ADVERTISEMENT

ADVERTISEMENT

പേവിഷബാധക്കെതിരേ ബോധവത്ക്കരണം ശക്തമാക്കണം : എം.കെ. റഫീഖ

മലപ്പുറം: ശാസ്ത്രീയ അറിവിലൂടെ മാത്രമേ രോഗപ്രതിരോധം സാധ്യമാകൂവെന്നും പേവിഷബാധക്കെതിരെയുള്ള ബോധവത്ക്കരണം ജനങ്ങളിലെത്തിക്കാൻ വിദ്യാർഥികൾ രംഗത്തിറങ്ങണമെന്നും ജില്ലാ പഞ്ചായത്ത് പ്രസിഡന്‍റ് എം.കെ. റഫീഖ പറഞ്ഞു.

ആരോഗ്യവകുപ്പ് സംസ്ഥാന വ്യാപകമായി വിദ്യാലയങ്ങൾ കേന്ദ്രീകരിച്ച് നടത്തുന്ന റാബിസ് (പേവിഷബാധ) സ്പെഷൽ അസംബ്ലിയുടെ ജില്ലാതല ഉദ്ഘാടനം നിർവഹിച്ച് സംസാരിക്കുകയായിരുന്നു അവർ.

മലപ്പുറം ഗവണ്‍മെന്‍റ് ഗേൾസ് ഹയർ സെക്കൻഡറി സ്കൂളിൽ നടന്ന ചടങ്ങിൽ ജില്ലാ മെഡിക്കൽ ഓഫീസർ ഡോ. ആർ.രേണുക അധ്യക്ഷയായിരുന്നു. ഡെപ്യൂട്ടി ജില്ലാ മെഡിക്കൽ ഓഫീസർ ഡോ.എ.ഷിബുലാൽ മുഖ്യപ്രഭാഷണം നടത്തി.

നഗരസഭാ സ്റ്റാൻഡിംഗ് കമ്മിറ്റി ചെയർമാൻ പരി അബ്ദുൾ ഹമീദ്, നഗരസഭാഗം സുരേഷ്, ജില്ലാ സർവൈലൻസ് ഓഫീസർ ഡോ.സി.ഷുബിൻ, തദ്ദേശ വകുപ്പ് ജോയിന്‍റ് ഡയറക്ടർ ജോസഫ് സെബാസ്റ്റ്യൻ, വിദ്യാഭ്യാസ ഉപഡയറക്ടറേറ്റ് അഡ്മിനിസ്ട്രേറ്റീവ് അസിസ്റ്റന്‍റ് എം.ആർ. ധന്യ, ചീഫ് വെറ്ററിനറി ഓഫീസർ, ഡോ.കെ.ഷാജി, പ്രിൻസിപ്പൽ വി.പി.ഷാജു, ഹെഡ്മിസ്ട്രസ് കെ.ടി. ജസീല, ജില്ലാ എഡ്യൂക്കേഷൻ മീഡിയ ഓഫീസർ കെ.പി. സാദിഖ് അലി, ടെക്നിക്കൽ അസിസ്റ്റന്‍റ് എം.ഷാഹുൽ ഹമീദ്, പിടിഎ വൈസ് പ്രസിഡന്‍റ് എം.ടി. ഉമ്മർ, എസ്എംസി ചെയർമാൻ യു.ജാഫർ, ജില്ലാ വെറ്ററിനറി എപ്പിഡമോളജിസ്റ്റ് ഡോ.എ.ഷമിം, ഐഇസി കണ്‍സൾട്ടന്‍റ് ഇ.ആർ. ദിവ്യ എന്നിവർ പങ്കെടുത്തു.

ADVERTISEMENT

ഏഴുകണ്ണിപാലം അണ്ടർപാസിൽ ഗതാഗതക്കുരുക്ക് രൂക്ഷമാകുന്നു

പെരിന്തൽമണ്ണ : അങ്ങാടിപ്പുറം റെയിൽവേ മേൽപാലം നവീകരണത്തിനായി അടച്ചതോടെ പെരിന്തൽമണ്ണയിലെ വിവിധ ഭാഗങ്ങളിൽ ഗതാഗതക്കുരുക്ക് രൂക്ഷം. വാഹനങ്ങൾ ബദൽ വഴികളിലൂടെയാണ് ലക്ഷ്യസ്ഥാനത്തെത്തുന്നത്. ഇന്നലെ പ്രവൃത്തി ദിവസമായതിനാൽ പെരിന്തൽമണ്ണയിലെ വിവിധ സ്ഥാപനങ്ങളിൽ ജോലി ചെയ്യുന്നവർ, വിദ്യാർഥികൾ, ആശുപത്രിയിൽ എത്തേണ്ടവർ എന്നിവരെല്ലാം വളരെ പ്രയാസപ്പെട്ടാണ് സ്ഥാപനങ്ങളിലെത്തിയത്. ഒരാടംപാലം - വലന്പൂർ റോഡിൽ വാഹനങ്ങൾ വർധിച്ചത് മൂലം ആ വഴിയിൽ ഗതാഗതകുരുക്ക് രൂക്ഷമായിട്ടുണ്ട്. ഇതിന്‍റെ ഫലമായി ഇരുചക്ര വാഹനങ്ങൾക്ക് പെരിന്തൽമണ്ണയിൽ എത്താൻ എളുപ്പമാർഗമായി ഏഴുകണ്ണിപാലം അണ്ടർപാസ് മാറിയിട്ടുണ്ട്. ഇരുച്ചക്രവാഹനങ്ങൾ ഈ വഴിയിലൂടെയാണ് കടന്നുപോകുന്നത്. അണ്ടർപാസിലൂടെ പോകുന്ന വാഹനങ്ങളുടെ എണ്ണം കൂടുതലായതോടെ ഇവിടെയും ഗതാഗതതടസം നേരിടുകയാണ്. അങ്ങാടിപ്പുറത്ത് റോഡ് അടച്ചതോടെ പെരിന്തൽമണ്ണയിലേക്ക് വരുന്ന യാത്രക്കാരും വ്യാപാരികളുമാണ് ഏറ്റവും കൂടുതൽ ബുദ്ധിമുട്ടനുഭവിക്കുന്നത്. അറ്റകുറ്റപ്പണികൾ നടക്കുന്ന അങ്ങാടിപ്പുറത്ത് ഫ്ലഡ്ലിറ്റ് സംവിധാനത്തിലൂടെ രാത്രികാലങ്ങളിലും യുദ്ധകാല അടിസ്ഥാനത്തിൽ പ്രവൃത്തി നടത്തണമെന്ന്് പെരിന്തൽമണ്ണ മർച്ചന്‍റ്സ് അസോസിയേഷൻ ഭാരവാഹികൾ ആവശ്യപ്പെട്ടു.

മേലേ കാളികാവ് ജനവാസ കേന്ദ്രത്തിൽ കാട്ടുപന്നിയുടെ പാതി ഭക്ഷിച്ച ജഡം

കാളികാവ്: മേലേ കാളികാവ് ജനവാസ കേന്ദ്രത്തിൽ കാട്ടുപന്നിയുടെ ജഡം വന്യമൃഗം വേട്ടയാടി ഭക്ഷിച്ച നിലയിൽ കണ്ടെത്തി. മേലേ കാളികാവിലെ പ്രധാന കുളിക്കടവിന് സമീപത്താണ് കാട്ടുപന്നിയുടെ ജഡവും വന്യമൃഗത്തിന്‍റെ കാൽപ്പാടുകളും കണ്ടത്. മൂന്ന് ഭാഗവും ജനങ്ങൾ തിങ്ങിപ്പാർക്കുന്ന പ്രദേശമാണ് മേലേ കാളികാവ്. പുല്ലങ്കോട് എസ്റ്റേറ്റ് അതിർത്തിയോട് ചേർന്ന ഉള്ളാട്ടിൽ എസ്റ്റേറ്റിനു സമീപത്ത് കഴുങ്ങിൻ തോട്ടത്തിലാണ് ജഡം കാണപ്പെട്ടത്. പന്നിയെ വേട്ടയാടുന്ന ശബ്ദം കേട്ടതായും അജ്ഞാത ജീവി ഓടിപ്പോകുന്നത് കണ്ടതായും പ്രദേശവാസികൾ പറയുന്നു. കാൽപ്പാടുകൾ അവ്യക്തമാണെങ്കിലും കടുവയുടേതാണെന്ന നിഗമനത്തിലാണ് നാട്ടുകാർ.ടാപ്പിംഗ് തൊഴിലാളിയെ കൊലപ്പെടുത്തിയ റാവുത്തൻകാടുമായി മൂന്ന് കിലോമീറ്റർ ദൂരത്തിലാണ് മേലേ കാളികാവ്. പ്രദേശത്തെ ജനങ്ങളുടെ സുരക്ഷ ഉറപ്പുവരുത്തുന്നതിന് നടപടി സ്വീകരിക്കണമെന്ന് വാർഡ് മെംബർ കവിത സാജു വനപാലകരോട് പറഞ്ഞു. മേലേ കാളികാവുകാരുടെ പ്രധാനപ്പെട്ട ജലസ്രോതസുകൾക്ക് സമീപത്താണ് കാട്ടുപന്നിയുടെ ജഢം കണ്ടത്. ജനങ്ങളുടെ ജീവന് ഭീഷണിയായതായി പ്രദേശവാസികൾ പറഞ്ഞു. സ്ഥലത്ത് സായുധരായ വനപാലകർ സ്ഥലം പരിശോധിക്കുകയും കാമറ സ്ഥാപിക്കുകയും ചെയ്തു. കാൽപ്പാടുകൾ അവ്യക്തമായതിനാലും പന്നിയുടെ അവശിഷ്ടം മാത്രമായതിനാലും വേട്ടയാടിയ മൃഗം ഏതാണെന്ന് സ്ഥിരീകരിച്ചിട്ടില്ല. കുളിക്കടവിലേക്ക് വരുന്നതും പ്രദേശത്ത് കൂടിയുള്ള സഞ്ചാരവും വനം വകുപ്പ് വിലക്കിയിട്ടുണ്ട്.

നിലന്പൂർ - നായാടംപൊയിൽ റോഡ് തകർന്നു

നിലന്പൂർ: നിലന്പൂർ - നായാടംപൊയിൽ മലയോരപാതയിലെ ഗർത്തങ്ങൾ യാത്രക്കാർക്ക് ദുരിതമാകുന്നു. മലയോര പാതയിൽ ആറാം ബ്ലോക്ക് മുതൽ വെണ്ടേക്കുംപൊയിൽ വരെയുള്ള റോഡിന്‍റെ ഭാഗങ്ങളാണ് പൊട്ടിപൊളിഞ്ഞ് വാഹനങ്ങൾക്ക് കടന്നുപോകാൻ പ്രയാസം സൃഷ്ടിക്കുന്നത്. നിലന്പൂർ - നായാടംപൊയിൽ മലയോര ഹൈവേയുടെ നിർമാണം ഉടൻ ആരംഭിക്കുമെന്ന കാരണം പറഞ്ഞാണ് പൊതുമരാമത്ത് വകുപ്പ് റോഡിലെ വലതും ചെറുതുമായ കുഴികൾ നികത്താത്തത്. ചെറിയ ഫണ്ട് അനുവദിച്ചാൽ ഏറെ പ്രയാസം സൃഷ്ടിക്കുന്ന ഭാഗങ്ങളിലെ കുഴികൾ അടച്ച് പ്രശ്നം പരിഹരിക്കാനാകും. 2004 ലാണ് നിലന്പൂർ -നായാടംപൊയിൽ മലയോര ഹൈവേ യാഥാർഥ്യമായത്. അതിന് ശേഷം അറ്റകുറ്റപണികൾ നടത്തുന്നതിൽ പൊതുമരാമത്ത് വകുപ്പ് കാണിക്കുന്ന അനാസ്ഥയാണ് റോഡിന്‍റെ തകർച്ചക്ക് കാരണം. നിലന്പൂരിൽ നിന്ന്് കക്കാടംപൊയിലിലേക്ക് ആകെയുള്ളത് കെഎസ്ആർടിസിയുടെ ഒരു ബസാണ്. റോഡ് അടിയന്തരമായി അറ്റകുറ്റപണി നടത്തിയില്ലെങ്കിൽ ഈ ബസ് സർവീസ് നിലയ്ക്കും. മലബാറിലെ തന്നെ പ്രധാന ടൂറിസം കേന്ദ്രമായ കക്കാടംപൊയിലിലേക്കുള്ള റോഡ് കൂടിയാണ്. ഒന്പത് ആദിവാസി നഗറുകളിലെ കുടുംബങ്ങളുടെയും നൂറുക്കണക്കിന് കർഷക കുടുംബങ്ങളുടെയും ഏക യാത്രാമാർഗമാണ് ഈ റോഡ്. ഹൈവേ നിർമാണം ഉടൻ ആരംഭിക്കുമെങ്കിലും ഈ മഴക്കാലത്തെ ദുരിതയാത്ര അവസാനിപ്പിക്കാൻ പൊതുമരാമത്ത് വകുപ്പ് അടിയന്തരമായി ഇടപെടണമെന്നാണ് നാട്ടുകാരുടെയും യാത്രക്കാരുടെയും ആവശ്യം.

പുന്നക്കാട് - വാക്കോട് റോഡ് തകർച്ചാ ഭീഷണിയിൽ

കരുവാരകുണ്ട്: പുന്നക്കാട് - വാക്കോട് റോഡ് തകർന്നതിനെ തുടർന്ന് പ്രദേശവാസികൾക്ക് ദുരിതയാത്ര. വെള്ളക്കെട്ടും കുഴിയും രൂപപ്പെട്ട റോഡിലൂടെ യാത്ര ചെയ്യാൻ കാൽനടയാത്രക്കാരും പ്രയാസപ്പെടുകയാണ്. റോഡ് തകർച്ചയെ തുടർന്ന് ഓട്ടോറിക്ഷ അടക്കമുള്ള ടാക്സി വാഹനങ്ങളും ഇതുവഴി സർവീസ് നടത്താൻ കൂട്ടാക്കുന്നില്ല. സ്കൂൾ വിദ്യാർഥികളടക്കമുള്ള നൂറുക്കണക്കിന് ആളുകളുടെ സഞ്ചാരപാതയാണ് അധികൃതരുടെ പിടിപ്പുകേടിനെ തുടർന്ന് ചെളിക്കുളമായി തീർന്നത്. ഇതു വഴി ഓടിയാൽ വാഹനം തകരാറിലാകുന്നതായും ഓട്ടോ തൊഴിലാളികളും ചൂണ്ടിക്കാട്ടുന്നു. എത്രയും വേഗം റോഡിന്‍റെ തകർച്ച പരിഹരിച്ച് ജനങ്ങളുടെ യാത്രാക്ലേശം പരിഹരിക്കണമെന്നാണ് നാട്ടുകാർ ആവശ്യപ്പെടുന്നത്.

ഭിന്നശേഷിക്കാർക്ക് സ്കൂട്ടർ വിതരണം ചെയ്തു

മങ്കട : മങ്കട ബ്ലോക്ക് പഞ്ചായത്ത് പരിധിയിലെ വിവിധ ഗ്രാമപഞ്ചായത്തുകളിലെ ഭിന്നശേഷി വിഭാഗത്തിൽപ്പെട്ടവർക്കായി സൈഡ് വീൽ ഘടിപ്പിച്ച സ്കൂട്ടർ വിതരണം ചെയ്തു. മഞ്ഞളാംകുഴി അലി എംഎൽഎ വിതരണോദ്ഘാടനം നിർവഹിച്ചു. ബ്ലോക്ക് പഞ്ചായത്ത് പ്രസിഡന്‍റ് ടി.അബ്ദുൾകരീം അധ്യക്ഷത വഹിച്ചു. മങ്കട ഗ്രാമപഞ്ചായത്ത് പ്രസിഡന്‍റ് അഡ്വ. കെ.അസ്ഗർ അലി, ബ്ലോക്ക് വൈസ് പ്രസിഡന്‍റ് കെ.വി. ജുവൈരിയ, സ്ഥിര സമിതി അധ്യക്ഷൻമാരായ ഫൗസിയ പെരുന്പള്ളി, ടി.കെ. ശശീന്ദ്രൻ, ഷരീഫ് ചുണ്ടയിൽ, മെംബർമാരായ ഷബീബ തൊരപ്പ, കെ.പി.അസ്മാബി, ഒ. മുഹമ്മദ്കുട്ടി, ജമീല, കുറവ പഞ്ചായത്ത് മെംബർ സഫിയ മുല്ലപ്പള്ളി, ബ്ലോക്ക് പഞ്ചായത്ത് സെക്രട്ടറി എം. മജീദ്, സിഡിപിഒ എ. പത്മാവതി തുടങ്ങിയവർ പ്രസംഗിച്ചു.

ബൈക്കും ലോറിയും കൂട്ടിയിടിച്ച് യുവാവിന് പരിക്ക്

നിലന്പൂർ: മന്പാട് - ബിന്പുങ്ങലിൽ ബൈക്കും ലോറിയും കൂട്ടിയിടിച്ച് കരുളായി സ്വദേശിക്ക് പരിക്ക്. ഇന്നലെ പുലർച്ചെ ഒരു മണിയോടെയാണ് അപകടം. മന്പാട് ഭാഗത്ത് നിന്ന് കരുളായിലേക്ക് ബൈക്കിൽ വരികയായിരുന്ന കരുളായി പുള്ളി സ്വദേശി ഭരതിന്‍റെ ബൈക്കിൽ നിലന്പൂർ ഭാഗത്ത് നിന്ന് മഞ്ചേരി ഭാഗത്തേക്ക് പോവുകയായിരുന്ന ലോറി ഇടിക്കുകയായിരുന്നു. കാലിന് സാരമായി പരിക്കേറ്റ ഭരതിനെ മഞ്ചേരി മെഡിക്കൽ കോളജാശുപത്രിയിൽ പ്രവേശിപ്പിച്ചു.

