ര​ണ്ട​ര ദി​വ​സം: ബൈ​ക്ക് പാ​ർ​ക്കിം​ഗി​ന് ഈ​ടാ​ക്കി​യ​ത് 845 രൂ​പ..!
Monday, July 28, 2025 1:42 AM IST
തൃ​ശൂ​ർ: റെ​യി​ൽ​വേ സ്റ്റേ​ഷ​നി​ൽ പാ​ർ​ക്കിം​ഗി​ന്‍റെ പേ​രി​ൽ പ​ക​ൽ​ക്കൊ​ള്ള. 19ന് ​സ്റ്റേ​ഷ​നി​ൽ പാ​ർ​ക്ക് ചെ​യ്ത ബൈ​ക്ക് 21ന് ​എ​ടു​ക്കു​ന്പോ​ൾ 845 രൂ​പ​യാ​ണ് ഈ​ടാ​ക്കി​യ​ത്. ആ​കെ ര​ണ്ടു ദി​വ​സ​വും 15 മ​ണി​ക്കൂ​റു​മാ​ണു പാ​ർ​ക്ക് ചെ​യ്ത​ത്. പാ​ർ​ക്കിം​ഗ് നി​ര​ക്ക് മേ​യ്, ജൂ​ണ്‍ മാ​സ​ങ്ങ​ളി​ൽ ര​ണ്ടു ഘ​ട്ട​ങ്ങ​ളി​ലാ​ണ് അ​മി​ത​മാ​യി വ​ർ​ധി​പ്പി​ച്ച​ത്. എ​ന്നാ​ൽ, ആ​നു​പാ​തി​ക​മാ​യ സൗ​ക​ര്യ​ങ്ങ​ളും മെ​ച്ച​പ്പെ​ടു​ത്തി​യി​ട്ടി​ല്ല. ഇ​പ്പോ​ഴ​ത്തെ ക​ണ​ക്കു നോ​ക്കി​യാ​ൽ 50 മു​ത​ൽ 70 ശ​ത​മാ​നം​വ​രെ ഒ​റ്റ​യ​ടി​ക്കു നി​ര​ക്കു​കൂ​ട്ടി. പ്രീ​മി​യ​മെ​ന്ന പേ​രി​ലാ​ണു വ​ൻ കൊ​ള്ള ന​ട​ക്കു​ന്ന​ത്. റെ​യി​വേ സ്റ്റേ​ഷ​ന്‍റെ പ്ര​ധാ​ന ക​വാ​ട​ത്തി​ന​രി​കെ പാ​ർ​ക്ക് ചെ​യ്യാ​മെ​ന്ന​താ​ണു പ്രീ​മി​യം കൊ​ണ്ട് ഉ​ദ്ദേ​ശി​ക്കു​ന്ന​ത്.

അ​മി​ത നി​ര​ക്കി​നെ​തി​രേ മേ​യി​ൽ റെ​യി​ൽ​വേ​യ്ക്കു പ​രാ​തി​ന​ൽ​കി​യെ​ങ്കി​ലും മ​റു​പ​ടി​പോ​ലും ല​ഭി​ച്ചി​ല്ലെ​ന്നു ടു​വീ​ലേ​ഴ്സ് യൂ​സേ​ഴ്സ് അ​സോ​ഷി​യേ​ഷ​ൻ ചൂ​ണ്ടി​ക്കാ​ട്ടു​ന്നു. എ​ല്ലാ സ​ർ​ക്കാ​ ർ സ്ഥാ​പ​ന​ങ്ങ​ളി​ലും ജ​ന​ങ്ങ​ൾ​ക്കു സ​മ​യ​ബ​ന്ധി​ത​മാ​യി വി​വ​ര​ങ്ങ​ൾ ല​ഭ്യ​മാ​ക്കാ​ൻ പ​ബ്ലി​ക് ഇ​ൻ​ഫ​ർ​മേ​ഷ​ൻ ഓ​ഫീ​സ​ർ വേ​ണ​മെ​ന്നു നി​യ​മ​മു​ണ്ടെ​ങ്കി​ലും തൃ​ശൂ​ർ റെ​യി​ൽ​വേ സ്റ്റേ​ഷ​നി​ൽ ഇ​ങ്ങ​നെ​യൊ​രാ​ളി​ല്ല. വി​വ​രാ​കാ​ശ പ്ര​കാ​ര​മു​ള്ള ചോ​ദ്യ​ങ്ങ​ൾ​ക്കു മ​റു​പ​ടി ല​ഭി​ക്കു​ന്നി​ല്ല.

നീ​തീ​ക​രി​ക്കാ​ൻ ക​ഴി​യാ​ത്ത നി​ര​ക്കു​ക​ൾ പി​ൻ​വ​ലി​ക്ക​ണ​മെ​ന്നു അ​സോ​സി​യേ​ഷ​ൻ ചെ​യ​ർ​മാ​ൻ ജെ​യിം​സ് മു​ട്ടി​ക്ക​ൽ, ഗോ​പ​കു​മാ​ർ, സ​ജി ആ​റ്റ​ത്ര, പി.​ആ​ർ. ഹ​രി​ദാ​സ്, വി​നോ​ദ് മേ​മ​ഠ​ത്തി​ൽ, സെ​യ്തു മു​ഹ​മ്മ​ദ്, മു​ര​ളി ഇ​ളം​കു​റ്റി​യാ​ട്ട്, കെ. ​മോ​ഹ​ന​ൻ എ​ന്നി​വ​ർ ആ​വ​ശ്യ​പ്പെ​ട്ടു.
Copyright @ 2018 , Rashtra Deepika Ltd.