാള്‍ ബാങ്ക് അക്കൗണ്ട് വഴി ഒരു ലക്ഷം രൂപയും നേരിട്ട് 160000 രൂപയും വാങ്ങി. മകനെ രക്ഷിക്കാന്‍ സ്വർണം പണയം വച്ചാണ് പണം നല്‍കിയതെന്ന് ലളിത പറഞ്ഞു. 2025 മാര്‍ച്ച് 27ന് പുലര്‍ച്ചെയാണ് ഗുണ്ടാ പകയുടെ പേരില്‍ കരുനാഗപ്പള്ളി സ്വദേശി ജിം സന്തോഷിനെ വീട്ടില്‍ കയറി അലുവ അതുലിന്‍റെ നേതൃത്വത്തിലുള്ള സംഘം വെട്ടികൊലപ്പെടുത്തിയത്. കഴിഞ്ഞ വര്‍ഷം നവംബറില്‍ മറ്റൊരു ഗുണ്ടാ നേതാവിനെ കുത്തിയ കേസില്‍ സന്തോഷ് റിമാന്‍ഡിലായിരുന്നു. പുറത്തിറങ്ങിയതിന് പിന്നാലെയാണ് കൊലപാതകം.

ദേശീയപാത വികസനം: തിരുമുക്കിലെ അടിപ്പാത പുനർനിർമിക്കണം

ചാത്തന്നൂർ: ദേശീയപാത വികസന ഭാഗമായി ചാത്തന്നൂർ തിരുമുക്കിൽ പണിത അടിപ്പാത പെ ളിച്ച് പുനർ നിർമിക്കണമെന്ന ആവശ്യം ശക്തമായി. ഈ ആവശ്യം ഉന്നയിച്ച് ചാത്തന്നൂർ വികസന സമിതി ദേശീയപാത അഥോറിറ്റി ചെയർമാന് നിവേദനം നൽകി. നിലവിലുള്ള അടിപ്പാതജനങ്ങളെനട്ടംതിരിക്കുന്നതാണ്. ചെറിയ വാഹനങ്ങൾക്ക് കടന്നുപോകാൻ മാത്രമായാണ് ഇവിടെ അടിപ്പാത (എസ് വിയുപി) നിർമിച്ചിരിക്കുന്നത്.അടിപ്പാതയുടെ ഇരുവശത്തും വാഹനങ്ങൾക്ക് വന്നുതിരിഞ്ഞു പോകാൻ ഏറെ പ്രയാസമുണ്ടാക്കുന്ന തരത്തിലാണിതിന്‍റെ നിർ മാണമെന്നാണ് ആക്ഷേപം. ജി ല്ലയിലെ ഏറെ പ്രധാനപ്പെട്ട ഒരു ജംഗ്ഷനാണ് ചാത്തന്നൂർ തിരുമു ക്ക്. കൊല്ലം-പരവൂർ-വർക്കല തുട ങ്ങിയ സ്ഥലങ്ങളിലേക്ക് പോകുന്ന സംസ്ഥാന പാത ഇവിടെനിന്നാണ് ആരംഭിക്കുന്നത്. പരവൂർ ഭാഗത്തുനിന്നു വരുന്ന യാത്രാവാഹനങ്ങൾ അടക്കമുള്ള ഒരു വാഹനത്തിനും തൊട്ടടുത്ത ചാത്തന്നൂർ ജംഗ്ഷനിലേക്ക് ഈ അടിപ്പാത വഴി പോകുക സാധ്യമ ല്ല . ചാത്തന്നൂർ നിയമസഭാമണ്ഡലത്തിലെ അഗ്നിരക്ഷാനിലയം പരവൂരിലാണുള്ളത്. ചാത്തന്നൂർ പ്രദേശങ്ങളിൽ എന്തെങ്കിലും അത്യാഹിതം സംഭവിച്ചാൽ അഗ്നിരക്ഷാസേനയ്ക്ക് ഇതുവഴി ചാത്തന്നൂരിലേക്ക് പെട്ടെന്ന് എത്തിച്ചേരാൻ കഴിയാത്ത വിധമാണ് നി ലവിലെ അടിപ്പാതയുടെ നിർമാണം നടത്തിയിരിക്കുന്നത്.ആയിരക്കണക്കിന് വിദ്യാർഥികൾ പഠിക്കുന്ന ചാത്തന്നൂരിലെ ഗവ. വൊക്കേഷണൽ ഹയർ സെക്കൻഡറി സ്കൂൾ, എൻഎൻഎസ് ഹയർ സെക്കൻഡറി സ്കൂൾ എന്നിവിടങ്ങളിലേക്ക് എത്തിച്ചേരാനും ഏറെ ബുദ്ധി മുട്ടേണ്ടിവരും. ജനങ്ങളുടെ വികസന ആവശ്യങ്ങളോ പ്രദേശത്തിന്‍റെ പ്രത്യേകതകളോ പരിഗണിക്കാ തെയാണ് ഡിപിആർ (വിശദ പദ്ധ തിരേഖ) തയാറാക്കിയതെന്നാണ് ആക്ഷേപം. വലിയ വാഹന ങ്ങൾക്ക് കടന്നുപോകാൻ കഴിയുന്ന തരത്തിൽ തിരുമുക്കിലെ അടിപ്പാത പുനർനിർമിക്കണമെന്നാണ് ആവശ്യം. ഈ ആവശ്യമുന്നയിച്ച്ചാത്തന്നൂർ വികസനസമിതി ദേശീയപാത അഥോറിറ്റി ചെയർമാൻ, റിജിണൽ ഓഫീസർ, പ്രോജക്ട് ഡയറക്ടർ എന്നിവർക്ക് നിവേദനം സമർപ്പിച്ചു.നിലവിലെ വിഷയം സംബന്ധിച്ച് വികസനസമിതി നിരവധി പരാതികൾ ചെയർമാനും റീജിണൽ ഓഫീസർക്കും പ്രോജക്ട് ഡയറക്ടർക്കും നൽകിയിരുന്നു. പ്രോജക്ട് ഡയറക്ടറുമായി നടത്തിയ യോഗത്തിൽ ഗൗരവമായി പ്രശ്നം ഉന്നയിക്കുകയും ചെയ്തിരുന്നെങ്കിലും ഒരു ഫലവും ഇതുവരെയും ഉണ്ടായിട്ടില്ല. ഈ സാഹചര്യത്തിലാണ് വീണ്ടും നിവേദനം നൽകിയത്. ജനങ്ങൾക്കുവേണ്ടിയാണ് ദേശീയപാത വികസനം നടത്തുന്നതെങ്കിൽ അവരുടെ ആവശ്യങ്ങൾകുടി പരിഗണിക്കാൻ ദേശീയപാതാ അഥോറിറ്റി തയാറാകുകയാണ് വേണ്ടതെന്ന് വിക സനസമിതി ഭാരവാഹികൾ പറഞ്ഞു. ചാത്തന്നൂർ തിരുമുക്കിലെ അടിപ്പാത സംബന്ധിച്ച വിഷയം കൂടി പുനഃപരിശോധിക്ക ണമെന്നും വലിയ വാഹനങ്ങൾ ക്ക് സൗകര്യപ്രദമായി കടന്നു പോകാൻ കഴിയുന്ന തരത്തിൽ അടിപ്പാത പുനർനിർമിക്കണമെന്നുമാണ് നിവേദനത്തിൽ ആവശ്യപ്പെട്ടിട്ടുള്ളതെന്ന് വികസന സമിതി ചെയർമാൻ ജി. രാജശേഖരനും കൺവീനർ ജി.പി.രാജേഷും പറഞ്ഞു.