വുഷു ചാന്പ്യൻഷിപ്പിൽ മെഡലുകൾ വാരിക്കൂട്ടി സാവിയോ ജോമി

അങ്ങാടിപ്പുറം: തൃശൂർ വികഐൻ ഇൻഡോർ സറ്റേഡിയത്തിൽ സമാപിച്ച സംസ്ഥാന ജൂണിയർ വുഷു ചാന്പ്യൻഷിപ്പിൽ പരിയാപുരം സെന്‍റ് മേരീസ് ഹയർ സെക്കൻഡറി സ്കൂളിലെ ഒന്പതാം ക്ലാസ് വിദ്യാർഥി സാവിയോ ജോമി മെഡലുകൾ വാരിക്കൂട്ടി. വുഷു ഗ്രൂപ് ഇനത്തിൽ സ്വർണവും തൗലു വിഭാഗം അദർ സ്റ്റൈലിൽ വെള്ളിയും ഡബിൾ വെപ്പണിൽ വെങ്കലവും സാവിയോ സ്വന്തമാക്കി. പരിയാപുരം വട്ടക്കുടിയിൽ ജോമി ജോണിന്‍റെയും മാലാപറന്പ് സെന്‍റ് ജോസഫ്സ് എൽപി സ്കൂൾ അധ്യാപിക നിഷ ജോണിന്‍റെയും മകനാണ് ഈ മിടുക്കൻ. പുലാമന്തോൾ ഐഎസ്കെ മാർഷ്യൽ ആർട്സിലെ ഐഎസ്കെ മുഹമ്മദലിയാണ് പരിശീലകൻ.

ഭൂമിയുടെ ന്യായവില: പരാതി പരിശോധിക്കാൻ അഞ്ചംഗ സംഘം

മഞ്ചേരി: ഏറനാട് താലൂക്കിലെ വെറ്റിലപ്പാറ, ഉൗർങ്ങാട്ടിരി വില്ലേജുകളിൽ ഭൂമിയുടെ ന്യായവില സംബന്ധിച്ച് വ്യാപകമായി പരാതി നിലനിൽക്കുന്ന സാഹചര്യത്തിൽ ഇക്കാര്യം പരിശോധിച്ച് യുക്തമായ നടപടി സ്വീകരിക്കുന്നതിനായി അഞ്ചംഗ സംഘത്തെ നിയോഗിച്ച് പെരിന്തൽമണ്ണ സബ് കളക്ടറുടെ ഉത്തരവ്. ആർഡിഒ ഓഫീസിലെ സീനിയർ സൂപ്രണ്ട്, ജൂണിയർ സൂപ്രണ്ട്, രണ്ട് സീനിയർ ക്ലർക്കുമാർ, ഒരു ക്ലർക്ക് എന്നിവരടങ്ങുന്ന അഞ്ചംഗ സംഘത്തെയാണ് കരട് പട്ടിക പരിശോധിക്കുന്നതിനായി നിയമിച്ചത്. കരട് പട്ടികയിൽ ഉൾപ്പെട്ട സർവേ സബ് ഡിവിഷൻ നന്പറുകളിൽ ഉൾപ്പെട്ട ഭൂമികൾ സ്ഥല പരിശോധന നടത്തി ജൂലൈ അഞ്ചിന് മുന്പായി റിപ്പോർട്ട് സമർപ്പിക്കണമെന്ന് ഉത്തരവിൽ പറയുന്നു. ഉൗർങ്ങാട്ടിരി, വെറ്റിലപ്പാറ വില്ലേജുകളിലെ ഭൂമികൾക്ക് 2010ൽ നിശ്ചയിച്ച ന്യായവില സംബന്ധിച്ച വ്യാപക പരാതി ഉയർന്നിരുന്നു. ഇതിന് പുറമെ 264 ശതമാനവും വർധനവുണ്ടായി. രജിസ്ട്രേഷൻ മുടങ്ങുന്ന സ്ഥിതിയിൽ ജനങ്ങൾ ഏറെ പ്രയാസത്തിലായി. ഇതോടെ ഫെയർവാല്യൂ പുതുക്കി നിശ്ചയിക്കണമെന്ന ആവശ്യം ശക്തമായി. പെരിന്തൽമണ്ണ സബ് കളക്ടർ അപൂർവ ത്രിപാഠിയുടെ നിർദേശ പ്രകാരം ഏറനാട് തഹസിൽദാർ എം. മുകുന്ദന്‍റെ നേതൃത്വത്തിൽ പ്രത്യേക സംഘത്തെ നിയോഗിക്കുകയും ചെയ്തു. ഡെപ്യൂട്ടി തഹസിൽദാർ എൻ.വി. മറിയുമ്മ, എസ്.ആർ. റെജി, വിഎഫ്എമാരായ വിഷ്ണു പ്രസാദ്, മുഹമ്മദാലി, മണി, സുനിൽകുമാർ, സുരേഷ് എന്നിവരായിരുന്നു സംഘത്തിലുണ്ടായിരുന്നത്. ഇവരുടെ നേതൃത്വത്തിൽ രാഷ്ട്രീയ പാർട്ടി പ്രതിനിധികളുടെ യോഗം ചേർന്ന് പരിശോധനകൾ നടത്തി. ഇതിന്‍റെ അടിസ്ഥാനത്തിൽ ഉൗർങ്ങാട്ടിരി വില്ലേജിന്‍റെ അതിർത്തി പങ്കിടുന്ന പെരകമണ്ണ വില്ലേജിലെ നിലവിലെ ന്യായവില രജിസ്റ്ററിന്‍റെ അടിസ്ഥാനത്തിൽ വിലനിർണയ പട്ടിക തയാറാക്കി. ഇത് പരിശോധിക്കാനാണ് അഞ്ചംഗ സംഘത്തെ നിയോഗിച്ചത്. പരിശോധന പൂർത്തിയാക്കി ഗസറ്റിൽ കരട് പ്രസിദ്ധീകരിക്കും. തുടർന്ന് മതിയായ സമയം നൽകി ആക്ഷേപങ്ങൾ സ്വീകരിച്ചായിരിക്കും അന്തിമ വിജ്ഞാപനം പുറപ്പെടുവിക്കുക. ഇത് പൂർത്തിയാകുന്നതോടെ 15 വർഷം നീണ്ടുനിന്ന നാട്ടുകാരുടെ പരാതിക്കും പരിഹാരമാകും.

വായന മാസാചരണം

എടക്കര: മൂത്തേടം ഫാത്തിമ ആർട്സ് ആൻഡ് സയൻസ് കോളജിൽ പി.എൻ. പണിക്കർ അനുസ്മരണവും വായന മാസാചരണവും സംഘടിപ്പിച്ചു. ഐക്യുഎസി, സമന്വയ ക്ലബ്, മലയാളം വിഭാഗം എന്നിവയുടെ സംയുക്താഭിമുഖ്യത്തിലാണ് ’അക്ഷരാഞ്ജലി’ എന്ന പേരിൽ പരിപാടി സംഘടിപ്പിച്ചത്. കോളജ് പ്രിൻസിപ്പൽ ഫാ. ഡോ. ഷിബിൻ പി. ജെയിംസ് ഉദ്ഘാടനം ചെയ്തു. മലയാള വിഭാഗം മേധാവി എം. ശ്രീലത അധ്യക്ഷത വഹിച്ചു. കോളജ് സിഇഒ ഫാ. അബ്രഹാം പത്താക്കൽ വായനാ സന്ദേശം നൽകി. യുവ എഴുത്തുകാരി ജി.എസ്. ദിവ്യ മുഖ്യാതിഥിയായിരുന്നു. വായന മാസാചരണത്തോടനുബന്ധിച്ച് നടത്തിയ പുസ്തക ചലഞ്ചിൽ ലഭിച്ച പുസ്തകം ലൈബ്രറി ഇൻചാർജ് ബിൻസി ഏറ്റുവാങ്ങി. മത്സര വിജയികൾക്ക് സമ്മാനവിതരണം നടത്തി. സ്റ്റാഫ് സെക്രട്ടറി ടി.കെ. സതീശൻ, എൻഎസ്എസ് പ്രോഗ്രാം ഓഫീസർ കെ.പി. അബ്ദുൾ ലത്തീഫ്, ട്രാവൽ ആൻഡ് ടൂറിസം വിഭാഗം മേധാവി ഫിലിപ്പ് നൈനാൻ, മലയാളം അധ്യാപകരായ ടി. അഞ്ജന, ദൃശ്യഗിരീഷ്, യോഹസ് വിജയ് എന്നിവർ പ്രസംഗിച്ചു.

കത്തെഴുത്ത് മത്സരം; ജിന്‍റ മരിയക്ക് പുരസ്കാരം

മലപ്പുറം:തപാലിൽ ലഭിച്ച ആദ്യ കത്ത് എന്ന വിഷയത്തിൽ വിദ്യാർഥികൾക്കായി മലപ്പുറം പോസ്റ്റ് ഫോറം സംഘടിപ്പിച്ച കത്തെഴുത്ത് മത്സരത്തിൽ പരിയാപുരം സെന്‍റ് മേരീസ് ഹൈസ്കൂളിലെ ജിന്‍റ മരിയ എന്ന വിദ്യാർഥിനി സമ്മാനാർഹയായി. വിജയിക്കുള്ള കാഷ് പ്രൈസും പ്രശസ്തി ഫലകവും ജൂലൈ മൂന്നാം വാരത്തിൽ സമ്മാനിക്കും. യോഗത്തിൽ പോസ്റ്റ്മാസ്റ്റർ പി.ജെ. ജയിംസ് അധ്യക്ഷത വഹിച്ചു. പോസ്റ്റ് ഫോറം സെക്രട്ടറി മണന്പൂർ രാജൻബാബു, ജി.കെ. രാംമോഹൻ, പി.സത്യൻ, ഇ. കൃഷ്ണപ്രസാദ്, പി.സുരേഷ് കുമാർ, കെ.എം. ബിജു എന്നിവർ പ്രസംഗിച്ചു.

മങ്കടയിൽ ഉന്നത വിജയികളെ അനുമോദിച്ചു

മങ്കട : മങ്കട മണ്ഡലത്തിലെ എസ്എസ്എൽസി, പ്ലസ്ടു പരീക്ഷയിൽ ഉന്നത വിജയം നേടിയ വിദ്യാർഥികളെ മഞ്ഞളാംകുഴി അലി എംഎൽഎയുടെയും മങ്കട മണ്ഡലം എംഎസ്എഫ് കമ്മിറ്റിയുടെയും നേതൃത്വത്തിൽ അനുമോദിച്ചു. രാമപുരം ജെംസ് കോളജിൽ നടന്ന ചടങ്ങ് എംഎസ്എഫ് സംസ്ഥാന പ്രസിഡന്‍റ് പി.കെ. നവാസ് ഉദ്ഘാടനം ചെയ്തു. മഞ്ഞളാംകുഴി അലി എംഎൽഎ അനുമോദന പ്രഭാഷണം നടത്തി. ആയിരത്തിൽപരം വിദ്യാർഥികൾക്കാണ് അവാർഡ് വിതരണം ചെയ്തത്. മണ്ഡലത്തിൽ മികച്ച വിജയം കരസ്ഥമാക്കിയ വിദ്യാലയങ്ങൾക്ക് എംഎൽഎ ഉപഹാരം നൽകി. മണ്ഡലം എംഎസ്എഫ് പ്രസിഡന്‍റ് അജ്മൽ മങ്കട അധ്യക്ഷത വഹിച്ചു. മണ്ഡലം മുസ്ലിം ലീഗ് പ്രസിഡന്‍റ് കുന്നത്ത് മുഹമ്മദ്, ജനറൽ സെക്രട്ടറി അഡ്വ. ടി. കുഞ്ഞാലി, ജെംസ് കോളജ് വൈസ് ചെയർമാൻ വാസുദേവൻ, ജില്ലാ എംഎസ്എഫ് പ്രസിഡന്‍റ് കബീർ മുതുപറന്പ, ജനറൽ സെക്രട്ടറി വി.എ. വഹാബ്, മുസ്ലിം ലീഗ് മണ്ഡലം ട്രഷറർ ഹനീഫ പെരിഞ്ചിരി, ഭാരവാഹികളായ സഹൽ തങ്ങൾ, അഡ്വ. മൂസക്കുട്ടി, കെ.പി. സാദിഖ് അലി, ബ്ലോക്ക് പ്രസിഡന്‍റ് ടി. അബ്ദുൾകരീം, ഹാരിസ് കളത്തിൽ, സൈനുദീൻ, കുരിക്കൾ മുനീർ,എം.ടി. റാഫി, അനീസ് വെള്ളില തുടങ്ങിയവർ പങ്കെടുത്തു.

കെ.എസ്. ഹരിഹരനെ ആദരിച്ചു

പെരിന്തൽമണ്ണ: ചങ്ങന്പുഴ നോവൽ പുരസ്കാരം നേടിയ കെ.എസ്. ഹരിഹരനെ അങ്ങാടിപ്പുറം ശ്രീശൈലേശ്വരി കലാസഭയുടെ ആഭിമുഖ്യത്തിൽ ഭാരവാഹികളായ ഡോ.ശ്രീദേവീ, കാറൽമണ്ണ കുഞ്ചുനായർ സ്മാരക സമിതി പ്രസിഡന്‍റ് പീതാംബരൻ ആനമങ്ങാട് എന്നിവർ ആദരിച്ചു. രജനി ഹരിദാസ്, നിർമല എന്നിവർ പ്രസംഗിച്ചു. ചടങ്ങിൽ സംഗീതത്തിലും കലയിലും നൈപുണ്യം നേടിയകലാപ്രതിഭകളെ കെ.എസ്. ഹരിഹരൻ ഉപഹാരം നൽകി അനുമോദിച്ചു. ശ്രീശൈലേശ്വരി കലാസഭയുടെ 25 -ാം വാർഷികത്തിന്‍റെ ഉദ്ഘാടനം പീതാംബരൻ ആനമങ്ങാട് നിർവഹിച്ചു. സംഗീത സദസിൽ പഞ്ചരത്ന കീർത്തനാലാപനവുമുണ്ടായിരുന്നു.

ഉന്നത വിജയികളെ ബാങ്ക് അനുമോദിച്ചു

പെരിന്തൽമണ്ണ: എസ്എസ്എൽസി, പ്ലസ്ടു, മെഡിക്കൽ എൻട്രൻസ് തുടങ്ങിയ മത്സര പരീക്ഷകളിൽ ഉന്നത വിജയം നേടിയവർക്ക് അരക്കുപറന്പ് സർവീസ് സഹകരണ ബാങ്ക് വിദ്യാഭ്യാസ അവാർഡുകൾ നൽകി. കണ്ണൂരിൽ നടന്ന റസ്ലിംഗ് ചാന്പ്യൻഷിപ്പിൽ വെള്ളി മെഡൽ നേടിയ വിദ്യാർഥിയെയും ഉപഹാരവും കാഷ് അവർഡും നൽകി അനുമോദിച്ചു. നജീബ് കാന്തപുരം എംഎൽഎ ഉദ്ഘാടനം ചെയ്തു. ബാങ്ക് പ്രസിഡന്‍റ് മരുതംപാറ മുഹമ്മദാലിഹാജി അധ്യക്ഷത വഹിച്ചു. പെരിന്തൽമണ്ണ ബ്ലോക്ക് പഞ്ചായത്ത് പ്രസിഡന്‍റ് എ.കെ. മുസ്തഫ, ബാങ്ക് സെക്രട്ടറി അഷ്റഫ് പൊന്നേത്ത്, ബാങ്ക് ഡയറക്ടർമാരായ എൻ.അഷറഫ്, വി.പി. അബു സബാഹ്, സുകുമാരൻ, ഇ.കെ. യൂനുസ്, വി.പി. ഷെറീന, പി. റസീന, കളത്തിൽ ശരീഫ, ബാങ്ക് അസിസ്റ്റന്‍റ് സെക്രട്ടറി നൗഷാദ് പുളിക്കൽ തുടങ്ങിയവർ പ്രസംഗിച്ചു.

ഹരിതകർമ സേനക്ക് ഇൻഷ്വറൻസ്

പെരിന്തൽമണ്ണ: നഗരസഭ ഹരിതകർമ സേനക്ക് ആരോഗ്യ ഇൻഷ്വറൻസ് കാർഡുകൾ വിതരണം ചെയ്തു. നഗരസഭാ കോണ്‍ഫറൻസ് ഹാളിൽ നടന്ന വിതരണോദ്ഘാടനം ചെയർമാൻ പി. ഷാജി നിർവഹിച്ചു. കൗണ്‍സിലറും ഹരിതകർമസേന കോ ഓർഡിനേറ്ററുമായ പി.എസ്. സന്തോഷ് കുമാർ അധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർപേഴ്സണ്‍ അന്പിളി മനോജ്, കോ ഓർഡിനേറ്റർമാരായ രാധ, സ്മിത എന്നിവർ പ്രസംഗിച്ചു. 50000 രൂപ മുതൽ രണ്ട് ലക്ഷം രൂപ വരെയാണ് ഇൻഷ്വറൻസിലൂടെ ചികിത്സാ സഹായം ലഭ്യമാവുക. കൗണ്‍സിലർമാരായ സരോജ, എൻ.അജിത, പബ്ലിക് ഹെൽത്ത്് ഇൻസ്പെക്ടർ ഡീനു, ഉപസമിതി കണ്‍വീർ ശ്രീജ എന്നിവർ പങ്കെടുത്തു. സിഡിഎസ് പ്രസിഡന്‍റ് സീനത്ത് സ്വാഗതവും ഹരിത കർമസേന സെക്രട്ടറി ഉഷ നന്ദിയും പറഞ്ഞു.

മലയാള സർവകലാശാലയിൽ പുതിയ തസ്തികകൾ

തിരൂർ: തുഞ്ചത്തെഴുത്തച്ഛൻ മലയാള സർവകലാശാലയിൽ പത്ത് അനധ്യാപക തസ്തികകൾ സൃഷ്ടിച്ച് ഉത്തരവായതായി ഉന്നതവിദ്യാഭ്യാസ മന്ത്രി ആർ. ബിന്ദു പറഞ്ഞു. അഞ്ച് സെക്ഷൻ ഓഫീസർമാർ, ഒരു അസിസ്റ്റന്‍റ് രജിസ്ട്രാർ, ഒരു ഡെപ്യൂട്ടി രജിസ്ട്രാർ, രണ്ട് അസിസ്റ്റന്‍റുമാർ, ഒരു പ്രഫഷണൽ അസിസ്റ്റന്‍റ് തസ്തികകളാണ് സൃഷ്ടിച്ച് ഉത്തരവായിരിക്കുന്നത്. ഈ തസ്തികകളിലേക്ക് അന്തർസർവകലാശാല മാറ്റം വഴിയോ ഡെപ്യൂട്ടേഷൻ വ്യവസ്ഥയിലോ ജീവനക്കാരെ പുനർവിന്യസിക്കാനും അനുമതി നൽകിയിട്ടുണ്ടെന്ന് മന്ത്രി പറഞ്ഞു.

