പോ​ലീ​സി​ല്ല, തെ​ങ്ങ​ണ​യി​ല്‍ ഗ​താ​ഗ​തം നി​യ​ന്ത്രി​ക്കാ​ന്‍ ഹോം​ഗാ​ര്‍ഡ് മാ​ത്രം; വാ​ഹ​ന​യാത്രികർ‍ ദു​രി​ത​ത്തി​ലാ​യി
Saturday, June 10, 2023 12:55 AM IST
തെ​ങ്ങ​ണ: വൈ​ദ്യു​തി പോ​സ്റ്റ് റോ​ഡി​ലേ​ക്കു​വീ​ണ് ഗ​താ​ഗ​തം നി​ല​ച്ച തെ​ങ്ങ​ണ​യി​ല്‍ ഗ​താ​ഗ​തം നി​യ​ന്ത്രി​ക്കാ​നുണ്ടായിരുന്നത് ഒ​രു ഹോം​ഗാ​ര്‍ഡ് മാ​ത്രം. ഗ​താ​ഗ​ത നി​യ​ന്ത്ര​ണ​ത്തി​നും റോ​ഡ് തി​രി​ച്ചു​വി​ടു​ന്ന​തി​നു​മാ​യി തൃ​ക്കൊ​ടി​ത്താ​നം പോ​ലീ​സ് വേ​ണ്ട​ത്ര ക്ര​മീ​ക​ര​ണ​ങ്ങ​ള്‍ ഏ​ര്‍പ്പെ​ടു​ത്തി​യി​ല്ലെ​ന്ന് ആ​ക്ഷേ​പം.
ഇ​ന്ന​ലെ രാ​വി​ലെ 9.15 മു​ത​ലാ​ണ് തെ​ങ്ങ​ണയി​ല്‍ ഗ​താ​ഗ​തം ത​ട​സ​പ്പെ​ട്ട​ത്. സം​ഭ​വ​സ​മ​യ​ത്ത് തൃ​ക്കൊ​ടി​ത്താ​നം സ്റ്റേ​ഷ​നി​ല്‍നി​ന്നും ര​ണ്ട് പോ​ലീ​സു​കാ​ര്‍ എ​ത്തി​യെ​ങ്കി​ലും അ​ധി​കം വൈ​കാ​തെ ഹോം​ഗാ​ര്‍ഡി​നെ ചു​മ​ത​ല​യേ​ല്‍പ്പി​ച്ച് അ​വ​ര്‍ മ​ട​ങ്ങി​യ​താ​യി വ്യാ​പാ​രി​ക​ളും നാ​ട്ടു​കാ​രും പ​റ​ഞ്ഞു.
സം​ഭ​വ​ത്തെ​ത്തു​ട​ര്‍ന്ന് തെ​ങ്ങ​ണ ജം​ഗ്ഷ​നി​ല്‍ ഇ​ന്ന​ലെ വൈ​കു​ന്നേ​രം വ​രെ ക‌ടുത്ത ഗ​താ​ഗ​ത പ്ര​ശ്‌​ന​ങ്ങ​ളാ​ണ് സം​ഭ​വി​ച്ച​ത്. ച​ങ്ങ​നാ​ശേ​രി​യി​ലേ​ക്കും ക​റു​ക​ച്ചാ​ലി​ലേ​ക്കു​മു​ള്ള വാ​ഹ​ന​ങ്ങ​ള്‍ വ​ഴി​തി​രി​ച്ചു​വി​ട്ട​തു​മൂ​ലം ഇ​രു​ച​ക്ര​വാ​ഹ​ന സ​ഞ്ചാ​രി​ക​ളും ബ​സു​ക​ളും ഉ​ള്‍പ്പെ​ടെ​യു​ള്ള​വ​ര്‍ ദു​രി​ത​ത്തി​ലാ​യി. പ​ല വാ​ഹ​ന​ങ്ങ​ളും റോ​ഡു​ക​ളി​ല്‍ പൈ​പ്പ് സ്ഥാ​പി​ക്കു​ന്ന​തി​നാ​യി കു​ഴി​ച്ച കു​ഴി​ക​ളി​ല്‍ പ​തി​ച്ച​തും പ്ര​തി​സ​ന്ധി​ക്കി​ട​യാ​ക്കി.
തൃ​ക്കൊ​ടി​ത്താ​നം സ്റ്റേ​ഷ​നി​ല്‍ വേ​ണ്ട​ത്ര പോ​ലീ​സ് ഇ​ല്ലാ​ത്ത​താ​ണ് വി​വി​ധ സ്ഥ​ല​ങ്ങ​ളി​ലെ ഗ​താ​ഗ​ത നി​യ​ന്ത്ര​ണ​മ​ട​ക്കം പ്ര​തി​സ​ന്ധി​ക്കു കാ​ര​ണ​മെ​ന്നാ​ണ് പോ​ലീ​സ് ചൂ​ണ്ടി​ക്കാ​ട്ടു​ന്ന​ത്. തെ​ങ്ങ​ണ, മാ​മ്മൂ​ട്, പെ​രു​മ്പ​ന​ച്ചി ജം​ഗ്ഷ​നു​ക​ളി​ല്‍ രാ​വി​ലെ​യും വൈ​കു​ന്നേ​ര​ങ്ങ​ളി​ലും കൂ​ടു​ത​ല്‍ പോ​ലീ​സു​കാ​രെ നി​യോ​ഗി​ക്കാ​ന്‍ ഉ​യ​ര്‍ന്ന പോ​ലീ​സ് അ​ധി​കാ​രി​ക​ള്‍ ഇ​ട​പെ​ട​ണ​മെ​ന്ന ആ​വ​ശ്യം ശ​ക്ത​മാ​ണ്.

Copyright @ 2022 , Rashtra Deepika Ltd.