നെ​യ്യാ​ർ​ഡാം: നെ​യ്യാ​ർ കു​ടി​വെ​ള്ള പ​ദ്ധ​തി​ക്ക് അ​കാ​ല​ച​ര​മം. എ​ഡി​ബി പ​ദ്ധ​തി​യി​ൽ 1096 കോ​ടി ചെ​ല​വി​ട്ട് ന​ഗ​ര​ത്തി​ൽ 24 മ​ണി​ക്കൂ​റും കു​ടി​വെ​ള്ളം ഉ​റ​പ്പാ​ക്കു​മെ​ന്ന് പ​റ​യു​ന്ന വാ​ട്ട​ർ അ​ഥോ​റി​റ്റി വെ​ള്ളം എ​വി​ടെ നി​ന്നെ​ത്തി​ക്കു​മെ​ന്നു മാ​ത്രം പ​റ​യു​ന്നി​ല്ല.

അ​രു​വി​ക്ക​ര മാ​ത്ര​മാ​ണ് ന​ഗ​ര​ത്തി​ലേ​ക്കു​ള്ള കു​ടി​വെ​ള്ള സ്രോ​ത​സ്. ഇ​വി​ടെ ക്ഷാ​മ​മു​ണ്ടാ​യാ​ൽ പ​രി​ഹ​രി​ക്കാ​നാ​ണ് നെ​യ്യാ​റി​ൽ 120 എം​എ​ൽ​ഡി കു​ടി​വെ​ള്ള പ്ളാ​ന്‍റ് സ്ഥാ​പി​ക്കാ​ൻ 2015-ൽ ​തീ​രു​മാ​നി​ച്ച​ത്. എ​ന്നാ​ൽ 10 വ​ർ​ഷ​മാ​യി​ട്ടും പ​ദ്ധ​തി തു​ട​ങ്ങി​യ​യി​ട​ത്ത് ത​ന്നെ​യാ​ണ്. ടെ​ൻ​ഡ​റ​ട​ക്ക​മു​ള്ള പ്രാ​രം​ഭ​ഘ​ട്ടം മു​ത​ൽ പ​ദ്ധ​തി അ​ട്ടി​മ​റി​ക്കാ​നാ​യി​രു​ന്നു ശ്ര​മം.

2019-ലാ​ണ് ആ​ദ്യം ടെ​ൻ​ഡ​ർ വി​ളി​ച്ച​ത്. എ​ന്നാ​ൽ തു​ക പോ​രെ​ന്നു പ​റ​ഞ്ഞ് ക​രാ​റു​കാ​ര​ൻ പി​ന്മാ​റി. ക​രാ​റു​കാ​ര​ൻ ആ​വ​ശ്യ​പ്പെ​ട്ട തു​ക കൂ​ടു​ത​നാ​യ​തി​നാ​ൽ റീ​ടെ​ൻ​ഡ​റും സ​ർ​ക്കാ​ർ റ​ദ്ദാ​ക്കി. വീ​ണ്ടും ടെ​ൻ​ഡ​ർ വി​ളി​ച്ചെ​ങ്കി​ലും പൈ​പ്പ് ലൈ​ൻ അ​ലൈ​ൻ​മെ​ന്‍റി​ൽ കി​ഫ്ബി ഉ​ട​ക്കി​ട്ട​തോ​ടെ വീ​ണ്ടും റ​ദ്ദാ​ക്കി.