ശി‍ൽപശാല നടത്തി

മലപ്പുറം: കുടുംബശ്രീ ജില്ലാ മിഷന്‍റെ നേതൃത്വത്തിൽ ജില്ലയിലെ മാധ്യമ പ്രവർത്തകർക്കായി ശില്പശാല സംഘടിപ്പിച്ചു. മലപ്പുറം സൂര്യ റീജൻസി ഹാളിൽ നടന്ന ചടങ്ങ് കുടുംബശ്രീ ഗവേണിംഗ് ബോഡി എക്സിക്യൂട്ടീവ് അംഗമായ പി.കെ. സൈനബ ഉദ്ഘാടനം ചെയ്തു. ജില്ലാ മിഷൻ കോ ഓർഡിനേറ്റർ ബി. സുരേഷ് കുമാർ ക്ലാസെടുത്തു. കുടുംബശ്രീ ജില്ലാ മിഷൻ കോ ഓർഡിനേറ്റർ ബി. സുരേഷ്കുമാർ അധ്യക്ഷനായിരുന്നു. ജില്ലാ ഇൻഫർമേഷൻ ഓഫീസർ കെ. മുഹമ്മദ്, കുടുംബശ്രീ മിഷൻ മുൻ ജില്ലാ കോ ഓർഡിനേറ്റർ ജാഫർ കെ. കക്കൂത്ത് എന്നിവർ മുഖ്യാതിഥികളായിരുന്നു. കേരള പത്രപ്രവർത്തക യൂണിയൻ സംസ്ഥാന ജനറൽ സെക്രട്ടറി സുരേഷ് എടപ്പാൾ, പ്രസ് ക്ലബ് സെക്രട്ടറി വി.പി. നിസാർ, പിആർഡി അസിസ്റ്റന്‍റ് എഡിറ്റർ ഐ.ആർ. പ്രസാദ്, അസിസ്റ്റന്‍റ് ജില്ലാ മിഷൻ കോ ഓർഡിനേറ്റർ തുടങ്ങിയവർ പ്രസംഗിച്ചു.

കാറപടത്തിൽ യുവാവ് മരിച്ചു

മഞ്ചേരി : കാറുകൾ കൂട്ടിയിടിച്ച് ഗുരുതര പരിക്കേറ്റ് ചികിത്സയിലായിരുന്ന യുവാവ് മരിച്ചു. മഞ്ചേരി വെള്ളുവങ്ങാട് മുക്കട്ട വടക്കാങ്ങര അഹമ്മദ്കുട്ടി ഹാജിയുടെ മകൻ മുഹമ്മദ് സാലിഹ് എന്ന മാനു (34) ആണ് മരിച്ചത്. ഇക്കഴിഞ്ഞ ശനിയാഴ്ച രാത്രി ഒന്പതര മണിക്ക് പാണ്ടിക്കാട് തന്പാനങ്ങാടിയിലായിരുന്നു അപകടം. മുഹമ്മദ് സാലിഹിന്‍റെ ഉടമസ്ഥതയിൽ പാണ്ടിക്കാട്ടുള്ള ഇന്‍റർലോക്ക് കന്പനിയിൽ നിന്ന് കാറിൽ വീട്ടിലേക്ക് മടങ്ങവേ തന്പാനങ്ങാടിയിൽ വച്ച് എതിരേ വന്ന കാറുമായി കൂട്ടിയിടിക്കുകയായിരുന്നു. ഓടിക്കൂടിയ നാട്ടുകാർ പരിക്കേറ്റ മുഹമ്മദ് സാലിഹിനെ പെരിന്തൽമണ്ണയിലെ സ്വകാര്യാശുപത്രിയിൽ പ്രവേശിപ്പിച്ചുവെങ്കിലും ഇന്നലെ മരണം സംഭവിച്ചു. പെരിന്തൽമണ്ണ ഗവണ്‍മെന്‍റ് ആശുപത്രിയിൽ പോസ്റ്റ്മോർട്ടം നടത്തിയ മൃതദേഹം ബന്ധുക്കൾ ഏറ്റുവാങ്ങി വെള്ളുവങ്ങാട് പഴയ ജുമാമസ്ജിദിൽ കബറടക്കി. ഭാര്യ: പീച്ചമണ്ണിൽ ഷഹന ഷെറിൻ (വളരാട്). മക്കൾ: അലൈസിയ മറിയം, അലൻ അഹമ്മദ്.

കട്ട വിരിക്കൽ പ്രവൃത്തി: അങ്ങാടിപ്പുറം മേൽപ്പാലം അടച്ചു

പെരിന്തൽമണ്ണ: കോഴിക്കോട്- പാലക്കാട് ദേശീയപാതയിൽ അങ്ങാടിപ്പുറം റെയിൽവേ മേൽപ്പാലം പരിസരത്തെ തകർന്ന ഭാഗത്ത് ഇന്‍റർലോക്ക് കട്ട വിരിക്കുന്ന പ്രവൃത്തി ആരംഭിച്ചതിനാൽ മേൽപ്പാലം അടച്ചു. ഇതേത്തുടർന്ന് അത്യാസന്ന രോഗികളുമായി വരുന്ന ആംബുലൻസുകൾക്ക് മാത്രം റോഡ് തുറന്നു കൊടുത്തുള്ള ക്രമീകരണമാണ് പോലീസിന്‍റെ സാന്നിധ്യത്തിൽ നടക്കുന്നത്. ആശുപത്രി നഗരമായ പെരിന്തൽമണ്ണ ഭാഗത്തേക്ക് എത്തിക്കൊണ്ടിരുന്ന യാത്രക്കാർ അങ്ങാടിപ്പുറം തളി ജംഗ്ഷനിൽ ഇറങ്ങി അവിടെ നിന്ന് പാലത്തിലൂടെ നടന്ന് മറുഭാഗത്ത് നിർത്തിയിട്ടിരിക്കുന്ന ബസുകളിലും ഓട്ടോറിക്ഷയിലുമായി പെരിന്തൽമണ്ണ ഭാഗത്തേക്ക് എത്താം. ഈ റോഡിലൂടെയുള്ള ഗതാഗതം നിയന്ത്രണം ജൂലൈ അഞ്ച് വരെ തുടരും. തുടർന്ന് ആറ് മുതൽ 11 വരെ ചെറിയ വാഹനങ്ങൾ ഒഴികെ ഭാരവാഹനങ്ങൾക്ക് നിരോധനവും ഏർപ്പെടുത്തിയിട്ടുണ്ട്. കോഴിക്കോട്ട് നിന്ന് പാലക്കാട് ഭാഗത്തേക്ക് പോകുന്ന വാഹനങ്ങൾ വള്ളുവന്പ്രം-മഞ്ചേരി-പാണ്ടിക്കാട് വഴിയും ചെറിയ വാഹനങ്ങൾ ഓരാടംപാലം- വലന്പൂർ-പട്ടിക്കാട് റോഡ് വഴിയുമാണ് പോകുന്നത്. കോഴിക്കോട് ഭാഗത്ത് നിന്ന് അങ്ങാടിപ്പുറം റെയിൽവേ സ്റ്റേഷനിലേക്ക് പോകുന്ന വാഹനങ്ങൾ ഓരാടംപാലം-ഏറാന്തോട് - തരകൻ സ്കൂൾ റോഡ് വഴിയുമാണ് പോകുന്നത്. പാലക്കാട് നിന്ന് കോഴിക്കോട് ഭാഗത്തേക്ക് പോകുന്ന വാഹനങ്ങൾ മേൽപ്പറഞ്ഞ റോഡുകളിലൂടെ തിരിച്ചുമാണ് പോകേണ്ടത്.

ഉന്നതവിജയികളെ ബാങ്ക് അനുമോദിച്ചു

പെരിന്തൽമണ്ണ: പെരിന്തൽമണ്ണ മുനിസിപ്പാലിറ്റിയിൽ എസ്എസ്എൽസി, പ്ലസ് ടു പരീക്ഷയിൽ ഉന്നതവിജയം നേടിയവരെയും എസ്എസ്എൽസി പരീക്ഷ എഴുതിയ 406 വിദ്യാർഥികളെയും വിജയിപ്പിച്ച് നൂറ് ശതമാനം വിജയം കൈവരിച്ച പെരിന്തൽമണ്ണ ബോയ്സ് ഹൈസ്കൂളിനെയും ടാലന്‍റ് ബുക്ക് ഓഫ് വേൾഡ് റിക്കാർഡ് ജേതാവ് സുരേഷ് തെക്കീട്ടിലിനെയും പെരിന്തൽമണ്ണ സർവീസ് സഹകരണ ബാങ്ക് അനുമോദിച്ചു. അഡ്വ.എൻ.ഷംസുദീൻ എംഎൽഎ അനുമോദന യോഗം ഉദ്ഘാടനം ചെയ്തു. ബാങ്ക് പ്രസിഡന്‍റ് പച്ചീരി ഫാറൂഖ് അധ്യക്ഷത വഹിച്ചു. കെപിസിസി സെക്രട്ടറി വി.ബാബുരാജ്, മണ്ഡലം മുസ്ലിംലീഗ് പ്രസിഡന്‍റ് എ.കെ.നാസർ, ബ്ലോക്ക് കോണ്‍ഗ്രസ് പ്രസിഡന്‍റ് അരഞ്ഞിക്കൽ ആനന്ദൻ, മാർക്കറ്റിംഗ് സൊസൈറ്റി ചെയർമാൻ സി. ഇർഷാദ്, റജീന, സുരേഷ് തെക്കീട്ടിൽ, മണ്ഡലം കോണ്‍ഗ്രസ് പ്രസിഡന്‍റ് രാജേന്ദ്രൻ എന്ന കൊച്ചു, ബാങ്ക് വൈസ് പ്രസിഡന്‍റ് എ.ആർ.ചന്ദ്രൻ, ഡയറക്ടർമാരായ മമ്മി ചേരിയിൽ, സി.അബ്ദുൾ നാസർ, മൊയ്തു കിഴക്കേതിൽ, മുഹമ്മദ് ഹനീഫ പടിപ്പുര, വി. മുഹമ്മദ് സമീർ, വി. അജിത് കുമാർ, ഇ.ആർ. സുരാദേവി, സുൽഫത്ത് ബീഗം, റെജീന അൻസാർ, ബാങ്ക് സെക്രട്ടറി നാസർ കാരാടൻ എന്നിവർ പ്രസംഗിച്ചു.

മലപ്പുറം സഹോദയ സെക്കൻഡറി അധ്യാപക പരിശീലനം

പെരിന്തൽമണ്ണ: സിബിഎസ്ഇ സഹോദയ സ്കൂൾ കോംപ്ലക്സ് മലപ്പുറം റീജിയൻ നടത്തിയ സെക്കൻഡറി അധ്യാപക പരിശീലനം ഇൻസ്പയർന്ധ25 ജില്ലയിലെ വിവിധ കേന്ദ്രങ്ങളിൽ സംഘടിപ്പിച്ചു. ഓറ ഗ്ലോബൽ സ്കൂൾ പെരിന്തൽമണ്ണ, ബെഞ്ച് മാർക്ക് ഇന്‍റർനാഷണൽ സ്കൂൾ തിരൂർ, പീസ് പബ്ലിക് സ്കൂൾ കോട്ടക്കൽ, വള്ളുവനാട് വിദ്യാഭവൻ പെരിന്തൽമണ്ണ എന്നീ കേന്ദ്രങ്ങളിലായാണ് പരിശീലനം നടത്തിയത്. ജില്ലാതല ഉദ്ഘാടനം പെരിന്തൽമണ്ണ ഓറ ഗ്ലോബൽ സ്കൂളിൽ സഹോദയ മലപ്പുറം മേഖലാ പ്രസിഡന്‍റ്് എം. അബ്ദുൾ നാസർ നിർവഹിച്ചു. സിബിഎസ്ഇ സിറ്റി കോ ഓർഡിനേറ്റർ പി. ഹരിദാസ് അധ്യക്ഷത വഹിച്ചു. ജനറൽ സെക്രട്ടറി എം. ജൗഹർ, ട്രെയ്നിംഗ് കോ ഓർഡിനേറ്റർ ജോബിൻ സെബാസ്റ്റ്യൻ എന്നിവർ സർട്ടിഫിക്കറ്റുകൾ വിതരണം ചെയ്തു. ഭാരവാഹികളായ ഡോ. സ്വീറ്റി എസ്. പുലിക്കോട്ടിൽ, സി.കെ. ഹൗസത്ത്, എസ്. സ്മിത, സ്വരൂപ് കൃഷ്ണ എന്നിവർ നേതൃത്വം നൽകി. വിവിധ കേന്ദ്രങ്ങളിൽ പരിശീലകരായ ഡോ. സ്വീറ്റി എസ്. പുലിക്കോട്ടിൽ, രതിഅരുണ്‍, സിന്ധു, സി.കെ. ഹൗസത്ത്, കെ. വിഷ്ണുരാജ്, എ.കെ. മഞ്ജു, പി. ദേവരാജ്, വി. മുനവ്വർ, ആയിഷ ഫഹീമ, ദേവകി ചിതലി എന്നിവർ നേതൃത്വം നൽകി. ജില്ലയിലെ സിബിഎസ്ഇ സ്കൂളുകൾ ഹൈസ്കൂൾ വിഭാഗത്തിന് അവധി നൽകിയാണ് 600 ൽ പരം അധ്യാപകർക്ക് പരിശീലനം നൽകിയത്.

പോത്തുകൽ കുടുംബാരോഗ്യ കേന്ദ്രം ക്വാർട്ടേഴ്സുകൾ കാട് മൂടി നശിക്കുന്നു

എടക്കര: പോത്തുകൽ കുടുംബാരോഗ്യകേന്ദ്രത്തിന്‍റെ അധീനതയിലുള്ള ക്വാർട്ടേഴ്സുകൾ കാട് മൂടി നശിക്കുന്നു. കുടുംബാരോഗ്യകേന്ദ്രത്തിലെ ഡോക്ടർമാർക്ക് താമസ സൗകര്യം ഒരുക്കുന്നതിനായി വർഷങ്ങൾക്ക് മുന്പ് നിർമിച്ച രണ്ട് ക്വാർട്ടേഴ്സുകളാണ് ജീർണാവസ്ഥയിൽ കാട് മൂടി നശിക്കുന്നത്. രണ്ട് കെട്ടിടങ്ങൾ സജ്ജമായിട്ടും ഒരു ഡോക്ടർ പോലും ഇവിടെ താമസിച്ചിട്ടില്ല. കുറച്ച് കാലം ആശുപത്രിയിലെ ചില ജീവനക്കാർ മാത്രമാണിവിടെ താമസിച്ചത്. നാല് വർഷം മുന്പ് കെട്ടിടങ്ങൾ അണ്‍ഫിറ്റായതിനാൽ വാസയോഗ്യമല്ലെന്ന് പോത്തുകൽ ഗ്രാമപഞ്ചായത്ത് എൻജിനീയറിംഗ് വിഭാഗം സാക്ഷ്യപ്പെടുത്തുകയും ചെയതതോടെ ആരും ഈ ഭാഗത്തേക്ക് തിരഞ്ഞ് നേക്കാതെയായി. ഇതോടെ ഉപേക്ഷിക്കപ്പെട്ട കെട്ടിടങ്ങൾ കാട് മൂടിയും മരങ്ങൾ വളർന്നും പുറമെ നിന്ന് കാണാൻ പോലും കഴിയാത്ത അവസ്ഥയിലായിരിക്കുകയാണ്. അണ്‍ഫിറ്റ് സർട്ടിഫിക്കറ്റ് നൽകിയതിനാൽ മറ്റ് ആവശ്യങ്ങൾക്കും ഈ കെട്ടിടങ്ങൾ ഉപയോഗിക്കാൻ കഴിയാത്ത അവസ്ഥയാണ്. ലക്ഷങ്ങൾ മുടക്കി നിർമിച്ച കെട്ടിടങ്ങൾ നോക്കുകുത്തികളായപ്പോൾ നഷ്ടം സർക്കാരിന് തന്നെ.

വന്യജീവിശല്യം പരിഹരിക്കണം: കർഷക സംഘം സമ്മേളനം

പെരിന്തൽമണ്ണ: കാർഷിക മേഖല നേരിടുന്ന വന്യജീവി ശല്യം പരിഹരിക്കണമെന്നും കൃഷിനാശം വരുത്തുന്ന വന്യജീവികളെ ഇല്ലാതാക്കുന്നതിന് അടിയന്തര നടപടികൾ സ്വീകരിക്കണമെന്നും കർഷക സംഘം പെരിന്തൽമണ്ണ സൗത്ത് വില്ലേജ് സമ്മേളനം ആവശ്യപ്പെട്ടു. പെരിന്തൽമണ്ണ കെഎസ്ടിഎ ഹാളിൽ നടത്തിയ സമ്മേളനം കർഷകസംഘം സംസ്ഥാന കമ്മിറ്റി അംഗം സി.ദിവാകരൻ ഉദ്ഘാടനം ചെയ്തു. കിനാതിയിൽ സാലിഹ് അധ്യക്ഷത വഹിച്ചു. കർഷകസംഘം ഏരിയ പ്രസിഡന്‍റ് ഗോവിന്ദ പ്രസാദ്, ഏരിയ സെക്രട്ടറി അഡ്വ. സുൽഫിക്കർ അലി, സിപിഎം ഏരിയ കമ്മിറ്റി അംഗം പി.പി. സത്യനാരായണൻ, സൗത്ത് എൽസി സെക്രട്ടറി ടി.കെ. ജയൻ, ഹഫ്സ മുഹമ്മദ്, അനിയൻ പുളിങ്കീഴ്, കാരയിൽ സുന്ദരൻ, കെ. കൃഷ്ണൻകുട്ടി എന്നിവർ പ്രസംഗിച്ചു. കർഷക സംഘം സൗത്ത് വില്ലേജ് കമ്മിറ്റി ഭാരവാഹികൾ: കിനാതിയിൽ സാലിഹ് (പ്രസിഡന്‍റ്), കാരയിൽ സുന്ദരൻ (സെക്രട്ടറി), കെ. കൃഷ്ണൻകുട്ടി (ട്രഷറർ), കെ.ടി. സഫീന (വൈസ് പ്രസിഡന്‍റ്), അശ്വനികുമാർ, കെ. പ്രജിത, അഫ്സൽ കാരയിൽ (ജോയിന്‍റ് സെക്രട്ടറി). എന്നിവരെയും 21 അംഗ വില്ലേജ് കമ്മിറ്റി ഭാരവാഹികളെയും തെരഞ്ഞെടുത്തു.