വൈദ്യുതി ബന്ധം പുന:സ്ഥാപിച്ചില്ല ; റോഡിൽ മെഴുകുതിരി ദീപം വച്ച് പ്രതിഷേധിച്ചു

കുണ്ടറ: വൈദ്യുതി അഭാവം പുനസ്ഥാപിക്കാൻ നാലു ദിവസമായിട്ടും അധികൃതർക്ക് കഴിയാത്തതിനെതുടർന്ന് റോഡിൽ മെഴുകുതിരി ദീപം വച്ച് പ്രതിഷേധിച്ചു. പെരുമ്പുഴ കല്ലുപാലക്കട കലാസമിതി ഭാഗത്താണ് മ ഴക്കെടുതി മൂലമുണ്ടായ വൈദ്യുതി അഭാവം പുനസ്ഥാപിക്കാൻ നാലു ദിവസമായിട്ടും അധികൃതർക്ക് കഴിയാതായത്. സ്ഥലം മെമ്പർമാർ മറ്റ് സാമൂഹ്യ പ്രവർത്തകർ തുടങ്ങി എല്ലാവർക്കും പരാതി നൽകിയിട്ടും നടപടി എടുക്കാത്തതിനാലാണ് നാട്ടുകാർ മെഴുകുതിരി റോഡിൽ കത്തിച്ചുവച്ച് പ്രതിഷേധം നടത്തിയത്. ഇത് മൂലം ജനങ്ങളുടെ എല്ലാ ദൈനംദിന കാര്യങ്ങളും മുടങ്ങിയ അവസ്ഥയിലാണ്. ഫിനാൻസ് ഇട്ട് ഇലക്ട്രിക് ഓട്ടോറിക്ഷ എടുത്ത കാൻസർ രോഗികൾ വരെ ഉള്ള നിരവധി വീട്ടുകാർ ഈ മേഖലയിലുണ്ട്. അവരുടെ മരുന്നിന്‍റെ സാമ്പത്തികവും, വാഹനത്തിന്‍റെ അടവും എല്ലാം ഈ വാഹനത്തെ ആശ്രയിച്ചാണ് നടക്കുന്നത് .കഴിഞ്ഞ നാല് ദിവസമായി ഉണ്ടായ ഈ അഭാവം മൂലം തങ്ങൾക്കുണ്ടായ കഷ്ടം നഷ്ടങ്ങൾ എങ്ങനെ നികത്തുമെന്ന് അറിയാത്ത അവസ്ഥയിലാണ് നാട്ടുകാർ. എന്നാൽ കെഎസ്ഇബി അധികൃതർ പറയുന്നത് സ്റ്റാഫുകളുടെ അഭാവം മൂലം എല്ലാഇടവും എത്തിപ്പറ്റാൻ കഴിയാത്ത അവസ്ഥ ആണെന്നാണ്. എഴുകോൺ കെ എസ് ഇ ബി സബ്സ്റ്റേഷൻ പരിധിയിൽ വരുന്ന കരിപ്പുറം കടമാൻതടം മേഖലയിലും ഇതേ അവസ്ഥ തുടരുകയാണ്. 24 മണിക്കൂറിനകം ബദൽ സംവിധാനം ഒരുക്കി നൽകേണ്ട നിയമം നിലനിൽക്കേയാണ് കെഎസ്ഇബിയുടെ ഈ അലംഭാവം. ഇത് തുടരുകയാണെങ്കിൽ ശക്തമായ പ്രതിഷേധ നടപടികളുമായി മുന്നോട്ടു പോകുമെന്ന് നാട്ടുകാർ പറയുന്നു.

കുട്ടികളുടെ നൈപുണ്യ ശേഷികൾ കണ്ടെത്താൻ അങ്കണവാടികൾക്ക് കഴിയണം : മന്ത്രി കെ.എൻ.ബാലഗോപാൽ

എഴുകോൺ: തുടക്കത്തിലേ കുട്ടികളുടെ നൈപുണ്യ ശേഷികൾ കണ്ടെത്താനും ആരോഗ്യ - വിദ്യാഭ്യാസ കാര്യങ്ങളിൽ അടിത്തറ പാകാനും അങ്കണവാടികൾക്ക് കഴിയണമെന്ന് മന്ത്രി കെ .എൻ. ബാലഗോപാൽ. എഴുകോണിൽ പുതുതായി ആരംഭിച്ച അങ്കണവാടിയുടെ ഉദ്ഘാടനം നിർവഹിക്കുകയായിരുന്നു അദ്ദേഹം.പ്രാദേശിക വികസന ഫണ്ടിൽ നിന്ന് വകയിരുത്തിയ 18,02,000 രൂപ വിനിയോഗിച്ചാണ് എഴുകോൺ എസ്എച്ച് വാർഡിലെ 80ാം നമ്പർ അങ്കണവാടി നിർമിച്ചത്. സംസ്ഥാനത്തെ അങ്കണവാടികൾക്ക് സ്മാർട്ട്ഫോണുകൾ വാങ്ങാൻ 30 കോടി രൂപയും അനുവദിച്ചു. എഴുകോണിലെ മാർക്കറ്റ്, ഷോപ്പിംഗ്, ഓഫീസ് കോംപ്ലക്സുകളുടെ നിർമാണത്തിനായി മൂന്ന് കോടി രൂപ ആസ്തി വികസന ഫണ്ടിൽ നിന്നും വകയിരുത്തി. ജില്ലയുടെ ക്രിക്കറ്റ് തലസ്ഥാനമാകുന്ന എഴുകോണിലെ റോഡുകളുടെ നവീകരണം പുരോഗമിക്കുന്നു. വിഴിഞ്ഞം പദ്ധതി വഴി കൊല്ലം-പുനലൂർ മേഖലയിൽ പുതിയ വ്യവസായ സംരംഭങ്ങൾ ഉയരുമെന്നും കൊട്ടാരക്കരയിൽ ഉയരുന്ന സോഹോയുടെ ഐ ടി പാർക്ക്‌ ഉടൻ പൂർത്തിയാകുമെന്നും എഴുകോണിലെ അടിസ്ഥാന സൗകര്യങ്ങൾ മെച്ചപ്പെടുത്താൻ കൂടുതൽ പദ്ധതികൾ വരികയാണെന്നും അദ്ദേഹം കൂട്ടിച്ചേർത്തു. കൊട്ടാരക്കര ബ്ലോക്ക്‌ പഞ്ചായത്ത്‌ പ്രസിഡന്‍റ് എ .അഭിലാഷ്, ജില്ലാ പഞ്ചായത്ത് അംഗം അഡ്വ. സുമലാൽ, അഡ്വ. ബിജു എബ്രഹാം, ബ്ലോക്ക്‌-ഗ്രാമ പഞ്ചായത്ത്‌ അംഗങ്ങൾ ,അങ്കണവാടി പ്രവർത്തകർ, ഐ സി ഡി എസ് ഉദ്യോഗസ്ഥർ തുടങ്ങിയവർ പങ്കെടുത്തു.

യൂത്ത് കോൺഗ്രസ് പെരുമ്പുഴ വൈദ്യുതി ഓഫീസിലേയ്ക്ക് മാർച്ച് നടത്തി

കൊട്ടിയം: വൈദ്യുതി ബോർഡിന്‍റെ അനാസ്ഥമൂലം പൊട്ടിക്കിടന്ന കമ്പിയിൽ നിന്ന് വൈദ്യുതാഘാതംഏറ്റ്അച്ഛൻ മരിക്കുകയും മകൾ ഗുരുതര പരുക്കുകളോടെ ആശുപത്രിയിൽ പ്രവേശിപ്പിക്കുകയും ചെയ്തതിൽ കെഎസ്ഇബി അനാസ്ഥയാരോപിച്ച് പെരുമ്പുഴ ഇലക്ട്രിക്കൽ സെക്ഷൻ ഓഫീസിലേക്ക് യൂത്ത് കോൺഗ്രസ് മാർച്ചും, പ്രതിഷേധ യോഗവും സംഘടിപ്പിച്ചു. മാർച്ച് കെഎസ്ഇബി ഓഫീസിന് മുന്നിൽ പോലീസ് തടഞ്ഞു. ഓഫീസിനുള്ളിലേക്ക് തള്ളിക്കയറാൻ ശ്രമിച്ചത് സംഘർഷത്തിന് കാരണമായി.ഡിസിസി ജനറൽ സെക്രട്ടറി ഫൈസൽ കുളപ്പാടം മാർച്ച്‌ ഉദ്ഘാടനം ചെയ്തു. പെരുമ്പുഴ തലപ്പറമ്പ് ജംഗ്ഷന് സമീപം നാല് ദിവസങ്ങളായി കറണ്ട് ഇല്ലാത്ത, സാഹചര്യത്തിൽ ഉത്തരവാദിത്വപ്പെട്ട കെഎസ്ഇബി ഉദ്യോഗസ്ഥർ അനധികൃതമായി സർവീസ് വയർ ജോയിന്‍റ് ചെയ്തു കൊടുത്തതിലുള്ള പാളിച്ചയാണ് വൈദ്യുതി പ്രവഹിച്ച് ഗോപാലകൃഷ്ണപിള്ള മരിക്കുവാൻ ഇടയായത്. കെഎസ്ഇബിയുടെ അനാസ്ഥ മൂലമാണ് ജീവൻ പൊലിഞ്ഞതെന്നും അതിനാൽ അടിയന്തര ധനസഹായം കുടുംബത്തിന് നൽകണമെന്നും, ഇതിന് കാരണക്കാരായ കെഎസ്ഇബി ഉദ്യോഗസ്ഥരുടെ പേരിൽ നരഹത്യയ്ക്ക് കേസെടുക്കുവാൻ പോലീസ് തയാറാകണമെന്നും, ഇതുമായി ബന്ധപ്പെട്ട് മനുഷ്യാവകാശ കമ്മീഷനും പോലീസിനും പരാതി നൽകുമെന്നും ഫൈസൽ കുളപ്പാടം പറഞ്ഞു. ഷാൻ മുട്ടയ്ക്കാവ് അധ്യക്ഷനായി. യുഡിഎഫ് കുണ്ടറ നിയോജകമണ്ഡലം കമ്മിറ്റി ചെയർമാൻ കുരീപ്പള്ളി സലിം, കോൺഗ്രസ് മണ്ഡലം പ്രസിഡന്‍റുമാരായ വിനോദ് ജിപിള്ള, ഗോപകുമാർ, വിനോദ് കോണിൽ, അതുൽ പള്ളിമൺ, റെക്സൺ, ഹാരോൺ, ജയൻ തട്ടാർകോണം, ഷാജഹാൻ ഇളംപള്ളൂർ,സൽമാൻ വിളയിൽ,വിളവീട്ടിൽ മുരളി, ഗ്രാമപഞ്ചായത്ത് മെമ്പർമാരായ മിനി, സിന്ധു ഗോപൻ, മഹിളാ കോൺഗ്രസ് ജില്ലാ സെക്രട്ടറി സുവർണ ,തുടങ്ങിയവർ നേതൃത്വം നൽകി. എക്സിക്യൂട്ടീവ് എൻജിനീയർക്ക് പരാതി രേഖാമൂലം നൽകുകയുംചെയ്തു. കുറ്റക്കാർക്കെതിരെ നടപടിയെടുക്കുമെന്ന ഉറപ്പിന്മേൽ സമരം താൽക്കാലികമായി അവസാനിപ്പിക്കുകയും ചെയ്തു.

