അ​ല്‍​മേ​റെ (നെ​ത​ര്‍​ലന്‍​ഡ്സ്): രാ​ഗ​ഭാ​വ​വും താ​ള​ബോ​ധ​വും സ​മ​ന്വ​യി​ച്ചു യൂ​റോ​പ്യ​ന്‍ മ​ണ്ണി​ല്‍ പെ​യ്തി​റ​ങ്ങിയ ക​ര്‍​ണാ​ട​ക സം​ഗീ​തം ""സ്വ​രാ​ക്ഷ​ര 2025’’ ഇ​ന്ത്യ​ന്‍ സം​ഗീ​ത പ്രേ​മി​ക​ള്‍​ക്ക് അ​വി​സ്മ​ര​ണീ​യ​മാ​യി.

സ്വ​ര​ല​യ സ്കൂ​ള്‍ ഓ​ഫ് മ്യൂ​സി​ക്കി​ന്‍റെ വാ​ര്‍​ഷി​കാ​ഘോ​ഷം ​""സ്വ​രാ​ക്ഷ​ര 2025’’ അ​ല്‍​മേ​റെ​യി​ലെ കു​ന്‍​സ്റ്റ്ലൈ​ന്‍ തി​യേ​റ്റ​റി​ല്‍ നടത്തപ്പെട്ടു. പ​ത്മ​ഭൂ​ഷ​ണ്‍ പു​ര​സ്കാ​ര ജേ​താ​വും പ്ര​മു​ഖ ക​ര്‍ണാ​ട​ക സം​ഗീ​ത​ജ്ഞ​യു​മാ​യ വി​ദു​ഷി സു​ധ ര​ഘു​നാ​ഥ​നും അം​ബാ​സ​ഡ​ര്‍ കു​മാ​ര്‍ തു​ഹി​നും ചേ​ര്‍​ന്നാ​ണ് ഉ​ദ്ഘാ​ട​നം നി​ര്‍​വ​ഹി​ച്ച​ത്.

ഈ​ണ​ങ്ങ​ളു​ടെ​യും പാ​ര​മ്പ​ര്യ​ത്തി​ന്‍റെയും ആ​ഘോ​ഷ​ത്തി​ന്‍റെ​യും ഈ ​ഒ​ത്തു​ചേ​ര​ല്‍ യൂ​റോ​പ്പി​ലെ ഇ​ന്ത്യ​ന്‍ സം​ഗീ​ത പ്രേ​മി​ക​ള്‍​ക്ക് അ​വി​സ്മ​ര​ണീ​യ​മാ​യ അ​നു​ഭ​വ​മാ​യി. അ​റി​വി​ന്‍റെ​യും ക​ല​യു​ടെ​യും നി​ത്യ​ജ്വാ​ല​യെ പ്ര​തീ​കാ​ത്മ​ക​മാ​യി ദീ​പം കൊ​ളു​ത്തി​ക്കൊ​ണ്ടാ​ണ് ച​ട​ങ്ങു​ക​ള്‍​ക്ക് തു​ട​ക്ക​മാ​യ​ത്. വി​ദു​ഷി സു​ധ ര​ഘു​നാ​ഥ​ന്‍, വി​ദേ​ശ​ത്തെ യു​വ​ത​ല​മു​റ​യി​ല്‍ ക​ര്‍​ണാ​ട​ക സം​ഗീ​ത പാ​ര​മ്പ​ര്യം പ​രി​പോ​ഷി​പ്പി​ക്കു​ന്ന സ്വ​ര​ല​യ​യു​ടെ ശ്ര​മ​ങ്ങ​ളെ അ​ഭി​ന​ന്ദി​ച്ചു. അം​ബാ​സ​ഡ​ര്‍ തു​ഹി​ന്‍, ഇ​ന്ത്യ​യു​ടെ സാം​സ്കാ​രി​ക സ്വാ​ധീ​നം ശ​ക്തി​പ്പെ​ടു​ത്തു​ന്ന​തി​ലും സാം​സ്കാ​രി​ക സൗ​ഹൃ​ദം വ​ള​ര്‍​ത്തു​ന്ന​തി​ലും സ്വ​രാ​ക്ഷ​ര പോ​ലു​ള്ള സം​രം​ഭ​ങ്ങ​ളു​ടെ പ​ങ്ക് ഊ​ന്നി​പ്പ​റ​ഞ്ഞു.