സൂംബ ഡാൻസിനെ എതിർക്കുന്നതിന് പിന്നിൽ ഗൂഢലക്ഷ്യം: എകെഎസ്ടിയു

മലപ്പുറം: വിദ്യാഭ്യാസരംഗത്തെ കാലാനുസൃത പരിഷ്കാരങ്ങൾ പാരന്പര്യ, മത, മൗലികവാദങ്ങൾ കൊണ്ട് എതിർക്കുന്നത് പൊതുവിദ്യാലയങ്ങളെ ഇകഴ്ത്താനുള്ള ഗൂഢലക്ഷ്യമാണെന്ന് ഓൾ കേരള സ്കൂൾ ടീച്ചേഴ്സ് യൂണിയന്‍റെ (എകെഎസ്ടിയു) ജില്ലാ നേതൃ പഠനക്യാന്പ് ക്യാന്പ് വിലയിരുത്തി. സൂംബ ഡാൻസോടുകൂടിയാണ് ക്യാന്പ് ആരംഭിച്ചത്. സബ് ജില്ലാ സൂംബ ഡാൻസ് കോ ഓർഡിനേറ്റർ വി.ആർ. ഷൈനി സൂംബ ഡാൻസിന് നേതൃത്വം നൽകി. കോട്ടപ്പടി കെമിസ്റ്റ് ഭവനിൽ നടന്ന ക്യാന്പ് സംസ്ഥാന പ്രസിഡന്‍റ് കെ.കെ. സുധാകരൻ ഉദ്ഘാടനം ചെയ്തു. ജില്ലാ പ്രസിഡന്‍റ് വി.കെ. ശ്രീകാന്ത് അധ്യക്ഷത വഹിച്ചു. വിവിധ മത്സര പരീക്ഷകളിൽ ഉന്നത വിജയം നേടിയ കുട്ടികളെയും കാലിക്കട്ട്് യൂണിവേഴ്സിറ്റി പിജി പരീക്ഷയിൽ റാങ്ക് ജേതാവായ ഐ.പി. രാഗേഷ്, മികച്ച ചലച്ചിത്ര ആസ്വാദന ഗ്രന്ഥത്തിനുള്ള സത്യജിത്ത് റേ ഗോൾഡൻ പെൻ ബുക്സ് അവാർഡ് നേടിയ ഡോ. എം.ഡി. മനോജിനെയും സിപിഐ ജില്ലാ കമ്മിറ്റി എക്സിക്യൂട്ടീവംഗം പി.ടി. ഷറഫുദ്ദീൻ ഉപഹാരങ്ങൾ നൽകി അനുമോദിച്ചു. സെകട്ടറി അനൂപ് മാത്യു റിപ്പോർട്ടും ജില്ലാ ട്രഷറർ റാഫി തൊണ്ടിക്കൽ ഭാവിപ്രവർത്തന രൂപരേഖയും അവതരിപ്പിച്ചു. സംസ്ഥാന സെക്രട്ടറി എം. വിനോദ്, സംസ്ഥാന വൈസ് പ്രസിഡന്‍റ് ഡോ. പി.എം. ആശിഷ്, സംസ്ഥാനകമ്മിറ്റി അംഗങ്ങളായ എം.ഡി. മഹേഷ്, ഷീജ മോഹൻദാസ്, പി.എം. സുരേഷ്, ടി. സജീന, എന്നിവർ പ്രസംഗിച്ചു.

ഉപയോഗശൂന്യമായ കനാൽ കുടിവെള്ളം മുട്ടിക്കുന്നു

എടക്കര: ജലസേചന പദ്ധതിയുടെ ഉപയോഗശൂന്യമായ കനാൽ മൂത്തേടത്ത് ഏഴോളം കുടുംബങ്ങളുടെ കുടിവെള്ളം മുട്ടിക്കുന്നു. മരംവെട്ടിച്ചാൽ വടക്കൻ അഷ്റഫ്, കുറ്റിയേരി ജമാൽ, പെരുകിലാമലയിൽ റോയി ജോർജ് എന്നിവരടക്കമുള്ള കുടുംബങ്ങളാണ് ഉപയോഗശൂന്യമായ കനാൽമൂലം ദുരിതത്തിലായിരിക്കുന്നത്. മൂച്ചിപ്പരത ലിഫറ്റ് ഇറിഗേഷന്‍റെ ഭാഗമായുള്ളതാണ് ഈ പ്രധാന കനാൽ. കാലങ്ങളായി മരംവെട്ടിച്ചാൽ ഭാഗത്തേക്ക് ജലസേചനം നടക്കുന്നുമില്ല. മഴ ആരംഭിക്കുന്നതോടെ ഉപയോഗശൂന്യമായ കനാലിൽ വെള്ളം കെട്ടിക്കിടന്ന് താഴെ ഭാഗത്ത് താമസിക്കുന്ന ഈ കുടുംബങ്ങളുടെ കിണറുകൾ മലിനമാവുകയാണ്. കിണറുകളിൽ കലക്കവെള്ളം നിറയുന്നതോടെ ഈ കുടുംബങ്ങൾ മറ്റിടങ്ങളിൽ നിന്ന് കുടിവെള്ളമെത്തിച്ചാണ് ഉപയോഗിക്കുന്നത്. ചിലർ ഈ കലക്കവെള്ളം തന്നെയാണ് തിളപ്പിച്ചാറ്റിയ ശേഷം ഉപയോഗിക്കുന്നത്. കിണറുകളിൽ നിന്ന് വെള്ളമെടുക്കുന്ന പാത്രങ്ങളും വാട്ടർ ടാങ്കുകളും ചെളി നിറഞ്ഞ് ഇവർ കടുത്ത ദുരിതത്തിലാണ്. കനാൽ വൃത്തിയാക്കി വെള്ളം സുഗമമായി ഒഴുക്കിവിടുകയോ ഉപയോഗശൂന്യമയ കനാൽ മൂടുകയോ ചെയ്താൽ പ്രശനത്തിന് പരിഹാരമാകും. മലിനജലം കെട്ടിക്കിടന്ന് കൊതുകുകൾ പെരുകുന്ന സാഹചര്യവും നിലവിലുണ്ട്. ഡെങ്കിപ്പനി, മഞ്ഞപ്പിത്തം തുടങ്ങിയ ജലജന്യ രോഗങ്ങൾ പടരുന്ന സാഹചര്യത്തിൽ പ്രദേശവാസികൾ കടുത്ത ആശങ്കയിലാണ്. മൂത്തേടം ഗ്രാമപഞ്ചായത്ത് അധികൃതരോടും ആരോഗ്യവകുപ്പിനോടും നിരവധി തവണ പരാതി പറഞ്ഞിട്ടും പ്രശ്നത്തിന് പരിഹാരം ഉണ്ടായില്ലെന്ന് നാട്ടുകാർ പറയുന്നു.

കത്തോലിക്ക കോണ്‍ഗ്രസ് ഐക്യദാർഢ്യ സംഗമം

അങ്ങാടിപ്പുറം: നൈജീരിയ ഉൾപ്പെടെ ലോകത്തെന്പാടും ക്രൈസ്തവർക്കെതിരെ നിരന്തരം നടക്കുന്ന കൂട്ടക്കുരുതിരിക്കും ക്രൈസ്തവർ നേരിടുന്ന പീഡനങ്ങൾക്കുമെതിരെ പരിയാപുരം ഫാത്തിമാ മാതാ ഫൊറോന പള്ളി കത്തോലിക്ക കോണ്‍ഗ്രസിന്‍റെ നേതൃത്വത്തിൽ ഐക്യദാർഢ്യ കൂട്ടായ്മ സംഘടിപ്പിച്ചു. ഫൊറോന വികാരി ഫാ.ജോർജ് കളപ്പുരയ്ക്കൽ ഉദ്ഘാടനം ചെയ്തു. പാരിഷ് സെക്രട്ടറി മനോജ് വീട്ടുവേലിക്കൂന്നേൽ മുഖ്യപ്രഭാഷണം നടത്തി. കത്തോലിക്ക കോണ്‍ഗ്രസ് രൂപത വൈസ് പ്രസിഡന്‍റ് ഷാന്േ‍റാ തകിടിയിൽ, യൂണിറ്റ് പ്രസിഡന്‍റ് ജോയ്സി വാലോലിക്കൽ, സെക്രട്ടറി ഷാജു അറയ്ക്കൽ നെല്ലിശേരി, രൂപത പ്രതിനിധി വർഗീസ് പുതുശേരി എന്നിവർ നേതൃത്വം നൽകി. മാലാപറന്പ്: കത്തോലിക്ക കോണ്‍ഗ്രസ് താമരശേരി രൂപതയുടെ കീഴിൽ മാലാപറന്പ് യൂണിറ്റ് പ്രതിഷേധ യോഗം നടത്തി. ലോകത്ത് ഭീകരവാദത്തെ പ്രോത്സാഹിപ്പിക്കുന്ന ചില വർഗീയ സംഘടനകൾ ബോംബും തോക്കും ഉപയോഗിച്ച്് നിരപരാധികളായ ക്രൈസ്തവർക്കെതിരെ നടത്തുന്ന നിഷ്ഠൂരമായ കൊലപാതകങ്ങൾക്കെതിരെ ലോകമൊന്നാകെ പ്രതികരിക്കണമെന്നും കഷ്ടപ്പെടുന്ന നമ്മുടെ സഹോദരങ്ങൾക്ക് പ്രാർഥന സഹായങ്ങൾ ഉണ്ടാകണമെന്നും ഫാ.ജോസ് കാരക്കാട്ട് ഉദ്ഘാടന പ്രസംഗത്തിൽ ആവശ്യപ്പെട്ടു. വികാരി ഫാ.ജോസഫ് മുകളേപറന്പിൽ അനുഗ്രഹ പ്രഭാഷണം നടത്തി. പ്രസിഡന്‍റ്് ജോർജ് ചിറത്തലയാട്ട് അധ്യക്ഷത വഹിച്ചു. ബെന്നി കരിയന്പള്ളി, ലിന്‍റോ ചക്കുങ്കൽ, ജിമ്മിച്ചൻ പാറടയിൽ, കുട്ടപ്പൻ ചക്കുങ്കൽ, ജോയി കൊച്ചീത്ര, ജോമോൻ വേടംപറന്പിൽ, ഷാജി പൂവ്വത്തിങ്കൽ, സോജി കുന്പിളുവേലിൽ, സിസ്റ്റർ ജോസ്ലിൻ, റോസിലി പാറടയിൽ, സിബി പനയ്ക്കൽ, മാജോ കുന്പിളുവേലിൽ, ആന്‍റണി മാറാട്ട് എന്നിവർ പ്രസംഗിച്ചു. വാലില്ലാപ്പുഴ: നൈജീരിയ അടക്കമുള്ള രാജ്യങ്ങളിൽ ക്രൈസ്തവരെ കൂട്ടക്കുരുതി നടത്തുന്നതിൽ പ്രതിഷേധിച്ച് കത്തോലിക്ക കോണ്‍ഗ്രസ് താമരശേരി രൂപതയുടെ ആഹ്വാന പ്രകാരം കത്തോലിക്ക കോണ്‍ഗ്രസ വാലില്ലാപ്പുഴ അങ്ങാടിയിലേക്ക് പ്രതിഷേധ റാലിയും ഇരകളോടുള്ള ഐക്യദാർഢ്യ പ്രഖ്യാപന യോഗവും നടത്തി. യൂണിറ്റ് ഡയറക്ടർ ഫാ. മാത്യു കണ്ടശാംകുന്നേൽ ഉദ്ഘാടനം ചെയ്തു. യൂണിറ്റ് പ്രസിഡന്‍റ് ജയിംസ് തൊട്ടിയിൽ, ട്രഷറർ ബിനു പുല്ലുവേലിൽ തുടങ്ങിയവർ പ്രസംഗിച്ചു.

മുട്ടുമാറ്റിവയ്ക്കൽ ശസ്ത്രക്രിയ ക്യാന്പും സംഗമവും

പെരിന്തൽമണ്ണ: പാണ്ടിക്കാട് എംഇഎസ് ഹെൽത്ത് സെന്‍ററിന്‍റെ പത്താം വാർഷികത്തോടനുബന്ധിച്ച് പെരിന്തൽമണ്ണ എംഇഎസ് മെഡിക്കൽ കോളജും പാണ്ടിക്കാട് എംഇഎസ് ഹെൽത്ത് സെന്‍ററും സംയുക്തമായി മുട്ടുമാറ്റിവയ്ക്കൽ ശസ്ത്രക്രിയ ക്യാന്പും മുട്ടുമാറ്റിവച്ചവരുടെ സംഗമവും സംഘടിപ്പിക്കുന്നു. പാണ്ടിക്കാട് പ്ലസന്‍റ് ഓഡിറ്റോറിയത്തിൽ ജൂലൈ 23ന് രാവിലെ 9.30 മുതൽ ഉച്ചയ്ക്ക് 1.30 വരെയാണ് പരിപാടി. ആദ്യം രജിസ്റ്റർ ചെയ്യുന്ന നൂറു പേർക്ക് മാത്രമേ ക്യാന്പിന്‍റെ സേവനങ്ങൾ ലഭിക്കുകയുള്ളൂ. ഫോണ്‍: 9947478300, 9605716746.

താഴെക്കോട് പഞ്ചായത്ത് വാർഡ് വിഭജനത്തിൽ ഇടക്കാല ഉത്തരവ്

പെരിന്തൽമണ്ണ: താഴെക്കോട് ഗ്രാമപഞ്ചായത്തിന്‍റെ വാർഡ് വിഭജനത്തിൽ ക്രമക്കേടുകൾ ഉണ്ടെന്ന് ആരോപിച്ച് സമർപ്പിച്ച ഹരജിയിൽ ഹൈക്കോടതി ഇടക്കാല ഉത്തരവ് പുറപ്പെടുവിച്ചു. കേസിന്‍റെ അന്തിമ വിധിക്ക് വിധേയമായിട്ടായിരിക്കും പഞ്ചായത്തിന്‍റെ വാർഡ് വിഭജനം പൂർത്തിയാകൂവെന്ന് ഉത്തരവിൽ പറയുന്നു. വി.പി. അബു സബാഹ് നൽകിയ ഹരജിയിൽ ജസ്റ്റിസ് സി.എസ്. ഡൈസാണ് ഉത്തരവ് പുറപ്പെടുവിച്ചത്. വാർഡ് വിഭജനത്തിൽ അശാസ്ത്രീയവും മാനദണ്ഡങ്ങൾ പാലിക്കാതെയും പ്രകൃതിദത്തമായ അതിരുകൾ കൃത്യമായി നിർണയിക്കാതെയും ഡിലിമിറ്റേഷൻ ഉത്തരവുപ്രകാരം നിയമം പാലിക്കാതെയും ഇരുനൂറിൽപരം വീടുകൾ യഥാർഥ വാർഡിൽ വരാതെ പല വാർഡുകളിലായി കിടക്കുന്നു. ഉത്തരവിൽ പറയുന്ന വാർഡ് 10 കുന്നത്ത്‌വട്ട, വാർഡ് 13 മാടാംപാറ, വാർഡ് 14 മാന്തോണിക്കുന്ന്, വാർഡ് 18 കാപ്പുപറന്പ്, വാർഡ് 15 മാട്ടറക്കൽ എന്നീ വാർഡുകൾ മാനദണ്ഡം പാലിച്ചിട്ടില്ല. സമ്മതിദായകരുടെ ഗ്രാമസഭ, പോളിംഗ് സ്റ്റേഷൻ, വാർത്ത വിനിമയ സൗകര്യം തുടങ്ങിയവ കണക്കിലെടുക്കാതെയാണ് വാർഡ് ആറ് മലങ്കട, വാർഡ് 10 കുന്നത്തുവട്ട, മാന്തോണിക്കുന്ന് മാട്ടറക്കൽ, മരുതല വാർഡുകൾ വിഭജനം നടത്തിയിട്ടുള്ളത്. നിലവിലുള്ള എല്ലാ വാർഡുകളും പുനർനിർണയം നടത്തണമെന്നിരിക്കെ പുതുതായി രൂപം നൽകിയ വാർഡ് 23 അത്തിക്കൽ, 22 മരുതല, 21 മുതിരമണ്ണ, 4 കാപ്പ് മുഖം, 5 മാരാന്പറ്റക്കുന്ന് എന്നീ വാർഡുകൾ പഴയ വാർഡിൽ വ്യത്യാസം വരുത്താതെ നന്പർ മാത്രം മാറ്റിയതായി കാണുന്നു. രാഷ്ട്രീയമായ സമ്മർദ്ദത്തിൽ കരട് ലിസ്റ്റും അന്തിമ ലിസ്റ്റും ഒരു മാറ്റവുമില്ലാതെയാണ് പ്രസിദ്ധീകരിച്ചിട്ടുള്ളത്. ഈ സാഹചര്യത്തിലാണ് ഹൈക്കോടതിയെ സമീപിച്ചത്. ഹർജിയിലേക്കുള്ള പ്രാഥമിക വാദം കേട്ടതിനു ശേഷം കോടതി ഹരജി ഫയലിൽ സ്വീകരിക്കുകയും ബന്ധപ്പെട്ടവർക്ക് നോട്ടീസ് നൽകാൻ ഉത്തരവിട്ടു. കേസ് അടുത്തമാസം 28ന് വാദം കേൾക്കും.