കോൺഗ്രസ് സമാഹരിച്ച ധനസഹായം കൈമാറി

കൊട്ടിയം: കണ്ണനല്ലൂർ ചേരികോണത്ത് മഞ്ഞപ്പിത്തം ബാധിച്ച് മരണപ്പെട്ട കുട്ടികളുടെ കുടുംബത്തിന് ഇന്ത്യൻ നാഷണൽ കോൺഗ്രസ് തൃക്കോവിൽവട്ടം ബ്ലോക്ക് കമ്മിറ്റിയുടെ ആഭിമുഖ്യത്തിൽ സമാഹരിച്ച ധനസഹായം കെപിസിസി വർക്കിംഗ് പ്രസിഡന്‍റ് പി.സി. വിഷ്ണുനാഥ് എംഎൽഎ കൈമാറി. മഞ്ഞപ്പിത്തം ബാധിച്ചു സ്വകാര്യ ആശുപത്രിയിൽ ചികിത്സയിലായിരുന്ന ഇളയ കുട്ടിയുടെചികിത്സാ ചെലവ് നേരത്തെ പി.സി. വിഷ്ണുനാഥ് എംഎൽഎ ഏറ്റെടുത്തിരുന്നു.ഫൈസൽ കുളപ്പാടം, കണ്ണനല്ലൂർ എ. എൽ. നിസാമുദീൻ, കുരീപ്പള്ളി സലിം,സുധീർ ചെരിക്കോണം, കെ. ആർ. സുരേന്ദ്രൻ, ബിജു, രാധാകൃഷ്ണൻ മുഖത്തല, റാണി ചെരിക്കോണം, ഷമീർ ചെരിക്കോണം, തുടങ്ങിയവർ സന്നിഹിതനായിരുന്നു. കണ്ണനല്ലൂർ ചേരിക്കോണത്ത് മഞ്ഞപ്പിത്തം ബാധിച്ച് മരിച്ച സഹോദരിമാരുടെ കുടുംബത്തിന് കോൺഗ്രസ് സമാഹരിച്ച ധനസഹായം പി.സി.വിഷ്ണുനാഥ് എം എൽ എ കൈമാറുന്നു.

