ഈരാറ്റുപേട്ട: ജില്ലാ പഞ്ചായത്ത് പദ്ധതിയിൽ ഉൾപ്പെടുത്തി പൂഞ്ഞാർ ഡിവിഷനിലെ വിവിധ പ്രദേശങ്ങളിൽ സ്ഥാപിച്ച മിനി ഹൈ മാസ്റ്റ് ലൈറ്റുകളുടെ ഉദ്ഘാടനം ജില്ലാ പഞ്ചായത്തംഗം ഷോൺ ജോർജ് നിർവഹിച്ചു.
മങ്കൊമ്പ് ക്ഷേത്രം ജംഗ്ഷൻ, തേവർപ്പാടം ജംഗ്ഷൻ, പൂവത്തിനാൽ ജംഗ്ഷൻ, കാളകെട്ടി ട്യൂഷൻ സെന്റർ ജംഗ്ഷൻ, ചേരാനി ജംഗ്ഷൻ, തിടനാട് മഹാക്ഷേത്രം പടിഞ്ഞാറെ നട, വെള്ളികുളം,തലനാട് ടൗൺ, വഴിക്കടവ്-കല്ലില്ലകവല എന്നിവിടങ്ങളിലാണ് മിനി ഹൈ മാസ്റ്റ് ലൈറ്റുകൾ സ്ഥാപിച്ചത്. ഇടുക്കി കെഎസ്ഇബി സെക്ഷന്റെ കീഴിലായതിനാൽ വിനോദസഞ്ചാര കേന്ദ്രമായ ഇലവീഴാപൂഞ്ചിറയിൽ സ്ഥാപിച്ച മിനി ഹൈ മാസ്റ്റിന്റെ ഉദ്ഘാടനം അടുത്തയാഴ്ച നിർവഹിക്കുമെന്നു ഷോൺ ജോർജ് അറിയിച്ചു.15 ലക്ഷം രൂപയാണ് പദ്ധതി നടപ്പിലാക്കുന്നതിനായി ജില്ലാ പഞ്ചായത്ത് പദ്ധതിയിൽനിന്നു അനുവദിച്ചത്.
വിവിധ സ്ഥലങ്ങളിൽ നടന്ന ഉദ്ഘാടന ചടങ്ങുകളിൽ ഈരാറ്റുപേട്ട ബ്ലോക്ക് പഞ്ചായത്ത് പ്രസിഡന്റ് ആർ. ശ്രീകല, തലപ്പലം പഞ്ചായത്ത് പ്രസിഡന്റ് അനുപമ വിശ്വനാഥ്, തിടനാട് പഞ്ചായത്ത് പ്രസിഡന്റ് വിജി ജോർജ്, ഈരാറ്റുപേട്ട ബ്ലോക്ക് പഞ്ചായത്ത് വൈസ് പ്രസിഡന്റ് കുര്യൻ നെല്ലുവേലിൽ, ബ്ലോക്ക് പഞ്ചായത്തംഗം ബിന്ദു സെബാസ്റ്റ്യൻ പഞ്ചായത്ത് അംഗങ്ങളായ ജോഷി ജോഷ്വ, സോളി ഷാജി, സ്റ്റെല്ല ജോയി, എൽസമ്മ തോമസ്, ബിനോയ് ജോസഫ്, മോഹനൻ കുട്ടപ്പൻ, റോബിൻ ജോസഫ്, തിടനാട് സർവീസ് സഹകരണ ബാങ്ക് പ്രസിഡന്റ് തോമസ് വടകര തുടങ്ങിയവർ പങ്കെടുത്തു.