ചുങ്കത്തറയിൽ കാട്ടാനകളുടെ പരാക്രമം; വ്യാപകമായി കൃഷി നശിപ്പിച്ചു

എടക്കര: ചുങ്കത്തറയിൽ വീണ്ടും കാട്ടാനക്കൂട്ടത്തിന്‍റെ പരാക്രമം. ജനവാസ കേന്ദ്രത്തിലിറങ്ങിയ കാട്ടാനക്കൂട്ടം വ്യാപകമായി നാശം വിതച്ചു. കൈപ്പിനി അന്പലപ്പൊയിൽ, മുണ്ടപ്പാടം പ്രദേശങ്ങളിലാണ് ജനങ്ങളെ ഭീതിയിലാഴ്ത്തി കാട്ടാനക്കൂട്ടത്തിന്‍റെ വിളയാട്ടം തുടരുന്നത്. മാന്തോണി ഹംസപ്പ, മാന്തോണി ജമീല, പൂളക്കൽ അഹമ്മദ്കുട്ടി, പൂളക്കൽ സൈതലവി, പൂളക്കൽ അഷ്റഫ് എന്നിവരുടെ കൃഷിയിടങ്ങളിലെ കുലച്ച് മൂപ്പെത്താറായ നിരവധി വാഴ, കമുക്, തെങ്ങിൻ തൈകൾ, കപ്പ എന്നിവയെല്ലാം കാട്ടാനകൾ നശിപ്പിച്ചിട്ടുണ്ട്. ഹംസപ്പയുടെ തോട്ടത്തിൽ ഒന്നരലക്ഷം രൂപ ചെലവഴിച്ച് നിർമിച്ച ജലസേചന സംവിധാനവും വന്യമൃഗശല്യം ചെറുക്കാൻ നിർമിച്ച തൂക്ക് ഫെൻസിംഗും നശിപ്പിച്ചു. കഴിഞ്ഞ ദിവസം ഹംസപ്പയുടെ മഞ്ചറയിലെ തോട്ടത്തിലും കാട്ടാനക്കൂട്ടം വ്യാപക നാശമാണ് വരുത്തിയത്. പൂളക്കൽ അഹമ്മദ് കുട്ടിയുടെ വീടിനോട് ചേർന്നുള്ള വാഴകളും പച്ചക്കറികളും നശിപ്പിച്ചിട്ടുണ്ട്. ആളുകൾ തിങ്ങിപ്പാർക്കുന്ന കേന്ദ്രത്തിലേക്ക് പ്രവേശിച്ച ആനകൾ ഓടയ്ക്കൽ അസൈനാറുടെ വീട്ടുമുറ്റത്തെ ജലസേചന പൈപ്പ്, നടുവക്കാട് ഭാസ്കരന്‍റെ വീട്ടുവളപ്പിലെ വാഴ, പാറേങ്ങൽ സുലൈമാന്‍റെ തെങ്ങ്, പൊറ്റയിൽ ഷൗക്കത്ത്, മുഹമ്മദലി മാന്തോണി, മാന്തോണി അബുട്ടി, തരിയക്കോടൻ മുസ്തഫ എന്നിവരുടെ വളപ്പിലെ തെങ്ങ്, വാഴ എന്നിവയും നശിപ്പിച്ചാണ് മടങ്ങിയത്. ശനിയാഴ്ച രാത്രി എട്ടോടെ അന്പലപ്പൊയിലിലെ ജനവാസകേന്ദ്രത്തിലെത്തിയ കാട്ടാനക്കൂട്ടത്തെ നാട്ടുകാരും വനം ജീവനക്കാരും പടക്കം പൊട്ടിച്ച് ഓടിച്ചിരുന്നു. ഇവ നേരെയെത്തിയത് മുണ്ടപ്പാടത്തേക്കാണ്. നാല് ദിവസം മുന്പ് ഇതേ ആനക്കൂട്ടം പ്രദേശത്ത് വ്യാപക കൃഷിനാശം വരുത്തിയിരുന്നു. കർഷകരുടെ വിളകളും ജലസേചന സംവിധാനങ്ങളും സോളാർ ഫെൻസിംഗും നശിപ്പിച്ച നാലെണ്ണം അടങ്ങുന്ന കാട്ടാനകൾ ഇന്നലെ പുലർച്ചെയാണ് കാടുകയറിയത്. കഴിഞ്ഞ ഒരു മാസത്തിലധികമായി വനാതിർത്തിയിൽ നിലയുറപ്പിച്ച കാട്ടാനകൾ മേഖലയിൽ ലക്ഷങ്ങളുടെ വിളനാശമാണ് വരുത്തിക്കൊണ്ടിരിക്കുന്നത്. വൈകുന്നേരമായാൽ വീടിന് പുറത്തിറങ്ങാൻ പറ്റാത്ത അവസ്ഥയിലാണ് പ്രദേശവാസികൾ. രൂക്ഷമായ കാട്ടാനശല്യത്തിന് ശാശ്വത പരിഹാരം കാണാൻ അധികൃതർ തയാറാകണമെന്നും അല്ലാത്തപക്ഷം കടുത്ത പ്രക്ഷോഭം സംഘടിപ്പിക്കുമെന്നും കർഷകർ മുന്നറിയിപ്പ് നൽകി. കടുവ ഭീതിയിൽ മലയോരം: ജാഗ്രത സമിതി രൂപീകരിച്ചു കരുവാരകുണ്ട്: കടുവ അടക്കമുള്ള വന്യമൃഗശല്യം മൂലം ഭീഷണി നേരിടുന്ന കരുവാരകുണ്ട് മേഖലയിലെ ജനങ്ങളുടെ ഭീതിയകറ്റാൻ നടപടി സ്വീകരിക്കണമെന്നാവശ്യപ്പെട്ട് തുടർപ്രവർത്തനങ്ങൾക്കായി പ്രദേശവാസികൾ മലയോര ജനജാഗ്രത സമിതി രൂപീകരിച്ചു. കഴിഞ്ഞ രണ്ട് മാസത്തോളമായി കാർഷിക മേഖല തകർന്ന് കിടക്കുകയാണെന്നും ഭീതി മൂലം തൊഴിലാളികൾ ജോലിക്ക് വരാത്തതിനാൽ റബർ തോട്ടങ്ങൾ കാടുമൂടി കിടക്കുകയാണെന്നും കടുവകളെ കണ്ടെത്തി വെടിവച്ച് കൊല്ലാൻ നടപടി സ്വീകരിക്കണമെന്നും മലയോര ജനത ജാഗ്രതാ സമിതി രൂപീകരണ യോഗം ആവശ്യപ്പെട്ടു. യോഗത്തിൽ മാനുവൽകുട്ടി മണിമല അധ്യക്ഷത വഹിച്ചു. കെ.കെ.ജയിംസ്, ജോസ് ഉള്ളാട്ടിൽ, ലത്തീഫ് മഠത്തിൽ, കെ. ഗോപാലകൃഷ്ണൻ, എം.കെ.മുഹമ്മദലി, വി. ആബിദലി, ഒ.പി. ഇസ്മായിൽ, അയ്യൂബ് പുലിയോടൻ, ഷൈലേഷ് പട്ടിക്കാടൻ, കെ.അബ്ദുറഹിമാൻ തുടങ്ങിയവർ പ്രസംഗിച്ചു.

"അണ്‍ എയ്ഡഡ് സ്കൂളുകളോടുള്ള വിവേചനം അവസാനിപ്പിക്കണം’

പുത്തനങ്ങാടി: കേരളത്തിലെ സിബിഎസ്ഇ, ഐസിഎസ്ഇ, കേരള സർക്കാർ അണ്‍ എയ്ഡഡ് സ്കൂളുകളുടെ കൂട്ടായ്മയായ കേരള അണ്‍ എയ്ഡഡ് സ്കൂൾ പ്രൊട്ടക്‌ഷൻ കൗണ്‍സിൽ ജില്ലാ ജനറൽ ബോഡിയോഗം പുത്തനങ്ങാടി സെന്‍റ് ജോസഫ്സ് സ്കൂളിൽ നടത്തി. കേരളത്തിൽ അണ്‍ എയ്ഡഡ് മേഖലയോടുള്ള സർക്കാർ വിവേചനം അവസാനിപ്പിക്കണമെന്ന് യോഗം ആവശ്യപ്പെട്ടു. അംഗങ്ങളായ സ്കൂളുകൾക്ക് സൗജന്യ നിയമ സഹായം ലഭ്യമാക്കും. അന്യായമായി വർധിപ്പിച്ച കെട്ടിട നികുതി, സ്കൂൾ ബസ് വാഹന നികുതി എന്നിവ പിൻവലിക്കണമെന്ന് യോഗം സർക്കാരിനോടാവശ്യപ്പെട്ടു. സംസ്ഥാന ജനറൽ സെക്രട്ടറി പി.എസ്. രാമചന്ദ്രൻപിള്ള ഉദ്ഘാടനം ചെയ്തു. ജില്ലാ പ്രസിഡന്‍റ് എം. ജൗഹർ അധ്യക്ഷത വഹിച്ചു. ഓർഗനൈസിംഗ് സെക്രട്ടറി ജേക്കബ് ജോർജ് വിഷയാവതരണം നടത്തി. മേഖലാ സെക്രട്ടറി എം. അബ്ദുൾനാസർ മുഖ്യപ്രഭാഷണം നടത്തി. ഭാരവാഹികളായ വിക്ടർ ജോർജ്, ജനറൽ സെക്രട്ടറി പ്രമോദ് തലാപ്പിൽ, ഫാ. നന്നം പ്രേംകുമാർ, സിസ്റ്റർ ആൻസില ജോർജ്, ഡോ. ഷിബിലി, സൈത് മുസ്തഫ തങ്ങൾ, കേണൽ ബി.എം. കുട്ടി, അബ്ദുൾ അക്ബർ, മൂസഹാജി എന്നിവർ പ്രസംഗിച്ചു. ജില്ലയിലെ 115 സ്കൂൾ പ്രതിനിധികൾ യോഗത്തിൽ പങ്കെടുത്തു. അണ്‍ എയ്ഡഡ് മേഖലയുടെ ഉയർച്ചക്കായി കൂട്ടായ പ്രവർത്തനങ്ങൾ നടത്താനും വിശദമായ അവകാശ പത്രിക സർക്കാരിന് സമർപ്പിക്കാനും തീരുമാനിച്ചു. അണ്‍ എയ്ഡഡ് സ്കൂളുകളുടെ ദേശീയ കണ്‍വൻഷൻ കൊച്ചിയിൽ സംഘടിപ്പിക്കാനും യോഗം തീരുമാനിച്ചു.

പുതിയ സ്വതന്ത്ര ലയണ്‍സ് സിസ്ട്രിക്ട് 318ഡി വണ്‍ ജൂലൈ ഒന്നുമുതൽ

പെരിന്തൽമണ്ണ: വിവിധ സേവന പ്രവർത്തനങ്ങളുമായി പുതിയ സ്വതന്ത്ര ലയണ്‍സ് സിസ്ട്രിക്ട് 318ഡി വണ്‍ മലപ്പുറത്തിന്‍റെ തുടക്കം ജൂലൈ ഒന്നു മുതൽ. ഇതിന്‍റെ ഭാഗമായി തിമിരരോഗ വിമുക്ത മലപ്പുറം എന്ന പദ്ധതിയുടെ ജില്ലാതല ഉദ്ഘാടനം മഞ്ചേരിയിൽ നടത്താൻ തീരുമാനിച്ചു. പ്രമേഹരോഗ നിർണയ ക്യാന്പിന്‍റെയും ബോധവത്കരണത്തിന്‍റെയും ജില്ലാതല ഉദ്ഘാടനം പെരിന്തൽമണ്ണ ലയണ്‍സ് ഹാളിൽ (ഐഎംഎ ഹാളിന് സമീപം) രാവിലെ ഒന്പതിന് നജീബ് കാന്തപുരം എംഎൽഎ നിർവഹിക്കും. റീജിയൺതല തമിരരോഗ നിർണയ ക്യാന്പ് ഉദ്ഘാടനം ( റീജീയൻ 5, സോണ്‍ 2 ) പെരിന്തൽമണ്ണ ലയണ്‍സ് ഹാളിൽ പെരിന്തൽമണ്ണ മുനിസിപ്പൽ ചെയർമാൻ പി. ഷാജി രാവിലെ ഒന്പതിന് നിർവഹിക്കും. മലപ്പുറം ജില്ലയെ തിമിരരോഗ വിമുക്തമായി പ്രഖ്യാപിക്കുന്നതിന് ജില്ലയിലെ ആറ് റീജിയണുകളിലായി 12 കേന്ദ്രങ്ങളിൽ അന്നേദിവസം അഹല്യ ഹോസ്പിറ്റലുമായി സഹകരിച്ച് ഡോക്ടർമാർ രോഗികളെ പരിശോധിച്ച് ശസ്ത്രക്രിയ ആവശ്യമുള്ളവർക്ക് സൗജന്യമായി ഹോസ്പിറ്റലിൽ കൊണ്ടുപോയി വേദനരഹിത സാങ്കേതികവിദ്യയിലൂടെ ശസ്ത്രക്രിയ നടത്തും. ജില്ലയിലെ നഗരസഭകളിലും പഞ്ചായത്തുകളിലും വരുംമാസങ്ങളിൽ അഹല്യ ഹോസ്പിറ്റലിന്‍റെ നേതൃത്വത്തിൽ ലയണ്‍സ് ക്ലബുകൾ തിമിര രോഗനിർണയ ക്യാന്പും ആവശ്യമുള്ളവർക്ക് ശസ്ത്രക്രിയയും നടത്തും. വിവരങ്ങൾക്ക് പദ്മനാഭൻ ഫോണ്‍: 9447216330, ഇസ്മായിൽ-7306745475, ജാബിർ -9633866539, ഡോ. നഈമു റഹുമാൻ(റീജിയൺ ചെയർമാൻ)- 9847986101 , ശശികുമാർ(സോണ്‍ ചെയർമാൻ)-8921499298, ഡോ. കൊച്ചു എസ്. മണി (അഡീഷണൽ കാബിനറ്റ് സെക്രട്ടറി, ഡയബറ്റിസ്)-9447843241- നന്പറിൽ ബന്ധപ്പെടണം. പരിസ്ഥിതി സംരക്ഷണത്തിന്‍റെ ഭാഗമായി ജില്ലയിലെ വിവിധ സ്ഥാപനങ്ങളിലായി ആയിരത്തോളം ഔഷധ സസ്യങ്ങൾ നട്ടുപിടിപ്പിക്കാനും തീരുമാനിച്ചു. ജൂലൈ ഒന്ന് ഡോക്ടേഴ്സ് ദിനത്തിൽ ജില്ലയിലെ ലയണ്‍സ് ക്ലബുകൾ ഡോക്ടർമാരെ ആദരിക്കും.

റിംഗ് കന്പോസ്റ്റ് പദ്ധതി

എടക്കര: ചുങ്കത്തറ ഗ്രാമപഞ്ചായത്ത് വാർഷിക പദ്ധതിയായ വ്യക്തിഗത ഗുണഭോക്താക്കൾക്ക് റിംഗ് കന്പോസ്റ്റ് എന്ന പദ്ധതിയുടെ ഉദ്ഘാടനം പ്രസിഡന്‍റ് വത്സമ്മ സെബാസ്റ്റ്യൻ നിർവഹിച്ചു. വൈസ് പ്രസിഡന്‍റ് സൈനബ മാന്പള്ളി അധ്യക്ഷത വഹിച്ചു. വിഇഒ കെ.വി. നിഷ പദ്ധതി വിശദീകരിച്ചു. പഞ്ചായത്ത് അംഗങ്ങളായ രതീഷ് മഠത്തിൽ, ഷാജഹാൻ ചേലൂർ, ചന്ദ്രൻ, നിഷിദ മുഹമ്മദാലി എന്നിവർ പ്രസംഗിച്ചു.

മൗലാന ഹോസ്പിറ്റലിൽ ഗവേഷണ ശില്പശാല നടത്തി

പെരിന്തൽമണ്ണ: മൗലാന ഹോസ്പിറ്റലിൽ ഡോക്ടർമാർക്കും വിദ്യാർഥികൾക്കുമായി ഗവേഷണ ശില്പശാല സംഘടിപ്പിച്ചു. മൗലാന ഇൻസ്റ്റിറ്റ്യൂഷണൽ എത്തിക്കൽ കമ്മിറ്റി സംഘടിപ്പിച്ച ശില്പശാല ഹോസ്പിറ്റൽ മെഡിക്കൽ സൂപ്രണ്ട് ഡോ. കെ.എ. സീതി ഉദ്ഘാടനം ചെയ്തു. ഇൻസ്റ്റിറ്റ്യൂഷണൽ എത്തിക്കൽ കമ്മിറ്റി ചെയർമാൻ ഡോ. വി. അബ്ദുൾ ജലീൽ അധ്യക്ഷത വഹിച്ചു. കോഴിക്കോട് മെഡിക്കൽ കോളജ് കമ്മ്യൂണിറ്റി മെഡിസിൻ മേധാവി ഡോ. അസ്മ റഹീം, മണിപ്പാൽ അക്കാഡമി ഓഫ് ഹയർ എഡ്യുക്കേഷൻ ചീഫ് ഇന്നവേറ്റീവ് ഓഫീസർ ഡോ. മുഹമ്മദ് സുബൈർ, സൗദി കിംഗ് ഫഹദ് യൂണിവേഴ്സിറ്റി ഓഫ് പെട്രോളിയം ആൻഡ് കെമിക്കൽസ് പ്രഫസർ ഡോ. അബ്ദുൾ മാലിക്ക് പീടികാക്കൽ, മണിപ്പാൽ കോളജ് പ്രഫ. ഡോ. കെ.ടി. മുഹമ്മദ് സാലിം, സെമി കോളൻ സിടിഒ കെ.കെ. ഇർഷാദ് എന്നിവർ വിഷയങ്ങൾ അവതരിപ്പിച്ചു. മൗലാന ഫാർമസി കോളജ് വൈസ് പ്രിൻസിപ്പലും ഇൻസ്റ്റിറ്റ്യൂഷണൽ എത്തിക്കൽ കമ്മിറ്റി മെന്പർ സെക്രട്ടറിയുമായ ഡോ. പി.പി. നസീഫ്, ഒമാൻ സുൽത്താൻ ഖാബൂസ് ഹോസ്പിറ്റൽ പ്രഫ. ഡോ. സി.എ. മൻസൂർ, മൗലാന ഹോസ്പിറ്റൽ സിഒഒ രാംദാസ്, ഡോ. വിഷ്ണു വാസുദേവൻ, ഡോ. വിനീതമേരി ജോയ്, ഡോ. ലിനു മോഹൻ, ഡോ. വി.കെ. സുമ, കെ. മൊയ്തീൻ, ഡോ.സി.കെ. മുഹമ്മദ് ഷിയ, ഡോ.പി. അബ്ദുൾ അസ്ലം, ശിഫ റഷീദ് എന്നിവർ പ്രസംഗിച്ചു.