അക്ഷര മധുരം നുകരാനെത്തിയ കുരുന്നു ശലഭങ്ങളെ സ്വീകരിച്ച് സ്കൂളുകൾ

കൊല്ലം: ആദ്യാക്ഷരത്തി െ ന്‍റ അമൃത് നുകരാനായി പറന്നെത്തിയ കുരുന്നു ശലഭങ്ങളെ സ്വീകരിച്ച് ജില്ലയിലെ സ്കൂളുകൾ. ചിത്രശലഭങ്ങൾ കണക്കെ പാറി പരിലസിക്കുന്ന കുരുന്നുകൾക്ക് ഇന്ദ്രിയാനുഭവങ്ങളിലൂടെ പുത്തനറിവുകൾ സ്വായത്തമാക്കാനിണങ്ങുന്ന വർണക്കൂടാരം അവർക്ക് അത്ഭുതങ്ങളുടെ ലോകം തുറക്കുന്നതായിരുന്നു. കൊല്ലം: തങ്കശ്ശേരി ഇൻഫന്‍റ് ജീസസ് ആംഗ്ലോ-ഇന്ത്യൻ ഹയർ സെക്കന്‍ററി സ്കൂളിൽ നടന്ന പ്രവേശനോത്സവം മുൻ ലോക്കൽ മാനേജർ ഫാ. റൊമാൻസ് ആന്‍റണി ഫ്ലാഗ് ഉയർത്തിയതോടെയാണ് ആരംഭിച്ചത്. പ്രിൻസിപ്പൽ റവ. ഡോ. സിൽവി ആന്‍റണി അധ്യക്ഷത വഹിച്ചു. ജൂനിയർ പ്രിൻസിപ്പൽ ഡോണാ ജോയിപ്രസംഗിച്ചു. ഫാ. റൊമാൻസ് ആന്‍റണി ഉദ്ഘാടനം നിർവഹിച്ചു. കുട്ടികളിൽ അറിവും സ്വഭാവ രൂപീകരണവും രൂപാന്തരീകരണവും നടക്കേണ്ട ഇടമാണ് വിദ്യലയങ്ങളെന്ന് അദ്ദേഹം പറഞ്ഞു. കൊല്ലം: ഗവ.ടി ടി ഐയിൽ അറിവരങ്ങിലേക്ക് എത്തിചേർന്ന കുരുന്നുകളെ ഡിവിഷൻ കൗൺസിലറും മുൻ മേയറുമായ പ്രസന്ന ഏണസ്റ്റ് ആണ് സ്വീകരിച്ചത്. അക്ഷര മധുരം നുകരാനായെത്തി ചേർന്ന കുരുന്നുകൾക്കിത് നേരി െ ന്‍റ പുത്തനറിവുകൾ ആർജിക്കുന്നതിനുള്ള നാന്ദി കുറിക്കലാണ് ഓരോ പ്രവേശനോത്സവവുമെന്ന് പ്രസന്ന ഏണസ്റ്റ് ആശംസിച്ചു. അത്യാധുനിക നിലവാരത്തിലുള്ള സ്മാർട്ട് ക്ലാസ് റൂമുകൾ, യുക്തിബോധവും ശാസ്ത്ര ചിന്തയും വളർത്താനിണങ്ങുന്ന ശാസ്ത്ര, ജ്യോതിശാസ്ത്ര പാർക്ക്, എ ഐ -യുടെ പുത്തൻ സാങ്കേതിക വിദ്യകൾ ആർജിക്കാനിണങ്ങുന്ന ഐ ടി പാർക്ക് എന്നിവ ഗവ ടി ടി ഐയുടെ പ്രത്യേകതകളാണ്. ചടങ്ങിൽ പ്രിൻസിപ്പാൾ ഇ.ടി.സജി അധ്യക്ഷത വഹിച്ചു. സ്റ്റാഫ് സെക്രട്ടറി ജി.ലെനൊ, അധ്യാപകരായ പി.കെ.ഷാജി, ഇ.എം.അൻസർ, സുലത രാമചന്ദ്രൻ, എൻ.ആർ. ജീന, സി.പി. ഗീതാകുമാരി എന്നിവർ നേതൃത്യം നൽകി. കൊല്ലം: ഉളിയക്കോവിൽ സെന്‍റ് മേരീസ് പബ്ലിക് സ്കൂ‌ളിൽ പ്രവേശനോൽസവം 2025 സ്‌കൂൾ ചെയർമാൻ ഡോ. ഡി. പൊന്നച്ചൻ പതാക ഉയർത്തി ഉദ്ഘാടനം ചെയ്തു. സ്‌കൂൾ പ്രിൻസിപ്പാൾ മഞ്ജു രാജീവ് ,ചാത്തന്നൂർ സൈലോർ ശ്രീ നികേതൻ സെൻട്രൽ സ്‌കൂൾ പ്രിൻസിപ്പാൾ കിഷോർ ആന്‍റ ണി , റവ. ഫാ. മാത്യൂ തോമസ് ,അക്കാഡമിക് കോർഡിനേറ്റർ എൽ. ഗിരിജാ എന്നിവർ പ്രസംഗിച്ചു. വിദ്യാർഥിവിദ്യാർഥി നികൾ അവതരിപ്പിച്ച സ്വാഗത നൃത്ത ശില്‌പവും വിവിധ കലാ പരിപാടി കളും ചടങ്ങിന് മാറ്റ് കൂട്ടി. ഓൺലൈൻ പേജിയന്‍റ് ഷോ ആയ അറോറ 2025 വിജയികൾക്കും, സമ്മർ ക്യാമ്പ് അംഗങ്ങൾക്കും 2025 ബോർഡ് പരീക്ഷയിൽ ഉന്നത വിജയം കരസ്ഥമാക്കിയ 10, 12 ക്ലാസിലെ വിദ്യാർഥികൾക്കുളള അവാർഡുകൾ വിതരണം ചെയ്‌തു. ബിഷൻ ക്രിസ്റ്റോ, അനഘ അജിത്ത്, സനിത ,അജ്‌മൽ ,നിതിൻ തോമസ് എന്നിവർ പരിപാടികൾ ഏകോപിപ്പിച്ചു. കുളത്തൂപ്പുഴ: പട്ടിക വർഗ വികസന വകുപ്പിന്‍റെ മേൽനോട്ടത്തിൽ അരിപ്പയിൽ പ്രവർത്തിക്കുന്ന മോഡൽ റസിഡൻഷൽ സ്കൂളിൽ പ്രവേശനോൽസവം സംഘടിപ്പിച്ചു. അക്ഷര മധുരം നുകരാനായി സ്കൂളിൽ എത്തിയ കുരുന്നുകളെ അധ്യാപകരും പട്ടിക വർഗ വകുപ്പ് ജീവനക്കാരും വരവേറ്റ് വർണ കുടകളും ബലൂണുകളും കൊണ്ട് അലങ്കരിച്ച ഹരിത ക്യാമ്പസിലേക്ക് ആനയിച്ചു. പി ടി എ പ്രസിഡന്‍റ് എം.ആര്യ അധ്യക്ഷത വഹിച്ച യോഗത്തിൽ പ്രവേശനോത്സവ ഉദ്ഘാടനം അഞ്ചൽ ബ്ലോക്ക് പഞ്ചായത്ത് മെമ്പർ റീനാ ഷാജഹാൻ നിർവഹിച്ചു. ജില്ലാ പട്ടിക വർഗ വകുപ്പ് ഓഫീസർ എസ്.വിധുമോൾ മുഖ്യപ്രഭാഷണം നടത്തി. സ്കൂൾ സീനിയർ സൂപ്രണ്ട് വി.സുരേഷ്കുമാർ, സ്കൂൾ പ്രഥമധ്യാപിക സി.ഗിരിജ, സ്കൂൾ മാനേജർ എസ്. ഷാഹിർ, സ്റ്റാഫ് സെക്രട്ടറി സണ്ണി സെറാഫിൻ, സീനിയർ അസിസ്റ്റന്‍റ് എസ്.ബിനുകുമാർ, അധ്യാപകൻ പി.ശ്രീജിത്ത്, പിടിഎ മെമ്പർ സരിത, ആർ.ടി. രമേശ്, എഫ്.എൽ. ബിനിൽകുമാർ എന്നിവർ പ്രസംഗിച്ചു. കുട്ടികൾക്ക് യൂണിഫോം, പഠനോപകരണങ്ങൾ എന്നിവയുടെ വിതരണവും ചടങ്ങിൽ നടന്നു. എസ് എസ് എൽസി പരീക്ഷയിൽ ഫുൾ എ പ്ലസ് കിട്ടിയ എ.എൻ അഥിൻ, ഹയർ സെക്കണ്ടറിയിൽ ഉന്നത വിജയം നേടിയ വിദ്യാർഥികളെയും ചടങ്ങിൽ ആദരിച്ചു. പുനലൂർ : സെന്‍റ്ഗൊരേറ്റി ഹയർ സെക്കന്‍ററി സ്കൂളിൽ പ്രവേശനോത്സവം നടന്നു. പിടിഎ പ്രസിഡന്‍റ്അജി ആന്‍റണി അധ്യക്ഷത വഹിച്ചു.മുൻസിപ്പൽ വൈസ് ചെയർമാൻ രഞ്ജിത് പ്രവേശനോത്സവം ഉദ്ഘാടനം ചെയ്തു. കോർപറേറ്റ് മാനേജർ റവ.ഡോ. ക്രിസ്റ്റി ജോസഫ് അനുഗ്രഹ പ്രഭാഷണം നടത്തി. എം പി ടി എ പ്രസിഡന്‍റ് ബീമ ഷെഫീഖ്, ഹെഡ്മിസ്ട്രസ് പുഷ്പമ്മ, അധ്യാപക പ്രതിനിധി സിസ്റ്റർ ഐറിൻ, സിസ്റ്റർ ജെസി എന്നിവർ പ്രസംഗിച്ചു. സ്കൂളിന്‍റെപൂർവവിദ്യാർഥികളും യൂണിവേഴ്സിറ്റി റാങ്ക് ജേതാക്കളുമായ ഉത്തര രാജി, മിഥുൻ ലാൽ എന്നിവർ നവാഗതർക്ക് സ്കൂൾ അനുഭവം പങ്കുവച്ചു. തുടർന്ന് നവാഗതരായ വിദ്യാർഥികൾക്കും രക്ഷകർത്താക്കൾക്കും സമ്മാനങ്ങൾ നൽകിയും പായസം വിളമ്പിയും പ്രവേശനോത്സവം ആഹ്ലാദഭരിതമാക്കി. ശാസ്താം കോട്ട രാജഗിരി ബ്രൂക്ക് ഇന്‍റർനാഷണൽ സ്കൂളിലെ പ്രവേശനോത്സവവും മെറിറ്റ് ഡേയും വർണാഭമായി ആഘോഷിച്ചു. ഇരുപത് വർഷം പൂർത്തിയാകുന്ന ബ്രൂക്കിലെ വൈജ്ഞാനിക ചരിത്രത്തിന്‍റെ തുടർച്ചയെന്നോണം വർണ്ണക്കാഴ്ചകളൊരുക്കി പാട്ടും സംഗീതവും നൃത്താവിഷ്കാരങ്ങളും ഒക്കെ നിറഞ്ഞ ബ്രൂക്ക് അങ്കണത്തിൽ പ്രവേശനോത്സവ ഔദ്യോഗിക ഉദ്ഘാടനം കേരള സർവകലാശാല കൊമേഴ്സ് വിഭാഗം വകുപ്പ് മേധാവി ബിജു ടെറൻസ് നിർവഹിച്ചു.സി ബി എസ് ഇ പരീക്ഷയിൽ പത്താം ക്ലാസ്‌സിലും പ്ലസ്ടു വിലും ഉന്നത വിജയം നേടിയ ബ്രൂക്കിലെ കുട്ടികൾക്കുള്ള മെറിറ്റ് അവാർഡ് വിതരണവും സ്കൂളിൽ നടന്നു. ബ്രൂക്ക് ഡയറക്ടർ റവ. ഫാദർ. ഡോ. ജി എബ്രഹാം തലോത്തിലിന്‍റെ അധ്യക്ഷതയിൽ ചേർന്ന ചടങ്ങുകൾക്ക് പ്രിൻസിപ്പൽ ബോണിഫെസിയ വിൻസെന്‍റ് സ്വാഗതവും സെക്രട്ടറി ജോജി റ്റി കോശി കൃതജ്ഞതയും രേഖപ്പെടുത്തി. കൊട്ടാരക്കര: സ്കൂൾ പ്രവേശനോത്സവം ജില്ലാതല ഉദ്ഘാടനം ഗവ.എച്ച്എസ്എസ്ആന്‍റ് വിഎച്ച്എസ്എസ് കൊട്ടാരക്കരയിൽ മന്ത്രി കെ .എൻ .ബാലഗോപാൽ ഉദ്ഘാടനം ചെയ്തു. സമീപകാലത്ത് പൊതു വിദ്യാഭ്യാസ ചരിത്രത്തിൽ കാലോചിതമായപരിഷ്കാരങ്ങളാണ് സർക്കാർ നടപ്പിലാക്കിയത് യഥാസമയം പാഠപുസ്തകങ്ങൾ എത്തിക്കുക കുട്ടികളുടെ പഠനഭാരം കുറയ്ക്കുക എന്നിവയൊക്കെ പരിഷ്കരങ്ങളുടെ ഭാഗമാണ് വിദ്യാഭ്യാസത്തിന്‍റെ കാര്യത്തിലും ആരോഗ്യത്തിന്റെ കാര്യത്തിലും കേരളം മറ്റു സംസ്ഥാനങ്ങളിൽ നിന്നും ഒന്നാം സ്ഥാനത്താണ് എന്ന് മന്ത്രി കൂട്ടിച്ചേർത്തു . നഗരസഭാ ചെയർമാൻ അഡ്വ .കെ .ഉണ്ണികൃഷ്ണമേനോൻ അധ്യക്ഷത വഹിച്ച ചടങ്ങ് വിദ്യാഭ്യാസ ഉപഡയറക്ടർ ലാൽ കെ. ഐ. സ്വാഗതവും പ്രവേശനോത്സവ സന്ദേശം ജില്ലാ പഞ്ചായത്ത് പ്രസിഡന്‍റ് ഡോ. പി .കെ .ഗോപൻ , മൈലം പഞ്ചായത്ത് പ്രസിഡന്‍റ് ബിന്ദു ജി .നാഥ് , ബിജി ഷാജി , മുൻ ചെയർമാൻമാരായ എസ്. ആർ. രമേശ് , എ .ഷാജു , സ്റ്റാൻഡിങ് കമ്മിറ്റി ചെയർമാൻമാരായ ഫൈസൽ ബഷീർ, മിനി കുമാരി , സുഷമ,കൗൺസിലർമാരായ അനിത ഗോപകുമാർ , അരുൺ കാടാംകുളം, വനജ രാജീവ്, ഡി ഇ ഒ അമൃത, എ ഇ ഒ ബിന്ദു, പ്രിൻസിപ്പൽ പ്രദീപ്കുമാർ, എന്നിവർ പ്രസംഗിച്ചു. ചാത്തന്നൂർ: ഗവ.എൽപി സ്കൂളിലെ പ്രവേശനോത്സവം ചാത്തന്നൂർ ഗ്രാമപഞ്ചായത്ത് വികസന സമിതി ചെയർമാൻ ആർ. സജീവ് കുമാർ ഉദ്ഘാടനം ചെയ്തു. ചാത്തന്നൂർ ഗ്രാമപഞ്ചായത്ത് പ്രസിഡന്‍റ് എസ്. കെ. ചന്ദ്രകുമാർ, ബ്ലോക്ക് പഞ്ചായത്ത് വൈസ് പ്രസിഡന്‍റ് നിർമ്മല വർഗീസ് എന്നിവർ പഠനോപകരണങ്ങളുടെ വിതരണോദ്ഘാടനം നടത്തി. ഗ്രാമപഞ്ചായത്ത് വൈസ് പ്രസിഡന്‍റ് ഒ.മഹേശ്വരി, ആരോഗ്യ വിദ്യാഭ്യാസ സ്റ്റാൻ്റിംഗ്കമ്മിറ്റി ചെയർപേഴ്സൺ സജീന നജീം, ചാത്തന്നൂർ ബ്ലോക്ക് പഞ്ചായത്ത് മെമ്പർ ദസ്തക്കീർ, ചാത്തന്നൂർ ഗ്രാമപഞ്ചായത്ത് അംഗങ്ങളായ റ്റി. ദിജു, ഷീബ മധു, എസ്.ജയകുമാർ എന്നിവർ പ്രസംഗിച്ചു. ചാത്തന്നൂർ : ചാത്തന്നൂർ ഗവ. വൊക്കേഷണൽ ആന്‍റ് ഹയർ സെക്കന്‍ററി സ്കൂൾ പ്രവേശനോത്സവം ജില്ലാ പഞ്ചായത്ത്‌ വൈസ് പ്രസിഡന്‍റ് ശ്രീജ ഹരീഷ് ഉദ്ഘാടനം ചെയ്തു. പി ടി എ പ്രസിഡന്‍റ് ജി. ബിജു അധ്യക്ഷനായിരുന്നു. ഇത്തിക്കര ബ്ലോക്ക്‌ പഞ്ചായത്ത്‌ പ്രസിഡന്‍റ് എം. കെ. ശ്രീകുമാർ , എസ് എം സി ചെയർമാൻ ടി. ദിജു, പി ടി എ വൈസ് പ്രസിഡന്‍റ്എസ്. സേതുലാൽ, വി എച്ച് എസ് ഇ പ്രിൻസിപ്പൽ എസ്. രാഖി, കെ. സിന്ധു, പി. പ്രദീപ്‌, എ. രാജേഷ്, എസ്. സതീശൻ, എസ്. ബിജിലി, ആർ. സി. റീജ, സി. ജി. ശ്രീജനാഥ്‌, സ്റ്റാഫ്‌ സെക്രട്ടറി എ. സുഷമ, ബി. വേണു, നിഷ മോൾ എന്നിവർപ്രസംഗിച്ചു.

