മ​ഴ കു​റ​യു​ന്പോ​ൾ നി​ർ​മാ​ണ​പ്ര​വൃ​ത്തി​ക​ൾ ദ്രു​ത​ഗ​തി​യി​ൽ തീ​ർ​ക്ക​ണം: ക​ള​ക്ട​ർ
Sunday, July 27, 2025 7:25 AM IST
തൃ​ശൂ​ർ: ജി​ല്ല​യി​ൽ ശ​ക്ത​മാ​യ മ​ഴ തു​ട​രു​ന്ന​തി​നാ​ൽ ഡാ​മു​ക​ൾ തു​റ​ക്കു​ന്ന സാ​ഹ​ച​ര്യ​ത്തി​ലും മ​ണ്ണി​ടി​ച്ചി​ൽ​പോ​ലു​ള്ള കാ​ര്യ​ങ്ങ​ളി​ലും മു​ൻ​ക​രു​ത​ൽ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നു ജി​ല്ലാ ക​ള​ക്ട​ർ അ​ർ​ജു​ൻ പാ​ണ്ഡ്യ​ൻ വ​കു​പ്പു​ക​ൾ​ക്കു നി​ർ​ദേ​ശം ന​ൽ​കി. ക​ള​ക്ട​റേ​റ്റ് എ​ക്സി​ക്യൂ​ട്ടീ​വ് ഹാ​ളി​ൽ ചേ​ർ​ന്ന ജി​ല്ലാ വി​ക​സ​ന​സ​മി​തി യോ​ഗ​ത്തി​ൽ അ​ധ്യ​ക്ഷ​ത​വ​ഹി​ച്ചു സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

മ​ഴ​മൂ​ലം നി​ർ​ത്തി​വ​ച്ച നി​ർ​മാ​ണ​പ്ര​വൃ​ത്തി​ക​ൾ മ​ഴ കു​റ​യു​ന്ന​തി​ന​നു​സ​രി​ച്ചു ദ്രു​ത​ഗ​തി​യി​ൽ തീ​ർ​ക്ക​ണം. മ​ഴ​ക്കാ​ല​ത്തു ബ​സു​ക​ൾ സ്റ്റോ​പ്പു​ക​ളി​ൽ നി​ർ​ത്താ​തെ​യും വി​ദ്യാ​ർ​ഥി​ക​ളെ ക​യ​റ്റാ​തെ​യും പോ​കു​ന്ന​തു സം​ബ​ന്ധി​ച്ച് ഒ​രു​പാ​ട് പ​രാ​തി​ക​ൾ ല​ഭി​ക്കു​ന്നു​ണ്ട്. ഇ​ക്കാ​ര്യ​ത്തി​ൽ പ​രി​ഹാ​ര​ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് ആ​ർ​ടി​ഒ​യ്ക്കു യോ​ഗം നി​ർ​ദേ​ശം ന​ൽ​കി. ന​വ​കേ​ര​ള​സ​ദ​സു​മാ​യി ബ​ന്ധ​പ്പെ​ട്ട പ്ര​വൃ​ത്തി​ക​ൾ സ​മ​യ​ബ​ന്ധി​ത​മാ​യി ന​ട​പ്പി​ലാ​ക്കേ​ണ്ട​താ​ണെ​ന്നും നി​ർ​ദേ​ശി​ച്ചു.

മെ​ഡി​ക്ക​ൽ കോ​ള​ജി​ലേ​ക്കു രാ​ത്രി​കാ​ല​ങ്ങ​ളി​ൽ ബ​സ് സൗ​ക​ര്യം കു​റ​വാ​ണെ​ന്ന​ത് ശ്ര​ദ്ധ​യി​ൽ​പ്പെ​ട്ട​തി​നെ​തു​ട​ർ​ന്ന് അ​ര​മ​ണി​ക്കൂ​ർ ഇ​ട​വി​ട്ട സ​ർ​വീ​സ് ന​ട​ത്താ​മെ​ന്ന് ആ​ർ​ടി​ഒ​യു​ടെ ചേം​ബ​റി​ൽ ന​ട​ത്തി​യ മീ​റ്റിം​ഗി​ൽ ബ​സു​ട​മ​ക​ൾ സ​മ്മ​തി​ച്ചി​ട്ടു​ണ്ടെ​ന്നും ക​ഴി​ഞ്ഞ ആ​ർ​ടി​എ ബോ​ർ​ഡ് മീ​റ്റിം​ഗി​ൽ തൃ​ശൂ​ർ - മു​ണ്ടൂ​ർ - മെ​ഡി​ക്ക​ൽ കോ​ള​ജ് റൂ​ട്ടി​ൽ ബ​സ് ഓ​ടു​ന്ന​തി​നു ന​ട​പ​ടി​യാ​യി​ട്ടു​ണ്ടെ​ന്നും അ​ധി​കൃ​ത​ർ അ​റി​യി​ച്ചു.

അ​ന്ത​രി​ച്ച മു​ൻ​മു​ഖ്യ​മ​ന്ത്രി വി.​എ​സ്. അ​ച്യു​താ​ന​ന്ദ​നെ അ​നു​സ്മ​രി​ച്ച് ആ​രം​ഭി​ച്ച യോ​ഗ​ത്തി​ൽ എം​എ​ൽ​എ​മാ​രാ​യ കെ.​കെ. രാ​മ​ച​ന്ദ്ര​ൻ, എ​ൻ.​കെ. അ​ക്ബ​ർ, യു.​ആ​ർ. പ്ര​ദീ​പ്, സേ​വ്യ​ർ ചി​റ്റി​ല​പ്പി​ള്ളി എ​ന്നി​വ​രും കേ​ന്ദ്ര സ​ഹ​മ​ന്ത്രി സു​രേ​ഷ് ഗോ​പി, മ​ന്ത്രി​മാ​രാ​യ കെ. ​രാ​ജ​ൻ, ഡോ. ​ആ​ർ. ബി​ന്ദു, ബെ​ന്നി ബെ​ഹ​നാ​ൻ എം​പി എ​ന്നി​വ​രു​ടെ പ്ര​തി​നി​ധി​ക​ളും ജി​ല്ലാ പ്ലാ​നിം​ഗ് ഓ​ഫീ​സ​ർ ടി.​വി. ഷാ​ജു, വി​വി​ധ വ​കു​പ്പു​ത​ല ഉ​ദ്യോ​ഗ​സ്ഥ​ർ തു​ട​ങ്ങി​യ​വ​രും പ​ങ്കെ​ടു​ത്തു.
Copyright @ 2018 , Rashtra Deepika Ltd.