വിദ്യാഭ്യാസത്തെ സംസ്കാരത്തിന്‍റെ ഭാഗമാക്കാൻ കേരളത്തിന് സാധിച്ചു: മന്ത്രി വി. അബ്ദുറഹിമാൻ

തിരൂർ: സംസ്ഥാന ഫിഷറീസ് വകുപ്പും കേരള മത്സ്യത്തൊഴിലാളി ക്ഷേമനിധി ബോർഡും സംയുക്തമായി മത്സ്യ തൊഴിലാളികളുടെയും അനുബന്ധ തൊഴിലാളികളുടെയും കുട്ടികൾക്ക് നൽകി വരുന്ന വിദ്യാഭ്യാസ- കായിക പ്രോത്സാഹന അവാർഡുകൾ വിതരണം ചെയ്തു. "നക്ഷത്രത്തിളക്കം 2025’ എന്ന പേരിൽ പടിഞ്ഞാറേക്കര സീ-സോണ്‍ ഓഡിറ്റോറിയത്തിൽ നടന്ന പരിപാടി മന്ത്രി വി. അബ്ദുറഹിമാൻ ഉദ്ഘാടനം ചെയ്തു. വിദ്യാഭ്യാസത്തെ സംസ്കാരത്തിന്‍റെ ഭാഗമാക്കി മാറ്റാൻ നമുക്ക് സാധിച്ചു. അതിൽ ആണ്‍കുട്ടികളേക്കാൾ ഉന്നതിയിൽ പെണ്‍കുട്ടികൾ എത്തുന്നതാണ് ഇപ്പോൾ നാം കാണുന്നത്. രാജ്യത്തിന് തന്നെ മാതൃകയായി കേരളത്തിലെ പെണ്‍കുട്ടികൾ പഠനത്തിൽ മുന്നോട്ടുവരുന്നുണ്ട്. ന്യൂനപക്ഷ വിദ്യാർഥികളുടെ ഉന്നത പഠനത്തിനായി 50,000 രൂപയുടെ സ്കോളർഷിപ്പ് നടപ്പാക്കിയിട്ടുണ്ടെന്നും മന്ത്രി പറഞ്ഞു. തവനൂർ എംഎൽഎ ഡോ. കെ.ടി. ജലീൽ അധ്യക്ഷത വഹിച്ചു. അവാർഡിന് അർഹരായ കുട്ടികളുമായി മന്ത്രി സംവദിച്ചു. കുട്ടികളുടെ ഉന്നത പഠനത്തിനായി മാർഗനിർദേശങ്ങളും നൽകി. ജില്ലയിലെ നാല് ഫിഷറീസ് ഓഫീസുകളുടെ പരിധിയിൽ ഉൾപ്പെടുന്ന പത്താം ക്ലാസിൽ മുഴുവൻ എ പ്ലസ് ലഭിച്ച 51 വിദ്യാർഥികൾക്കും പ്ലസ് ടു തലത്തിൽ മുഴുവൻ എ പ്ലസ് ലഭിച്ച 17 വിദ്യാർഥികൾക്കും കായിക മേഖലയിൽ ദേശീയതലത്തിൽ മികവ് തെളിയിച്ച നാല് കുട്ടികൾക്കുമടക്കം 134 വിദ്യാർഥികൾക്ക് ചടങ്ങിൽ കാഷ് അവാർഡുകൾ വിതരണം ചെയ്തു. കൂടാതെ 199 പേർക്ക് 25000 രൂപയുടെ വിവാഹ ധനസഹായവും നൽകി. വിദ്യാർഥികൾക്കും രക്ഷിതാക്കൾക്കുമായി വിമുക്തി ജില്ലാ ലൈസണ്‍ ഓഫീസർ പി. ബിജു നയിച്ച ലഹരി വിരുദ്ധ ബോധവത്കരണ ക്ലാസും പരിപാടിയിൽ നടന്നു. ഡയറി ഡെവലപ്മെന്‍റ് എക്സ്റ്റൻഷൻ ഓഫീസർ എച്ച്.പി. മെഹറൂഫ് കുട്ടികൾക്കായി മോട്ടിവേഷൻ ക്ലാസെടുത്തു. സെക്രട്ടറി സജി എം. രാജേഷ് റിപ്പോർട്ട് അവതരിപ്പിച്ചു. തിരൂർ ബ്ലോക്ക് പഞ്ചായത്ത് വൈസ് പ്രസിഡന്‍റ് അഡ്വ. യു. സൈനുദ്ദീൻ, പുറത്തൂർ ഗ്രാമപഞ്ചായത്ത് പ്രസിഡന്‍റ് സി.ഒ. ശ്രീനിവാസൻ, വൈസ് പ്രസിഡന്‍റ് സുഹറ ആസിഫ്, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ കെ.ടി. പ്രശാന്ത്, മത്സ്യബോർഡ് ചെയർമാൻ കൂട്ടായി ബഷീർ തുടങ്ങിയവർ പ്രസംഗിച്ചു.

ഡെങ്കിപ്പനിക്കെതിരേ പ്രതിരോധം ഊർജിതമാക്കി

മലപ്പുറം: ജില്ലയിൽ ഡെങ്കിപ്പനിക്കെതിരേ പ്രതിരോധ പ്രവർത്തനങ്ങൾ ഊർജിതമാക്കിയതായി ജില്ലാ മെഡിക്കൽ ഓഫീസർ ഡോ. ആർ രേണുക. മഴക്കാലമായതോടെ ഡെങ്കിപ്പനി പടരുന്ന സാഹചര്യമുണ്ടെന്നും മൂന്ന് പേർ ഇതിനകം മരിച്ചതായും ജില്ലാ മെഡിക്കൽ ഓഫീസർ അറിയിച്ചു. പ്രായമായവരിലാണ് ഡെങ്കി അപകടകരമാകുന്നതായി കാണുന്നത്. ഡെങ്കിപ്പനി ചികിത്സയ്ക്ക് ആവശ്യമായ മരുന്നുകൾ സർക്കാർ ആശുപത്രികളിൽ സ്റ്റോക്കുണ്ടെന്നും ഡിഎംഒ പറഞ്ഞു. എംഎൽഎമാരായ പി. ഉബൈദുള്ള, ആബിദ് ഹുസൈൻ തങ്ങൾ, പി. അബ്ദുൾ ഹമീദ്, യു.എ. ലത്തീഫ്, കുറുക്കോളി മൊയ്തീൻ എന്നിവർ ജില്ലാ വികസന സമിതിയിൽ ഉന്നയിച്ച പകർച്ചവ്യാധികളെക്കുറിച്ചുള്ള ചോദ്യങ്ങൾക്ക് മറുപടി പറയുകയായിരുന്നു ഡിഎംഒ. ആരോഗ്യ പ്രവർത്തകർ, ജനപ്രതിനിധികൾ, മാധ്യമങ്ങൾ തുടങ്ങി എല്ലാവരും ചേർന്ന് നടത്തിയ ബോധവത്കരണത്തിന്‍റെ ഫലമായി ജില്ലയിൽ വീടുകളിലെ പ്രസവം ഏതാണ്ട് പൂർണമായും ഇല്ലാതാക്കാൻ കഴിഞ്ഞിട്ടുണ്ടെന്നും ഡിഎംഒ പറഞ്ഞു. മൂന്ന് കേസുകൾ മാത്രമാണ് കഴിഞ്ഞ മാസം റിപ്പോർട്ട് ചെയ്തത്. മഞ്ചേരി മെഡിക്കൽ കോളജിലെ രണ്ട് ഡോക്ടർമാരെ വയനാട്ടിലേക്ക് സ്ഥലം മാറ്റിയ സാഹചര്യത്തിലാണ് രാത്രികാല പോസ്റ്റ്മോർട്ടം താൽക്കാലികമായി തടസപ്പെട്ടതെന്ന് യു.എ. ലത്തീഫ് എംഎൽഎയുടെ ചോദ്യത്തിന് മറുപടിയായി മെഡിക്കൽ കോളജ് പ്രിൻസിപ്പൽ അറിയിച്ചു. രാത്രികാല പോസ്റ്റ്മോർട്ടം വൈകാതെ പുനഃസ്ഥാപിക്കാൻ കഴിയുമെന്നും അദ്ദേഹം അറിയിച്ചു. കോട്ടക്കുന്നിൽ മണ്ണിടിച്ചിൽ മൂലം സുരക്ഷിതമല്ലാത്ത വീടുകളിൽ താമസിക്കുന്നവരുടെ പുനരധിവാസ നടപടികൾ വേഗമാക്കണമെന്ന് പി. ഉബൈദുള്ള എംഎൽഎ ആവശ്യപ്പെട്ടു. തിരൂർ ജില്ലാ ആശുപത്രിയിലെ മോർച്ചറിയുടെ നവീകരണം അടിയന്തരമായി നടത്തണമെന്നും സിവിൽ സ്റ്റേഷനിലെത്തുന്ന പൊതുജനങ്ങൾക്കും ഭിന്നശേഷിക്കാർക്കും വൃത്തിയുള്ള ശുചിമുറികൾ സജ്ജമാക്കണമെന്നും പി.പി. സുനീർ എംപിയുടെ പ്രതിനിധി ആവശ്യപ്പെട്ടു. എംപിമാരുടെ പ്രതിനിധികൾ, ജില്ലാപഞ്ചായത്ത് വൈസ് പ്രസിഡന്‍റ് ഇസ്മായിൽ മൂത്തേടം, ജില്ലാ വികസന കമ്മീഷണർ അപൂർവ ത്രിപാഠി, ജില്ലാ പ്ലാനിംഗ് ഓഫീസർ പി.ഡി. ജോസഫ്, വിവിധ വകുപ്പുകളിലെ ജില്ലാതല ഉദ്യോഗസ്ഥർ തുടങ്ങിയവർ പങ്കെടുത്തു. ‘അധ്യാപക ഒഴിവുകൾ ഫിക്സേഷനുശേഷം റിപ്പോർട്ട് ചെയ്യും’ എൽപി, യുപി, ഹൈസ്കൂൾ വിഭാഗം അധ്യാപക ഒഴിവുകൾ സ്റ്റാഫ് ഫിക്സേഷൻ റിപ്പോർട്ട് ലഭ്യമാകുന്നതോടെ പിഎസ്‌സിക്ക് റിപ്പോർട്ട് ചെയ്യുമെന്ന് ജില്ലാ വിദ്യാഭ്യാസ ഉപഡയറക്ടർ അറിയിച്ചു. പിഎസ്‌സി റാങ്ക് പട്ടികയുടെ കാലാവധി കഴിയും മുന്പ് ഒഴിവുകൾ റിപ്പോർട്ട് ചെയ്ത് നിയമനത്തിനുള്ള നടപടികൾ വേഗമാക്കണമെന്ന് പി. ഉബൈദുള്ള എംഎൽഎ നിർദേശിച്ചു. പ്ലസ് വണ്‍ പ്രവേശനം സംബന്ധിച്ച് സപ്ലിമെന്‍ററി അലോട്ട്മെന്‍റ് പൂർത്തിയാകുന്നതോടെ വ്യക്തമായ ചിത്രം ലഭിക്കുമെന്ന് ഹയർ സെക്കൻഡറി ഡെപ്യൂട്ടി ഡയറക്ടർ വികസനസമിതി യോഗത്തിൽ അറിയിച്ചു. ജില്ലയിൽ നിലവിൽ അണ്‍ എയ്ഡഡ് ഉൾപ്പെടാതെ തന്നെ 9158 പ്ലസ് വണ്‍ സീറ്റുകളിൽ ഒഴിവുണ്ടെന്നും 13187 അപേക്ഷർ കാത്തിരിപ്പുണ്ടെന്നും ആർഡിഡി അറിയിച്ചു.

കൂമൻകുന്ന് നഗറിലെ 17 കുടുംബങ്ങൾക്ക് പട്ടയം നൽകി

മങ്കട:മങ്കട വില്ലേജിൽ ദശാബ്ദങ്ങളുടെ കാത്തിരിപ്പിനൊടുവിൽ കൂമൻകുന്ന് നഗറിൽ താമസിക്കുന്ന 17 കുടുംബങ്ങൾക്ക് പട്ടയം ലഭിച്ചു. പെരിന്തൽമണ്ണ തഹസിൽദാർ ടി. പ്രകാശൻ, ഭൂരേഖ തഹസിൽദാർ എ. വേണുഗോപാലൻ എന്നിവരുടെ നേതൃത്വത്തിൽ പട്ടയത്തിന്‍റെ വിധി പകർപ്പ് കൈമാറി. ചടങ്ങിൽ പെരിന്തൽമണ്ണ താലൂക്ക് ഡെപ്യൂട്ടി തഹസിൽദാർ ജയ്സന്‍റ് മാത്യു, വില്ലേജ് ഓഫീസർ വിജീന്ദ്രകുമാർ, പഞ്ചായത്ത് മെന്പർമാരായ പി.ടി. ഷറഫുദ്ദീൻ, ജംഷീർ, അലി അക്ബർ, മങ്കട വില്ലേജ് ജനകീയ സമിതി അംഗങ്ങളായ പി. അബ്ദുസമദ്, മുഹമ്മദാലി, സ്പെഷൽ വില്ലേജ് ഓഫീസർ രാജേഷ് പിള്ള, മറ്റു ജീവനക്കാർ, രാഷ്ട്രീയ പാർട്ടികളുടെ പ്രതിനിധികൾ എന്നിവർ പങ്കെടുത്തു. കൂമൻകുന്ന് നഗർ നിവാസികൾക്ക് പട്ടയം ലഭിക്കുന്നതിനായി അഹോരാത്രം പരിശ്രമിച്ച മങ്കട വില്ലേജ് ജനകീയ സമിതി അംഗം പി. അബ്ദുസമദിന് സർട്ടിഫിക്കറ്റും ഉപഹാരവും തഹസിൽദാർ നൽകി.

മങ്കടയിൽ റോഡ് തകർച്ച; ഗതാഗതക്കുരുക്ക് രൂക്ഷം

മങ്കട: മങ്കടയിൽ റോഡ് തകർച്ച കാരണം ഗതാഗതക്കുരുക്ക് രൂക്ഷം. മങ്കട മേലെ ജംഗ്ഷനിൽ നിന്ന് കൂട്ടിൽ റോഡും മലപ്പുറം റോഡും തിരിയുന്ന ഭാഗത്താണ് ഏറ്റവും കൂടുതൽ ഗതാഗതക്കുരുക്ക് അനുഭവപ്പെടുന്നത്. മലപ്പുറം റോഡിലേക്ക് തിരിയുന്ന ഭാഗം പൈപ്പ് ലൈൻ പൊട്ടുന്നതിനെത്തുടർന്ന് എത്ര അറ്റകുറ്റപ്പണി നടത്തിയാലും വീണ്ടും തകരുന്ന അവസ്ഥയാണുള്ളത്.കഴിഞ്ഞ വേനലിൽ റോഡ് തകർന്ന ഭാഗത്ത് പൈപ്പ് ലൈൻ ശരിയാക്കി കോണ്‍ക്രീറ്റിട്ട് മൂടിയെങ്കിലും ഒരു മാസത്തിനകം വീണ്ടും തകർന്നു. ഈ ഭാഗത്തിപ്പോൾ വലിയ ഗർത്തം രൂപപ്പെട്ടിട്ടുണ്ട്. ഇതിനാൽ റോഡിലേക്ക് വാഹനങ്ങൾ പ്രവേശിക്കുന്നത് അപകടകരമായി മാറിയിരിക്കുകയാണ്. മങ്കട ടൗണിൽ മേലെ അങ്ങാടിയിൽ മഞ്ചേരി ഭാഗത്തേക്കും പെരിന്തൽമണ്ണ ഭാഗത്തേക്കുമുള്ള ബസ് സ്റ്റോപ്പുകൾ വർഷങ്ങൾക്കു മുന്പ് പോലീസ് ഇടപെട്ട് മാറ്റിയെങ്കിലും ബസ് കാത്തിരിപ്പ് കേന്ദ്രങ്ങളില്ലാത്തതിനാൽ ബസുകൾ ജംഗ്ഷനിലാണ് നിർത്തുന്നത്. ഇത് ടൗണിലെ ഗതാഗതക്കുരുക്ക് രൂക്ഷമാക്കുന്നു. വ്യാപാരികളെയും ഇത് സാരമായി ബാധിക്കുന്നു. മഞ്ചേരി - പെരിന്തൽമണ്ണ റൂട്ടിൽ ആംബുലൻസുകൾ അടക്കം മിക്ക സമയങ്ങളിലും ഗതാഗതക്കുരുക്കിൽപ്പെടുന്നതിനാൽ വലിയ പ്രയാസങ്ങൾ സൃഷ്ടിക്കുന്നു. അനധികൃത വാഹന പാർക്കിംഗും ട്രാഫിക് നിയമലംഘനങ്ങളും പരിശോധിക്കാൻ മങ്കടയിൽ സ്ഥിരം സംവിധാനമില്ല. ഗതാഗതക്കുരുക്ക് രൂക്ഷമാകുന്പോൾ ബസിലെ ജീവനക്കാരോ വഴിയാത്രക്കാരോ വ്യാപാരികളോ ഇടപെട്ടാണ് പലപ്പോഴും ട്രാഫിക് നിയന്ത്രിക്കുന്നത്. മങ്കട ടൗണിൽ കുറ്റമറ്റ ട്രാഫിക് സംവിധാനം വേണമെന്നതാണ് നാട്ടുകാരുടെ ആവശ്യം.

