അ​മ്പ​ല​പ്പു​ഴ ​ശ്രീ​കൃ​ഷ്ണസ്വാ​മി ക്ഷേ​ത്ര​ത്തി​ലെ ഉ​ത്സ​വം ആ​റാ​ട്ടോ​ടെ സ​മാ​പി​ച്ചു
Saturday, March 18, 2023 11:03 PM IST
അ​മ്പ​ല​പ്പു​ഴ:​അ​മ്പ​ല​പ്പു​ഴ ​ശ്രീ​കൃ​ഷ്ണസ്വാ​മി ക്ഷേ​ത്ര​ത്തി​ലെ ഉ​ത്സ​വം ആ​റാ​ട്ടോ​ടെ സ​മാ​പി​ച്ചു. ക​ഞ്ഞി​പ്പാ​ടം വ​ട്ട​പ്പാ​യി​ത്ര ക്ഷേ​ത്ര​ത്തി​ൽനി​ന്ന് പ​ള്ളി​വാ​ൾ എ​ത്തി​ച്ചു. തു​ട​ർ​ന്ന് വൈ​കു​ന്നേ​രം 5.30 ഓ​ടെ ക്ഷേ​ത്ര​ത്തി​ൽനി​ന്ന് ആ​റാ​ട്ട് പു​റ​പ്പെട്ടു. ഏഴ് ആ​ന​ക​ളാ​ണ് ഉ​ണ്ടാ​യി​രു​ന്ന​ത്.ഇ​ത്ത​വ​ണ മു​ല്ല​ക്ക​ല്‍ ബാ​ല​കൃ​ഷ്ണ​നാ​ണ് ഭ​ഗ​വാ​ന്‍റെ തി​ട​മ്പേ​റ്റി​യ​ത്. 

    വൈ​കി​ട്ട് തി​രു​ആ​റാ​ട്ട് ​സം​ഘം ഇ​ര​ട്ട​ക്കു​ള​ങ്ങ​ര ക്ഷേ​ത്ര​ത്തി​ലെ​ത്തി. ക്ഷേ​ത്ര​ക്കു​ള​ത്തി​ൽ നീ​രാ​ടി​യ​ശേ​ഷം രാ​ത്രി 9ന് ​ആ​റാ​ട്ട് ​തി​രി​ച്ചെ​ഴു​ന്നള്ളത്ത് ആ​രം​ഭി​ച്ചു. പ​ഞ്ച​വാ​ദ്യ​ങ്ങ​ളു​ടെ​യും താ​ള​മേ​ള​ങ്ങ​ളു​ടെ അ​ക​മ്പ​ടി​യോ​ടെ എ​ഴു​ന്ന​ള്ളി​യ ​അ​മ്പ​ല​പ്പു​ഴ ​ക​ണ്ണ​ന് വി​വി​ധ​യി​ട​ങ്ങ​ളി​ൽ വ​ര​വേ​ൽ​പ്പ് ന​ൽ​കി. 

മീ​ന​മാ​സ​ത്തി​ലെ തി​രു​വോ​ണം ആ​റാ​ട്ട് എ​ന്ന ക​ണ​ക്കി​ലാ​ണ് അ​മ്പ​ല​പ്പു​ഴ ശ്രീ​കൃ​ഷ്ണ​സ്വാ​മി ക്ഷേ​ത്ര​ത്തി​ലെ തി​രു​വു​ത്സ​വം ചെ​മ്പ​ക​ശേ​രി ദേ​വ​നാ​രാ​യ​ണ രാ​ജാ​വ് ചി​ട്ട​പ്പെ​ടു​ത്തി​യി​ട്ടു​ള്ള​ത് . ഏ​ഴ് ദി​വ​സ​ത്തെ ഉ​ത്സ​വ​ബ​ലി , എ​ട്ടു ദി​വ​സ​ങ്ങ​ളാ​യി ന​ട​ക്കു​ന്ന വേ​ല​ക​ളി , രാ​ത്രി ന​ട​ക്കു​ന്ന വി​ള​ക്കെ​ഴു​ന്ന​ള്ളി​പ്പ് എ​ല്ലാം ഭ​ക്ത​ജ​ന​ങ്ങ​ൾ​ക്ക് ഏ​റെ ആ​ത്മീ​യ അ​നു​ഭൂ​തി ന​ൽ​കു​ന്ന ച​ട​ങ്ങു​ക​ളാ​ണ് .ഇ​ന്ന് ന​ട​ക്കു​ന്ന ദ്വാ​ദ​ശി പ​ണം സ​മ​ർ​പ്പ​ണ​ത്തോ​ടെ ഉ​ത്സ​വച്ചട​ങ്ങു​ക​ൾ അ​വ​സാ​നി​ച്ചത്.
Copyright @ 2022 , Rashtra Deepika Ltd.