ചവറ : ചവറ ഉപജില്ലാതല പ്രവേശനോത്സവം വടക്കുംതല ഗവ.ഡി വി എൽ പി എസിൽ നടന്നു. സുജിത്ത് വിജയൻ പിള്ളഎംഎൽഎ ഉദ്ഘാടനം ചെയ്തു. പന്മന ഗ്രാമപഞ്ചായത്ത് പ്രസിഡന്‍റ് പി. ശ്രീകല അധ്യക്ഷയായി. മുഖ്യപ്രഭാഷണം ബ്ലോക്ക് പഞ്ചായത്ത് പ്രസിഡന്‍റ് സന്തോഷ് തുപ്പാശേത്രിതല പഞ്ചായത്ത് പ്രതിനിധികളായ എസ്. സോമൻ, നിഷ സുനീഷ് , ജോർജ് ചാക്കോ, മല്ലയിൽ അബ്ദുൽ സമദ് ,ഉപജില്ല വിദ്യാഭ്യാസ ഓഫീസർ റ്റി.കെ .അനിത , എസ്എംസി ചെയർമാൻ എം. അനീസ്, സ്കൂൾ പ്രധമാധ്യാപിക അമ്പിളി കുമാരി, വിവിധ സംഘടനാ പ്രതിനിധികൾ എന്നിവർ പ്രസംഗിച്ചു. ചവറ : ഗവ.യുപിഎസ്ചവറ സൗത്തിൽ ചവറ തെക്കുംഭാഗം പഞ്ചായത്ത് തല പ്രവേശനോത്സവം വർണാഭമായി നടന്നു.തെക്കുംഭാഗം ഗ്രാമ പഞ്ചായത്ത് പ്രസിഡന്‍റ് തങ്കച്ചി പ്രഭാകരൻ പ്രവേശനോത്സവം ഉദ്ഘാടനം ചെയ്തു. സ്ക്കൂൾ എസ്. എം.സി ചെയർമാൻ സുനിൽ പള്ളിപ്പാടൻ അധ്യക്ഷനായി. തെക്കുംഭാഗം എസ്എച്ച്ഒ ശ്രീകുമാർ മുഖ്യ പ്രഭാഷണം നടത്തി. തെക്കും ഭാഗം ഗ്രാമ പഞ്ചായത്ത് വൈസ് പ്രസിഡന്‍റ് ് പ്രഭാകരൻ പിള്ള, വിദ്യാഭ്യാസ സ്റ്റാൻഡിംഗ് കമ്മറ്റി ചെയർപേഴ്സൺ അപർണ രാജഗോപാൽ, മെമ്പർമാരായ സജുമോൻ, മീന, സ്മിത .സിന്ധു, എച്ച്എം കൃഷ്ണകുമാരി,സ്റ്റാഫ് സെക്രട്ടറി വി.അഞ്ജു എന്നിവർ പ്രസംഗിച്ചു. ചടങ്ങിൽ പഠനോപകരണങ്ങൾ വിതരണം ചെയ്തു.

