ദുരിതാശ്വാസത്തിന് എസ്ബിഐ ജീവനക്കാരുടെ 7.95 കോടി കൂടി
Wednesday, May 20, 2020 12:14 AM IST
കൊച്ചി: സ്റ്റേറ്റ് ബാങ്ക് ഓഫ് ഇന്ത്യ(എസ്ബിഐ)യിലെ ജീവനക്കാര് പിഎം കെയേഴ്സ് ഫണ്ടിലേക്ക് അധികമായി 7.95 കോടി രൂപ കൂടി സംഭാവന ചെയ്യാന് തീരുമാനിച്ചു. ഇതോടെ ഒരു ദിവസത്തെ ശമ്പളവും ഒരു ദിവസത്തെ അവധി എന്ക്യാഷ്മെന്റും ചേര്ത്ത് എസ്ബിഐ ജീവനക്കാര് നല്കിയ ആകെ സംഭാവന 107.95 കോടിയാകും. പിഎം കെയേഴ്സ് ഫണ്ടിലേക്ക് മാര്ച്ചില് എസ്ബിഐയിലെ 2,56,000 ജീവനക്കാര് 100 കോടി രൂപ സംഭാവന നല്കിയിരുന്നു.