തു​ട​ർ​ന്നു പി​ന്നീ​ട് ടെ​ൻ​ഡ​ർ ക്ഷ​ണി​ച്ച​പ്പോ​ൾ ശാ​സ്ത​മം​ഗ​ലം കൊ​ച്ചാ​ർ റോ​ഡി​ലെ ഷി​ക്കാ​ഗോ ക​ൺ​സ്ട്ര​ക്ഷ​ൻ​സ് ഇ​ന്‍റ​ർ​നാ​ഷ​ണ​ൽ പ്രൈ​വ​റ്റ് ലി​മി​റ്റ​ഡ് 91.09 കോ​ടി ക്വാ​ട്ട് ചെ​യ്തു. 68.61 കോ​ടി​യാ​യി​രു​ന്നു വാ​ട്ട​ർ അ​ഥോ​റി​റ്റി​യു​ടെ എ​സ്റ്റി​മേ​റ്റ്. എ​ന്നാ​ൽ ക​മ്പ​നി ക്വാ​ട്ട് ചെ​യ്ത തു​ക 46 ശ​ത​മാ​നം ഉ​യ​ർ​ന്ന​താ​യി​രു​ന്നു. എ​സ്റ്റി​മേ​റ്റി​നെ​ക്കാ​ൾ 10 ശ​ത​മാ​ന​ത്തി​ന് മു​ക​ളി​ൽ ക്വാ​ട്ട് ചെ​യ്യു​ന്ന ടെ​ൻ​ഡ​ർ അം​ഗീ​ക​രി​ക്കാ​ൻ മ​ന്ത്രി​സ​ഭ​യു​ടെ അ​നു​മ​തി വേ​ണം.

എ​ന്നാ​ൽ പ​ദ്ധ​തി​ക്കു​ള്ള സ്ഥ​ലം ക​ണ്ടെ​ത്തി പ്ളാ​ന്‍റും വി​ത​ര​ണ ലൈ​നും സ്ഥാ​പി​ക്കാ​ൻ ഒ​റ്റ ടെ​ൻ​ഡ​ർ ക്ഷ​ണി​ക്ക​ണ​മെ​ന്നാ​യി​രു​ന്നു സ​ർ​ക്കാ​ർ നി​ർ​ദേ​ശം. എ​ന്നി​ട്ടും വാ​ട്ട​ർ അ​ഥോ​റി​റ്റി ഇ​തു​വ​രെ അ​ന​ങ്ങി​യി​ല്ല. ടെ​ൻ​ഡ​ർ ത​ള്ളി​യ വി​വ​രം ഷി​ക്കാ​ഗോ ക​മ്പ​നി​യെ അ​റി​യി​ച്ച​തു​മി​ല്ല. മ​റു​പ​ടി​യൊ​ന്നും ല​ഭി​ക്കാ​ത്ത​തി​നാ​ൽ ഒ​രാ​ഴ്ച മു​മ്പ് ക​മ്പ​നി ക​രാ​റി​ൽ​നി​ന്നു പി​ന്മാ​റി. അ​തോ​ടെ ഈ ​പ​ദ്ധ​തി ഇ​ല്ലാ​താ​കു​മെ​ന്നാ​ണ് സൂ​ച​ന.

അ​രു​വി​ക്ക​ര, പേ​പ്പാ​റ സം​ഭ​ര​ണി​ക​ളി​ൽ ജ​ല​ദൗ​ർ​ല​ഭ്യം അ​നു​ഭ​വ​പ്പെ​ടു​ന്ന സ്ഥി​തി​യു​ള്ള​തി​നാ​ൽ ഇ​വ​യെ​മാ​ത്രം ആ​ശ്ര​യി​ച്ച് മു​ന്നോ​ട്ടു​പോ​കാ​നാ​വി​ല്ല എ​ന്ന സ്ഥി​തി പ​രി​ഗ​ണി​ച്ചാ​ണ് ബ​ദ​ൽ സം​ഭ​ര​ണ സ്രോ​ത​സ് എ​ന്ന നി​ല​യി​ൽ സ​ർ​ക്കാ​ർ ഇ​ത്ത​ര​മൊ​രു പ​ദ്ധ​തി​ക്ക് രൂ​പം ന​ൽ​കി​യ​ത്.