മന്ത്രി കനിയുന്നതും കാത്ത് കെഎസ്ആർടിസി ഡിപ്പോ

കൊല്ലം: കെ എസ് ആർ ടി സി കൊല്ലം ഡിപ്പോ താലൂക്ക് ഓഫീസ് ജംഗ്ഷനിലേക്ക് മാറ്റുന്ന പദ്ധതി ധന വകുപ്പിന്‍റെ അനുമതി കിട്ടാതെ നീളുകയാണ്. മന്ത്രി ബാലഗോപാൽ കനിയുന്നതും കാത്ത് കോൾഡ് സ്റ്റോറേജിലാണ് പദ്ധതി. കെ എസ് ആർ ടി സി കൊല്ലം ഡിപ്പോക്ക് ഫണ്ട് അനുമതി നൽകുന്നത് സംബന്ധിച്ച ഫയലിന് ധന വകുപ്പിന്‍റെ അനുമതി കിട്ടാത്തതാണ് പദ്ധതി നീണ്ടുപോകാൻ നിലവിൽ കാരണമായിരിക്കുന്നത്. 16 കോടി മതിപ്പു ചെലവ് പ്രതീക്ഷിക്കുന്ന പദ്ധതിക്ക് അന്തിമ രൂപരേഖയായെങ്കിലും ധന വകുപ്പ് പണം മാത്രം അനുവദിച്ചിട്ടില്ല. ബജറ്റിൽ വകയിരുത്തിയിട്ടുള്ള പദ്ധതിക്ക് ധന വകുപ്പിന്‍റെ പച്ചക്കൊടിയാണ് ഇനി വേണ്ടിയിരിക്കുന്നത്. അതിനുള്ള കാത്തിരിപ്പിലാണ് കൊല്ലക്കാർ. \ കാറ്റത്തോ മഴയാത്തതോ ഏത് സമയവും നിലം പൊത്താറായി നിൽക്കുന്ന കൊല്ലത്തെ കെഎസ്ആർടിസി ഓഫിസീനും ഡിപ്പോക്കും പകരമായി പുതിയ ഡിപ്പോയും ബസ് സ്റ്റാന്‍റും വരുന്നത് കൊല്ലക്കാർ കാത്തിരിക്കാൻ തുടങ്ങിയിട്ട് കാലമേറെയായി. ഇത് സംബന്ധിച്ച് മന്ത്രിമാരുടെയും എം എൽ എ മാരുടെയും കാലപരിധി പറയുന്ന വാഗ്ദാനങ്ങൾ അനന്തമായി തുടരുമ്പോൾ പദ്ധതിക്ക് തുടക്കം കുറിക്കാൻ പോലും കഴിഞ്ഞിട്ടില്ലെന്നതാണ് വാസ്തവം. നിലവിൽ ഡിപ്പോ പ്രവർത്തിക്കുന്ന സ്ഥലം വിനോദ സഞ്ചാര കേന്ദ്രമായി വികസിപ്പിക്കാനാണു ആദ്യം ലക്ഷ്യമിട്ടിരുന്നത്. ഓഫിസ്, ഡിപ്പോ, ഗാരേജ് ഉൾപ്പെടെ മുഴുവൻ സംവിധാനവും താലൂക്ക് ഓഫിസ് ജംഗ്ഷനിൽ നിലവിൽ ഗാരേജ് പ്രവർത്തിക്കുന്ന സ്ഥലത്തേക്കു മാറ്റാനുള്ള പദ്ധതിയാണിത്.ഗാരേജ് പ്രവർത്തിക്കുന്നത് 1.73 ഏക്കർ സ്ഥലത്താണ്. വകുപ്പ് മന്ത്രിയുടെ നിർദേശം കൂടി പരിഗണിച്ചാണ് ഇത്. 16 കോടി രൂപയാണ് ഇതിനായി ചെലവു പ്രതീക്ഷിക്കുന്നത്. കഴിഞ്ഞ ഫെബ്രുവരിയിൽ ഒരു മാസത്തിനുള്ളിൽ പദ്ധതിയുടെ പ്രോജക്ട് സർക്കാരിന് സമർപ്പിക്കുമെന്ന് പറഞ്ഞിരുന്നെങ്കിലും അതിനു കാലതാമസം ഉണ്ടായി. കൊല്ലം ഡിപ്പോ യാഥാർഥ്യമാകുമെന്നു ജനപ്രതിനിധികർ പ്രഖ്യാപങ്ങൾ തുടർന്ന് നടത്തിയെങ്കിലും എല്ലാം അസ്ഥാനത്തായി. നിലവിൽ ഗാരേജ് പ്രവർത്തിക്കുന്ന സ്ഥലത്തേക്കു ഡിപ്പോ മാറ്റുമ്പോൾ, ഗാരേജിനു മതിയായ സ്ഥലം ലഭിക്കാതെ വരും. ഡിപ്പോയിൽ 103 ബസുകൾ ആണ് ഉള്ളത്. ലിങ്ക് റോഡിലും മറ്റുമാണ് വൈകുന്നേരമായാൽ ബസുകൾ പാർക്ക് ചെയ്യാറുള്ളത്. സ്ഥല പരിമിതി പരിഹരിക്കാൻ ഗാരേജ് ചാത്തന്നൂരിലേക്ക് മാറ്റാനായിരുന്നു തീരുമാനിയിച്ചിരുന്നത്. നിലവിൽ ഗാരേജ് പ്രവർത്തിക്കുന്ന സ്ഥലത്ത് രണ്ടുനില കെട്ടിടം നിർമിച്ച് താഴെ ഗാരേജും മുകളിൽ ഓഫിസും ഡിപ്പോയും പ്രവർത്തിപ്പിക്കും. ആധുനിക സൗകര്യങ്ങളോടു കൂടിയ ഡിപ്പോയാണ് ലക്ഷ്യമിടുന്നത്. കോഫി ഷോപ്പ് ഉൾപ്പെടെയുള്ള സംവിധാനങ്ങൾ ഒരുക്കാൻ ലക്ഷ്യമുണ്ട്. താഴത്തെ നില പൂർണമായി ഉപയോഗിക്കാൻ കഴിയുന്നതിനാൽ ഗാരിജ് ചാത്തന്നൂരിലേക്കു മാറ്റുന്നത് ഒഴിവാക്കാനാകും. താലൂക്ക് ഓഫിസ് ജംഗ്ഷന്‍റെ വികസനവും ഇതോടെ നടക്കും. എം.മുകേഷ് എംഎൽഎയാണ് പദ്ധതിക്ക് മുൻകൈ എടുത്തത്. വർഷങ്ങൾ വലിച്ചു നീട്ടപ്പെട്ടെങ്കിലും ധന വകുപ്പിന്‍റെ അനുമതിയുടെ വാതിൽപ്പടി വരെ കാര്യങ്ങൾ എത്തിയത് മുകേഷിന്‍റെ ശ്രമഫലമായാണ്. കാന്‍റീൻ കെട്ടിടം നിൽക്കുന്ന 18 സെന്‍റ് വസ്തു ഉൾപ്പെടെ നിലവിൽ ഡിപ്പോ പ്രവർത്തിക്കുന്ന സ്ഥലത്ത് വിനോദ സഞ്ചാര വികസന പദ്ധതി നടപ്പാക്കാനാണ് ഉദ്ദേശിക്കുന്നത്. ഇതിനു മുന്നിൽ ഹൗസ് ബോട്ടുകൾക്കുള്ള അരീനയും ജലഗതാഗത വകുപ്പിന്‍റെബോട്ട് ജെട്ടിയും നിർമിക്കാനും ലക്ഷ്യമിടുന്നു. കൊല്ലം എം എൽ എ എം. മുകേഷിന്‍റെ ഫണ്ടിൽ നിന്നുള്ള അഞ്ച് കോടിയും ബജറ്റിൽ വകയിരുത്തിയ 10 കോടിയും പദ്ധതിക്കായി ഉപയോഗിക്കുമെന്നാണ് പറഞ്ഞിരിക്കുന്നത്. മൂന്നു വർഷം മുൻപ് വെറും 8 കോടിക്ക് നടപ്പിലാക്കാൻ ആലോചിച്ചിരുന്ന പദ്ധതിയുടെ മതിപ്പു ചെലവ് ഇപ്പോൾ 16 കോടി എത്തുമെന്നാണ് കണക്കാക്കുന്നത്. ബജറ്റിൽ അനുമതി കിട്ടിയെങ്കിലും ധന വകുപ്പ് പണം അനുവദിച്ച ശേഷം മാത്രമേ ടെൻഡർ ഉൾപ്പടെ നിർമാണ നടപടികൾ ആരംഭിക്കാൻ കഴിയൂ. അതിനിനിയും കാലതാമസം വേണ്ടി വന്നാൽ പുതിയ ഡിപ്പോക്കും ബസ് സ്റ്റാന്‍റിനും വേണ്ടിയുള്ള വേണ്ടിയുള്ള കാത്തിരിപ്പ് കൊല്ലക്കാർ കുറഞ്ഞത് രണ്ടു വർഷം കൂടി തുടരേണ്ടി വരും. അജി വള്ളിക്കീഴ്

ബോട്ടുകളും വള്ളങ്ങളും കടലിൽ പോയി; ഫിഷിംഗ് ഹാർബറുകൾ സജീവം

കൊല്ലം: ബോട്ടുകളും വള്ളങ്ങളും മത്സ്യബന്ധനത്തിനായി കടലിൽ പോയതോടെ ജില്ലയിലെ ഫിഷിംഗ് ഹാർബറുകൾ വീണ്ടും സജീവമായി.പ്രതികൂല കാലാവസ്ഥാ മുന്നറിയിപ്പും കൊച്ചിയിൽ കപ്പൽ മുങ്ങിയതുമായി ബന്ധപ്പെട്ട ആശങ്കകൾ കാരണവും ജില്ലയിൽ ഒരാഴ്ചയായി മത്സ്യബന്ധനം തടസപ്പെട്ടിരിക്കയായിരുന്നു. മഴയ്ക്ക് നേരിയ ശമനം ഉണ്ടായതോടെ ഞായർ വൈകുന്നേരം മുതൽ വള്ളങ്ങളിലും ബോട്ടുകളിലും തൊഴിലാളികൾ മത്സ്യബന്ധനത്തിന് പോയത്. ഇന്നലെ രാവിലെ മുതൽ തിരികെ എത്തിയവർക്ക് ആവശ്യത്തിന് മീൻ ലഭിക്കുകയും ചെയ്തു. വാടി തുറമുഖത്ത് നിന്ന് പോയവർക്ക് നെയ്ച്ചാള, പരവ, പാര, താട , കരിക്കാടി ചെമ്മീൻ തുടങ്ങിയവാണ് ലഭിച്ചത്. ശക്തികുളങ്ങരയിലും നീണ്ടകരയിലും ഇത് തന്നെയായിരുന്നു സ്ഥിതി.എല്ലായിടത്തും തീരത്ത് എത്തിച്ച മീനുകൾ പൂർണമായും നിമിഷങ്ങൾക്കകം ലേലത്തിൽ വിറ്റുപോയി. വില അൽപ്പം കൂടുതലായിരുന്നു എന്നു മാത്രം.വൈകുന്നേരം മുതൽ തിരിച്ചെത്തിയ ബോട്ടുകൾക്കും ആവശ്യത്തിന് മത്സ്യം കിട്ടി. സാധാരണ ഗതിയിൽ ട്രോളിംഗ് നിരോധനം കഴിഞ്ഞ ശേഷമാണ് കരിക്കാടി കൊഞ്ച് കിട്ടാറുള്ളത്. എന്നാൽ ഇന്നലെ വള്ളക്കാർക്കും ബോട്ടുകളിൽ പോയവർക്കും നല്ല രീതിയിൽ കരിക്കാടി കിട്ടി. അതേ സമയം മത്സ്യം വാങ്ങാൻ പലരും വിമുഖത കാട്ടുന്നതായി ഹാർബറുകളിൽ നിന്ന് മീനെടുത്ത് ചന്തകളിലും വീടുകളിലുമൊക്കെ കൊണ്ടുപോയി വിറ്റഴിക്കുന്ന ചെറുകിട കച്ചവടക്കാർ പറഞ്ഞു. സ്ഥിരമായി മത്സ്യം വാങ്ങുന്ന പലരും ഇന്നലെ വാങ്ങാൻ കൂട്ടാക്കിയില്ല.മുങ്ങിയ കപ്പലിൽ നിന്ന് ഏറ്റവും കൂടുതൽ കണ്ടെയ്നറുകൾ അടിഞ്ഞത് കൊല്ലത്തെ തീരപ്രദേശങ്ങളിലാണ്. ഇവ പൂർണമായും അവിടങ്ങളിൽ നിന്ന് മാറ്റിയിട്ടുമില്ല. ഇതൊക്കെയാണ് ആൾക്കാൾ മീൻ വാങ്ങി കഴിക്കാൻ താത്പര്യം കാണിക്കാത്തതിന്‍റെ പ്രധാന കാരണം. അതേ സമയം മത്സ്യം കഴിക്കുന്നത് കൊണ്ട് ഒരു കുഴപ്പവുമില്ലെന്ന് അധികൃതർ വ്യക്തമാക്കിയിരുന്നു. ശക്തികുളങ്ങരയിൽ മന്ത്രി കെ.എൻ. ബാലഗോപാലും കരുനാഗപ്പള്ളി അഴീക്കലിൽ കെ.സി. വേണുഗോപാൽ എംപിയും നാട്ടുകാർക്ക് ഒപ്പം മത്സ്യ വിഭവങ്ങൾ അടങ്ങിയ ഭക്ഷണം കഴിച്ച് ബോധവത്ക്കരണം നടത്തുകയുണ്ടായി. സംസ്ഥാനത്ത് ട്രോളിംഗ് നിരോധനം ആരംഭിക്കാൻ എതാനും ദിവസങ്ങൾ മാത്രമേയുള്ളൂ. ഈ മാസം ഒമ്പത് മുതൽ ജൂലൈ 31 വരെയാണ് ട്രോളിംഗ് നിരോധനം. അതിനു മുമ്പുള്ള വിരലിലെണ്ണാവുന്ന ദിവസങ്ങളിൽ കാലാവസ്ഥ അനുകൂലമായാൽ കടലമ്മ കനിയുമെന്ന പ്രതീക്ഷയിലാണ് കൊല്ലത്തെ മത്സ്യത്തൊഴിലാളി സമൂഹം.

