വൈക്കം: മഹാത്മജിയുടെ രക്തസാക്ഷിത്വ ദിനാചരണത്തിന്റെ ഭാഗമായി വൈക്കം ബ്ലോക്ക് കോൺഗ്രസ് കമ്മറ്റിയുടെ നേതൃത്വത്തിൽ ഗാന്ധി ചിത്രത്തിൽ പുഷ്പാർച്ചനയും അനുസ്മരണ സമ്മേളവും നടത്തി. ബ്ലോക്ക് കോൺഗ്രസ് പ്രസിഡന്റ് അക്കരപ്പാടം ശശി അനുസ്മരണ സമ്മേളനം ഉദഘാടനം ചെയ്തു. കെപിസിസി നിർവാഹക സമിതിയംഗം മോഹൻ ഡി. ബാബു മുഖ്യപ്രഭാഷണം നടത്തി. ജില്ലാ കോൺഗ്രസ് കമ്മറ്റി അംഗങ്ങളായ അബ്ദുൾ സലാം റാവുത്തർ, ജയ് ജോൺ, ബി. അനിൽകുമാർ, നഗരസഭാ ചെയർപേഴ്സൺ രാധികാശ്യാം, വൈസ് ചെയർമാൻ പി.ടിസുഭാഷ്, വിവേക് പ്ലാത്താനത്ത് തുടങ്ങിയവർ പ്രസംഗിച്ചു.
ടിവി പുരം: ടിവി പുരം മണ്ഡലം കോൺഗ്രസ് കമ്മറ്റിയുടെനേതൃത്വത്തിൽ മണ്ഡലത്തിലുടനീളം വിജയഭേരി യാത്ര നടത്തി
ടിവി പുരം കവലയിൽനിന്ന് ആരംഭിച്ച യാത്ര വൈക്കം ബ്ലോക്ക് കോൺഗ്രസ് പ്രസിഡന്റ് അക്കരപ്പാടം ശശി ഉദ്ഘാടനം ചെയ്തു. മണ്ഡലം പ്രസിഡന്റ് എസ്.സാനു അധ്യക്ഷത വഹിച്ചു. ഡിസിസി ജനറൽ സെക്രട്ടറി അബ്ദുൽ സലാം റാവുത്തർ മുഖ്യ പ്രഭാഷണം നടത്തി. ബി. അനിൽകുമാർ, കെ.എസ്. ബാഹുലേയൻ, ടി. അനിൽകുമാർ, ശ്രീരാജ് ഇരുമ്പേപള്ളി, ബിജു കൂട്ടുങ്കൽ, വർഗീസ് പുത്തൻചിറ തുടങ്ങിയവർ പ്രസംഗിച്ചു. കോട്ടചിറ സ്പില്വേ ജംഗ്ഷനിൽ നടന്ന സമാപന സമ്മേളനം കെപിസിസി നിർവാഹക സമിതി അംഗം മോഹൻ ഡി. ബാബു ഉദ്ഘാടനം ചെയ്തു.
ബ്രഹ്മമംഗലം: ചെമ്പ് മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ പുഷ്പാർച്ചനയും പതാക ഉയർത്തലും നടത്തി.
പദയാത്രയ്ക്ക് ഐക്യദാർഢ്യം പ്രഖ്യാപിച്ച് നടത്തിയ ആഹ്ളാദ പ്രകടനം പഞ്ചായത്തു കവലയിൽ നിന്നാരംഭിച്ച് കല്ലുകുത്താൻകടവ്, മാണിക്കവല, കുരിശുപള്ളി വഴി മാർക്കറ്റിൽ അവസാനിച്ചു. ഐഎൻ ടിയുസി ഓഫീസിനു മുന്നിൽ നടത്തിയ സമ്മേളനം കോൺഗ്രസ് ബ്ലോക്ക് ജനറൽ സെക്രട്ടറി എസ്. ജയപ്രകാശ് ഉദ്ഘാടനം ചെയ്തു.പി.വിസുരേന്ദ്രൻ അധ്യക്ഷത വഹിച്ചു. യൂത്ത് കോൺഗ്രസ് നിയോജകമണ്ഡലം വൈസ് പ്രസിഡന്റ് കെ.കെ. കൃഷ്ണകുമാർ മുഖ്യപ്രഭാഷണം നടത്തി, റെജിമേച്ചേരി, കെ.ജെ. സണ്ണി തുടങ്ങിയവർ പങ്കെടുത്തു.
മറവൻതുരുത്ത്: മറവൻതുരുത്ത് മണ്ഡലം കോൺഗ്രസ് കമ്മറ്റിയുടെ നേതൃത്വത്തിൽ നടത്തിയ സമ്മേളനം ഡിസിസി ജനറൽ സെക്രട്ടറി പി.വി. പ്രസാദ് ഉദ്ഘാടനം ചെയ്തു. മണ്ഡലം കോൺസ് പ്രസിഡന്റ് പി.സി തങ്കരാജിന്റെ അധ്യക്ഷതയിൽ ചേർന്ന യോഗത്തിൽ ഡിസിസി മെമ്പർ എം.കെ. ഷിബു, ബ്ലോക്ക് കോൺഗ്രസ് ജനറൽ സെക്രട്ടറി കെ. സിയാദ് ബഷീർ, മോഹൻ കെ. തോട്ടുപുറം തുടങ്ങിയവർ സംബന്ധിച്ചു.
തലയോലപ്പറമ്പ്: തലയോലപ്പറമ്പ് ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ പതാക ഉയർത്തി. തുടർന്ന് തലയോലപറമ്പ് സെൻട്രൽ ജംഗ്ഷനിൽ നടന്ന സമ്മേളനം ബ്ലോക്ക് കോൺഗ്രസ് കമ്മറ്റി പ്രസിഡന്റ് പി.പി. സിബിച്ചൻ പതാക ഉയർത്തി ഉദ്ഘാടനം ചെയ്തു. പി.വി. പ്രസാദ്, വി.കെ ശശിധരൻ വാളവേലി, എം. അനിൽകുമാർ, എൻ.സി തോമസ്, എസ്. ജയപ്രകാശ് എന്നിവർ പ്രസംഗിച്ചു.