മാതാപിതാക്കള്ക്ക് ഡിജിറ്റല് പരിശീലനവുമായി കുട്ടികള്
1430919
Sunday, June 23, 2024 4:43 AM IST
ഭരണങ്ങാനം: കുട്ടികള് തന്നെ അവരുടെ മാതാപിതാക്കള്ക്ക് ഡിജിറ്റല് രംഗത്തെ നൂതന സാധ്യതകള് പരിചയപ്പെടുത്തിയ പരിപാടി ശ്രദ്ധേയമായി. ഭരണങ്ങാനം സേക്രട്ട് ഹാര്ട്ട് ഗേള്സ് ഹൈസ്കൂളിലെ ലിറ്റില് കൈറ്റ്സ് കുട്ടികളാണ് മാതാപിതാക്കള്ക്കായി വ്യത്യസ്തമായ ക്ലാസ് നടത്തിയത്.
ആര്ട്ടിഫിഷ്യല് ഇന്റലിജന്സ്, സ്പാം കോള്സ്, ഓണ്ലൈന് തട്ടിപ്പുകള്, സിരി, അലക്സ തുടങ്ങി ഡിജിറ്റല് മേഖലയുമായി ബന്ധപ്പെട്ട വിവിധ വിഷയങ്ങള് കുട്ടികള് വീഡിയോയിലൂടെയും ഷോര്ട്ട് ഫിലിമുകളിലൂടെയും സ്ലൈഡുകളിലൂടെയും ലളിതമായി മാതാപിതാക്കള്ക്ക് വിശദമാക്കിക്കൊടുത്തു.