വൈദ്യുതി പ്രശ്നം പരിഹരിക്കാൻ എംഎൽഎയുടെ ഇടപെടീൽ

കുണ്ടറ:കുണ്ടറയുടെ പല ഭാഗങ്ങളിലും മഴക്കെടുതിയിൽ താറുമാറായ വൈദ്യുതിബന്ധം നാല് ദിവസം കഴിയുമ്പോഴും പുനസ്ഥാപിക്കാൻ കഴിയാത്തത് മൂലം ജനങ്ങൾ വലിയ ബുദ്ധിമുട്ടിലാണെന്ന് പി.സി. വിഷ്ണു നാഥ്‌ എം എൽ എ പറഞ്ഞു. ഇതിന് അടിയന്തരമായി പരിഹാരം കാണണമെന്ന് ആവശ്യപ്പെട്ട് വൈദ്യുതി വകുപ്പ് മന്ത്രിക്ക് എം എൽ എ കത്ത് നൽകി. കുഞ്ഞുങ്ങളും, രോഗികളും, പ്രായമായവരുമൊ ക്കെയുള്ള കുടുംബങ്ങൾ കടുത്ത പ്രയാസത്തിലാണ്. തകരാറിലായ വൈദ്യുതി തൂണുകൾ മാറ്റുന്നതിനായി തൂണുകളുടെ ദൗർലഭ്യത നേരിടുന്നതായി നേരിട്ട് മനസിലാക്കുവാൻ കഴിഞ്ഞു. ഇത് പരിഹരിക്കുവാൻ വേണ്ട അടിയന്തിര നടപടികൾ സ്വീകരിക്കണമെന്ന് ആവശ്യപ്പെട്ടാണ് മന്ത്രിക്ക്‌ എംഎൽഎ കത്ത് നൽകിയത്. നിയോജക മണ്ഡലത്തിലെ വിവിധ പ്രദേശങ്ങളിൽ എംഎൽഎ നേരിട്ട് എത്തി സ്ഥിതി ഗതികൾ വിലയിരുത്തുകയും കെഎസ്ഇബി ഉദ്യോഗസ്ഥരുമായി ആശയവിനിമയം നടത്തി തകരാർ പരിഹരിക്കാനുള്ള നിർദ്ദേശങ്ങൾ നൽകുകയും ചെയ്തു.

കേരളത്തിലെ ഭരണം തൊഴിലാളി വിരുദ്ധം: ബാബു ദിവാകരൻ

കൊല്ലം: കേരളത്തിലെ പിണറായി വിജയ െ ന്‍റ നേതൃത്വത്തിലുള്ള സർക്കാർ തൊഴിലാളി വിരുദ്ധ നിലപാടുകൾ മൂലം കൊല്ലം ജില്ലയിലെ പരമ്പരാഗത തൊഴിൽ മേഖല പൂർണമായി സ്തംഭിച്ചെന്നു മുൻമന്ത്രി ബാബു ദിവാകരൻ. ആർ എസ് പി നേതാവും മുൻ എം എൽ എയുമായ എസ്. ത്യാഗരാജ െ ന്‍റ മൂന്നാമത് ചരമവാർഷിക ദിനാചരണ ഭാഗമായി ജില്ലാ കമ്മിറ്റി ഓഫിസിൻ സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു ബാബു ദിവാകരൻ. ജില്ലാ സെക്രട്ടറി കെ.എസ്. വേണുഗോപാൽ അധ്യക്ഷത വഹിച്ചു. യോഗത്തിൽ ഇടവനശേരി സുരേന്ദ്രൻ, ടി. സി. വിജയൻ, പി. പ്രകാശ്ബാബു, ആർ. സുനിൽ, സജി. ഡി. ആനന്ദ്, ടി.കെ. സുൽഫി ഇരവിപുരം നിയോജക മണ്ഡലം സെക്രട്ടറി എൻ .നൗഷാദ്, ഡി. എസ്. സുരേഷ് കുമാർ എന്നിവർ പ്രസംഗിച്ചു.

രാജ്യത്ത് ഏറ്റവും കൂടുതൽ സ്കൂളുകൾ കേരളത്തിൽ: മന്ത്രി

കൊല്ലം: ജനസംഖ്യയുടെ ശതമാനാടിസ്ഥാനത്തിൽ ഇന്ത്യയിൽ എറ്റവും കൂടുതൽ സ്കൂളുകൾ ഉള്ളത് കേരളത്തിലാണെന്ന് മന്ത്രി കെ.എൻ. ബാലഗോപാൽ. പൊതു വിദ്യാഭ്യാസത്തിന് എറ്റുവുമധികം പണം ചെലവഴിക്കുന്ന സംസ്ഥാനം കേരളമാണെന്നും അദ്ദേഹം കൂട്ടിച്ചേർത്തു. മീയണ്ണൂർ സർക്കാർ എൽപി സ്കൂളി െ ന്‍റ പുതിയ കെട്ടിടം അദ്ദേഹം ഉദ്ഘാടനംചെയ്തുപ്രസംഗിക്കുകയായിരുന്നു. കോളജുകളിൽ ഡിജിറ്റൽ വിദ്യാഭ്യാസത്തി െ ന്‍റ ഭാഗമായി കൂടുതൽ സൗകര്യങ്ങൾ ഒരുക്കും. ഇതിനായി കിഫ്‌ബി 250 കോടി രൂപയുടെ പദ്ധതി നടപ്പാക്കും. സ്കൂളുകളുടെ അടിസ്ഥാന സൗകര്യം വികസിപ്പിക്കാൻ വിവിധ പദ്ധതികൾ നടപ്പിലാക്കുകയാണ്. കൊട്ടാരക്കരയിൽ വിവിധ ഇടങ്ങളിയായി അക്കാഡമിക് ക്ലസ്റ്ററുകൾ ഒരുങ്ങുന്നു. പുതിയ സ്കൂൾ കെട്ടിടത്തിൽ വിശാലമായ സ്മാർട്ട്‌ ക്ലാസ് മുറികളുണ്ട്. കുട്ടികൾക്ക് ഭക്ഷണം കഴിക്കാനുള്ള സൗകര്യത്തിനൊപ്പം അടുക്കളയും ഒരുക്കുന്നുണ്ടെന്നും മന്ത്രി പറഞ്ഞു. പി. സി. വിഷ്ണുനാഥ് എംഎൽഎ അധ്യക്ഷനായി. ജില്ലാ പഞ്ചായത്ത്‌ അംഗം പ്രിജി ശശിധരൻ, ബ്ലോക്ക്‌ പഞ്ചായത്ത്‌ പ്രസിഡന്‍റ് ബി. യശോദ, നെടുമ്പന ഗ്രാമപഞ്ചായത്ത്‌ പ്രസിഡന്‍റ് എസ്. ഗിരിജാകുമാരി, ഹെഡ്മിസ്ട്രസ് ജസിയ ബീഗം തുടങ്ങിയവർ പങ്കെടുത്തു.