അങ്ങാടിപ്പുറം മേൽപ്പാലം: കട്ട വിരിക്കൽ ഇന്ന് മുതൽ

യാത്രക്കാർക്കായി പാലത്തിന്‍റെ ഇരുഭാഗത്തും ബസ് സൗകര്യം പെരിന്തൽമണ്ണ: ദേശീയപാതയിൽ അങ്ങാടിപ്പുറം മേൽപ്പാലത്തിന് സമീപം ഇന്‍റർലോക്ക് കട്ട വിരിക്കുന്ന പ്രവൃത്തി ഇന്ന് മുതൽ ആരംഭിക്കുന്നതിനാൽ പാലത്തിലൂടെയുള്ള ഗതാഗത നിയന്ത്രണം ഏർപ്പെടുത്തി. എന്നാൽ യാത്രക്കാരുടെ ബുദ്ധിമുട്ടുകളും സൗകര്യവും പരിഗണിച്ച് സ്വകാര്യബസുകൾ പാലത്തിന്‍റെ ഇരുഭാഗങ്ങളിലും (പടിഞ്ഞാറുഭാഗത്തും കിഴക്കുഭാഗത്തും) നിർത്തി യാത്രക്കാരെ ഇറക്കുകയും കയറ്റുകയും ചെയ്യുമെന്ന് ബന്ധപ്പെട്ടവർ അറിയിച്ചു. പടിഞ്ഞാറ് ഭാഗങ്ങളിൽ നിന്നുവരുന്ന ബസ് യാത്രക്കാരെ പടിഞ്ഞാറുഭാഗത്തുള്ള നിശ്ചിത സ്റ്റോപ്പിൽ ഇറക്കുകയും യാത്രക്കാരെ കയറ്റി തിരിച്ചുപോവുകയും ചെയ്യും. അതുപോലെ കിഴക്കുഭാഗങ്ങളിൽ നിന്നുവരുന്ന ബസുകൾ കിഴക്ക് ഭാഗത്തുള്ള സ്റ്റോപ്പിൽ ആളുകളെ ഇറക്കികയറ്റി തിരിച്ചു പോവുകയും ചെയ്യും. പെരിന്തൽമണ്ണയിൽ നിന്ന് അങ്ങാടിപ്പുറം വഴി മറ്റു ഭാഗങ്ങളിലേക്ക് പോകേണ്ട യാത്രക്കാർക്ക് പാലത്തിന്‍റെ രണ്ടുവശങ്ങളിലുമായി ബസുകൾ നിർത്തി ആളെ ഇറക്കുകയും കയറ്റുകയും ചെയ്യുന്നതിനാൽ വലിയ പ്രയാസം നേരിടില്ല. ഇരുഭാഗങ്ങളിലും നിർത്തിയിടുന്ന ബസുകൾക്ക് അതത് സമയങ്ങളിൽ യാത്രക്കാരുമായി യാത്ര തുടരാമെന്ന് ബസ് ഓപറേറ്റേഴ്സ് അസോസിയേഷൻ സെക്രട്ടറി മുഹമ്മദാലി ഹാജി അറിയിച്ചു. ഗതാഗതക്കുരുക്കുമായി ബന്ധപ്പെട്ട മറ്റു കാര്യങ്ങൾ ആർടിഒ, പോലീസ്, ജനപ്രതിനിധികൾ എന്നിവരുടെ സാന്നിധ്യത്തിൽ സ്ഥലം പരിശോധിച്ച് തീരുമാനങ്ങളെടുക്കുമെന്നും അദ്ദേഹം പറഞ്ഞു.

മഴയിൽ കിണർ ഇടിഞ്ഞുതാഴ്ന്നു

വണ്ടൂർ: കനത്ത മഴയെ തുടർന്ന് കിണർ ഇടിഞ്ഞുതാഴ്ന്നു. പോരൂർ പൂത്രക്കോസ് കാരക്കാട് നഗറിന് സമീപമുള്ള മണിമന്ദിരത്തിൽ വിജയന്‍റെ കിണറാണ് ആൾമറയടക്കം ഇടിഞ്ഞുതാഴ്ന്നത്. വർഷങ്ങളായി ഉപയോഗിക്കുന്ന കിണറാണ് തകർന്നത്. 31 റിംഗുകളും ആൾമറയും പന്പ്സെറ്റ് അടക്കം ഇടിഞ്ഞു താഴുകയായിരുന്നു. കഴിഞ്ഞ ദിവസം വൈകുന്നേരം നാലുമണിയോടെ പെയ്ത ശക്തമായ മഴക്കിടെയായിരുന്നു അപകടം. അഞ്ച് ലക്ഷം രൂപ നഷ്ടം കണക്കാക്കുന്നു.

നിറയെ കുഴികൾ; നിലന്പൂർ മിനിബൈപാസ് റോഡിലൂടെയുള്ള യാത്ര ദുഷ്കരം

നിലന്പൂർ: നിലന്പൂർ മിനിബൈപാസ് റോഡിലൂടെയുള്ള യാത്ര ദുരിതപൂർണം. നിലന്പൂർ മിൽമ പടിയിൽ നിന്ന് മിനി ബൈപാസ് റോഡിലേക്കുള്ള ലിങ്ക് റോഡ് ഉൾപ്പെടെ ഗർത്തങ്ങൾ കൊണ്ട് നിറഞ്ഞ അവസ്ഥയിലാണ്. മഴ പെയ്തതോടെ യാത്ര തീർത്തും ദുഷ്കരമായി. നിലന്പൂർ പുതിയ ബസ് സ്റ്റാൻഡിൽ നിന്ന് വഴിക്കടവ്, കാളികാവ്, എരുമമുണ്ട, പോത്തുകൽ, കക്കാടംപൊയിൽ ഭാഗങ്ങളിലേക്കുള്ള ബസുകൾ ഉൾപ്പെടെ ഈ ലിങ്ക്റോഡ് വഴിയാണ് കെഎൻജി റോഡിലേക്ക് എത്തുന്നത്. ബസുകൾ സാഹസികമായാണ് ഗർത്തങ്ങളിൽപ്പെടാതെ കടന്നുപോകുന്നത്. ഇരുചക്ര വാഹനങ്ങളും മറ്റു വാഹനങ്ങളും ഇതിലൂടെ കടന്നു പോകാൻ നന്നേ പ്രയാസപ്പെടുന്നു. ഓരോ വർഷവും നഗരസഭ ഫണ്ട് ഉപയോഗിച്ച് റോഡിലെ ഗർത്തങ്ങൾ അടയ്ക്കാറുണ്ടെങ്കിലും മഴ പെയ്താൽ റോഡിൽ കുഴികൾ രൂപപ്പെടുകയാണ്. തണ്ണീർത്തടങ്ങൾ നികത്തി പണിത റോഡായതിനാൽ ഈ റോഡിലെ ഗർത്തങ്ങൾ ഇല്ലാതാക്കാൻ അധികൃതർക്ക് കഴിയുന്നില്ല. കൂടാതെ ഓവുചാലുകൾ ഇല്ലാത്തതിനാൽ വെള്ളം റോഡിലെ കുഴികളിൽ കെട്ടി നിൽക്കുന്നു. ഇത് കടകളെയും ബാധിച്ചിട്ടുണ്ട്. നിലന്പൂർ പുതിയ ബസ് സ്റ്റാൻഡിന്‍റെ അവസ്ഥയും പരിതാപകരമാണ്. ബസ് സ്റ്റാൻഡ് മുഴുവൻ ചെറുതും വലുതുമായ കുഴികൾ കാരണം സ്റ്റാൻഡിൽ കയറുന്പോൾ ബസുകളുടെ ലീഫ് പൊട്ടുന്നത് പതിവായിട്ടുണ്ട്.

കാട്ടുപന്നികളെ വെടിവച്ച് കൊല്ലാനുള്ള അനുമതി നടപ്പാക്കാതെ ഭരണസമിതികൾ

നിലന്പൂർ: നിലന്പൂർ മേഖലയിൽ വന്യമൃഗശല്യം രൂക്ഷമാകുന്പോഴും കാട്ടുപന്നികളെ വെടിവച്ച് കൊല്ലാനുള്ള അനുമതി കാര്യക്ഷമമായി നടപ്പാക്കാതെ പഞ്ചായത്ത് ഭരണ സമിതികൾ. ലൈസൻസുള്ള തോക്കുകൾ ഉപയോഗിച്ച് കർഷകർക്ക് ഏറെ ഉപദ്രവം ചെയ്യുന്ന കാട്ടുപന്നികളെ കൊല്ലാൻ അനുമതിയുണ്ടെങ്കിലും നിലന്പൂർ, വണ്ടൂർ, ഏറനാട് മണ്ഡലങ്ങളിലെ ഒരു ഗ്രാമപഞ്ചായത്ത് ഭരണ സമിതിയും ഇക്കാര്യത്തിൽ കാര്യക്ഷമമായ ഇടപെടലുകൾ നടത്തുന്നില്ല. കാട്ടുപന്നി ആക്രമണങ്ങളിൽ ഓരോ വർഷവും നൂറുക്കണക്കിന് പേർക്കാണ് പരിക്കേൽക്കുന്നത്. നിലന്പൂർ നോർത്ത്, സൗത്ത് ഡിവിഷൻ പരിധികളിലായി ഏഴ് പേർക്കാണ് കാട്ടുപന്നികളുടെ ആക്രമണത്തിൽ ജീവൻ നഷ്ടമായത്. ഓരോ പഞ്ചായത്ത് പരിധികളിലും നൂറുക്കണക്കിന് കാട്ടുപന്നികളാണുള്ളത്. സ്വകാര്യ എസ്റ്റേറ്റുകളുടെ കാടുപിടിച്ച് കിടക്കുന്ന ഭാഗങ്ങൾ, ചതുപ്പ് നിലങ്ങൾ എന്നിവിടങ്ങളിലെല്ലാം കാട്ടുപന്നികളുടെ ആവാസ കേന്ദ്രങ്ങളാണ്. ഗ്രാമപഞ്ചായത്തുകൾ ചെറിയൊരു വിഹിതം കൂടി കാട്ടുപന്നികളെ വെടിവച്ച് കൊല്ലാനുള്ള തുകയിൽ കൂട്ടിയാൽ കൂടുതൽ കാട്ടുപന്നികളെ വെടിവച്ച് കൊല്ലാൻ കഴിയും. രാത്രിയിലും പുലർച്ചെയും റോഡുകളിലൂടെ വ്യാപകമായി കാട്ടുപന്നികൾ മുറിച്ച് കടക്കുന്നതാണ് അപകടങ്ങൾ വർധിക്കുന്നത്. ഓരോ വർഷവും ലക്ഷക്കണക്കിന് രൂപയുടെ കൃഷിയാണ് കാട്ടുപന്നികൾ നശിപ്പിക്കുന്നത്. എംഎൽഎമാർ തങ്ങളുടെ ആസ്തിവികസന ഫണ്ടിൽ നിന്ന് ഒരു വിഹിതം കാട്ടുപന്നികളെ വെടിവച്ച് കൊല്ലാനുള്ള ഫണ്ടിലേക്ക് നൽകണമെന്ന ആവശ്യമുയരുന്നുണ്ട്. വനം വന്യജീവി സംരക്ഷണ നിയമം നിലനിൽക്കുന്പോഴും ശല്യക്കാരായ കാട്ടുപന്നികളെ വെടിവച്ച് കൊല്ലാനുള്ള അനുമതി നിലവിലുണ്ട്. തെരഞ്ഞെടുപ്പ് കാലത്ത് ജനങ്ങളുടെ കണ്ണിൽ പൊടിയിടാൻ വന്യമൃഗശല്യത്തിനെതിരേ പ്രസംഗിക്കുന്നവരുടെ പാർട്ടികൾ പോലും അവരുടെ പഞ്ചായത്തിൽ ഈ അവസരം പ്രയോജനപ്പെടുത്തുന്നില്ലെന്നാണ് കർഷകർ പറയുന്നത്.

വാഹനാപകടത്തിൽ രണ്ടുവയസുകാരൻ മരിച്ചു

കരുവാരകുണ്ട്: കരുവാരകുണ്ട് അങ്ങാടിയിൽ ഉണ്ടായ വാഹനാപകടത്തിൽ രണ്ടുവയസുകാരൻ മരിച്ചു. രണ്ടുപേർക്ക് പരിക്കേറ്റു. കേരള എസ്റ്റേറ്റ് കന്പിപാലത്തിങ്ങലിലെ പുളിക്കാതൊടിക മുജീബ് മുസ്ലിയാരുടെ മകൻ നഫ്‌ലാനാണ് മരിച്ചത്. മുജീബ് മുസ്ലിയാർക്കും ഭാര്യ സഫിയക്കും സാരമായി പരിക്കേറ്റു. ഇരുവരെയും പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു. കരുവാരകുണ്ട് സർവീസ് സഹകരണ ബാങ്കിന് സമീപത്ത് ഇന്നലെ ഉച്ചയോടെയാണ് അപകടമുണ്ടായത്. ഭാര്യയെ ഡോക്ടറെ കാണിക്കാനായി ആശുപത്രിയിൽ സ്കൂട്ടറിൽ പോവുകയായിരുന്നു മുജീബ് മുസ്ലിയാർ. ഇതിനിടെ എതിർദിശയിൽ നിന്നെത്തിയ കാർ നിയന്ത്രണംവിട്ട് സ്കൂട്ടറിലിടിക്കുകയായിരുന്നു. റോഡരികിലെ മുന്നറിയിപ്പ് ബോർഡുകൾ തകർത്ത് ഫുട്പാത്തിൽ കയറിയാണ് കാർ നിന്നത്. മീറ്ററുകളോളം ദൂരത്തിലേക്ക് സ്കൂട്ടറും യാത്രക്കാരും തെറിച്ചുപോയി. സ്ഥലത്ത് ഓടിക്കൂടിയ നാട്ടുകാരും പോലീസും ചേർന്ന് പരിക്കേറ്റവരെ കരുവാരകുണ്ട് സഹകരണ ആശുപത്രിയിലെത്തിച്ചെങ്കിലും ഗുരുതരാവസ്ഥയെത്തുടർന്ന് പെരിന്തൽമണ്ണയിലെ സ്വകാര്യ ആശുപത്രിയിലേക്ക് മാറ്റുകയായിരുന്നു.

ഗതാഗത നിയന്ത്രണം

മലപ്പുറം: ജൽ ജീവൻ മിഷൻ താനാളൂർ പഞ്ചായത്തിലെ പ്രവൃത്തിയുടെ ഭാഗമായി പൈപ്പ് ലൈൻ സ്ഥാപിച്ച ഇട്ടിലാക്കൽ തെയ്യാല പിഡബ്ല്യുഡി റോഡിൽ ഇട്ടിലാക്കൽ മുതൽ വെള്ളച്ചാൽ വരെ റോഡ് പുനരുദ്ധാരണ പ്രവൃത്തി നടക്കുന്നതിനാൽ ഇന്ന് മുതൽ ഒരാഴ്ച ഗതാഗത നിയന്ത്രണം. വൈലത്തൂർ ഭാഗത്ത് നിന്ന് വെള്ളച്ചാൽ ഭാഗത്തേക്ക് പോകുന്നവരും തെയ്യാല, ഒഴൂർ ഭാഗങ്ങളിൽ നിന്ന് വൈലത്തൂർ ഭാഗത്തേക്ക് പോകുന്നവരും ഒഴൂർ- താനാളൂർ റോഡിലൂടെ തിരിഞ്ഞുപോകണം. സ്കൂൾ വാഹനങ്ങൾ കടത്തിവിടും.

കിണർ ഇടിഞ്ഞുതാഴ്ന്നു

എടക്കര: കനത്ത മഴയിൽ വീട്ടുമുറ്റത്തെ കിണർ ഇടിഞ്ഞുതാഴ്ന്നു. മരുത വേങ്ങാപാടത്തെ പരുത്തിക്കുന്നൻ മുജീബ് റഹ്മാന്‍റെ വീട്ടുമുറ്റത്തെ കിണറാണ് മഴയിൽ ആൾമറയടക്കം ഇടിഞ്ഞുതാഴ്ന്നത്. 33 റിംഗ് താഴ്ചയുള്ള കിണർ പൂർണമായും ഭൂമിക്കടിയിലായിട്ടുണ്ട്. വെള്ളം കയറ്റാനുപയോഗിക്കുന്ന മോട്ടോറും അനുബന്ധ പൈപ്പുകളും മണ്ണിനടിയിലാണ്.

ഏഴ് വയസുകാരന് പീഡനം; പ്രതിക്ക് 37 വർഷം കഠിന തടവ്

നിലന്പൂർ: ഏഴ് വയസുകാരനെ പ്രകൃതി വിരുദ്ധ ലൈംഗികാതിക്രമത്തിനിരയാക്കിയ പ്രതിക്ക് 37 വർഷം കഠിന തടവും 40000 രൂപ പിഴയും ശിക്ഷ. മേലാറ്റൂർ എടപ്പറ്റ അരിന്പ്ര സുകുമാരൻ (45) എന്ന നാണിക്കെതിരേയാണ് നിലന്പൂർ ഫാസ്റ്റ് ട്രാക്ക് സ്പെഷൽ കോടതി ജഡ്ജ് കെ.പി. ജോയ് ശിക്ഷ വിധിച്ചത്. 2020 മാർച്ച് രണ്ടിനാണ് കേസിനാസ്പദമായ സംഭവം. ഏഴ് വയസ് പ്രായമുള്ള കുട്ടിയെ പ്രതി താമസിക്കുന്ന ക്വാർട്ടേഴ്സിൽ വച്ച് മൊബൈൽ ഫോണിൽ അശ്ലീല വീഡിയോകൾ കാണിച്ച് ലൈംഗികാതിക്രമത്തിന് വിധേയമാക്കി എന്നാണ് കേസ്. എടക്കര പോലീസ് രജിസ്റ്റർ ചെയ്ത കേസിൽ ഇൻസ്പെക്ടറായിരുന്ന മനോജ് പറയട്ട, സബ് ഇൻസ്പെക്ടറായിരുന്ന അമീറലി എന്നിവരാണ് അന്വേഷണം നടത്തി പ്രതിക്കെതിരേ കുറ്റപത്രം സമർപ്പിച്ചത്. പ്രോസിക്യൂഷന് വേണ്ടി സ്പെഷൽ പബ്ലിക് പ്രോസിക്യൂട്ടർ അഡ്വ. സാം കെ. ഫ്രാൻസിസ് ഹാജരായി. പ്രോസിക്യൂഷന് വേണ്ടി 16 സാക്ഷികളെ വിസ്തരിച്ചു. 27 രേഖകൾ ഹാജരാക്കി. പ്രോസിക്യൂഷൻ ലൈസണ്‍ വിംഗിലെ സീനിയർ സിവിൽ പോലീസ് ഓഫീസർ പി.സി. ഷീബ പ്രോസിക്യൂഷനെ സഹായിച്ചു. പ്രതിയെ ശിക്ഷ അനുഭവിക്കുന്നതിനായി തവനൂർ ജയിലിലേക്ക് അയച്ചു.