വി​വി​ധ യൂ​റോ​പ്യ​ന്‍ രാ​ജ്യ​ങ്ങ​ളി​ല്‍ നി​ന്നു​ള്ള 280 വി​ദ്യാ​ര്‍​ഥി​ക​ളു​ള്‍​പ്പെ​ടെ 700ല്‍ ​അ​ധി​കം പേ​ര്‍ ച​ട​ങ്ങി​ല്‍ പ​ങ്കെ​ടു​ത്തു. വി​ദ്യാ​ര്‍​ഥിക​ള്‍ അ​വ​ത​രി​പ്പി​ച്ച ക​ര്‍​ണാ​ട​ക വാ​യ്പാ​ട്ട്, ഉ​പ​ക​ര​ണ സം​ഗീ​തം, ഭ​ക്തി​ഗാ​ന​ങ്ങ​ള്‍ എ​ന്നി​വ​യു​ടെ പ്ര​ക​ട​ന​ങ്ങ​ള്‍ ശ്ര​ദ്ധേ​യ​മാ​യി. കൃ​തി​ക​ള്‍, ഭ​ജ​ന​ക​ള്‍, ശ്ലോ​ക​ങ്ങ​ള്‍ എ​ന്നി​വ ഉ​ള്‍​പ്പെ​ടു​ന്ന വൈ​വി​ധ്യ​മാ​ര്‍​ന്ന പ​രി​പാ​ടി​ക​ള്‍ വേ​ദി​യി​ല്‍ അ​ര​ങ്ങേ​റി.

ക​ര്‍​ണാ​ട​ക സം​ഗീ​തം ലോ​ക​മെ​മ്പാ​ടും പ്ര​സ​ക്ത​വും ഊ​ര്‍​ജ്ജ​സ്വ​ല​വു​മാ​ക്കു​ക എ​ന്ന സ്വ​ര​ല​യ​യു​ടെ കാ​ഴ്ച​പ്പാ​ട് ഈ ​പ​രി​പാ​ടി​യി​ലും വ്യ​ക്ത​മാ​യി​രു​ന്നു. വി​വി​ധ യൂ​റോ​പ്യ​ന്‍ രാ​ജ്യ​ങ്ങ​ളി​ല്‍ നി​ന്നു​ള്ള അ​ധ്യാപ​ക​രും വി​ദ്യാ​ര്‍​ഥി​ക​ളും ചേ​ര്‍​ന്ന് ഭാ​ര​ത​ത്തി​ന്‍റെ ശാ​സ്ത്രീ​യ സം​ഗീ​ത പാ​ര​മ്പ​ര്യം നി​ല​നി​ര്‍​ത്തു​ന്ന ഒ​രു മി​ക​ച്ച സാം​സ്കാ​രി​ക ലോ​കം വേ​ദി​യി​ല്‍ സൃ​ഷ്ടി​ച്ചു. പ​രി​പാ​ടി വി​ജ​യ​ക​ര​മാ​ക്കാ​ന്‍ സ​ഹ​ക​രി​ച്ച വി​ദ്യാ​ര്‍​ഥിക​ള്‍, ര​ക്ഷി​താ​ക്ക​ള്‍, സ്പോ​ണ്‍​സ​ര്‍​മാ​ര്‍, സ​ന്ന​ദ്ധ​പ്ര​വ​ര്‍​ത്ത​ക​ര്‍ എ​ന്നി​വ​ര്‍​ക്ക് സ്വ​ര​ല​യ​യു​ടെ ഡ​യ​റ​ക്ട​റും ടീ​മും ന​ന്ദി അ​റി​യി​ച്ചു. ക​ര്‍​ണാ​ട​ക സം​ഗീ​ത​ത്തി​ന്‍റെ താ​ളം വ​ന്‍​ക​ര​ക​ള്‍ ക​ട​ന്നും മു​ഴ​ങ്ങു​മെ​ന്ന് ഉ​റ​പ്പു​വ​രു​ത്തി​ക്കൊ​ണ്ട്, നൂ​റു​ക​ണ​ക്കി​ന് യു​വ സം​ഗീ​ത​ജ്ഞ​ര്‍​ക്ക് പ്ര​ചോ​ദ​ന​മാ​യി സ്വ​ര​ല​യ യാ​ത്ര തു​ട​രു​ക​യാ​ണ്.