മുട്ടയ്ക്കാവ് സർക്കാർ എൽപിഎസിന് പുതിയ കെട്ടിടം തുറന്നു കൊടുത്ത് മന്ത്രി

കൊല്ലം: മുട്ടയ്ക്കാവ് സർക്കാർ എൽപിഎസിന് നിർമിച്ച പുതിയ കെട്ടിടം മന്ത്രി കെ. എൻ. ബാലഗോപാൽ ഉദ്ഘാടനം ചെയ്തു. വിദ്യാഭ്യാസ മേഖലയുടെ സമഗ്ര മുന്നേറ്റത്തിനായി നടപ്പാക്കിയ പദ്ധതികളുടെ ശ്രമഫലമായി കേരളം രാജ്യത്ത് ഒന്നാമതാണെന്നു ഉദ്ഘാടന പ്രസംഗത്തിൽ മന്ത്രി കെ.എൻ. ബാലഗോപാൽ പറഞ്ഞു. ഒരു കോടി രൂപ ചെലവഴിച്ചാണ് പുതിയ കെട്ടിടം നിർമിച്ചത്. 15 ലക്ഷം മുടക്കി വർണകൂടാരവും ഒരുക്കിയിട്ടുണ്ട്. ഇന്‍റർനെറ്റ്‌ സൗകര്യങ്ങൾ, സ്മാർട്ട്‌ ക്ലാസ് റൂമുകൾ എന്നിവയും പുതിയ കെട്ടിടത്തിൽ ലഭ്യമാണ്. മികച്ച വിദ്യാഭ്യാസത്തിലൂടെ മികവുറ്റ ഭാവി പുതുതലമുറയ്ക്കായി ഉറപ്പാക്കുകയാണ് സർക്കാർ എന്നും മന്ത്രി പറഞ്ഞു. പി.സി. വിഷ്ണുനാഥ് എം എൽഎ അധ്യക്ഷനായി. ജില്ലാ പഞ്ചായത്ത് അംഗം എൻ.എസ്.പ്രസന്നകുമാർ, നെടുമ്പന ഗ്രാമപഞ്ചായത്ത്‌ പ്രസിഡന്‍റ് എസ്. ഗിരിജാകുമാരി, വൈസ് പ്രസിഡന്‍റ് ബി. സുധാകരൻ നായർ, പ്രിൻസിപ്പൽ ഹസീന ബീഗം, പഞ്ചായത്ത്‌ അംഗങ്ങൾ,വിദ്യാർഥികൾ തുടങ്ങിയവർ പങ്കെടുത്തു.

കൊട്ടാരക്കര റസ്റ്റ് ഹൗസ് നവീകരിച്ചു

കൊട്ടാരക്കര: കൂടുതല്‍ സൗകര്യങ്ങള്‍ ഉള്‍പ്പെടുത്തി നവീകരിച്ച കൊട്ടാരക്കര പൊതുമരാമത്ത് വിശ്രമകേന്ദ്രത്തിന് പുതിയമുഖം. ആവശ്യക്കാരുടെ എണ്ണം വര്‍ധിക്കുന്നത് കണക്കിലെടുത്ത് റസ്റ്റ് ഹൗസിന്‍റെസൗകര്യങ്ങള്‍ വർധിപ്പിച്ചു. ഒന്‍പത് മുറികള്‍, കാന്റീൻ, കോര്‍ട്ട് യാര്‍ഡ്, കോണ്‍ഫറന്‍സ് ഹാള്‍ എന്നീ സൗകര്യങ്ങള്‍ ഉള്‍പ്പെടുത്തിയാണ് വിപുലീകരണം. നവീകരിച്ച സംവിധാനങ്ങളുടെ ഉദ്ഘാടനം മന്ത്രി കെ. എന്‍. ബാലഗോപാല്‍ നിര്‍വഹിച്ചു. എല്ലാ മേഖലയിലുമെന്ന പോലെ താമസ സൗകര്യവികസനത്തിലും സര്‍ക്കാര്‍ നടത്തുന്ന ഇടപടെലിന് ഉദാഹരണമാണ് റസ്റ്റ് ഹൗസിന്‍റെ മാറ്റമെന്ന് അദ്ദേഹം പറഞ്ഞു. ആവശ്യാനുസരണം കൂടുതല്‍ സൗകര്യങ്ങള്‍ ഇത്തരം കേന്ദ്രങ്ങളിലെല്ലാം നടപ്പിലാക്കുന്നത് പരിഗണിക്കുമെന്നും മന്ത്രി പറഞ്ഞു. പ്ലാന്‍ ഫണ്ടില്‍ നിന്നും 74.60 ലക്ഷം രൂപ വിനിയോഗിച്ച് ആറ് മാസ കാലയളവിനുള്ളിലാണ് നവീകരണം പൂര്‍ത്തിയാക്കിയത്.

ഗ്ലോബൽ അലൂമ്നി മീറ്റ് - ഗ്രിഗോറിയൻ സംഗമ സംഘാടക സമിതി രൂപീകരണം നാളെ

കൊട്ടാരക്കര : സെന്‍റ് ഗ്രിഗോറിയോസ് കോളജ് വജ്ര ജൂബിലി ആഘോഷങ്ങളുടെ ഭാഗമായി ജൂലൈ 12ന് നടക്കുന്ന പൂർവ വിദ്യാർഥി കുടുംബ സംഗമം ഗ്ലോബൽ അലൂമ്നി മീറ്റ് - ഗ്രിഗോറിയൻ സംഗമത്തിന്‍റെ സംഘാടക സമിതി രൂപീകരണം നാളെ ഉച്ചക്ക് ശേഷം 3.30ന് കോളജ് സെമിനാർ ഹാളിൽ നടക്കും. മാനേജ്മെന്‍റ് പ്രതിനിധികൾ, അലുമ്നി അസോസിയേഷൻ നിർവാഹക സമിതി അംഗങ്ങൾ, പൂർവ വിദ്യാർഥികൾ, മുൻകാല അധ്യാപകർ, ഡിപ്പാർട്ട്മെന്‍റ് മേധാവികൾ എന്നിവർ പങ്കെടുക്കുമെന്ന് ഭാരവാഹികൾ അറിയിച്ചു.

വൈദികർക്കെതിരേയുള്ള ആക്രമണത്തെ അപലപിച്ച് കെഎൽസിഎ കൊ ല്ലം രൂപത

കൊല്ലം : വൈദികർക്കെതിരെ ഒറീസയിൽ നടന്ന ആക്രമണത്തെ അപലപിച്ച് കെഎൽസിഎ കൊല്ലം രൂപത. ഭരണഘടന ഉറപ്പുനൽകുന്ന മതസ്വാതന്ത്ര്യത്തിനു മേലുള്ള കടന്നുകയറ്റമാണ് ഇന്ത്യയിലുടനീളം നടത്തുന്നതെന്ന് കെഎൽസിഎ കൊല്ലം രൂപത കുറ്റപ്പെടുത്തി. മതേതര മൂല്യങ്ങളെ ഉയർത്തിപ്പിടിക്കുന്ന ഭാരതത്തിൽ ഇത് ഒറ്റപ്പെട്ട സംഭവമല്ല. കഴിഞ്ഞ കുറെ നാളുകളായി ഇത്തരക്കാർക്ക് മൗന അനുവാദം നൽകുകയാണ് കേന്ദ്രസർക്കാർ ചെയ്യുന്നത്. മാസങ്ങൾക്കു മുമ്പ് സമാനമായ സംഭവം മധ്യപ്രദേശിലും അരങ്ങേറി. ക്രൈസ്തവ മൂല്യങ്ങൾ എന്താണെന്ന് അറിയാത്തവരാണ് ഇത്തരത്തിലുള്ള കാടത്തങ്ങൾ കാട്ടിക്കൂട്ടുന്നത്. സ്നേഹം, ക്ഷമ, സമാധാനം, എന്നീ മൂല്യങ്ങളെ ക്രൈസ്തവ സഭ ഉയർത്തിപ്പിടിക്കുന്നു. എന്നു കരുതി വിശ്വാസത്തെ വ്രണപ്പെടുത്തുവാൻ നോക്കിയാൽ കൈയുംകെട്ടി നോക്കിയിരിക്കില്ലെന്നു കെഎൽസിഎ പറഞ്ഞു. കഴിഞ്ഞ കുറെ നാളുകൾ ആയി നിലനിന്നിരുന്ന സമാധാന അന്തരീക്ഷം ഒഡീസയിൽ ബിജെപി സർക്കാർ അധികാരത്തിലെത്തിയ ശേഷം തകർന്നിരിക്കുകയാണ്. ഇത്തരം വർഗീയവാദികളെ പിടികൂടി നിയമത്തിനു മുന്നിൽ കൊണ്ടുവന്നില്ലെങ്കിൽ ശക്തമായ പ്രതിഷേധത്തിന് സാക്ഷ്യം വഹിക്കേണ്ടി വരുമെന്നും യോഗം ഉദ്ഘാടനം ചെയ്ത രൂപതാ പ്രസിഡന്‍റ് ലെസ്റ്റർകാർഡോസ് പറഞ്ഞു. ജനറൽ സെക്രട്ടറി ജാക്സൺ നീണ്ടകര, ലറ്റീഷ്യ, ജോസഫ് കുട്ടി കടവിൽ, അഡ്വ. നെറ്റോ, ഡൽസി, എഡിസൺ അലക്സ്, അജിതാ ഷാജി, റോണ റിബൈരോ, എന്നിവർ പ്രസംഗിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]