യുവ കർഷകന്‍റെ സൂര്യകാന്തിത്തോട്ടം ശ്രദ്ധേയമാകുന്നു

ഏലംകുളം: തണ്ണിമത്തൻ വിപ്ലവത്തിന് ശേഷം സൂര്യകാന്തി തോട്ടമൊരുക്കി ഏലംകുളത്തെ യുവകർഷകൻ. ഏലംകുളം പാറക്കൽമുക്ക് സ്വദേശിയായ പരേതനായ ആറങ്ങോടൻ വീരാൻകുട്ടിയുടെ മകൻ അബൂബക്കർ സിദീഖാണ് രണ്ട് ഏക്കറിലധികം വരുന്ന സ്ഥലത്ത് സൂര്യകാന്തി പൂക്കൾ വിളയിച്ചത്. മരക്കച്ചവടം തൊഴിലായി കൊണ്ടുനടക്കുന്പോഴും സിദീഖിന്‍റെ മനസിൽ സൂര്യകാന്തിപ്പൂക്കളോട് താൽപ്പര്യം തോന്നിയിരുന്നു. തുടർന്ന് ഏലംകുളം കൃഷിവകുപ്പിന്‍റെ പിന്തുണയും ഉപദേശവുമായി സിദീഖ് ഏലംകുളം തോണിക്കടവ് ഭാഗത്തെ പാടത്ത് സൂര്യകാന്തി കൃഷിയിറക്കി. കൃഷിവകുപ്പ് ഉദ്യോഗസ്ഥരുടെ ഇടപെടലും ഗുണകരമായി. വരും വർഷങ്ങളിൽ കൂടുതൽ സ്ഥലം പാട്ടത്തിനെടുത്ത് തന്‍റെ കൃഷി വ്യാപിപ്പിക്കാനാണ് സിദീഖിന്‍റെ തീരുമാനം. സിദീഖിന്‍റെ സൂര്യകാന്തിത്തോട്ടം കാണാനും റീൽസ് എടുക്കാനും ഫോട്ടോക്കുമായി ഒട്ടേറെ പേരാണ് ദിവസവും ഇവിടെ എത്തുന്നത്. എത്തുന്നവരിൽ നിന്ന് ചെറിയൊരു തുക ഈടാക്കി പഞ്ചായത്തിലെ പരിരക്ഷാ ചികിത്സാ നിധിയിലേക്ക് സ്വരൂപിക്കാനും സിദീഖ് ശ്രദ്ധ കാണിക്കുന്നു. സൂര്യകാന്തി പൂക്കളുടെ മനോഹാരിത കാണാൻ എത്തുന്നവർക്കായി പയർ, വെണ്ട തുടങ്ങി മറ്റ് നാടൻ പച്ചക്കറികൾ ചെറിയ വിലയിൽ വിൽപ്പന നടത്തുകയും ചെയ്യുന്നുണ്ട് ഈ യുവ കർഷകൻ.

പുത്തൻ സാന്പത്തിക നയങ്ങൾ പൊതുമേഖല ബാങ്കുകളെ ദുർബലമാക്കുന്നു: പി.പി. സുനീർ എംപി

മലപ്പുറം: ഉദാരവത്കരണ നയങ്ങൾ പൊതുമേഖല ബാങ്കുകളെ ദുർബലപ്പെടുത്തുകയും സ്വകാര്യബാങ്കുകളെ പ്രോത്സാഹിപ്പിക്കുകയും ചെയ്യുകയാണെന്ന് പി.പി. സുനീർ എംപി. മലപ്പുറം മഹേന്ദ്രപുരി ഓഡിറ്റോറിയത്തിൽ നടന്ന ജില്ലാതല ബാങ്കിംഗ് അവലോകന സമിതി യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മലപ്പുറം ജില്ലയുടെ സാമൂഹിക, സാന്പത്തിക വികസനത്തിൽ ധനകാര്യ സ്ഥാപനങ്ങളുടെ പങ്ക് നിർണായകമാണെന്ന് അദ്ദേഹം പറഞ്ഞു. മലപ്പുറം ജില്ലയിൽ കഴിഞ്ഞ വർഷം കൂടുതൽ ബ്രാഞ്ചുകൾ വന്നത് സ്വകാര്യ മേഖലയിലാണ്. ഇന്ത്യയിലെ ഒരു സംസ്ഥാനത്ത് നിന്ന് കിട്ടാത്ത വരുമാനമാണ് കേരളത്തിൽ നിന്ന് പൊതുമേഖല ബാങ്കുകൾക്ക് ലഭിക്കുന്നത്. എന്നാൽ ജനങ്ങൾക്ക് അതിന്‍റെ പ്രയോജനം ലഭിക്കുന്നില്ല. ഗ്രാമീണ മേഖലകളിൽ പൊതുമേഖല ബാങ്കുകളുടെ ബ്രാഞ്ചുകൾ നിർബന്ധമായും വന്നാൽ തട്ടിപ്പുകൾ കുറയ്ക്കാനാകുമെന്നും അദ്ദേഹം പറഞ്ഞു. ചടങ്ങിൽ ഡെപ്യൂട്ടി കളക്ടർ ലത അധ്യക്ഷത വഹിച്ചു. ലീഡ് ഡിസ്ട്രിക്ട് മാനേജർ മലപ്പുറം അഞ്ജന ദേവ്, വി.എസ്. അഖിൽ, തിരുവനന്തപുരം ആർബിഐ എൽഡിഒ, എഫ്ഐഡിഡി വി.എസ്. അഖിൽ, കനറാ ബാങ്ക് അസിസ്റ്റന്‍റ് ജനറൽ മാനേജർ പുലി സായി കൃഷ്ണ, നബാർഡ് ജില്ലാ വികസന മാനേജർ മുഹമ്മദ് റിയാസ്, മലപ്പുറം ലീഡ് ബാങ്ക് മാനേജർ സി.ആർ. ബിനോയ് എന്നിവർ ബാങ്കിംഗ് പ്രവർത്തനങ്ങൾ വിശകലനം ചെയ്തു. പ്രവാസി നിക്ഷേപത്തിൽ ജില്ലയിൽ 13.72 ശതമാനത്തിന്‍റെ വളർച്ച രേഖപ്പെടുത്തിയതായി ബാങ്കിംഗ് അവലോകന സമിതി യോഗം വിലയിരുത്തി. കഴിഞ്ഞ സാന്പത്തിക വർഷം അവസാനിച്ചപ്പോൾ അഡ്വാൻസ് ഇനത്തിൽ 12,89,316 ലക്ഷം രൂപ ഉണ്ടായിരുന്നത് ഈ സാന്പത്തിക വർഷം അവസാനത്തിൽ 14,66,152 ലക്ഷം ആയി ഉയർന്നു. ആകെ നിക്ഷേപത്തിൽ 8.44 ശതമാനം വളർച്ച രേഖപ്പെടുത്തി. 2024ൽ 55,31,802 ലക്ഷം രൂപയായിരുന്നത് ഈ വർഷം അവസാനിക്കുന്പോൾ 59,98,585 ലക്ഷമായി ഉയർന്നു. ആകെ വായ്പാ നിക്ഷേപ അനുപാതത്തിൽ 10.67 ശതമാനം വളർച്ച രേഖപ്പെടുത്തി. 2024-25 സാന്പത്തിക വർഷം അവസാനിച്ചപ്പോൾ 36,91,614 ലക്ഷമായിരുന്നത് 40,85,365 ലക്ഷമായി ഉയർന്നു. കാഷ്യൽ ഡെപ്പോസിറ്റ് അനുപാതത്തിൽ 0.25 ശതമാനത്തിന്‍റെ കുറവ് രേഖപ്പെടുത്തി. കഴിഞ്ഞ സാന്പത്തിക വർഷം 68.27 ഉണ്ടായിരുന്നത് ഇത്തവണ 68.11 ലക്ഷമായി കുറഞ്ഞു. പ്രാഥമിക മേഖലയിൽ 2024-25 സാന്പത്തിക വർഷത്തിൽ 940000 ലക്ഷം രൂപയാണ് ലക്ഷ്യമിട്ടിരുന്നത്. ഇതിൽ 138 ശതമാനം നേട്ടമുണ്ടാക്കി. 12,95,463 ലക്ഷം രൂപയുടെ ലക്ഷ്യം കൈവരിക്കാൻ കഴിഞ്ഞു. ദ്വിതീയ മേഖലയിൽ 400000 ലക്ഷം രൂപ ലക്ഷ്യമിട്ടത് 4,01,222 ലക്ഷം രൂപയിലെത്തി. നൂറ് ശതമാനം നേട്ടം കൈവരിച്ചു. തൃതീയ മേഖലയിൽ 1,50000 ലക്ഷം ലക്ഷ്യമിട്ടത് 1,22,142 ലക്ഷം രൂപ കൈവരിച്ച് 81 ശതമാനം നേട്ടമുണ്ടാക്കിയെന്നും യോഗം വിലയിരുത്തി.

ജോയിന്‍റ് ആർടിഒമാരുടെ കള്ളക്കളി അവസാനിപ്പിക്കണം: ഐഎൻടിയുസി

മഞ്ചേരി: അഴിമതി നടത്തുന്ന ജോയിന്‍റ് ആർടിഒമാരെ കൈയോടെ പിടികൂടി നിയമത്തിനു മുന്നിൽ കൊണ്ടുവരുമെന്ന് ഐഎൻടിയുസി ജില്ലാ കമ്മിറ്റി. കൈമടക്കും പാരിതോഷികവും നൽകാത്ത ഡ്രൈവിംഗ് സ്കൂളുകളെ പീഡിപ്പിക്കുന്ന നയമാണ് ഇവർ സ്വീകരിക്കുന്നത്. ഡ്രൈവിംഗ് ടെസ്റ്റ് സ്ലോട്ടുകൾ മുഴുവനായും തുറക്കാതെയാണ് ഇവർ ചില ഡ്രൈവിംഗ് സ്കൂളുകളെ പീഡിപ്പിക്കുന്നത്. ലേർണിംഗ് കാലാവധി തീരുന്ന പേപ്പറുകൾക്ക് 60 ദിവസം സ്ലോട്ടുകൾ അനുവദിക്കേണ്ടതാണ്. എന്നാൽ പലപ്പോഴും ഇത് 15 ദിവസമായി ചുരുക്കുകയാണ്. എന്നാൽ ചില ഡ്രൈവിംഗ് സ്കൂളുകൾക്ക് ഡ്രൈവിംഗ് ടെസ്റ്റ് സ്ലോട്ടുകളും ലേണിംഗ് ടെസ്റ്റ് സ്ലോട്ടുകളും യഥേഷ്ടം അനുവദിക്കുന്നുമുണ്ട്. തിരൂർ ജോയിന്‍റ് ആർടിഒക്കെതിരേ ഇത്തരത്തിലുള്ള നിരവധി പരാതികളാണ് ഇതിനകം ഉയർന്നത്. വിവേചനപരമായ നടപടി തുടരുന്ന പക്ഷം ശക്തമായ പ്രതിഷേധ നടപടികൾ ആസൂത്രണം ചെയ്ത് നടപ്പാക്കാൻ യോഗം തീരുമാനിച്ചു. യോഗം ജില്ലാ പ്രസിഡന്‍റും മഞ്ചേരി നഗരസഭാ വൈസ് ചെയർമാനുമായ വി.പി. ഫിറോസ് ഉദ്ഘാടനം ചെയ്തു. മോട്ടോർ തൊഴിലാളി ഫെഡറേഷൻ ജില്ലാ പ്രസിഡന്‍റ് ജോമേഷ് തോമസ് അധ്യക്ഷത വഹിച്ചു. ജില്ലാ ഭാരവാഹികളായ ഹസൻ പുല്ലംകോട്, സുബൈർ പാച്ചേരി, അറക്കൽ കൃഷ്ണൻ, ജയൻ അറക്കൽ എന്നിവർ പ്രസംഗിച്ചു.

കെഎസ്‌യു സംഘടിപ്പിച്ച മാർച്ചിൽ സംഘർഷം

വണ്ടൂർ:ജില്ലയിലെ പ്ലസ് വണ്‍ സീറ്റ് അപര്യാപ്തതയിൽ പ്രതിഷേധിച്ച് കെഎസ്‌യു വണ്ടൂർ മണ്ഡലം കമ്മിറ്റി ഡിഇഒ ഓഫീസിലേക്ക് നടത്തിയ മാർച്ചിൽ സംഘർഷം. ഡിഇഒ ഓഫീസ് പരിസരത്തുവച്ച് പോലീസ് സമരക്കാരെ തടഞ്ഞതോടെ പ്രവർത്തകർ റോഡ് ഉപരോധിച്ചു. തുടർന്ന് സമരക്കാരെ പോലീസ് അറസ്റ്റ് ചെയ്തു നീക്കി. പ്ലസ് വണ്‍ സീറ്റ് വിഷയം അടിയന്തരമായി പരിഹരിച്ചിട്ടില്ലെങ്കിൽ ശക്തമായ പ്രതിഷേധ സമരങ്ങളുമായി മുന്നോട്ടു പോകുമെന്ന് പ്രതിഷേധക്കാർ പറഞ്ഞു. മാർച്ച് കോണ്‍ഗ്രസ് ബ്ലോക്ക് വൈസ് പ്രസിഡന്‍റ് റഹീം മൂർക്കൻ ഉദ്ഘാടനം ചെയ്തു. അൻഷിഫ് അധ്യക്ഷത വഹിച്ചു. കെഎസ്‌യു ജില്ലാ വൈസ് പ്രസിഡന്‍റ് നിയാസ് കോഡൂർ മുഖ്യപ്രഭാഷണം നടത്തി. ജില്ലാ സെക്രട്ടറിമാരായ ശ്യാം പന്താർ, അഡ്വ. ജ്യോതിസ് ജോജി, മുഹമ്മദ്ഫൻ സാബ്, പോരൂർ മണ്ഡലം കെഎസ്‌യു പ്രസിഡന്‍റ് ഷാമിൽ, അഖിൽ, ശുഹൈബ് അക്ബർ, ആദർശ് തുടങ്ങിയവർ നേതൃത്വം നൽകി.

അർധനാരീശ്വര ക്ഷേത്രത്തിൽ 1008 കുടം ജലാഭിഷേകം നാളെ

അരക്കുപറന്പ്: പെരിന്തൽമണ്ണ താലൂക്കിലെ അരക്കുപറന്പ് വെളിങ്ങോട് അർധനാരീശ്വര ക്ഷേത്രത്തിൽ നാളെ പ്രതിഷ്ഠാദിന ചടങ്ങുകളും 1008 കുടം ജലാഭിഷേക ചടങ്ങുകളും നടക്കും.രാവിലെ ഗണപതി ഹോമം, ഭഗവത്‌സേവ, മൃത്യുഞ്ജയ ഹോമം. തുടർന്നാണ് ജലാഭിഷേക ചടങ്ങുകൾ. ദേവന് വിശേഷാൽ ചതുഃശത സമർപ്പണവും തുടർന്ന് പ്രസാദ ഊട്ടും ഉണ്ടായിരിക്കും. പ്രദക്ഷിണ വഴിയും ശ്രീകോവിലും നമസ്കാര മണ്ഡപവും പൂർണമായും ജലത്തിൽ നിറഞ്ഞുനിൽക്കുന്ന ക്ഷേത്രമാണിത്. രാവിലെ ആറു മുതൽ 9.30 വരെയും വൈകുന്നേരം 5.30 മുതൽ ഏഴ് വരെയുമാണ് പൂജാസമയം. ഞായറാഴ്ചകളിൽ രാവിലെ ആറ് മുതൽ 10.30 വരെയായിരിക്കും. രണ്ടാമത്തെയും നാലാമത്തെയും ഞായറാഴ്ചകളിൽ ഉമാമഹേശ്വര പൂജ ഉണ്ടായിരിക്കും.

അയൽക്കൂട്ടം പ്രവർത്തകർക്കായി വൈദ്യുതി സുരക്ഷാബോധവത്കരണം

പെരിന്തൽമണ്ണ: ദേശീയ വൈദ്യുതി സുരക്ഷവാരാചരണത്തിന്‍റെ ഭാഗമായി കുടുംബശ്രീ അയൽക്കൂട്ടം പ്രവർത്തകർക്കായി വൈദ്യുതി സുരക്ഷ ബോധവത്കരണം നടത്തി. പെരിന്തൽമണ്ണ ബ്ലോക്ക് പഞ്ചായത്ത് കോണ്‍ഫറൻസ് ഹാളിൽ നടന്ന പരിപാടി കെഎസ്ഇബി പെരിന്തൽമണ്ണ സബ് ഡിവിഷൻ അസിസ്റ്റന്‍റ് എക്സിക്യൂട്ടീവ് എൻജിനിയർ സി. മുഹമ്മദ് റഫീഖ് ഉദ്ഘാടനം ചെയ്തു. സബ് എൻജിനിയർ സി. അബ്ദുസലീം ക്ലാസെടുത്തു. വൈദ്യുതി ലൈനിന് സമീപം ഇരുന്പുതോട്ടി ഉപയോഗിക്കാതിരിക്കുക, അനധികൃതമായ വൈദ്യുതി വേലികൾ സ്ഥാപിക്കാതിരിക്കുക, എല്ലാ വൈദ്യുതി പ്രതിഷ്ഠാപനങ്ങളിലും പ്രവർത്തനക്ഷമമായ എർത്ത് ലീക്കേജ് സർക്യൂട്ട് ബ്രേക്കർ (ഇഎൽസിബി) ഉറപ്പുവരുത്തുക തുടങ്ങിയ വിഷയങ്ങൾ വിശദീകരിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]