നെ​യ്യാ​ർ​ഡാ​മി​ൽ​നി​ന്നു​ള്ള വെ​ള്ളം സ​മീ​പം സ്ഥാ​പി​ക്കു​ന്ന പ്ലാ​ന്‍റി​ൽ ശു​ദ്ധീ​ക​രി​ച്ച് പി​ടി​പി ന​ഗ​റി​ലെ സം​ഭ​ര​ണി​യി​ൽ ശേ​ഖ​രി​ച്ച് വി​ത​ര​ണം ചെ​യ്യു​ന്ന​താ​ണ് പ​ദ്ധ​തി. ഉ​യ​ർ​ന്ന പ്ര​ദേ​ശ​മാ​യ നെ​യ്യാ​ർ​ഡാ​മി​ൽ​നി​ന്നു ശു​ദ്ധീ​ക​രി​ച്ച വെ​ള്ളം വീ​ണ്ടു​മൊ​രു പ​മ്പിം​ഗ് കൂ​ടാ​തെ 24 കി​ലോ​മീ​റ്റ​ർ ദൂ​ര​ത്തി​ൽ സ്ഥാ​പി​ക്കു​ന്ന പൈ​പ്പു​ക​ളി​ലൂ​ടെ സ്വാ​ഭാ​വി​ക​മാ​യ ഒ​ഴു​ക്കി​ൽ പി​ടി​പി ന​ഗ​റി​ലെ സം​ഭ​ര​ണി​യി​ൽ എ​ത്തി​ക്കാ​നാ​കു​മെ​ന്ന വി​ദ​ഗ്ദ്ധ നി​ർ​ദേ​ശ​ത്തി​ലാ​ണ് പ​ദ്ധ​തി യാ​ഥാ​ർ​ഥ്യ​മാ​കു​ന്ന​ത്. ഇ​തി​നാ​യി ഈ ​ദൂ​ര​മ​ത്ര​യും 1400 മി​ല്ലീ​മീ​റ്റ​ർ വ്യാ​സ​മു​ള്ള മൈ​ൽ​ഡ് സ്റ്റീ​ൽ പൈ​പ്പു​ക​ളാ​ണ് സ്ഥാ​പി​ക്കു​ക.

പ്ര​ധാ​ന റോ​ഡ് കു​ഴി​ക്കു​ന്ന​ത് പ​ര​മാ​വ​ധി ഒ​ഴി​വാ​ക്കി​യു​ള്ള ദൂ​രം നെ​യ്യാ​ർ​ഡാം ക​നാ​ലി​ന്‍റെ​യും, ബ​ണ്ട് റോ​ഡു​ക​ളി​ലൂ​ടെ​യും, ബാ​ക്കി റോ​ഡ​രി​കി​ലൂ​ടെ​യും പൈ​പ്പ് സ്ഥാ​പി​ക്കാ​നാ​ണ് തീ​രു​മാ​നം. ഒ​രു വ​ർ​ഷ​ത്തി​ന​കം പ​ദ്ധ​തി പൂ​ർ​ത്തി​യാ​കു​മെ​ന്നാ​ണ് ജ​ല അ​ഥോ​റി​റ്റി അ​റി​യി​ച്ചി​ട്ടു​ള്ള​ത്. തു​ട​ങ്ങു​ന്ന​ത് കൂ​റ്റ​ൻ പ​ദ്ധ​തി 20 എം​എ​ൽ​ഡി ശേ​ഷി​യു​ള്ള ജ​ല​ശു​ദ്ധീ​ക​ര​ണ​ശാ​ല​യാ​ണ് നെ​യ്യാ​ർ​ഡാ​മി​ൽ സ്ഥാ​പി​ക്കു​ന്ന​ത്. ഇ​തി​ൽ 100 എം​എ​ൽ​ഡി. വെ​ള്ളം ന​ഗ​ര​ത്തി​നും, ബാ​ക്കി 20 സ​മീ​പ​ത്തെ വി​ള​പ്പി​ൽ, വി​ള​വൂ​ർ​ക്ക​ൽ, മ​ല​യി​ൻ​കീ​ഴ്, മാ​റ​ന​ല്ലൂ​ർ പ​ഞ്ചാ​യ​ത്തു​ക​ൾ​ക്കു​മാ​ണ്.